愛妻便當's Profile

因為太鍾意食燒肉。所以一見有新未食過嘅，都會衝去食。知道尖沙咁附近開左間，搵日放工同朋友去食。間餐廳都好就腳，係美麗華附近。餐廳唔算大，但好乾淨、同型格。而且抽氣系統都做唔錯。我地就梗係又狂食牛啦。家不過開波都係食左個沙律先啦。其實個餐牌大部分都係牛。我地叫左牛舌，最難忘就係依個啦。叫左厚切同唔厚切，兩個都好不，不過相比之下，竟然唔厚切嘅口感更高。好嫩。食完勁想encore ，不過都係留返食其他肉啦。其次推薦骨付牛小排。仲有專人燒添。好好食。不過要小心燒太耐會鞋左。另外真係encore 左左兩轉嘅牛五花一樣岀色，油脂同肉比例好配合。入口好嫩好軟。好likeeeeee!!!!燒埋啲菜。整體黎講牛肉質素不錯的，環境就係如果兩人枱都可以大啲就好，因為嗌完嘢食都唔夠位擺。希望水準可以keep 住。慢慢燒下燒下都過左成兩個鐘。…Read More

Dishes must try: Chilled Tofu with Century Egg, La Mian with ‘Dan Dan’ Sauce, Deepfried Mandarin Fish, Xiao Long Bao, Chilled Aloe Vera and Osamanthus jelly in Honey Lemon Juice Chilled Tofu with Century Egg: This starter dish was refreshing, delicious and nutritious dish. As the tofu doesn’t have much taste itself, it lands in the taste of the soy sauce and the century egg. The gorgeous presentation makes it very appealing!Deep fried Mandarin Fish: The fish was crispy on the outside, moist and tender inside. The sauce served with sour sweet taste, slightly tangy and pleasantly red. This traditional dish was so delicious and melted in my mouth right when I put in my mouth. It definitely reminds me what I loved to eat in my childhood. La Mian with ‘Dan Dan’ Sauce: The ‘Dan Dan' mian was served with sesame paste and with bit of spicy sauce, so even if you cannot handle spicy food, it is a slight moderation to enjoy. This dish was able to give out a rich complex flavour and I would come for this again! Xiao Long Bao: It is easy to find Xiao Long Bao anywhere in Hong Kong, but it is special to find it with different flavours such as Ginseng, Crab Roe, Foie Gras, Cheese and Black truffle. The Xiao Long Bao is juicy and with tender pork, it is nothing like the traditional ones. Chilled Aloe Vera and Osamanthus jelly in Honey Lemon Juice: The name of this appears very healthy to me and It is very appealing to women in my opinion since the ingredients are very natural and definitely can soothes my throat. This dessert is not too sweet, however was able to bring out the honey and aloe vera flavour, it is very tasty and soothing.…Read More

今日特然好掛住食拉麵，係屋企搵下有咩好食，就落街搵食啦。近近地又就腳，之前又未食過，今次就試下佢啦！外面睇都幾似日本啲拉麵店。感覺不錯。就咁睇餐牌都有幾多拉麵選擇，有排試啦！兩個人叫左兩個麵，同兩道小食。個人叫左特上海老拉麵湯拉麵。朋友就叫左特上魚介豚骨拉麵，依個係平日限定黎。其實特上嘅分別係有紫菜，流心蛋，多兩款肉！係兩款呀！正！首先，講下個湯底先。湯底好濃，好小小痴咀添。海老湯，有超濃香嘅蝦味，個人超like 。魚介相對地淡小小，不過魚香味都好重！個人比較喜歡食粗麵，比起幼面有咬口啲。另外，最緊要緊係啲配料啦。豬肩肉同豬腩肉真係好有水準，算嫩身。而且肉香足夠。所以叫特上係啱嘅。我地仲追加左筍同葱，個份量真係好多。超正！覺得一定要食炸蠔，因為真係好食，粉唔多，内嫩多汁，外脆！價錢公道，值得一試。軟殼蟹都係！不過就比較乾身。個人首推炸蠔。超開心仲試到日本先有嘅抹茶汽水，不過味道冇咩特別。哈！…Read More

