舌尖上的蔡瀾's Profile

呢間舖頭D Gelato好驚艷😍！佢嘅口感好獨特，比起傳統的冰淇淋仲滑順，而且極度濃郁，正到呢。我叫左薄荷巧克力口味Gelato，佢嘅味道好清新，而且薄荷和巧克力比例非常完美，兩隻味配搭恰到好處。舖頭都提供了其他口味，如草莓、芒果，荔枝，哈密瓜，榴槤等水果口味Gelato，仲係無添加糖，食落冇負擔又健康。順帶一提，佢哋都有家庭裝賣，可以門市買或者網上訂會送到屋企，都幾方便下，極力推薦大家嚟試吓，真心冇得頂！👍…Read More

今晚開OT， 一收工都成凌晨兩點，四周搵下都無咩野食，好彩附近仲有一間開24啲翠華。一入到去勁餓，想話黎個三菜一湯，點知個丫姐話只有面食同野飲可以叫，我當堂啞左，真心伏左。咁我為有叫個三文治算了。三文治分切四份上台， 外觀吸引 ，單靠買相都似系足料，有 蕃茄，芝士，生菜，午餐肉加埋烘過GA包皮包裹住，口感層次一流，值等一讚。四小份食曬，一個字飽肚。希望下次再黎， 有多啲宵夜款式可以選擇啦。…Read More

今日下周同女朋友新都城行街，行到8點幾，有啲餓，女朋友推介左呢間people lunch，於是過黎一試。 我叫左個咖喱芝士黑椒牛肉飯，一上台一陣牛肉味撲鼻而來，落埋啲配汁，牛同芝士汁緊緊地交融系一齊，食落一啲都吾乾，仲好惹味添！！😆整體黎講都算OK！！…Read More

今晚收工9點幾同幾個食肉獸朋友，一齊力戰熊本馬拉松式燒肉。這個任食和牛放題，光是和牛已經有4種部位可供選擇。款款油花充足，口感、油香、肉味各有不同，富牛油香的西冷、肉味濃的牛頸肉、有咬口的牛肋，可以一次過試勻多種滋味。另外，店內亦提供大量冷盤小食，日式拉麵店要有的都會有，氣水任喝是常式吧。一句講洗，只要你入得黎，就要你飽住走。燒肉以外，仲可以叫海鮮拼盤，除了蝦膏蟹膏甲羅燒，還有朝鮮生蠔、 虎蝦、扇貝和蚌，全部肥美又新鮮。 我哋試咗個龍蝦湯 味道鮮味， 隻龍蝦仲可以食埋落肚㖭，足料！！…Read More

今日下周，我同女朋友九龍灣 佐敦谷泳池游完水，勁餓囉，於是我地四處搵好野食， 我一向都比較鍾意食日本嘢於是我哋就揀咗別府黎試下。 餐廳裏面 座位好多，唔使點排隊就可以 入去食嘢， 我哋睇咗menu， 睇到我哋眼花繚亂， 有刺身， 小食 、麵食、 冷盤、 壽司， 野食好多元化，正丫。 另外服務員態度好好 未嗌嘢食已經喺附近做準備落單值得一贊。尼款血之地獄刺身，單睇賣相已經好吸引勒，兩條蟹柳房隻手掌咁長，淡淡蟹香撲鼻而黎，食落鮮味十足…Read More

今日同朋友仔經過旺角諗住食泰國野，上網搵左一下資料，尼間泰國海南雞評價都吾錯，所以決定一試。首先試左，招牌海南雞飯先， 原隻斬件 ，冇任何點綴， 賣相比較單調 但係 落去嘅味道可以接受， 隻雞好鮮甜，口感 嫩滑彈牙， 雞肉 煙韌有趙勁， 配埋白飯食一流， 可惜個飯 有啲 硬，有點難入口。 跟住試埋個咖哩海南雞，入口肉滑溜醇香，肥而不腻，不錯。…Read More

今日同同事去希慎food court 食飯，我平時都仲意食叉燒，於是就想試下好燒味，睇下系吾系聞如其名先。地叫左三個飯，我同事都叫左核蛋叉燒，而我就叫左三拼飯諗住大家可以share，好餓丫開飯先 ！！首先，叉燒呈半肥瘦, 並採制慢煮燒法, 加上肥瘦度十分平均,味濃而且肉質鬆化,一點不覺得鞋口,這一點做得好出色。但系，美中不足系 燶邊部份沒有做到那種大炭爐燒出來十足惹味的效果,比較健康卻存有一點遺憾。另外， 叉燒 汁的調味上卻是非常一般,沒有特別惹味和突出，我諗應該系 叉汁太少 嘅關系啦！ 小小失望。另外其餘兩種燒味分別係燒鵝同燒肉， 基本上平平無奇， 冇乜特別驚喜，但 我個人認為作為一間燒味專門店 ，有點不配好燒味三字，或者可以叫做文青燒味.......哈哈.3.…Read More

今日6點幾早收，個肚勁餓但又吾想食晚餐住，因為一陣約左人食野，於是四處睇下有咩小食，見到間唐記包點，諗返起同事對於佢GA評價都吾錯，於是就想試下勒！！ 一入到大門口， 雖然冇豪華嘅裝修但整齊嘅間隔 乾淨嘅環境令人安心。 本身諗住 要個叉燒包食， 可能係太晏， 好多點心都賣曬 唯有嗌個沙爹牛肉包 裏面嘅餡料 豐富 有牛肉 木耳 蘿蔔絲 等配料口感一流， 亦唔會太鹹 值得再試。另外我亦都嗌咗鮮竹卷， 15蚊3件，價錢合理。 個鮮竹卷整體嚟講都算ok裏面， 但係 唯一可以挑剔嘅係 腐皮太淋勒， 我個人吾太鍾意，如果 腐皮 乾身啲嘅話，我諗口感層次可以再加分。 當我食完呢兩個點心，嗰陣時其實有啲後悔 .........因為太飽了下次可以當晚餐。 …Read More

