OiszeChan's Profile

呢間泰國餐廳嘅菜式真係幾有水準，整體味道都幾正宗，食完會覺得自己好似去咗曼谷咁。乾炒金邊河粉炒得夠鑊氣，條粉唔會太濕，煙煙韌韌啱啱好。裡面有蝦、芽菜同雞蛋，調味偏甜少少，但帶住啲羅望子酸味，幾開胃🤤泰式咖哩炒軟殼蟹配蒜蓉包呢個係我當晚最鍾意嘅菜。咖哩汁香濃得嚟唔膩，帶少少椰香，軟殼蟹炸得香脆又唔油。配埋個蒜蓉包一齊𡁻汁，真係好邪惡但停唔到口。唯一建議係蒜蓉包可以再熱少少會更好食😋泰式老虎笑（牛肉） 個牛肉幾嫩滑，冇咬唔開嘅筋位。醬汁帶酸辣味，食落有層次。朋友都大讚👍🏽泰式柚子沙律呢個超清新，酸酸甜甜，入面有車厘茄、花生碎同辣椒絲，拌得好平均，食完咖哩後食返啖呢個，啱晒用嚟清味蕾💯泰式生菜包（豬肉） 個豬肉炒得香口，有啲九層塔味，同生菜包住一齊食非常爽脆🤗芒果沙冰 真係好滑又唔太甜，芒果味香濃🫶🏻芒果糯米飯 糯米軟糯唔會太黏，椰漿香得嚟唔膩，配上新鮮芒果，一個字：正👍🏽總結嚟講，呢間泰菜餐廳味道正宗又用心，份量啱啱好，價錢唔算貴。如果鍾意食泰菜，又想搵間氣氛舒服、食物穩陣嘅地方，呢度絕對值得一試🤗金麥泰泰國菜館 (九龍城)九龍城福佬村道12號地下B號舖#中菜#西餐#日本菜#食物打卡#相機食先#食好西系列#好食#好好食#鍾意食#打卡餐廳 #打卡美食#食評#foodie#yummy#yummyfood#hongkongfood#hkfoodie…Read More

吊燒雞🐔半隻啱啱好，皮脆得嚟仲保持到肉汁，雞味濃郁，好香。最驚喜係佢啲雞胸肉都唔鞋，食得出係火喉啱啱好👍🏼上湯焗龍蝦（烏冬底）🦞就係全場焦點～龍蝦夠新鮮，肉質爽口彈牙，上湯味好濃，滲晒入烏冬入面。食到尾烏冬吸晒龍蝦精華，濃郁得嚟又唔會膩，真係超正🤩金沙黃金蝦球🦐就香氣十足，外層鹹蛋黃包得均勻，炸得香脆，蝦肉大隻又彈牙，每一啖都好滿足💯沙嗲粉絲肥巴牛煲🥩好惹味，牛肉夠肥香又滑，不過佢唔係肥牛係牛肉片～沙嗲汁夠濃，粉絲吸晒汁好入味，食到尾都忍唔住要添多碗飯。瑤柱蛋白炒飯屬於清淡一點，炒得乾身粒粒分明，瑤柱味香得嚟又唔搶鏡，啱晒用嚟中和前面啲濃味菜☺️總括嚟講，呢餐價錢唔算平，不過每道菜都有用心位，火喉、味道同食材都見功夫。如果想食高質粵菜又唔想太傳統，呢度真係值得一試。國穗軒 (沙田)沙田白鶴汀街8號帝都酒店1-2樓#中菜#西餐#日本菜#食物打卡#相機食先#食好西系列#好食#好好食#鍾意食#打卡餐廳 #打卡美食#食評#foodie#yummy#yummyfood#hongkongfood#hkfoodie…Read More

