食者出口's Profile

對板長徹底失望之後, 在銅鑼灣, 發現了一間新的壽司店, 水準幾高日本的輻射, 漸漸給人忘記, 而我都覺得人始終要一死, 不如食鍾意食的食物, 反正都無證據食左會好有問題一入門口, 見幾個大魚舡養住一些熱帶魚, 我的枱就在魚舡旁邊, 一邊食壽司一邊睇魚 岩岩一條NEMO 魚游到埋黎, 好似同我打招呼咁, 好得意呀壽司的味道好好, 其中一件岩鹽八爪魚壽司, 我從來未食過一件咬落會脆的八爪魚, 新鮮而美味, 壽司飯好軟熟, 醋的份量岩岩好鵝肝壽司唔好食, 因為佢燒得唔夠耐, 咬落就像在吃一塊生的肥油, 令我即時吐出來, 同店員投訴後換來了一件新的, 燒得耐些的, 味道過得去, 都係唔夠香口三文魚子粒粒都好JUICY, 結結實實的, 真不捨得一啖吃下, 我一粒一粒咁DAP, 好正再要了牛肉湯烏冬, 個湯底清清地, 加了些蔥粒, 味道帶甜, 烏冬煙UN, 牛肉是薄切的, 除了價錢要五十多塊之外, 無其他挑剔的地方了食壽司, 這間銀壽司推介給大家, 不妨試試, 只係如果食鵝盰, 記得叫店員燒熟D…Read More

雞飯唔合格, 再沿佐敦道行落去, 去到添記買條包食補數啊! 又加了一蚊, 之前食係廿一蚊, 今次貴了一蚊, 香港的通帳越嚟越明顯了, 食條包都貴了麵包永遠都係咁脆咁好食, 唯一唔好的就係每次食都係成條褲都係麵包碎, 掃了一餐先可以整乾淨條褲! 今次食, 覺得肉醬的份量比以前少了, 不過味道依然好香, 好好味, 酸酸甜甜的紅蘿蔔絲, 美極同胡樣粉的配搭, 仲有份量適中的牛油, 配襯扎肉, 五花腩, 豬肉去食, 每次都令我滿意而回一條的份量剛夠自己食, 廿二蚊, 雖然又加, 但比那三十幾的海南雞飯, 值得多了…Read More

想試試新潮食店TOAST BOX的出品, 便到了佐敦的分店店內的格局係典型的快餐店一間, 自己買飛的, 先將你的錢收下, 之後店員會把食物送上, 所以一開始, 期望已經不會太高, 不過要注意係, 價錢唔係平的海南雞飯送到面前的一刻, 係個心打個突, 飯用上了一個膠盒裝, 竹快子, 膠更, 紙碟裝油菜, 感覺就好似搭乘港龍食飛機餐一樣, MY GOD, 原來比快餐更差一籌雞肉係去了骨, 點用膠兜裝住的黑豉油, 薑茸同酸醬食, 但因為個膠兜太細, 要我將雞肉"塞"入去點醬食, 真係...混"醬", 果真環保的一餐味道都唔好食, 雞肉無咩味, 飯都比較淡, 雞皮好厚, 只係得唔多肉食, 醬汁只有黑豉油合格, 其餘兩個都有怪怪的酸味.試過一次新加坡的飛機雞飯, 都係等搭飛機無得揀的情況下再食吧…Read More

元6接左無幾耐, 估唔到咁快搵到接斑人.. 哎, 唔係, 應該係接班舖先真今日入去板長食, 第一個感覺就好似入去元6咁, 可能係因為店內貼滿了曾志偉的POSTER啦! 仲記得之前曾生的獎門人係元6贊助的, 個辣辣壽司邊個食成為一時佳話, 不過, 因為元6的日本風味唔重, 加上水準不及新開的壽司店, 慢慢客人開始流失, 最後仲全部執笠板長前身係板前, 加連威老道的店仲排哂長龍, 當時我都好鍾意去食, 因為去食就同去日本食無咩大分別, 不過今次就真係有點慨嘆, 佢地壽司的味道, 差左好多, 就同後期的元6, 不惶多讓壽司飯好淡, 飯身無之前食到的黏性, 都唔知點煲出嚟, 叫菜紙價錢好似做到好平, 但原來一客係得一件, 仲要係細件得得人驚, 件魚生SIZE細到好似得半件壽司咁服務員的服務都差了很多, 有些更同在元6工作的一班係一模一樣, 都係木無表情, 三吹四請先埋嚟理你, 唔知係唔係分店多, 所以請唔到好的人手? 不過這個不是藉口, 管理做得好, 就唔係有咁差的伙計了咁做法, 只係步元6的後塵, 越做越衰, 最後, 全線....GOOD LUCK, MR. RICKY SAN…Read More

