簡食's Profile

炒粉絲份量好多，淨係粉絲多到可以分多一碗出黎，但係啲料好少。而且味道唔係食開既韓式，平時韓式炒粉絲味道偏甜，呢度係偏鹹。反而免費既湯會附送兩嚿魚糕，咁樣抵過加錢要野飲。…Read More

份量多但唔好食，個湯底完全無酸味，純粹係車仔麵湯底煮完兜嘢出嚟再加上酸菜 湯底冇得揀唔辣，因為佢係酸辣菜，淨食酸菜都唔好食。之前喺度食過其他嘢都唔差，但酸菜魚又貴又唔好食，寧願叫返其他野食。…Read More

因為之前試過愈黎愈差，所以好耐無食，又想試返，原來仲有得再差啲！牛腩又韌又柴都算！個咖哩合埋眼聞落去唔會知係咖喱，同以前食既唔係同隻味，完全唔係咖哩，仲要見到蒜蓉，成口生蒜味！邊個天才煮架？個廚係咪唔想做？定請唔到人求其搵個人入廚房？成盒得白飯食得落口！唔以後都唔會再幫襯，比錢我都唔再去，唔明點解可以差到甘，仲有人去食？又唔係平，附近仲有其他餐廳揀，係我個傻左先再試多次，永世唔再去明明一開始唔差，唔知點解會變到甘…Read More

之前食過韭菜餅同牛肉餅都好食，今次叫左個外賣，手工麵唔得首先三餸麵有個手拍青瓜，佢將個手拍青瓜成個倒埋入個湯到，唔係分開上，手拍青瓜個青瓜變左暖既，而且浸左湯食唔到個汁。但係個湯就比個汁搞到奇奇怪怪，有啲酸味。 同埋個手工麵係一餅野，黐立立，成個粉餅，完全無咬口，會喺個口入面黐住，仲要我加咗落湯個湯變咗好稠糊，佢個麵係勁粉，而且酸酸地，但我唔知佢係索咗啲湯定佢本身係咁。但牛𦟌係好食既。佢本身都係外賣店無堂食，即係無關係咪我叫外賣既問題，我自己去買都係甘。手工麵唔推薦，牛肉餅同韭菜餅就冇問題👌🏻…Read More

喺舊舖都食過幾次，搬咗新鋪位後第一次食。去嗰陣門面仲未裝修好，好隱蔽嘅門口😂椒鹽豆腐 - 熱辣辣，外脆內軟，炸皮好薄，每次嚟到都嗌嘅小食，食淨三粒先記得影💯👍🏻椒鹽粟米 + 椒鹽九肚魚 - 都係推介之選寶寶雞煲 - 反而個雞煲水準下降⬇️，冇之前咁好味，啲雞件唔夠味。同埋佢係乾煲，打邊爐係另外再上一個爐，湯底接近無味。同左侍應講，佢竟然拎左碟調味粉俾我哋，叫我哋自己加落湯底總括嚟講，佢嘅小食係維持到高質素，但係雞煲唔掂，會考慮一下會唔會再黎。…Read More

黎食左兩次啦，酸菜魚🐟一定要叫啦。酸菜魚 - 第一次食中酸小辣，第二次食小酸小辣，都係小小岩我多啲😂，唔係到到都有得揀辣度同埋酸度，呢到就啱哂無咁重口味既人👍🏻炸饅頭 - 外脆內軟加埋煉奶，點會唔好食💗 不過兩個人食六粒太多，如果有得揀四粒饅頭就更加好。黃金蝦 - 除左酸菜魚，其他小菜都唔差，可以一試。黃金蝦都有大概十隻，隻隻都包哂‘金沙’，好味😋 但如果蝦殼再炸脆啲，我就可以吞埋殼，朋友話佢食得到，但我唔得😂醉雞 - （無影）好味唔重酒同埋份量較小，如果鍾意酒味重既就未必啱。另外每檯都有收費前菜，唔貴，好似係$20兩小碟，但唔啱我食，希望可以取消😂 同埋希望野飲可以大杯啲。…Read More

