yuen224的個人專頁

行街路過，第一次去食牛摩！試下了佢地嘅打邊爐放題，佢地嘅安格斯牛頸脊海鮮放題套餐。依個餐主打嘅安格斯牛頸脊，牛肉質感鮮嫩多汁，入口即化。有濃郁的牛肉香氣。除了牛頸脊，餐都提供美國特選牛肩肉和IBP牛板腱放提，肉質同樣鮮嫩，水平性格比都好唔錯，絕對係肉食愛好者的最愛。而海鮮方面，有供應青口和帆立貝。味道都唔錯，帆立貝大大隻。此外自助吧選擇都多。這裡有各式各樣的菜品，例如餃子、牛丸、豬肉丸等等。食左左牛肉片可以轉下口味！總結而這，依個價錢食倒三款唔錯嘅牛肉，味道都水平以試，加試又有海鮮放題，性價比十分夠。服務員態度禮貌，值得一試！食左…查看更多

同同事Farewell，當然要食好啲！原來宋王臺站附近原來唔止泰國嘢！有一間高質嘅日本菜隱藏喺依度！雜錦魚生沙律🥗-沙律菜非常新鮮爽口，配搭埋非常新鮮嘅角切魚生，主要係三文魚同油甘魚，相輔相成美味又健康。三色刺身-三文魚、油甘魚、帶子刺身厚切各兩件，三款都真係非常新鮮，唔會好似某啲餐廳過度雪藏，質感好有彈性肥美，絕對係我食過裏邊頭幾位！非常滿足！西斑牙銀堡壘生蠔🦪- 大大隻非常肥肥，味道都好新鮮，配搭左青檸，唔需要加其他海鮮醬，因為非常鮮甜！牛舌芯-牛脷當然要食厚切！佢熟度係啱啱好，裏面係半熟嘅狀態，充滿牛肉汁，口感脆口。焼活鰻- 比起燒汁鰻魚，我更加喜歡鹽燒，可以品嚐到魚本身鮮，鰻魚肉質有彈性，未到新鮮，魚皮燒得爽脆。風味海鮮粥- 碳水方面，我哋要咗個海鮮粥，粥底好棉，加上同蜆、蝦、蟹籽、同埋隱隱約約嘅蟹肉一齊煮，又鮮又甜！非常邪惡。…查看更多

今日觀塘收工，母親大人話想鋸個扒，就摸左上去公司附近一間餐廳試吓。大廈入口唔明顯，但上到去地方好寬敞好好坐，有桌球枱有飛鏢，感覺好適合同同事收工黎飲酒～不過今日就食個晚餐set先。前菜、餐湯、餐飲、甜品都包。前菜有2款。烤鐵板吞拿魚沙律表皮係黑椒烤，魚肉半熟狀態好有口感，橄欖油調味。意大利黑醋配巴馬豆火腿沙律，酸酸地好開胃，火腿都好好食。主菜上枱！美國頂級肉眼，3成熟啱啱好，肉眼扒切開粉紅色非常鮮嫩多汁，肥瘦相間，份量都唔少。配菜有薯蓉、豆、煎瓜類，十分滿足。法式紅酒燴羊膝配自家制薯蓉，平時式樣比較少食羊膝，比起羊架，羊肉更豐盛，燴煮嘅過程令肉質更加鮮嫩。薯蓉方面，裏面係作咗調味，鹹鹹地更加有風味。最後要一定要提吓佢嘅甜品，今日最為驚喜！兩款果醬配奶凍，芒果味同士多啤梨味各有千秋，奶凍非常嫩滑，唔會太甜，即刻解油膩感。…查看更多