晚上在旺角找位食晚餐有時好頭痛，間間都勁多人,經過山東道見沙嗲皇招牌二話不說上樓入内用餐,因為真系多位,吾洗企系度等。見到個餐牌勁多野食又餓,一口氣點左3款野食。首先到ga系咖哩簿餅,食落質感好鬆軟，外皮帶點酥脆，不論配上一口雞還是白咖哩，味道同樣地好夾。另外,值得一提系佢個一口炸雞球,雞肉軟滑香脆,一口一粒,乾淨俐落,好適合注重食相ga女生!!之後再叫左一個招牌白咖哩豬扒,d豬扒大大件又厚身, 咬落去好彈牙, 又有矛香味,正到我個人,好吾冷靜丫!但系,雖然吾洗等,但d野食要等好耐20min啦差吾多!!…Read More

Happy Friday，約了友人到Sodam Chicken食飯，韓國炸雞，以主打各款炸雞及焗雞出名，其他食物都不俗，即想試下了，因冇book位，要早點去等，友人在尖沙咀返工，放工6點幾去到，都已經好多人等位了~果然好受歡迎(加上星期五)，預計等候時間約25分鐘，因唔太肚餓，一齊照等了一開波叫個雙重芝士炸雞先,雞件上均勻地灑滿巴馬臣及車打芝士粉，味道濃郁，單是香氣已叫人流口水,一入口炸雞香脆惹味肉質均能保持嫩滑，抵讚。不過，可能是雞本身較細隻的關係，雞骨較多，希望店方能選擇肥美多一點的雞隻啦!!…Read More

我素來甚少主動要吃雞煲，直至看到網上關於奶奶雞炮制啲資料，心中竟然湧起無窮慾望要到來一試.一黎到當然要叫店內鎮店之寶辛安東元祖奶奶雞,雞煲裹面均有韓國醬油、蠔油、指天椒等配材再加入蘿蔔薯仔青瓜和水晶粉,增加口感層次.可選大中小或不辣，另外,佢地可選半隻或全隻雞。雞件，分量多，雞件入味，水晶粉Q彈。醬汁杰身，鹹辣兼備，但我個人就略嫌不夠甜，但好香濃。吃完雞後，餘下的雞汁別浪費，拌飯吃很滋味喔。假期比較多人,最好book定位!!…Read More

今日我同女朋友 行行下街 突然想食甜品， 咁啱見到 呢間嚐堂 甜品鋪，裏面裝修得好似 班房一樣 ， 連食譜都做到係 好似手冊咁樣 做得好細緻呀， 令我回憶起讀書時嘅點點滴滴， 真係好有feel。 我哋一陣間仲要食晚飯所以就叫咗個木桶豆腐花share食，我女朋友基本上來到糖水舖都好少食豆腐花 ， 但我覺得佢用木桶黎做噱頭，佢都眼前一亮，覺得好特別，所以就叫咗嚟試下， 一打開個木桶 一陣豆香撲鼻而來， 跟住加上 黃糖 鋪面 再大大啖咁食， 更帶出豆腐花嗰種細綿滑口 嘅感覺，值得一贊👍仲可以兩個人食，份量剛剛好，吾會太飽。…Read More

今日同同事farewell, 食完夜晚梗係要返個甜品啦， 今次我哋嗌咗個鮮果雪糕窩夫同 埋雜果芋圓仙草凍， 顧名思義 呢款甜品就系要玩「雜」， 上層切粒芒果 西瓜 哈密瓜 同埋芋頭鋪面，下層整個 仙草凍 墊底， 水果同仙草凍混合嚟食 口感爽滑柔软有彈性，不會過甜。 之後我哋試埋個鮮果雪糕窩夫， 雪糕同窩夫融為一體，  味道好夾， 之後再加多塊芒果 擺入口， 好fresh呀!! 不過芒果嘅份量有點少， 但作為晚後甜品還可以接受 。另外值得一讚嘅係， 餐廳入面環境 乾淨， 服務態度唔錯， 值得再去食。…Read More

今日6點幾收工， 趕住返屋企食飯 ，點知行行下聞到一陣陣撲鼻而來的蛋香味， 迎頭一望原來係， 榮獲香港米芝蓮推介嘅媽咪雞蛋仔,實在太誘惑勒! 店面鋪滿形形色色林林總總嘅雞蛋仔相片，俾客人參考。 除了保持傳統蛋味香濃口感外脆內軟的原味之外，還推出多種創新口味，包括綠茶紅豆味、粒粒朱古力味、紫薯味、咖啡味，還有鹹口的和風紫菜櫻花蝦味、豬肉肉鬆味、雙重芝士味等等，秋季還有季節限定有機栗子味！ 同埋仲有好多特色嘢飲實左令人眼花繚亂， 諗咗 十分鐘終於都 決定到食乜嘢好 。 今次我揀咗咸蛋黃雞蛋仔 同 肉鬆格仔餅， 首先講下 肉鬆格仔餅 啦， 食落去嘅口感 鬆軟可口， 裏面鋪滿咗花生醬煉奶 ，同埋肉鬆， 口感層次豐富， 實在食到我停唔到口。 食完之後都有半飽， 之後再試埋個咸蛋黃雞蛋仔又一大贊，囉到手熱騰騰 之餘， 一陣蛋香撲鼻而來，口感外脆內軟， 食落 鹹香十足，真系一口一個滿足,值得俾個like佢！！😆😆…Read More