or#Tm66484662's Profile

見新開張就試一試，出面好多人等位，但等得唔算耐就有位。入座後座位貼住後面張櫈，好擠逼，坐得唔舒服。樓高好低，所以環境好嘈吵，交談好困難。食物既價錢比起酒樓較貴，平均價錢都超過$35-40，最後兩個人食要三百幾蚊。食物質素亦好一般，特別係煎炸類食物都比較油膩，炒麵好似油浸一樣。服務質素算一般，食飯途中出左小意外，侍應倒瀉茶水，雖然該位侍應不停道歉，但其他侍應見到意外發生都繼續做自己野，無視客人受到影響，要叫幾次人先拎到紙巾黎，感覺好差。一心以為添好運既點心出名好食，但食過一次感覺所有野都非常一般，好失望。下次唔會再食。…Read More

之前都有黎過，食過一次lunch, 今次帶朋友黎食晚飯，一入座職員就講限時90分鐘，諗住平日無咩人，即使限時，估計出面無人等都應該可以繼續坐落去。點知食食下就陸續有職員黎問last order, 又走黎收走碟餐具，一到90分鐘就即刻黎埋單，走人時見到鋪頭出面無人等位。其實晚飯限時90分鐘真係趕到不得了，平日時間無人等都要咁strict, 唔太識彈性處理，好趕客既感覺。講真食物係好食既，但價錢都唔算平，仲要限時食，下次唔會再黎食…Read More

見到foodie介紹意粉屋新出砂煲沙嗲牛麵，見到片入面既沙嗲好濃，即管去試一試，點知現場食，個沙嗲湯勁淡同稀，完全係兩回事👎🏻👎🏻👎🏻👎🏻牛肉好少，食落好硬，有筋。麵質勁淋，雖然未至於發脹哂，但應該擺放左一段時間。砂煲只係裝飾品，摸落去完全唔熱。或者去意粉屋食沙嗲牛肉麵本來就係錯既選擇😮‍💨另外下午茶食左炸魚薯條，亦係好一般。如果為食物而去，超級唔建議。如果純粹想有個安靜既地方坐，都還可以既。…Read More

之前已幫襯過兩次，一次新開張時食下午茶，一次去食早餐，兩次經驗都勉強接受。今次再去食早餐時，見到好多檯上面放滿之前食客食完的餐，但見有位就照坐低，等待職員過來清理。但等待了一陣，仍沒有職員過來清理，見到有另一對情侶同樣地舉手叫職員都是沒有回應。眼見在場的職員年齡層較後生，但做事速度彷彿進入了平行時空般，還是懷疑職員是否身體有事，行一步路都是慢幾拍的，聽力視力都同時出現問題，即使食客在眼前舉手叫喊，都照樣無視。如果餐廳想繼續經營下去，應該重新檢視下職員的身體狀況，或需重新教育下。…Read More

職員態度惡劣，店舖內有其他空檯位置，當坐向另一張4人空檯時，職員大聲呼喝，喝止坐低。可笑是前面2名客人可以坐向4人檯，但我們2人就不可以坐在4人檯，完全不合理。還要指令我們坐於極之擠逼的2人檯，根本坐不來的，分明是留難客人。不論食物質素如何，如此服務態度已令客人留下極差印象，即時決定走人。旺角區食物選擇多多，這間店鋪食物亦不見得有多特色或出色，限制每人最低消費，再加上此惡劣服務態度，希望這間店舖可以於旺角區維持到🤨…Read More