cwingwinggggg's Profile

屋企附近開左好多間cafe，即係大家講嘅文青街。去考試之前，打算食個Bruch，於是隨手搵一下，見到呢間未試過嘅cafe，價錢亦唔算貴，決定試一下。去到嘅時候佢地啱開舖，冇咩人，獨霸上層😂好安靜，擺設都好有特色。嗌左一個Bruch同一杯flat white，Bruch份量好足，平時bruch有嘅配料佢都有，而呢度係仲有半個bagel配埋。味道方面不過不失，冇咩太大驚喜。咖啡拉花可能仲要加下油啦，並唔算太靚。但咖啡味道係唔錯…Read More

第一次知道有Paul’s Kitchen 係由一個網上節目介紹。已經bookmark左好耐，直到係社交平台見到老闆嘅消息之後，先第一次去嘗試。重慶大廈有d複雜，但跟住老闆娘社交平台條介紹片，好容易就可以搵到。lunch time都好多人，記得要book位。第一次食非洲菜，嗌左個烤雞配非洲香料炒飯，烤雞唔會過老，配埋佢d醬汁好好食。而個炒飯就有少少辣，不過我可以接受嘅範圍。同事嗌左個魚柳，酸酸甜甜，魚柳又好滑，真係好唔錯仲嗌左一個豬腩配非洲炒飯，燒豬腩有d似我地嘅燒肉，但佢嘅皮就唔似燒肉咁脆，有d韌。味道係ok嘅。lunch嘅話仲包沙律/湯同飲品，有同事話佢個朱古力十分好飲，下次要試下。…Read More

約左朋友出黎傾旅行行程，佢推薦呢間餐廳，因為唔算多人，而且冇限時。去到嘅時候餐廳啱啱開門，staff畀左張角落4人檯畀我地。嗌左個明太子pizza，好大個，低估左佢嘅份量。餅底好脆，味道都唔錯，女仔黎講，份量有d多。朋友嗌左班尼迪蛋，蛋係流心嘅，熱香餅都係鬆軟。仲點左一杯flat White，咖啡黎講就唔係太出色，可以試下佢其他特飲。但係拉花好靚，好有心機。仲追加左半份pancake，唔會太甜，同埋係脆口嘅。…Read More

雖然假日有好多人北上消費，原本以為walk in都會有位，結果outback依然係要排隊。一坐低就會有黑糖麵包，而且可以refill嘅，但感覺麵包冇以前咁好食，冇咁鬆軟。嗌左牛扒，可以揀2個side dish，揀左焗薯同蔬菜。個焗薯超級好食而且份量都好足，用左芝士同煙肉粒去焗，味道又唔會過鹹。牛扒揀左7成熟，建議可以揀5成，因為7成感覺有d韌。仲嗌左海鮮意粉，配果兩塊蒜蓉包好脆好好食😋。意粉份量足，海鮮都算新鮮，兩個人分都可以食到好飽。另外服務態度真係好好，主動refill水同會問你覺得呢餐點樣。每位員工都好有禮貌。唯一美中不足就係甜品唔可以寫碟，如果想慶祝生日或者特別節日可能要另覓地方。…Read More

同事話呢間lunch set好抵，全部都係$68去到唔洗排隊，好快就可以入座。但和牛set冇貨，最後揀左普通牛同豬嘅set。嘢飲又係冇貨😂，雪糕就要加$10先可以食。食物份量對於男仔黎講應該會唔夠，每樣肉得4塊，再有個細蔬菜藍同一個小食。果日仲要漏單，d肉等左好耐先有。食物質素就正常，但如果係原價嘅話性價比就低。完全唔夠人手，唔好太期望有咩服務。…Read More

由佢得一間舖，食到依加佢有三間舖。食物水準一直保持，據聞大廚係泰國人，可以食到泰國味道。舖頭唔算大，所以得90分鐘用餐時間，服務態度都算好好，如果有人生日會嗌大家一齊唱生日歌。食左泰式炒肉碎，炒通菜，豬頸肉。最鍾意杯嘢飲，芒果熱情果冰沙，夏天飲一流，酸酸甜甜。…Read More

cafe位置係太子地鐵A出口附近，好容易搵到。有日做完嘢，決定去試吓。遇正啱開舖，所以好快有位。點餐要自己去cashier落單同畀錢先，間舖頭幾個後生店員管理，服務態度好，當然食物質素亦都唔錯，環境舒服，朋友約會嘅好地方。不過如果多人建議要預約。因為後面嘅人要一個鐘先有位。講返食物，點左all day breakfast同flat White，仲加左個薯餅，食物份量好足，真係可以飽足一日。咖啡拉花都好靚，咖啡豆唔會酸，味道濃。佢地all day breakfast 仲有生酮版，適合減肥嘅朋友。下次要試埋dinner同甜品。…Read More

呢間cafe聽講係社交平台人氣蛋糕店，轉到開實體店。朋友想試，去到要排一陣隊，最後安排左二人檯畀我地。但位置十分唔舒服，檯好細，而且係不規則形狀，冇位放嘢。講返食物，點左個明太子意粉，冇咩明太子，Cream係夠濃嘅，就係唔覺得特別。朋友點左個片皮鴨配酸種麵包，唔係太鍾意麵包嘅質感而且味道都冇咩太特別。至於個蛋糕，完全唔鬆軟，可能冇點到佢出名果隻味啦，真係覺得好麻麻唔值得排隊黎試，如果係想試佢地出名嘅蛋捲，可能要早d黎先有多d味可以揀。…Read More

以前係炮台山做嘢嘅時候，半島仲係一間好細嘅舖頭。後來越黎越多人排隊，老細就租埋隔離，但人龍依然係咁長😂。呢日咁啱係北角返學，落堂之後即刻行去半島食嘢。條人龍好長，以為要等好耐啦，好彩一個人好快可以入座。嗌左索女餐，即係番茄通粉，多士連我平時唔食包嘅人，都覺得好味。份量足，服務態度冇因為多人而差左，反而係好nice，而且唔會因為多人不停收你嘢，想你食快d走。當然相對地客人都會好識做，食飽就走。所以有d嘢真係相向嘅，好似紅x咁，真係唔想食第二次。希望老細可以係九龍開分店😂…Read More

港灣呢間譚仔唔多人，所以入左去食下午茶。譚仔下午茶set幾抵食，有一碗兩餸米線，然后自己可以揀2個或者3個小食，包熱飲，凍飲就要加$3。因為肚餓，所以揀左兩個小食。當然仲有其他set可以揀嘅。姐姐服務態度都好好，因為差少少先到2:30，佢畀我入去舖頭等。而且下午茶要人手入單，姐姐都好有耐性。味道就不過不失，同其他譚仔差唔多。對於女仔黎講，份量夠食。因為小食可以揀3款唔同嘅雞翼，所以男仔嘅話份量應該都會夠。…Read More