本想到MUNCH 食一餐西餐, 但原來無訂位係唔受我玩的, 雖然見入面仲好似有幾張枱, 無計啦, 晚飯唯有另覓他處了, 樓下就係BLACK STUMP, 見裝修, 氣氛都好似幾好, 就呢間啦門口露天的座位主要係有好多外藉遊客飲啤酒的, 我地食餐的都會被安排坐入面, 首先介紹佢地個CRAB ANGEL HAIR, $128 一客, 沒有阿拉斯加的長腳蟹肉, 但代替品一樣味美鮮甜, 蟹肉的份量都幾多吓, 幾抵食!ANGEL HAIR 清清地, 白酒同GARLIC 起了個味出來, 襯天使麵效果都幾好NEW ZEALAND 的牛柳五成熟, 火喉控制得不錯, GRILL的處理方法有點原始, 但牛柳的味就單純得多, 重點係, 唔靭!估唔到, 雖然唔係專登嚟食, 但係又幾好味…Read More

下晝去sogo買日本桃食, 車子停在時代廣場之後, 上到地面見到這間店, 便買了一個鯛魚餅吃了, 因為之前在openrice 都經常見到有人讚的我買的是一個意大利風味的鯛魚餅, 店員用白餐紙把烘好的餅交給我, 第一個印象係: 好熱呢 有點燙, 相信咬落一定係熱辣辣, 好好味的魚餅的餡係芝士腸, 茄汁, 洋蔥, 吞拿魚, 味道不錯, 食到魚尾, 只剩下餅皮, 此時才知道原來個餅皮是甜的, 唔怪得之味道係有點可愛的甜味啦!製作其實都好簡單, 我見過在sogo都有這個魚型的烘版, 不過, 自己整side 時間, 十五蚊一個, 錢都係要俾佢賺啦! 味道很好, 下次會再買個食的…Read More

晚上一家四口去到位於九龍城衙前塱道的金池上海京川滬料理晚飯, 味道不差的我們吃的包括嫩雞燴麵, 小籠包, 酸甜魚柳, 上海粗炒同火腿津白, 另外再加兩碗飯填肚嫩雞燴麵是比較稀爛的, 以口感計其實不是太好, 因為好像漿糊似的, 入口很漿, 食得唔舒服, 不過味道就不錯, 湯底有濃厚的雞湯味, 雞肉絲, 白菜都煮出很濃的味道, 令這個麵都算可口, 只係不要煮太爛的話, 相信我會好鍾意!小籠包很好, 皮薄, 肉汁不少, 我很喜歡皮薄的飽和餃點, 皮做得薄, 是功力的表現, 都係一個包好食的最主要因素, 如果皮太厚, 根本就只會有皮的味道, 這個小籠包, 點浙醋食, 係好好味的酸甜魚柳其實就像一般的咕嚕魚柳, 個汁味道唔錯, 可惜紅蘿蔔好像"縮"了, 有點異味上海粗炒唔會太過咸, 炒功不錯, 上桌時熱辣辣, 味道可口; 火腿津白做得幾有心機, 一paul paul的津白, 佐以金華火腿茸, 很香口不錯的一餐晚飯, 吃得我們全家盡興而回了…Read More

間唔中都會去食這裡的海南雞飯的, 因為價錢實在唔貴, 兩個人食飯通常都係二百蚊之內, 之但係金寶開在一條比較黑的洗衣街一段, 每次都覺得條街無野行, 夜晚又黑, 唔想專登過嚟食今次再食, 只因回味好好食的蒸粉包, 兩個人食, 一碗生牛肉粉, 一個精選拚盆同一碟海南雞飯生牛肉粉的牛肉湯味算係食過多間之中比較香濃的一間, 用料很足, 可以挑剔的地方其實不多, 或者感覺上會比較多油, 但其實又唔係過份, 無油的湯味道又會不夠了精選拚盆包括有雞翼, 蒸粉包, 春卷, 蝦餅同酸辣鳳爪, 比較遜色的是春卷, 其他四樣都很好味, 最好的當然係蒸粉包啦 皮薄餡靚, 點酸魚露食係不可多得的美食呢, fastastic!反而海南雞飯都係做得不夠好, 就像很多人的意見, 雞肉都係比較淡, 不明白點解要用白切雞的方法去處理雞肉, 其實加點味道都唔係好難的, 要不然就浪費了美味的醬汁同味道香口的雞油飯了但, 一餐一百蚊以下的晚飯, 味道又不錯, 最可愛的, 是沒有加一小費 始終都令我有不時想起要去食的念頭…Read More

由輕鬆飲開始, 就開始飲台式飲品, 飲過幾間, 結論係初初開好飲好多, 出左名之後就越來越唔好飲今次, 去到come buy, 又一台式飲品店, 買左一杯大杯的珍珠奶茶飲! 珍珠的份量超多, 差唔多有三十粒以上, 煙靭的口感, 好過癮 奶茶好滑, 茶夠濃, 呢杯奶茶的水準很高, 十四蚊一杯, 公價了!不過唔知遲些會唔會出左名之後又係另一退步店, 但而家絕對值得俾個笑面佢…Read More