原來平昌係樂富開左分店！之後係旺角兆萬食過，今次開得又近左我就約埋個朋友仔黎試下。成個環境氣氛同旺角差唔多，不過就比旺角鬆動少少，係非常地道嘅韓燒佈置同裝修，返咗韓國咁。我哋要咗大君御膳，店員好熱情介紹落單同埋前菜，同上次嘅分別在於多咗個沙律蟹，第一次見，味道都幾Flash同開胃。朋友仔唔食牛的，但冇咗佢享受韓燒嘅樂趣，豬頸肉非常爽脆，厚切五花腩啖啖肉，薄切就比較快熟，各有傷點。牛肉方面，種類都好多，牛舌嗌咗幾輪。值得一提玉葉得幾岩我口味，會剛剛好襯托出肉幾香，唔會太鹹。海鮮就必點青口、半殼扇貝。熟食方面，推介鵪鶉蛋，辣海鮮豆腐湯，湯嘅質地好濃郁，料好足，豆腐好滑，裏面仲有蟹，微微辣，食到尾好飽都飲晒！…查看更多

帶埋個朋友仔約食飯，話想食日本菜，不過兩個女仔食放題唔太抵，攞差唔多價錢食單點，食物質素更高更好食。今日就揀咗食海膽仔，真係非常滿意。燒鮪魚腦天丼 - 朋友講鮪魚腦係屬於稀有部位，係魚頭頂嘅肉，聽講一條魚剩係得小小2塊肉…我試咗一片，非常肥美，滿口油脂，口感軟滑，炙燒過更加香！壽司定食 - 有海膽、赤蝦、魚子、帶子、三文魚、吞拿魚。果然係海膽專門店，味道非常新鮮，口感濃郁，滿口海膽鮮味。刺身嘅質素都好高，特別新鮮，尤其係魚子同帶子。定食仲有湯同沙律，性價比好高。倍化帶子吞海膽 - 帶子真的非 常 之 巨 大，亦都非常之新甜，加上招牌海膽，啖啖都覺得好奢侈，好幸福✨…查看更多

我們終於完成公司的工作，埋頭苦幹後，不知不覺間到咗晚飯時間，今日我哋喺旺角地鐵站E1出口搵到間御滿屋日本料理. 上到去第一個印象就係人多夠熱鬧，估唔到今天係平日都禁多人。放題電子落單就係快靚正！等上菜果陣外面有不少冷熱食物選擇，生果、甜品、飲品🥤、沙律🥗可以一邊食一邊手電慢慢落單。水準唔錯㗎！ 跟住上枱打頭陣省招牌嘅當然係一大盤刺身，蝦🦐、各色嘅魚生、帶子、八爪魚…..清甜爽脆，食完冷嘅就食熱嘅一大堆天婦羅啦、牛脷啦、蟹肉碗仔翅、印象深刻係燒菠蘿返call咗兩次. 最後係M字頭嘅雪糕來畫。總括而言，依間放題餐廳質素都幾高，工作人員相當勤快，無論出品又或者收碗碟都很爽手，而且又有禮貌！…查看更多

51勞動節假期連住3日，當然唔可以浪費時間食食食！今日約左個舊朋友去旺角食放題，又黎到成棟都係餐廳嘅兆萬搵食！我朋友不是特別愛好刺身，好彩依道熟食種類都幾多，照顧倒有唔同口味嘅人～炸物都好多款，最好嘅係全部都燙口，新鮮炸起，非常香脆。我個人推薦吉列廣島蠔、韓國蜂蜜芥末炸雞、避風塘一口豆腐、韓式雞軟骨。除此之外入坐按人數可以點D特別嘅鍋物，我地要左壽喜燒，湯底唔錯，入面有肥牛、金菇、娃娃菜等等。亦可以encore係apps點更多肥牛同其他打邊爐料，我地叫左魚皮、響鈴、生根、魚皮餃，都十分唔錯！一定要讚讚依道嘅生蠔！非常非常新鮮完全係酒店自助餐級數。…查看更多

