Yarus Ho's Profile

第二次去隱町，真心好想讚讚呢間串燒店，又覺得認真嘅人做咩都會做得好。兩次都係坐吧檯，睇住高高型型嘅串燒大佬（睇樣估佢係）同佢成team人燒嘢食時認真又專注，比較少傾閒偈，就算我哋啲野食唔係大佬燒一樣好juicy同出色。有一樣比較特別嘅係普通串燒店您order佢就跟住燒，幾串一齊上係常態，但呢間串燒店係逐串上，每一樣野食隔一段短時間，以時間控制嚟講客人可以慢慢食又唔怕啲野凍晒，最啱我呢啲食嘢慢嘅人。然後上所有野都有佢哋嘅次序，前菜👉🏻雞👉🏻豬👉🏻海鮮👉🏻澱粉/飯團類，就算有啲串燒係之後先order都一樣加入返呢個次序，似乎係有味覺同飽肚與否嘅考量。因為住附近，呢間店好味又性價比高，所以之後應該都會不時過來。知道佢本身喺花園街（無食過呢間）土瓜灣係第二間分店，抵佢長開長有嘅~…Read More

因為住附近所以間唔中有去呢間居酒屋食，串燒燒得好之餘壽司亦好好味，樓面都好nice好識同客交流。對上一次七/八月去知道串燒師傅準備過檔，所以呢幾個月都無再去。今日再去試返，之前signature勁juicy嘅雞翼燒到乾晒仲有少少燶味，同行友人叫咗兩隻，一隻乾到柴皮另一隻中間啲肉居然生生地咬唔開；然後燒飯糰又係又乾又硬；其他串燒都跌晒watt。明明來貨應該一樣，識唔識燒同用唔用心燒真係差天共地。然後個肥叔叔串燒師傅著住條似波褲嘅短褲，一彎低身拎野就見到條底褲兼半個八月十五，坐吧枱真係避都無得避，作為廚師衣著整齊企理算係基本，如果連自己都唔尊重自己做緊嘅工作，可想而知食物水準去到咩程度🥲…Read More

疫情下半年無見，尋晚終於約齊班fd一行六人飯聚。French Table唔係第一次食，上次嘅用餐經驗好好，所以今次又再返黎。餐前兩款麵包都香軟好味，另咗除咗叫set之外，我哋仲額外加多咗個海鮮盤，有生蠔、天使蝦、帶子、螺⋯⋯全部都好新鮮，以分量同質素計價錢都算合情合理。前菜全部人叫Chef推薦嘅香煎鵝肝，我因為之前食過鵝肝想試新嘢就點咗鵝肝松露雲吞（其實都掙扎咗一陣因為佢個鵝肝真係煎到外脆內軟唔油膩），但雲吞都有啲驚喜，雲吞皮薄，鵝肝同黑松露味道又好夾；main course大家唔係食安格斯就係和牛，我就揀咗羊架，中間粉紅色生熟度恰到好處，肉嫩無筋都好加分。甜品今晚無法式糖霜所以要咗凍朱古力餅，係dark chocolate 微苦，只係食到尾到好飽lu~同班朋友一邊食一邊飲酒，最後Chef做完野仲走出嚟同我哋一齊傾偈，成晚氣氛都好開心，希望快啲約下次又一齊食好嘢。…Read More

今朝去開PMQ又見肚餓，cafe life咖啡一向ok所以諗住去食埋早餐，一入門口都未開聲店員已經有啲粗魯咁話「要嘟安心出行喎！」我話自己叫外賣而已佢先悻悻然收聲，之後我叫咗個quiche同一杯latte，只見店員收完錢一手揸落個quiche 度放入焗爐，我已經覺得印象差，之後焗好後佢問我要唔要餐具只係兩粒字：「餐具？」爭啲聽唔到佢問乜，最後我走咗揾地方坐低食野，前後三分鐘左右，個quiche完全係凍嘅......雖然咖啡ok但附近好飲嘅店真係唔少，咁嘅質素真係無下次…Read More

光顧多年的餐廳，經營團隊一直很有心機也保持上佳水準，知道他們二月尾停業了一段時間了，之後重新經營，今天外出下意識仍然往那𥚃跑，結果失望難而言喻。雖然社交平台說無轉手，但店員廚子都是生面孔，而食物質素一落千丈，實在很難令人信服仍是同一團隊所為。餐牌基本上是沿用以前的，食材可能也有一部分是，但結論是很難吃。叫了明太子雞肉飯，米飯因下太少水去煮而口感頗硬，一舀到底下面全部都是汁水！？雞肉則沒什麼味道。另外叫了一個菇菌飯，菇菌類有微微灼口感，但調味似是本身一個鹹醬汁加了很多水所以有色無味。兩個飯只能夠說是難吃。如果是用一樣的食材，那前後廚子的水平及心機實在有很大的距離，再見了記憶中的神經餵飼👋🏻👋🏻…Read More

今晚去左稻香打邊爐，原本無乜期望，大家都知大型連鎖酒樓一係不過不失，一係就差到死，無下次；但今次食又ok喎，我地六個人去圍爐，野食選擇都算多，而且幾平，黎到啲肥牛、海鮮類都算新鮮同多，之後有次落左個菜籃遲遲都未黎，我地催單阿經理都好好禮貌即刻入廚房拎返畀我地，畀個讚佢👍🏻唔知係咪之前食過其他地方稻香都覺得服務麻麻，啲小菜又hea，今次算有啲改變舊印象，埋單都係每人都係百零蚊，打邊爐真係食得過可encore…Read More

位於尖沙嘴I square地面出口的正對面，有一幢毫不起眼的舊式樓宇，一間充滿情調的法國私房餐館便隱處其中。推開大門，以粉橙色作為主調的餐廳自然營造出一種柔和的氣氛，漆黑的天花與雅致的水晶吊燈形成強烈的對比，仿如置身浪漫的星夜之下。開放式的廚房讓客人能夠清楚看見，在料理臺後忙於烹調菜式的主廚身影。煎鍋的滋滋聲響與悠揚悅耳的英文歌曲交錯奏出最動人的樂章。同時，空氣中傳來陣陣的食物香氣， 令人垂涎三尺。甫落坐在預訂好的位置上，侍者隨即遞上是日餐單，我考慮片刻才點了單，未幾熱烘烘的homemade麵包便送來。籃子裡的麵包只有一款，金黃色的表面灑上了少量的芝麻，咬了一口，濃郁的牛油香瀰漫在整個口腔，久久不散。十數分鐘後， 招牌的前菜香煎鵝肝上桌，切一小塊沾上紅桑子汁後送進嘴裡，外脆內軟的，感覺它緩緩地在舌尖溶化，微酸的醬汁中和了油膩的感覺，兩者配合得天衣無縫。接著的雜菌湯與芥末羊架也絲毫沒有令人失望。濃湯馥郁的菌香味與外面平常的慣喝的餐湯完全無可比擬，主菜羊架則被煎至七成熟，肉質嫩滑多汁， 配上法式薯菜味道一流。正當以為美食驚喜已經夠多之際，最後的甜品亦為這頓饗宴劃上完美的句點。傳純的法式糖霜質感略硬， 配以新鮮水果，整體微甜帶酸，屬水準之作。享受完一頓豐富的法國大餐後，主廚還親自出來寒暄一番，親切而窩心。如此自成風格，不流於俗套的私房餐館，饕客定必一嚐。…Read More