今次係中午去食captain house。因為預約左12點試食，去到嘅時候仲未開始午市繁忙時間，可以一嘗包店嘅滋味，享受店裡富特色嘅裝潢同闊敞嘅空間感。今次食左圍繞凍海鮮拼盤同熱船長海鮮拼盤。先講海鮮刺身冷盤，當中包括有長腳蟹腳、扇貝、蜆、青口、翡翠螺、小龍蝦、虎蝦、紐西蘭藍鮑魚、八爪魚仔、生蠔同埋麵包蟹。上菜時，如平常冷盤一樣，海鮮底下配有冰底保持溫度，同時有檸檬用作調味以及木條小木板作裝飾，佈置別緻。整體黎講，共計11樣嘅海鮮全部都好新鮮，係唔加檸檬汁嘅情況下可以食出淡淡海水咸味。例如蜆、青口、翡翠螺、小龍蝦、生蠔等等當中嘅鮮味表露無遺。扇貝、長腳蟹腳同麵包蟹嘅味就更係係眾多海鮮中突圍而出，令人不得不將目光放係作地身上😋。扇貝勁大份、厚肉，鮮味濃厚，非常新鮮，口比較細嘅朋友可能需要費啲力先可以一啖放入口啊。長腳蟹腳有十足嘅蟹肉味，同一般蟹肉相比，味道會長長流係口腔入面，仲有濃郁海水味。而麵包蟹令人十分驚喜，係蟹蓋入面藏著唔少蟹膏，大啖大啖放入中，感受到嘅係一陣陣滿足感🤤。跟住到熱船長海鮮拼盤，今次我地選擇左5樣海鮮包括長腳蟹腳、蝦、扇貝、蜆同埋青口，以檸檬牛油汁煮。果然，最緊單嘅配搭最好食，一般以為檸檬牛油汁比較普通，但同時亦是熱食海鮮嘅最配搭。香濃牛油味配以微酸嘅檸檬香味絕對大大地勾起食慾，令你食到停唔到手啊。如同之前所講，海鮮十分新鮮，幾乎沒有挑剔之處。同為5樣海鮮中較突出嘅長腳蟹腳，將蟹肉同檸檬牛油汁一同吸入，喺口中混埋一齊，蟹肉鮮味與牛油香味交融，頓時成為呢一餐嘅亮點。係我地落單嘅時候，侍應哥哥為我地推介蒜蓉包配呢個熱盤乃一絕，而佢亦所言非虛。蒜蓉包本身蒜味惹味，外邊脆入面軟，味道已十分好，係食熱盤嘅後期再用蒜蓉包沾上醬汁食，味道更係一絕😋😋😋！飲品方面，我地就叫左Fruit punch同Orange Squash，味道清新，ok嘅值得一試。…Read More

今日同女友去食一間位於中環樓上既Omakase ，咁大個人第一次食 ，緊係坐吧台啦望住師傅準備啦 第一道係海膽冬瓜昆布啫喱配桔皮條冬瓜同昆布都比較清新，岩岩好襯托出海膽個種鮮甜，好好味 第二道有四款料理 1. 北海道粟米 北海道粟米有係其他日本料理店食過，但對比完都係依碟比較清甜！2. 營光魷魚加面💩噌第一次食，唔腥得黎幾有口感3. & 4. 八海螺同螺肉依隻相比之下就比較普通，但基本上都係好味第三道 -鮑魚湯依個湯上係刺身前真係恰到好處,清清地打個底再食刺身 第四道 刺身 木鯛，深海切魚，拖羅3款都好味,所以個人黎講覺得小左D! 因為好味既刺身緊係想食多幾件啦但我個人最中意既都係拖羅,可能岩岩飲完湯個口熱熱地放塊拖羅入口個感覺真係好正,D味出哂黎 Tempura分 界 線第一款 炸蝦 連頭第一款蝦天婦羅比教常食,但不得不說依到個好過出面個D多多倍 佢最右手面既係蘿蔔蓉,每食完一件天婦羅我都好中意食小小黎清清個味蕾。第二款 目乾魚第三款 蔥汁海鰻 京都萬能蔥第四款 蠔配青椒主菜 血鴨依碟主菜有三樣野食，兩樣係鴨一樣係蕃茄。 比起鴨，我覺得個枇同蕃真係好出色，感覺到材料新鮮既重要性甜品 鹿兒島 安娜貝蕃薯依個甜品真係好正，首物番薯已經好甜好好味之後再加埋佢右手邊嘅白蘭地同埋一啲糖，加埋一齊食真係好正最後食埋片西瓜，真係好滿足好飽…Read More