講起觀塘嘅單點日式餐廳，我第一時間一定諗起古今二，今日母親大人又冇煮到飯，我就帶埋佢黎食晚飯。依間餐廳比起一般大眾化嘅日式餐廳，佢賣點獨樹一格，主打係特色卷物，非常有性格。前菜我地要左個蟹桫沙律🥗，除咗好似座小山一樣禁多嘅蟹柳絲之外，我非常欣賞佢嘅調味，辣辣地非常過癮！裡面有蟹子、牛油果，健康人士嘅選擇！今日試左卷物「蜘妹」，其實佢係軟殼蟹卷物，露出兩隻腳係外面唔怪得叫蜘妹。 軟殼蟹仲係熱同脆，可見係即叫即包，非常美味！雜錦天婦羅裡面包括左炸蝦、秋葵、紫薯粒粒。除左都好味之外，秋葵居然係鑲左蝦滑係裡面，好有心思。櫻花蝦茄子燒調味甜辣甜辣咁好香口，櫻花蝦十分提鮮，燒得岩岩好，維持倒濕潤。必試！…查看更多

今日來到旺角兆萬！這裡集中了很多餐廳，今日來到9樓這家網上好評如潮的日式放題吃晚飯！餐廳掛滿很多日式的旗幟和燈籠氣氛十足。放題當然不少得刺身。刺身擺盤超誇張，打卡一流…我們各樣也點了一些，其中最好吃的是刺身帶子，切得又大件又厚一點也不吝嗇，很鮮甜肥美！然後一定要吃三文魚、甜蝦、有頭赤蝦，級數都是放題水平來說很高了。串燒當然也不少得，難得這裏的串燒做出了專門店的水平，特別是牛舌，很厚但入口即化，五香調味很香口。燒菠蘿也是保留了水份，很甜很juicy。冬陰功內充滿海鮮，蝦、蜆、青口、田螺，浸泡滿了冬陰功獨有的香辣味，非常過癮。生蠔肉眼可見的美味！脹卜卜的，一口都是鮮甜的大海恩賜！真想一口接一口。…查看更多

今日經朋友超熱情介紹，話一定要黎試下依間餐廳，所以放假食餐dinner。今日黎食佢打邊爐，睇佢餐牌原來佢都有做私房菜同午市，午市蒸飯+燉湯確實抵，可惜唔係依邊番工。我地要左經典嘅沙嗲湯底。打邊爐點少得牛肉？依個安格斯牛肉真係好正…完全可以媲美矜貴嘅級數，牛味好濃郁，又唔鞋，量又夠多滿足晒口癮！必點。大花甲除咗鮮甜之外，仲有一股海水味，好食過平時街市買。size係XL級自己買都唔平。脆肉鯇魚片係我至愛，不過佢好睇新唔新鮮，同埋切個厚薄，有時骨太長難入口。依道完全係勁新鮮，又好咬，非常推薦！鵝腸脆脆地岩晒中意食內臟嘅人士。如果咩菜都想食下就叫田園盛蔬菜拼盤，顏值又高。依家打邊爐，好多人會諗咗放題先，我自己都唔例外。不過依道所有食過嘅食物都非常高質！令我重拾單點打邊爐嘅樂趣！…查看更多

今日又黎到旺角性價比高又好食嘅嘅串燒鋪幫襯啦。因為對上次老闆嘅用心好深刻，特別帶埋個朋友黎試下其他菜式。深燒花甲粉必點啦，今次嘅花甲一樣禁豐盛！大大隻嘅有食慾，維持倒水準wo。薯粉、娃娃菜、金菇亦好多，煮晒啲湯汁，正！燒一口京蔥豬頸肉串 - 豬頸肉平時見都係一片片，依道係一件件厚切！口感有咬勁。京蔥唔會太青好生，食落好鮮甜。韓式照燒魷魚鬚 - 上次冇食到韓式日式串燒，韓式醬調味好味，辣辣地，魷魚鬚勁好味，生熟岩岩好！日本免治雞肉軟骨棒 - 配搭左一個好橙好靚嘅蛋黃，軟骨好爽脆，配搭嘅燒汁好夾好有特色。時分燒通菜 - 平時食開韭菜，估唔到少鋒菜都好好食，如果唔鍾意食韭菜可以試下通菜，一樣係好選擇。…查看更多