呢間粵菜館成個感覺都幾高質，唔單止環境乾淨舒服，啲餸都炒得夠鑊氣，有返啲傳統廣東菜應有嘅味道。今次試咗幾樣都好出色👍🏼辣蟹蒜蝦乾炒韭菜花🦀Menu有推介就試下～一上枱就聞到香氣撲鼻。啲韭菜花炒得啱啱熟，保持咗爽口；辣蟹同蝦乾嘅味道濃郁，有層次感，鹹香中帶少少辣勁，越食越開胃。呢味菜最啱配碗白飯，一啖飯一啖餸，真係停唔到口😋豉椒炒蜆🌶️個辣度控制得好好，唔會搶味但又夠刺激。蜆肉新鮮，唔腥，炒得啱啱開口，汁又香又惹味。嗰個豉椒醬汁掛得好實，每隻蜆都吸滿味道👍🏼正秘製沙拉骨🐖d骨炸得外脆內嫩，唔會乾柴。嗰個秘製醬汁微甜帶酸，上面加埋沙律醬，開胃又易入口。呢個真係幾特別，連唔太鍾意食肉嘅人都會忍唔住多夾幾舊🤗蟹肉炒飯🦀炒飯粒粒分明，炒得好乾爽，每粒飯都裹住蟹香。唔會過鹹，但蟹味出得嚟，好有層次。最欣賞係佢冇亂落味精，用料新鮮，食落口唔會渴。咸蛋黃涼瓜係全場焦點😍我覺得涼瓜苦味啱啱好，加埋咸蛋黃嘅香滑中和咗苦味，味道好特別好濃郁🤤滿滿嘅鹹蛋黃包裹住一條條涼瓜 100分出色💯財記辣蟹私房菜 (銅鑼灣)銅鑼灣駱克道447-449號中威商業大廈2-3樓#中菜#西餐#日本菜#食物打卡#相機食先#食好西系列#好食#好好食#鍾意食#打卡餐廳 #打卡美食#食評#foodie#yummy#yummyfood#hongkongfood#hkfoodie…Read More

海鮮花甲粉🍜湯底清甜入味，花甲夠新鮮份量有5-6粒，唔會有腥味。米線食落口感滑溜，份量算多👍🏼酸菜魚米線🍜魚片新鮮🤗酸菜酸得嚟唔會死鹹，反而帶出魚嘅鮮味。米線份量足，湯底飲落去酸酸辣辣，好醒胃，尤其係秋冬天食就最啱。煎粟米餃🌽咬落去皮脆脆，入面嘅粟米餡甜甜地，食落幾有層次感💯幾好食😋油香重咗少少，如果唔想咁膩，可以配返啲青瓜或者酸嘢中和。手拍青瓜🥒典型嘅開胃菜，青瓜爽口清新，蒜香同醬汁配得幾好🤤解膩一流，食到中段再食返兩舊，真係可以refresh返個味覺。白蘿蔔呢樣就偏向清淡，味道酸酸甜甜，蘿蔔脆口，係一個幾好嘅小配角。唯一係如果再入味啲會更加突出，依家就比較似清爽小食。渝味碗碗香 (新蒲崗)新蒲崗錦榮街21號地舖#中菜#西餐#日本菜#食物打卡#相機食先#食好西系列#好食#好好食#鍾意食#打卡餐廳 #打卡美食#食評#foodie#yummy#yummyfood#hongkongfood#hkfoodie…Read More

漸漸地呢間已經變咗香港最愛嘅韓國菜🥳呢間舖頭嘅環境 服務 同食物質素完全值得不停encore😚前菜當然要叫個沙律開開胃🤓鮮蝦沙律好清新😛份量好大 鮮蝦份量都好多 新鮮炸起超級香口😋配埋檸檬醋好fresh🥗之後就到必食推介 驚喜二重奏😝呢個菜式係大滿足一次滿足到想食牛同食炸雞嘅願望🤪兩款肉類質素高好高頂級牛排用石板上 牛味香濃 入口即溶 質素同扒房有得揮😎熟度仲可以自己控制😚炸雞都皮薄餡靚 肉質好嫩🤤炸雞好味到唔夠喉 😋另外再叫咗蜜味乳酪粉無骨雞依舊係皮薄餡靚 外脆內軟 肉質鮮嫩🤤另外重有芝士蟹籽蛋捲😙芝士茄汁配沙律醬加玉子賣相吸引之餘香滑玉子搭上份量超級多既蟹籽 口感更加豐富🧡飲品就叫左暮色百香姐係百香果水果茶🍸一大樽適合幾個朋友一齊share 水果好足料 大讚👍🏻總結 全部食物同飲品質素都無敵😝絕對強烈推介各位朋友亦都期待以後不停encore 🤪Yadllie Plate 야들리애플래이트 (荃灣)荃灣大河道100號海之戀商場2樓2030-2032號舖…Read More