平日既夜晚食飯時黎，得兩三檯人，可能係太偏僻，但係食物質素係可以再黎既。Bookmark左呢間想食抹茶窩夫配開心果雪糕，點知今日黎到無開心果雪糕，所以最尾無落order🥲唯有下次再黎試蕃茄醬牛肋肉意粉 - 味道ok番茄醬偏酸，但我本身鐘意食酸所以岩我口味，鍾意甜既就未必岩，牛肉有少少韌，如果嫩啲就perfect~卡邦尼意粉 - 啲蛋黃撈埋醬汁足夠食哂個意粉，醬汁濃稠度適中，不過朋友話正宗應該係‘杰’啲，但我地一致認同呢個都好味😋黑松露醬炸薯條 - 呢個都冇得輸，份量好多，因為佢個碟好深，所以唔止表面咁少，食勁仲有咁。唯一劣評係比杯飲品（無影低）Mocha Latte, 成杯都係泡咁滯。不過總括黎講，份量足味道好價錢合理，可以再黎…Read More

電視同埋米線關注組都有見過的米線，有時間就趁順路黎食下。 個湯底只得一種，無得揀，只有揀辣度。姐姐有溫馨提示，辣度偏辣。但我都係低估左佢既辣度，高估自己的能力，揀左小辣（廢j：食開10小） 我應該要揀肉碎辣。 我唔知係太辣令我試唔到酸辣湯底既酸，定本身湯底酸味唔出，反正一路流鼻涕一路食。 湯底可能係因為我揀錯辣度，所以覺得得辣味，無酸味。 而配料就有讚有彈。冬菇厚肉入味，甜味喺個酸辣湯到突出，推薦！雞絲，唔明點解出名，撕得好細好碎，撈埋湯米線完全無咬口，食唔到佢既存在。腩肉煮得夠腍同入味，都唔錯，唔會食都一嚿肥膏甘。至於螺旋藻，我覺得冇乜特別，佢唔索湯，有啲似海帶紫菜甘。如果要等位，我就唔會排隊食，如果冇乜人嘅話我會試吓肉碎辣既。…Read More

隱世工廠Cafe，唔係朋友帶我嚟，我都唔知呢度有間cafe，地方之隔涉，係搭𨋢之後仲要行多層樓梯先會到。平日未到6點收工時間，已經有人排隊等位，好彩叫黎得早，等一陣就有位。明太子忌廉大蝦燉飯 - 朋友話上次食過幾好，但今次個飯有浸苦味，唔關上面嘅火箭菜事，唔知係個飯本身調味有問題定明太子出事，失望😮‍💨鹹蛋黃雞翼 - 唔錯足料，建議唔好落多過一個鹹蛋黃菜式，因為鹹蛋黃都落得幾多，如果嗌多個鹹蛋黃薯條，應該會食唔晒。鍾意食鹹蛋黃嘅應該就好開心炸魷魚鬚配芥末籽蛋黃醬 - 雖然話係芥末籽蛋黃醬，但係食唔出同平時嘅蛋黃醬嘅分別，相信如果真係有芥末味會更加好，可以解膩。不過魷魚有彈性，都幾好食。又到聖誕～又到聖誕～ 見到士多啤梨雪人覺得好得意, 呢個甜品係我成餐入面最最最推薦嘅，本身開心果甜品唔多，加上佢疏乎厘又好味😋，勁鐘意，如果佢係日常Menu就好有機會會再過嚟食，希望下次明太子意大利飯會可以回復正常，甜品維持水準…Read More

係IG見到出年3月程班長就會離開香港，所以趁着仲未閂門之前就過黎食，唔知之後仲有冇機會再見。我估係因為就嚟離開，佢哋將餐具或者物資等進行處理，所以而家換晒即棄餐具同餐牌。清湯牛筋牛腩麵 - 雖然睇落面有啲油，但其實係表面一層薄薄地，飲落都唔會覺得好油。麵keep到好味有彈性，不過牛筋就可以再腍啲。好多香港既台式餐廳都係得紅燒牛腩麵，唔知係邊度有得再食。蚵仔煎 - 只有四隻蠔仔，係食粉漿加醬。所以個人始終係鍾意食香港嘅蠔餅。皮蛋豆腐 - 阿元的皮蛋豆腐比較好食，呢度嘅係原隻皮蛋切對半，要自己溝埋豆腐一齊食。好耐冇黎食，覺得質素比之前冇咁好，可能係因為佢哋開始減少人手同資源，準備離開。希望有一日，程班長可以再返黎香港，因為個陣應該就係大家憧憬嘅香港。…Read More