呢間餐廳走日式森林風，俾人有種錯覺喺日本民宿。佢嘅食物都幾多元化有鍋、炒飯、沙律、串燒等等。我哋叫咗個左口魚裙邊沙律，意想不到嘅好食。左口魚因為燒過所以好香口，同埋配搭酸酸甜甜嘅芥末沙律醬都令人一口接一口。另外都叫咗原條蒲燒鰻魚炒飯，份量好足，好味，兩個人share食都夠，條魚好足料好大條，好抵食。串燒我哋叫咗和牛串、牛脷、雞肉串等等，味道都正常。我哋都叫咗燒明太子雞翼，佢炸得好香口入面有好多明太子，幾好食。平時下午茶，都有tea set都幾抵食，下次可以黎試吓。點入邊嘅環境同埋店員嘅服務都好好，我哋都傾左好耐計先走。好適合約一班朋友鍾意食日本野同埋想舒服傾計嘅。…Read More

終於食到最近成日都見到有人係Instagram影相打卡嘅海鮮大餐。今次揀咗去尖沙咀因為地點較方便。一上到去個感覺都好闊落，四周圍係大玻璃感覺好通透。 今次係午餐時間去食，個餐牌都幾多選擇價錢都好合理。見到隔離枱果份牛扒好吸引所以我哋都叫咗香煎8安士肉眼（5成）。前菜有沙律同例湯揀，嗰日係蘑菇湯。 佢個蘑菇湯都好濃郁，配香草包俾你點嚟食。佢哋個肉眼扒都幾厚身同埋都剪得幾香口。不錯。最後都會送一款當日嘅甜品嗰日係紅絲絨蛋糕都好好味。除咗海鮮拼盤佢哋嘅lunch set我都係十分之推介同抵食,性價比十分高。除咗set lunch，嚟到一定要食梗係佢哋最受歡迎嘅熱船長海鮮拼盤啦。有三款海鮮拼盤選擇分別係三種（$398）、五種（$548）同八種（$798）。我地揀左5種海鮮拼盤，加招牌嘅檸檬牛油汁。好彩我哋冇叫百種佢嘅份量都幾大份，全部海鮮都好足料好有滿足感同埋佢會俾埋啲工具較剪去幫助展開海鮮嘅學去食。佢一打開個膠袋好蒸氣熱氣即刻湧上嚟，好吸引。我哋都帶咗一個好幾出名嘅小食，蟹肉釀磨菇。佢面頭有好多芝士睇落去好似普通嘅芝士焗蘑菇蛋食落去發現有好香嘅蟹肉，好好味。可能我哋揀咗平日嘅晏晝食人流都唔算太多坐得都幾舒服同埋佢嘅窗口景觀都睇落好開揚俾人有一種五星級高級餐廳嘅錯覺。都好推薦大家過嚟食對比之下應該佢嘅撚石係好抵食佢其他小食都水準好好，整體餐廳嘅食物水準都好高。下次會想試吓其他海鮮同埋其他味道嘅汁。…Read More

最近翻大陸食過錫紙粉絲之後係香都揾唔到邊到有得食，同朋友傾起既時候，月友就介紹左依間鮮蒲比我。間鋪揾左一輪先揾到，因為離MTR都有d距離，行既時候諗，如果中伏咪白行！ 但好彩最後反而有驚喜等左幾分鐘先有位，因為店唔大同好多人入座之後一黎就直接叫左兩個招牌！唔記得影個招牌津市牛肉粉，點左小辣。 味道好夠，個辣味對於中意食辣既人絕對滿意，而且店內冷氣開得夠勁！ 絕對唔怕食到滴汗另外，緊係試招牌錫紙貝殼粉絲，依個制作比牛肉粉耐小小。 一上台就錫紙包住熱辣辣，一開，好香 佢重要比想象大份好多，好好味！微辣唔太夠辣，中意食辣可以叫辣D。 …Read More