呢間台式打邊爐主打全日90分鐘火鍋套餐🍲對於鍾意慢慢歎嘅朋友嚟講算係幾抵玩👍🏼先講個環境，地方算寬敞，坐得舒服，枱面擺位唔會太逼，夾料同打邊爐都好方便。套餐時間有90分鐘，唔算太長但都夠慢慢食，同朋友邊傾邊打邊爐啱啱好。湯底方面我哋揀咗藥膳田園蕃茄濃湯，一上枱已經聞到陣陣蕃茄香同少少藥材味，湯色濃郁但唔會太油。入口先係酸酸甜甜嘅蕃茄味🍅之後帶出淡淡藥膳香氣，好舒服又唔會覺得燥，煮菜特別啱，浸耐少少啲菜仲有陣天然甜味。煮肉方面，蕃茄湯底會令牛肉帶少少酸香，仲幾開胃😋講到重點嘅霜降牛小排🥩真係必試！牛小排油花分佈好靚，切片厚薄適中，落湯輕輕一涮，大概十秒左右就食得✌🏻入口嫩滑又有牛肉油脂嘅香甜，肉味濃郁但唔會有騷味，配上蕃茄湯底更加鮮味。記得唔好煮太耐，否則會影響口感。其他配菜都算新鮮，菜類爽口🥬丸類好多選擇💯。醬料區選擇唔算超多，但基本嘅沙茶醬、蒜泥、辣椒都有，自己調配都夠玩。建議如果想食得更盡興，可以早少少去或者預約，因為晚市人多同埋有買一送一優惠要等位。90分鐘雖然足夠，但如果朋友多、傾計多，可以一開始就先落啲耐煮嘅料，例如粟米、蘿蔔，咁就唔怕浪費時間。整體嚟講，呢個台式火鍋套餐價錢合理、食材新鮮，霜降牛同蕃茄湯係亮點，無論同朋友聚餐定情侶約會都啱晒🤗…Read More

沙嗲串🍢雞肉同豬肉兩款都試咗，雞肉燒到表面微焦，肉質保持嫩滑，帶少少甜味同香料味；豬肉就油香啲，入口多咗份咬口👍🏼配埋沙嗲醬真係正，有陣陣椰香，沾滿一口食落去即刻有泰國街頭小食嘅感覺～馬拉盞炒通菜🥬呢個真係飯餐必點。通菜炒得好爽脆，唔會炒到出水，保留到青菜嘅清甜。馬拉盞味濃郁但唔會死鹹，帶少少蝦米嘅鮮味，食到會有少少回甘，炒到每條菜都掛晒汁😋咖喱軟殼蟹配薄餅🦀主角之一一定係佢👏🏻咖喱汁香濃帶微辣，椰奶味同香料味好平衡，唔會太辣到食到出汗，但又唔會淡到冇感覺。軟殼蟹炸到外皮香脆，蟹肉鮮甜，吸晒咖喱汁更加惹味。薄餅係少少煙韌口感，用嚟包咖喱同蟹一齊食超正，幾乎忍唔住想追加薄餅🤤椰青🧉椰青水清甜解渴，冰凍飲落去好消暑，仲可以用匙羹刮啲椰肉食，口感滑滑又清新，幫口腔沖走前面幾道菜嘅濃味👍🏼整體嚟講，呢餐泰國菜夠晒地道，味道濃郁但唔會太heavy，幾啱一班朋友或者家庭聚餐。建議試多幾款小食同炒菜，再點返個主菜share，咁可以食到更多唔同味道🤗…Read More

呢晚同朋友去咗間有live band嘅西餐廳，氣氛幾chill，邊聽歌邊食嘢，成個感覺舒服又relax。先講講幾道主要菜式嘅味道同感受。第一道係 扒大蝦龍蝦汁意大利飯賣相幾靚🥰啲大蝦煎得金黃，肉質爽口彈牙，唔會乾。龍蝦汁幾香濃，帶少少奶油嘅質感，但唔算好heavy。意粉係al dente口感，咬落去有彈性👍🏼吸到醬汁但又唔會太杰😋跟住到 香煎牛頸脊伴時令蔬菜配紅酒汁🥩牛頸脊本身油花唔算多，但煎得啱啱好🫶🏻外層有焦香，入面保持到嫩滑，五成熟啱啱食得出肉味。紅酒汁帶少少酸甜，唔會搶晒牛肉嘅味，反而令到成件牛肉更有層次😎配菜就正常發揮，有啲清炒蔬菜同薯仔，主要係幫口味解膩🤗最後甜品係 朱古力心太軟伴雪糕😍切開一刻啲朱古力流心流出嚟，幾吸引。朱古力味濃郁，甜度適中，唔會死甜👍🏼雪糕就係雲呢拿味🍨凍凍哋配埋熱辣辣嘅心太軟，好有對比感 推薦💯總括嚟講，呢間餐廳嘅氣氛加分好多，live band令成個用餐體驗變得特別 重點係首首歌都識😎有廣東話 國語 英文歌🎼同埋分別三位歌手唱功都不得了，可以去參賽既水準～去到8點半後仲可以點唱～我點左一首歌🎤Joycine唱得好有感情👏🏻食物水準算唔錯，如果你鍾意一邊聽歌一邊食西餐，呢度都值得一試🎼Zinger (銅鑼灣)銅鑼灣駱克道491號京都商業中心10樓…Read More