母親大人想要想食刺身，我邊敢怠慢？最就腳性價比又好高嘅一本book俾佢嘆吓！為左滿足佢食刺身嘅胃，我叫左兩個超人氣割引嘅刺身盛 依間餐廳一入坐選擇困難唔識食咩 可以睇佢企嘅時日餐牌先 因為時令同優惠都可以係道搵倒 我地今日叫依兩個刺身盛先係$68同$78…另外必點嘅係珍寶赤蝦刺身 先係每隻$12蚊 難以置信禁平刺身盛今日最好食嘅係油甘魚、翡翠螺、珍寶帶子。翡翠螺好驚喜，平時食開都冇咩味，依個居然有d爽脆，有螺嘅鮮甜。珍寶帶子成幾cm禁厚！又係好鮮甜勁滿足。赤蝦下次我自己要叫3隻，蝦頭勁多膏勁鮮！…查看更多

行完旺角搵食，先知原來彌敦道果邊都好多餐廳！今日就簡左依間吉列牛忌廉烏冬專門店試下先！餐廳樓層高，坐卡位對住個落熱窗，好景觀又幾舒適。吉列牛定食—牛上台係表皮已經炸過，但肉質仲係好生，配搭左一個幾好火嘅爐比你煎。第一次咁食！好處係熱辣辣！可以自己控制生熟。食落幾有牛香，肉質亦唔會好硬，定食包左幾碟小菜同湯，果然係招牌菜。咖哩忌廉烏冬—忌廉就好似一片雲海好靚～撈左落去咖喱烏冬裏面，口味好細滑，咖喱嘅味道清新！裏面有雜菜同雞肉，幾豐富。kobekyu牛油蜜糖單骨雞翼—剛炸起好香脆！蜜糖汁好似有一股柚子味，加埋檸檬汁，酸酸甜甜好開胃。…查看更多

觀塘海匯有間好靚嘅西餐廳，每次經過都覺得成個世外桃源咁✨ 今日放工約埋朋友黎聚聚餐。我地簡左坐室內，店內裝修同室外一樣布滿左花花草草，比人感覺華麗又舒適。Menu簡潔清晰，主要提供左前菜、意粉、意大利飯，扒類、班戟、甜點。茴香焗澳洲羊架配法式燴雜菜-有兩件羊架，醬汁係蕃茄豬，亦有孜然粉可以點住黎食更香口。有唔少雜菜伴碟，特別係薯仔用左芝士包裹住，非常邪惡！香煎北海道刺身級帶子羅勒醬意粉-意大利係全蛋鮮幼麵，比較有口感，羅勒醬調校得非常美味。刺身帶子表面微微煎香，肉質保持左軟滑味道鮮甜。…查看更多

今日黎旺角行街順便探店，黎到依間係天仁對面嘅串燒店試下！餐廳第一眼就留意倒，串燒分左中、台、日、韓幾種風味，好特別係我第一次見。另外辣度同口味都可以逐一備註，感受到店長嘅細心。店長好熱情推介佢地嘅深燒花甲粉，原來香港好少餐廳會有花甲粉賣，花甲嘅時令同來源都好影響味道，另外依道嘅秘製湯底原料係韓國進口，難怪味道禁鮮甜，加上微微嘅辣味非常過癮，花甲size中大，依個價真係超值。串燒又點少得韭菜，韭菜分量巨大！食落冇渣好鮮甜，另外呢度調味同普遍有啲唔同，具體好難形容係更香更辣好特別。深燒豬大腸—燒到表皮好香脆！原來依道所有燒串燒係堅持「生燒」，即係為咗保留食材原本嘅味道，並唔會預先醃製，即叫即燒再加上秘製調味醬汁同調味料，難怪食上去有啲唔同，除咗椒鹽外仲突出到食材本身嘅美味。好久沒有食倒一間禁用心經營嘅餐廳。…查看更多