經朋友既強烈推薦下，特登過黎紅磡食既日本餐廳。如果想黎試，大家記住book位，見到有人黎到，無book位無得入。本月推薦既餐牌，價錢都唔算太貴，不過今日冇日本空運刺身，有啲失望。前菜 - 每人一碟嘅牛蒡，好好味，唔覺唔覺就食晒日式炸雞 - 外脆內嫩，炸得乾身，好味關東煮🍢 - 全部都好入味，連湯底都好味炸池魚 - 炸得好味嘅魚柳，好重魚味唔係腥味，好食👍🏻刺身 - 全部都係厚肉，鮮味牛肉豆腐鍋 - 上枱時仲熱辣辣識出熱，非常足料好味😋間餐廳有日本人黎，已經代表質素保證，上檯每樣食物都好味，唔洗驚中伏。不過可能我係經朋友強烈推薦，又加上睇左某yt ber既片，就抱有好大期望，導致有d落差。我覺得佢嘅味道係好食，但我覺得同出面好食嘅日本餐廳味道差唔多，唔係話好驚艷，但係係好味又唔貴既日本餐廳。不過我個人未必會特登過黎食，一黎紅磡唔係太方便大家朋友聚會，二黎就係無一個好特別要黎食既餐牌食物。如果甘岩去睇演唱會，想係附近食好野既話，就可能會再黎。…Read More

良心韓國菜💛以$50唔洗食到一個lunch都好抵，仲要係韓國菜，真係買少見少。海鮮豆腐湯飯 - 雖然係$49，但冇因為平而扣減食材。入面有兩隻蝦，一隻青口，蜆，一個魷魚圈，豆腐，翠肉瓜，洋蔥，泡菜，同平時食開嘅味道同埋材料差唔多，所以非常抵食。美中不足嘅係入面嘅醬料冇開好，仲有一大嚿係個湯，可能因為咁樣個湯有啲偏鹹。同埋希望餐廳留意一下係個場有兩三粒蚊滋仔喺度飛來飛去，有啲煩。如果可以，個裝湯嘅器皿可以換一換🙈不過呢啲都唔影響佢係性價比高嘅韓國菜👍🏻…Read More

如果係為左打卡過黎，就叫職員安排門口位置，唔係入內就坐既話，就得門口附近既藤織吊椅打卡，但係門口位好似優先比帶狗人士。打卡人士要注意啦。如果以入面嘅食物同環境嚟講，我覺得價錢偏貴。唔帶狗唔打卡，個人覺得以主食黎講可以唔使黎。（甜品唔知）慢煮16小時香烤鴨脾配米飯餅 - 如果唔講佢係慢煮，其實同我食過嘅油封鴨髀，或者鴨髀湯飯嘅鴨髀，無太大分別，唔係好似慢煮雞胸甘變得特別嫩滑，但要價百幾蚊，同平時食既冇分別，你唔提慢煮我都冇咁大期望，冇期望就冇失望。不過米飯餅有驚喜，竟然係蟹肉米飯，鹹香蟹肉配上米飯又幾夾幾好味。Be leaf all day breakfast - 份量好多，除左主角蠔之外，其他都唔差。牛角包唔係腍既，係好食既牛角包，煙三文魚都有成兩大片，唔係細細塊。黑松露炒蛋，有好香既黑松露味，冇話係咁以畀小小就算。但係個蠔真係唔掂，我都分唔到係生蠔定焗蠔，係勁細隻。蠔既上面係勁多勁多炸蒜（定焗蒜）唔係薄舖一層，係個蠔殼四分三都係，四分一就係個粒唔知萎縮嘅蠔定係焗到縮水嘅蠔！我懷疑係為左掩飾佢個蠔豉既大細，所以落勁多炸蒜黎遮蓋佢！我食第一粒個陣，就覺得自己好𢳂左一匙羹炸蒜粒入口啪甘，完全食唔出個蠔。第二粒就𢳂走哂啲蒜，就見係一片厚過紙小小既「蠔紙」，真係去食放題既焗蠔都厚過佢🙄$188既all day breakfast，個三粒蠔豉真係$30都畀多，炸蒜可能仲貴過蠔豉，超市一罐都廿幾蚊，甘重手可能都有一罐，計計埋埋原來都五十幾蚊咼，加埋平時all day breakfast都八十幾九十幾，原來都唔係貴出面好多，不過我唔想食三粒十蚊既蠔豉，寧願食粒三十蚊肥美蠔。個杯個紋路好似杯野飲打左格仔甘，飲品一般，唔差但都唔推薦。再過黎食主食就唔會架啦，不過唔知會唔會帶狗仔黎坐出面打卡，同埋試個甜品…Read More