今次去咗間韓國餐廳食飯，成餐嘢整體嚟講算係有驚喜，值得同大家分享下。一開始前菜已經上得好快，泡菜、芽菜、魚乾、蔬菜菇都有，份量唔算少，感覺誠意十足，邊傾計邊食住小食，胃口都打開咗。醬油蝦🦐我本身幾期待，因為好多人都話韓式醬油蝦應該係鹹香入味又鮮甜。不過呢度食落就略嫌唔夠入味，蝦本身新鮮度唔錯，但醬油味唔算入得去，淺淺地掛喺蝦殼同表面，好似浸得唔夠耐。如果佢再重手啲，加多層鹹香，會好食好多。海鮮煎餅🐙就真係全場最好食😍外皮煎到香脆，唔會油淋淋，入面仲有魷魚粒、蝦肉同蔥花，咬落去有口感又有鮮味。最正係佢啲粉漿比例啱啱好🥰唔會太厚實，食到幾片都唔覺膩，配埋個醬汁一齊食，真係一流。如果要我推介，呢個一定要叫💯海鮮辣炒年糕🌶️呢個份量真係好多🤗一大碟紅噹噹，年糕煙韌彈牙，醬汁辣中帶甜，好韓式嘅味道。入面仲有魚片、魷魚同少少菜，食落都幾豐富。不過因為份量太大，如果得兩三個人食會有啲飽😌建議人多先叫，唔係好易食到滯。蔘雞湯🐔上枱嗰下已經聞到淡淡人蔘味，湯底清甜又唔會太油膩，雞肉炆到幾腍，湯入面仲有糯米飯，食落幾有飽足感。不過如果你鍾意濃味嘅，可能會覺得太清淡，始終韓式蔘雞湯係走健康路線，補身多過重口味。總括嚟講，呢間餐廳前菜算得體，海鮮煎餅必點，辣炒年糕就要人多先開心，醬油蝦就有改善空間，而蔘雞湯就睇個人口味。下次如果再嚟，我應該會直頭點煎餅再配啤酒，夠晒正👍🏼…Read More

荃灣荃新天地二期開咗一間日式餐廳😎佢主力sell鐵板同壽喜燒鍋今日就嚟試咗佢兩款主打菜式🧡我點左宮崎縣和牛壽喜燒鍋同鐵板滑蛋鰻魚飯🫶🏻首先 和牛壽喜燒鍋上枱既時候🥩牛肉睇起黎好吸引 令我流曬口水🤤薄薄一片 肥瘦均勻煮左之後更加嫩滑 豐富牛香味🤗搭配上新鮮蔬菜同豆腐湯底又甜又香 完全停唔到不禁令我再額外加咗份牛肉encore🤭然後就係鐵板滑蛋鰻魚飯🥚🐟賣相好好 原個鐵板上 份量又大😝鰻魚烤得岩岩好 外脆內嫩滑蛋都煮得恰到好處 好滑溜🤩配襯白飯 簡直絕配🍚飲品方面 我點左鮮果水果茶😙清新又好飲 水果種類多🍋🍎🍓重有個杯百香果益力多綠茶酸酸甜甜 好清爽😝總括黎講環境 食物高CP😋推介!!❣️海山板神 (荃灣)荃灣楊屋道18號荃新天地2一門町市場地下J1-J3號舖…Read More

