rickytkshk's Profile

叫咗佢哋最基本嘅餐, 有龍蝦, 鮑魚, 貝殼類, 有蝦, 有蟹, 聽落好豐富, 但份量 . . . . .龍蝦係龍蝦仔半隻(每位)鮑魚，貝殼類每位只有一隻 ( 有咩貝殼類可以睇佢個menu, 計埋鮑魚都係得四款)膏仔蟹每位半隻太平洋饅頭蟹每位半隻 ( 完全冇肉, 得少少膏， 個店員同我話食佢個鲜味， 一啲肉都冇 ，我都唔知點樣食到佢鮮味).海鮮質素一般般, 份量完全唔夠, 同太子某一間 食同類型嘅蒸海鮮, 完全冇得比。 佢有節日前夕或公眾假期收費。 綜合食物質素份量同價錢， 完全唔合格，…Read More

知道係茶記級數 ( 有喇沙同燒味食)， 對食物同服務都冇咩期望， 但係啲服務差到不得了， 好似完全唔想做生意咁。 落咗單,遲成15分鐘都未到， 追問佢，跟住話我冇落單。 一位年青員工同我落返單，啲態度同語氣非常之差， 黑口黑面， 服務態度仲差過澳牛，食完同經理投訴， 佢竟然話 "我都冇辦法"。 雖然係茶幾級數， 但我諗最少要對客人有基本禮貌， 但我喺呢間店完全睇唔到, 麥當勞都畀佢好十倍， 香港飲食業競爭咁激烈，真係要祝間店好運。…Read More