元朗之行, 去到勝利牛丸門口, 見到另一間的招牌, 都唔知邊間先係真, 又或者兩間都係佢開, 不過點都好, 入去食lu嗌碗牛丸河食, 主要都係試食牛丸係唔係如大家所講咁超好食? 一試之下, 五粒牛丸全部都通過了我嚴格的測試了, 係... 好味的! 牛丸有牛肉汁的, 唔係乾爭爭好多渣嗰種, 粒丸有彈性, 蹝屎唔算好大粒, 不過好味先係最重要!重有奶茶檸茶供應, 飲左杯凍檸茶, 過得去!…Read More

最近上榜的新面孔見有曾記這個名字, 滿懷希望的去食好野可幸的, 係今次的希望得到了引證, 買回來的韮菜粿百折不扣係一樣美食, 在網上已經看了食友之形容, 其實都略略知道係咩, 不過估唔到原來平時無咩點食的韮菜可以做出如斯好味的小品, 有點始料未及呢!粿品咸的有六至七款, 我只係試韮菜同芋頭, 兩者之中韮菜比較優勝, 可能芋頭本身的質地問題, 有少少乾啃的感覺, 但味道都係好! 韮菜入面比較濕, 易入口!食完仲買一打返去自己煎嚟食!…Read More

九龍城名食店什多, 包括這間叫清真牛肉館的回教餐廳, 一直以來都沒有試, 今日終於一嘗了可能因為出名的關係, 中午一點左右人多擠迫, 等到位都要搭上搭枱, 勁多人, 他的牛肉餅今次係第一次試, 餅皮唔厚, 同之前預計的有些出入, 內裡超多汁, 牛肉被這些滋味的醬汁包圍, 一咬落去口感一流, 果然係鎮店之寶!主菜係咖哩牛肉飯! 咖哩好辣, 用個玻璃兜裝住初初驚唔夠送飯, 點知食落原來份量剛剛好, 雖然好辣, 都幾好食, 味道有少少似麻辣的辣味道係好好, 不過改善一吓環境吧, 或者擴充一吓啦, 唔駛我地這等食客咁辛苦!…Read More

吃過這裡的日本餐, 留下幾深刻的印象這兒的裝修不算得很高級, 入門轉左之後兩個人被安排坐在卡位枱, 都算幾落, 餐牌有中文介紹, 隨意的揀了炸牛肉卷, 吞拿魚刺身 (骰仔), 芝士棒, 日式年糕同三文魚海膽飯!炸牛肉卷炸得個皮好鬆化, 裡面的牛肉肉質很好, 薄切而很好味, 難得係炸物但係完全沒有油膩的感覺吞拿魚刺身做成骰仔的形狀, 有唔同的部位, 有肥美的toro, 顏色係最淺, 有三粒, 有兩粒左右的中toro, 根多少少, 另外六七粒普通tuna, 刺身好食, 好有魚味, 沒有人工的添加, 是100%真正的魚生, 正芝士棒其實只是用來送酒的吧, 不過脆脆的都幾可口, 入面的芝士不算很多, 只係食到炸皮的味日式年糕用個鐵板來燒, 有半打, 面頭係茄汁肉醬加芝士, 味道幾特別, 年糕不算很煙un, 不過可能有芝士在上面, 變得很香口三文魚子海膽飯都係十分出色, 三文魚子舖滿飯面, 每粒都晶瑩剔透, 咬落去有濃香魚油"爆"出, 係上佳的魚子呢, 海膽就唔係咁好味, 食到入口條唔識"痺", 好味的海膽唔係咁..不過整體食物都做得十分出色, 可以一再來食!…Read More

睇雜誌的介紹要食好的燒豬非到永合隆不可, 咁啱去太子, 也就去試食試食中午時間, 店入面好多人, 熱鬧地出出入入, 為的就係出名的燒豬肉! 好心急, 即刻叫碟燒肉飯來試試先雜誌已經介紹過特色係用炭燒, 好處當然係香, 但如果處理得唔好就會有好多"火屎", wow, 食件燒肉先, 好好味 皮燒得好脆, 但係肥油層仲好濕潤, 一點都沒有燒乾, 好野! 而最深層的肉有豬油滲在其中, 味道十分之好! 食燒肉食到炭燒的風味, 仲要係好食的, 難得!果然唔錯, 食完再買一斤返屋企食! $110, 不過貴得來值!…Read More

燒完野食仲係好早,十二點都未到,再車入元朗食b仔,因為之前根本食唔飽,都唔知阿邊個(不願透露姓名)點買野...五個人都叫左唔少野食,b仔涼粉就係必食,叫左兩大碗,再加左中蓮子雪蛤,腸粉,辣嘅雞翼尖,豬紅豬皮,都係辣!b仔涼粉大大碗,最大問題係要食哂面嘅生果先可以食到底嘅涼粉,椰果係最好食,大樹菠蘿最唔好,不過係因為我唔鍾意,朋友仔就食得津津有味! 涼粉幾滑,而且味道清一d,有些店嘅涼粉有陣怪味,呢度就無,加埋花奶食就滑上加滑^^腸粉無咩特別,豬紅豬皮同雞翼尖一樣,都係辣味,但係如果要揀就雞翼尖野味好多,除左個涼粉之外,係一個都一定要食嘅食物!食完b仔,終於...有飽嘅感覺!…Read More