今次係尖沙咀試左間餐廳 整體感覺係誠意十足+打卡十足🫶🏻自訂印花Cocktail🍸一坐低就叫左杯Cocktail飲先 可以自己揀想print嘅圖案～然後會黎一個燃點環節 真係忍唔住哇出聲 好有誠意好打卡👍🏼法式龍蝦湯🦞湯底濃郁唔會腥，入口有d奶油香，飲落暖笠笠好舒服。如果再加啲蝦膏香氣，會更突出龍蝦嘅鮮味🤗磯煮凍鮑魚配蟹子海鮮醬鮑魚爽口彈牙，調味清淡得嚟保留咗鮑魚原味～蟹子海鮮醬鹹香微甜，配埋嚟食幾有層次，不過我覺得醬可以再少少，咁就唔會蓋過鮑魚本身嘅鮮味。海膽牛角酥呢個頭盤幾驚喜，牛角酥外皮鬆化，海膽鮮甜微帶海水香，點埋龍蝦湯一齊食不得了👍🏼龍蝦汁鮮蝦意大利雲吞雲吞包住鮮蝦餡，鮮味十足。龍蝦汁收得好濃，黏住雲吞食落一口滿足。醬汁可嚟份量稍減，會更易食完唔覺膩。鵝肝配8oz澳洲燒牛柳🥩鵝肝煎到外脆內滑，油香濃郁，配埋牛柳一齊食好正。牛柳熟度適中，肉汁充足，唔會韌。份量都好足夠兩個人食🫶🏻鐵板冰火朱古力軟餅呢個令我心心眼😍呢個係甜品位嘅亮點係熱騰騰嘅鐵板配上朱古力軟餅再遇上凍凍嘅雪糕，口感同溫度有對比，朱古力香濃但唔死甜，收尾啱啱好💯整體嚟講，呢餐食得幾滿足，每道菜都有心思，真係要留返個位俾甜品，唔係會後悔～The Wall Street Bar & Lounge (尖沙咀)尖沙咀金巴利道40號MW Plaza1樓#中菜#西餐#日本菜#食物打卡#相機食先#食好西系列#好食#好好食#鍾意食#打卡餐廳 #打卡美食#食評#foodie#yummy#yummyfood#hongkongfood#hkfoodie…Read More

呢間茶餐廳充滿香港地道風情🫖環境清潔 員工親切😗而食物餐牌又多元化😍成功保留茶餐廳文化之餘又提供唔同選擇俾客人😎例如最特別嘅就係茶餐廳有得食黑松露薯條做前菜🍟薯條外脆內軟 散發著淡淡的松露香氣🥰味道令人驚喜 醬汁濃郁不失高級西餐廳絕對推介👍🏻而主菜我就叫左主打嘅芝士焗肉醬意粉🍝意粉煮得恰到好處 肉醬濃郁入味搭配融化既足料芝士 口感豐富👏🏻每一啖都感受到邪惡但又幸福既感覺😏食物種類豐富嘅原因就係可以叫茶餐廳好少有嘅爆漿糍粑做甜品🥞呢道爆漿糍粑真係必食❣️外層糍粑柔軟 內裡藏住香甜餡料輕輕一咬 內餡即刻爆出 令人驚喜🤩而凍仙草奶茶就係呢度既特色飲品🧋清新爽口 仙草滑溜與奶茶的濃郁相互融合perfect match~😋總結 呢間茶餐廳會為客人帶嚟驚喜✌🏻價錢又親民抵食 絕對會再次幫襯😝新森林焗之專門店 (灣仔)灣仔灣仔道203號地舖…Read More

招牌香鍋🍲我哋揀咗麻辣味但小辣程度，對我呢啲平時食得中辣嘅人嚟講啱啱好，唔會太辣，但夠香夠麻，有層次。入面有新鮮鮑魚（有四隻，唔係得一兩片咁交貨），爽口彈牙，完全冇腥味～牛百葉吸哂辣油精華，但口感唔會過火；花菜煮得啱啱好，仲保持脆口；金針菇同茄子就吸晒醬汁，食落非常惹味。整體香鍋辣得有節奏，食完會忍唔住想再夾😋黃金蝦球🦐屬於比較港式fusion風，外層炸得脆但唔油，啲咸蛋黃醬黏住蝦球，每啖都好香口，而且蝦肉大粒彈牙，唔係粉漿多過蝦果啲 十級推介👍🏼👍🏼👍🏼口水雞🐔都唔錯，雞件滑溜，調味酸辣開胃，花椒香明顯，但唔會麻到舌頭失控；底部啲辣油配飯都好好食😍飲品我揀咗金桔檸檬茶🍹酸酸甜甜，解辣之選，唔會太甜膩，茶底都夠香，有少少桔皮微苦味，個人幾鍾意。麻辣香鍋 (旺角)旺角砵蘭街198號地舖#中菜#西餐#日本菜#食物打卡#相機食先#食好西系列#好食#好好食#鍾意食#打卡餐廳 #打卡美食#食評#foodie#yummy#yummyfood#hongkongfood#hkfoodie…Read More