可以encore既串燒店💛 價錢唔貴，同出面串燒店差唔多既價錢，但有創新又好味既串燒，有啲真係必試！雞皮墨魚滑 - 必食推薦！一層薄薄既雞皮包住彈牙既墨魚滑，咬落去，雞皮仲會滴油，雞油香加上彈牙無溝粉既墨魚滑，真係一定要食！如果佢可以單買墨魚滑返去，我一定會買，真材實料，好食過好多火鍋店既墨魚滑！鹽燒雞軟骨 - 燒雞軟骨都好難唔好食，燒得乾身加有咬口，調味正常加上檸檬汁，送酒小食牛油蒜蓉焗雜菇 - 夠牛油夠蒜蓉，蒜蓉夠味，點會輸惹味夾口雞腎- 上枱嗰陣我仲以為黎錯咗，以為黎左牛舌。佢同平時雞腎既口感唔同，有少少似豬頸肉嘅口感，冇平時咬雞腎嘅「颯颯」聲，我唔係咁鍾意。日本一口甜薯 - 不過不失，同出面食既無乜分別。福岡味噌松阪豬 - 第一下以為係蜜糖燒豬頸肉，後面有味噌平衡返，唔係得甜，有驚喜，值得一試手釣墨魚鬚 - 呢個覺得麻麻，都彈牙但係偏腍。我估呢個係就咁用少少鹽調味，所以好考食材，唔夠彈牙就爭啲。孜然燒蒜蓉茄子 - 兩個人既話唔建議叫，因為偏油，份量又唔細（圖中已經畀我食左一忽），食得多會有啲漏。不過佢燒得好好，可以連皮食，唔會好似出面有啲燒過火個皮就唔好食。同埋佢冇落好多孜然，可以食到蒜蓉同埋茄子既甜味。如果鐘意好重孜然粉既就應該失望，但我就鐘意甘樣既調味多啲。黑糖燒菠蘿 - 好食多汁，出面有層薄薄嘅黑糖焦，不過入口溫度係微暖，有啲地方就仲係小小凍，我覺得如果係全冰凍既應該會更加好味。同埋份量都唔細，每人食半份都夠，可以留肚黎食其他野食，例如食多份雞皮墨魚滑海苔黑豚肉鵪鶉蛋 - 黑豚肉好薄，入口其實唔係好覺，但加埋海苔沙律醬，同鵪鶉蛋一齊食，又真係幾好味，呢個都可以再食埋單三百幾蚊，每人唔洗$200，又飽又好味，可以再黎食。題外話，個menu既字有啲難睇，本身個場燈光都暗，啲字細隻又密仲要花，睇到眼到矇🙈…Read More

細細間舖頭，平日夜晚七點幾都十幾個人係門口排隊，同隔離幾間舖頭好大對比，期望值上升🔝 餃子（六隻）- 一般既日式煎餃，不過小心好熱，我就辣親條脷🙈檸檬拉麵 - 本身想像唔到係咩味道，食完後覺得呢個湯底係我食過最好味既拉麵湯底，都有可能係我食得少拉麵，檸檬中和左湯底嘅油膩，湯底帶有少少檸檬香味同酸味，真係好正一虎 - 豬骨湯底濃厚，食到後面會覺得有啲苦同埋濟，到最後食淨左啲，我相信如果食檸檬湯底就唔會有呢個結果😂 另外，叉燒有啲柴，同埋溏心蛋唔係食開既醬油味，而係好重酒味，似醉蛋多啲。雖然係甘，但我會為左檸檬湯底再黎見到有個素豬骨拉麵啱哂素食嘅朋友，香港素食既選擇真係唔多，要讚👍🏻…Read More