virt888's Profile

上週太太介紹我來吃菜肉蝦肉雲吞，好大粒好有鮮蝦味，菜肉我麻麻地因為自己怕多豬肉好肥，不是因為食物問題，只是因為我太容易肥；所以今天再來叫左冬菇蝦肉雲吞，冬菇抆到好冧，好有冬菇香味，好感動好有家人煮俾你既感覺，所以自覺黎寫食評，唔怕肥既仲有好多選擇，像我擔心肥的一定要試冬菇蝦肉雲吞。還有的重點是，門口帶位的好親切（估計是老板娘）超好人，一直笑容滿面，她和裡面的員工也有和我聊天問我夠唔夠食，我話咁大粒好滿足的了：）而且不止是抵食，仲要係好食。一定會再來吃，祝生意蒸蒸日上。附加一張對面食客的鯪魚球，我無試過，下次試下，因為睇返照片太吸引。…Read More

同事介紹這一家沙律店，很新鮮，很好，但三文魚要加$30 只有三片，如果當時服務員夾到三文魚偏魚尾位置，份量更少，有些服務員會自行多加一兩片給你，有些服務員就不會主動多加，建議店主如果加錢可考慮磅重方式去控制三文魚份量整體來說都很好，一週都會光顧3-4次，很健康，很好的沙律店如果再有會員制，一週食3次以上的老顧客，可以有些積分優惠，比起每次隨機三文魚份量的感覺會更好，能留下更多顧客，希望店主可以參考🙏…Read More

這家小店好特別，有個後生仔員工有染髮的非常有禮，超讚；但另外一個後生仔又相反好像趕收工咁。食物方面，三文魚是必食的，質量保持好好，可惜時多時少，每次都會說多了一些，要求加少少錢，但最生氣的是有次買$70就12片，店要求加多$2，總數$72，平均$6 片今天要半磅，原價$168/2 = $84，又加$3，但今次是13片，大小一樣我一家都喜歡吃三文魚和蝦刺身，有次要求大甜蝦$35 5條，不禮貌的哥哥還拿了兩條斷尾的，那次蝦吃了味道怪不新鮮都有輕瀉沒再叫蝦了我們家小孩都好喜歡吃你們的三文魚，希望你們能改善服務，服務好更多人會來幫襯的…Read More

剛搬來景峰，隨便去食碗粥，竟發現光記比其他市區粥店都好吃，還有牛肉腸，韭菜餅和煎的小吃必定要試，不是很多粥店有的。蒸飯，蜆粥我未試，不過店員（好像是一家人）十分友善，食碗粥像親人煮俾你的感覺，分別就是要俾錢😂還吃過菜心，太太有吃過蒸飯，這些全部都很好吃，雖然價錢比市中心附近坤記比較貴，不過質素都很好，成餐每樣都係好味既，下次我們會試蘿蔔糕，還有其他粥品，不過要記住粥是5pm 後才有的賣，週日休息的，平日晚上不難找到位坐👍…Read More

放假週圍去，諗起有同事介紹過隱世小糖水店，反正去開深水埗睇下玩具街又睇下GAME，就行上少少石峽尾個頭試下點隱世法；去到大丁小甜呢條街，好特別哦，似舊區舊商場地下，好似廢左既商場但又好熱鬧，好多食店，對面又方便泊車，就停底入去叫碗湯丸食下。湯丸好食又唔貴，賣$17碗，心諗是但啦，十七蚊想點，當時係下午約4點多，岩岩開舖，只要唔難食，都好啦，點知D薑汁湯水好夠味，有少辣又唔會辣死你，湯丸D皮，彈，厚，芝麻唔係甜死你個種，食落去，我只得一個諗法，住係屯門既我，以後想再食唔通下下黎石峽尾？之後約左太太收工係深水埗食埋小菜王先返屯門，食完之後，我同佢講近近地口淡淡不如上石峽尾食糖水，我仲WHATSAPP 個同事，佢同我講玻璃粉先好食，我仲講笑話咩玻璃食得既咩，佢笑左下。咁就同日去食第二次，今次有太太，太太叫碗紫米露，我就食玻璃啦，因為太飽，試小碗，紫米露我食左啖，唔會太甜也好味，OK，玻璃呢，真係。。。。。。令我諗起九龍城某某糖水店出名既清心丸，呢個玻璃粉有過之而無不及，只差的是，一間出左名，一間唔出名，有興趣去試下，呢個價錢，絕對值得你去石峽尾試～ 清心丸係有咬口個種，玻璃粉係質地似涼粉但透明，應該鍾意食涼粉就要試下玻璃 ：）…Read More

肥牛好吃但貴左d, 最令人擔心係有不同選擇，套餐或散叫，但散叫肥牛會貴好多，未知散叫肥牛質素份量如何是最大改善空間，增加透明度對熱愛肥牛顧客更好牛丸好彈，炸魚皮和響鈴係剛炸完上枱，非常好味，服務也不錯，可能已有改善？！酒水方面發覺啤酒不貴，而有特飲超大杯三十幾蚊杯對駕車人士黎講，實在想讚馬𩣑山這地方泊車很方便改善：如果能讓顧客清楚看到點菜的肥牛份量和質素，免得配了套餐郤降低了肥牛質量，這個必定讓肥牛喜好者更容易選擇…Read More

這店的蛇羹味道好溫和，不會太重藥材味，而且蛇肉比較新鮮，相信和他們飼養的蛇有原因吧蛇肉和瘦肉，冬菇都平均，湯不是很"湖"狀的那種，但食落又不會覺得淡。最特別想介紹的是龜苓湯，中藥湯味好香易入口絕不是想象中龜苓膏個種味更沒有苦味香港很多區的蛇羹都食過，呢間係本人食過最好味同最有人情味的蛇王店，店老板和九哥好好人，我成日買去老人院俾老人家食，老人家都十分喜歡，我們都一定會買蛇羹和龜苓湯如果未食過的朋友，建議堂食 (不怕蛇的話  :like …Read More