呢間越南餐廳 真係令我不停回頭嘅餐廳✨每隔一段時間去就好似全新一樣有好多新穎嘅菜式 每次都係新嘅體驗🥳呢間餐廳喺彌敦道726號 東亞銀行隔離其實成幢大廈都好多餐廳好吸引😍不過我每次都係支持呢間越南餐廳😝首先前菜點左脆米子薄餅😗配搭新穎 米子當pizza咁搭配新鮮既蔬菜同醬料🥗味道清新 成功令我嘅胃口大開🤰🏻另外叫左扎肉米子卷都是我既最愛🌯米皮包住豐富餡料 口感滑嫩😋裡面既扎肉搭配特製醬汁每啖都感受到滿滿幸福感🤩跟住就係佢哋嘅秘製烤萋葉雞翼🍗外面烤到金黃香脆 裡面卻保持住多汁真係食到驚艷🤓然後重有越式秘製香茅豬仔骨🍖肉質鮮嫩 香茅香氣完全滲透進去口感好正🤗重試左咖喱牛肋條配蒜蓉包🥘咖喱味道濃郁 牛肋條燉得好入味點香脆蒜蓉包簡直就係絕配🍞飲品方面 呢間餐廳都好花心思 好多唔同花臣我點左一杯荔枝雲朵凍咖啡🥤清新的荔枝味同梳打咖啡完美融合飲落特別清爽🤡而斑斕龍眼茶則令人感到放鬆 甜甜的味道🥤非常好飲😉整體黎講 呢間餐廳既每一道菜同飲品都讓人驚喜 味道真係好職員又好細心 好親切😃一定會再不停回頭支持😝✨南越南咖啡廳 (旺角)旺角彌敦道726號1樓…Read More

葵芳匯新開咗間海鮮任食火鍋🍲大大嘅新宣傳橫額吸引咗我😎果然冇令我失望😜最令我震驚嘅係佢呢個價錢任食嘅海鮮都非常新鮮 食物種類多 CP值好高🤩餐廳既裝潢大而舒適 整潔好寬敞😇服務人員熱情友好 隨時準備提供協助岩哂一大班朋友聚會🥳火鍋既鍋底有多種選擇🍲包括豬骨湯 金湯花膠雞 食得辣嘅朋友仲可以叫招牌重慶麻辣牛油湯底🤪每一種鍋底都有獨特既風味🤓但我鍾意清淡少少 試咗豬骨湯 估唔到非常濃郁 好似飲緊老火湯一樣 好出色🫕食物方面 當然要首先講餐廳重點 海鮮!!🦞海鮮既質素非常高鮮蝦 鮑魚 花蟹 應有盡有 都非常新鮮🦀可以自己喺水缸度挑選覺得最生猛嘅海鮮🦑有玩味又好味!各款海鮮每一啖都感受到海洋鮮味尤其係蝦 肉質鮮甜 彈牙可口 私心推介🦐除左海鮮之外 餐廳都重有提供各式各樣既配料 😜例如新鮮蔬菜,各種丸類同麵條🥗🍜雪櫃任何配料都可以任拎🥤眼花繚亂 唔同種類嘅食物都為火鍋增添更多層次感 ☺️再值得一提嘅 就係再可以喺手機點單仼點肉類 例如肥牛,豚肉,羊肉🥩肉質非常鮮嫩 牛肉味最重 值得食多啲!另外手機點單都可以叫生蠔食🦪份量相當大隻 配上醬料相當惹味😋壓軸大讚嘅就係榴槤同椰青可以任飲任食🍧椰青清甜可口 大大減低火鍋嘅油膩度最後食物榴槤作結 超級圓滿🤤相當抵食 一定會再encore!! 推介推介🤗大西洋火鍋 (葵芳)葵芳興芳路208號葵芳匯2樓202號舖…Read More