今日約左屋企人一行八人去試依間食店，由於假日加上我地人數較多，一大早我就book好位。 到差唔多時間去到利苑，發現好多人都係留位但要等，部分人都等到有點不耐煩，最後半小時終於有得入去坐因為等到肚餓所以叫即上一早預訂既片皮鴨。味道還可以不過配料係絕對唔夠，要加錢先會有多碟。。有老人家既關係，叫左碟陳公齋煲，味道感覺唔到乜特別，有點乾，重點係同圖有d 出入蟹肉鮮蝦蒸蛋白，唔知係咪加左奶，唔太咸但有種”留”既感覺，餸飯都可以最後加一百可以將淨低既鴨抄碟餸，依碟幾岩老家口味，但我就厭偏咸…Read More

話說今日星期六都要翻工，一放工攰到成隻積咁，想快啲滿足個肚仔，諗住食好D!! 又想快，所以就叫外賣，然後揾到依間店。見到冬陰公肉片湯河。滿懷開心嘅心情反屋企食。點解真係好似個天一樣，灰到爆。個湯係冇味架，有冇見過冬陰公係冇味，佢連個味精都慳返唔落囉。得咸味，上面得一層薄油。肉又係得咸味。完全唔知自己食緊咩。四十蚊嘅價錢外賣，佢連味精都慳！雖然冇expect佢有幾好食，但冇諗過係咁難食！🌚🌚🌚🌚🌚🌚🌚…Read More

身邊嘅朋友一直都推薦話依到嘅滑蛋豬扒飯好食，做完嘢一支公就走過毒毒食。跟餐嘢飲係大和豆漿，都幾正，好過溝水豆漿！其實呢度都有唔同嘅滑蛋配撘。不過第一次食就梗係試吓佢個招牌菜啦！第一眼感覺非常之好因為啲色好靚。而且覆蓋晒啲飯，得蛋同豬扒嘅感覺非常之令人個心好舒服！十足10好似啲漫畫畫嘅滑蛋飯咁正。佢又唔只得個樣味道都非常之唔錯滑蛋非常之香濃有蛋味。而且豬扒非常之滑而且好香味道啱啱好唔會太濃唔會太淡。分量方面亦都係啱啱好食食下就識唔會有過飽嘅感覺！一句講完！好食！…Read More

兩支公去食飯，只係叫左一份餐！就係犀菲利銀芽雞柳雜菌炒麵。唔係講笑，份量真係多到一個男人都食唔曬。個麵真係超超超超脆！而且份量超多，啱啱開始食還好，但食左三份一已經覺得不行子。個配汁都幾好味，味道唔算話好濃。不過個麵真係震驚了我！其實似炸麵多過係炒，如果消化力不太好的話就唔好試啦。…Read More

肥姐蠔餅岀名就眾所周知。由中學就開始食，由二十零蚊食到依家。佢嘅蠔餅粉唔多，而且蠔仔夠新鮮，係你面前即叫即炸，加埋佢特製嘅辣汁真係明白到點解佢會有咁多人排隊。最鐘意加多多莞茜！！！次次食都係兩底起，咁先夠喉架嘛！不過太耐冇食啦，今日再食返，原來四十零蚊兩底嘅價錢已不復再！兩底嘅份量好似係以前嘅一份半！不過佢真係好食！！如果因為多人食而加價同小量左，我好自私咁想佢唔多人食😭😭😭😭😭😢😢😢…Read More

今日係依頭放工，放左見小小肚餓就去左買點心整理下個肚仔。基本上所有點心都係二十起，價錢唔係話特別平。不過盅頭飯都係二十幾，咁又平喎。不過正係叫左個布拉蝦腸粉。係即叫即拉嘅，所以都等左下，可能得一個人做嘅關係，都等左幾耐。二十蚊一份，份量中等。不過都食得啱啱飽嘅。即叫即做係唔同啲，好滑，不過食到小小蝦有小小不太新鮮。唔夠咸香。等嘅過程見到個環生環境，覺得可以做得更好。可能會再食有機會的話，不過點心就應該不會。…Read More

同朋友食完飯想食糖水，就近就行左過黎。雖然係元朗想食糖水一定諗到b仔，但係有時試下其他也不錯。價錢中等，環境似係家庭小店經營。雜果涼粉，超大份，差小小食唔落。除咗蜜瓜，其他都正常不錯。芒果紫米露紫米露雖然太熱但係甜度適中，涷凍地非常之解暑。…Read More