cwk0801's Profile

Staving for food after work in The Pulse. Walked around and found this restaurant for lunch. Not first time to dine in Classified but I was a bit disappointed this time.I ordered baked mac and cheese. It as made with 4 cheeses (cheddar, mozzarella, velveeta and Parmesan). The textures was good but the smell and taste were bland which disappointed me CONCLUSIONI personally think classified is a good restaurant because the vibes and environment are chill and relaxed. I was just disappointed with the dish of baked cheesy macaroni. Other food at this restaurant is still good 👍🏻 …Read More

My birthday lunch was at this one Michelin star and Michelin green star restaurant. Place is cozy and spacious. We chose the 3-course lunch set, but I had my tummy full with satisfaction when I left this restaurant.This starter was nicely presented in a bite-sized. There were green peas and caviar on top. You would look forward what would be coming coming next after this yummy tartlet savoury This soda bread was yum with brown butter. The texture was like a salted muffinThis dish looked seemingly simple but impressed me a lot. I’m a meat lover but I love this veggie dish so much. Thank you chef Simon Rogan for making it so yummy. You could taste different layers of flavour. Highly recommended!This aged cobia wasn’t tender but had rich “fish” flavour. The different textures between pumpkin and quinoa (soft vs firm) were interesting. I saw many people choosing pork, but I can tell that you won’t be disappointed by picking fish Black tea custard tart was truly amazing. Rich black tea flavour makes a tea freak like me loves it so much. However, The condensed milk ice cream wasn’t as good as the custard tart. The flavour wasn’t strong enough which made me down a bit. But I was still happy with this dessert This little birthday cake was complimentary so I shouldn’t complain much, but just didn’t impress me to compare with the previous dessert.CONCLUSIONI would recommend this restaurant to friends because it offers delicate flavours and great value with affordable price. Chef and his team fully utilise every ingredient so to achieve no waste - I appreciate this so much. Will definitely come visit this nice restaurant again …Read More

Third time at La Vache. Cannot make booking for dinner session if you are less than 5 people which I am a bit disappointed. In 2020, my friend could make booking for 3 people. Anyway, this is a hot picked restaurant. Come earlier to get the first round table or otherwise you will need to wait🤐Ordinary bread with butter.This is a sweet but refreshing mocktail with pear, lemon juice, lemongrass and ginger ale. I like this combination so much. Lemongrass brings up its unique taste and scent, and can also be used like a strawI personally don’t like sour taste. The dressings of this walnut salad isn’t really strong which I can accept it. This dish can definitely stimulate your appetite! The fries is good as always. I have refilled the fries as it is the core the signature dish at La Vache. You just get indulged to keep putting fries into your mouth. Yes, you just can’t stop itRibeye isn’t impressive as usual. If you come here for steak, I can tell that you can always have better alternatives😂First time to try lemon tart here. Friend loves it so much and therefore recommend me to try. For me, it’s a bit sour but it’s so nice to have nutmeg custard (definitely a plus) on side. The berry sauce with whipped cream is also good. Mixing either nutmeg custard or berry sauce can uplift the taste of lemon tart…Read More

轉左手之後好耐都冇嚟過呢度食嘢啦！咁啱喺荃灣附近睇戲，又未夠時間，咁就嗱嗱臨過嚟呢度食返餐，懷緬下以前嘅情感☺️呢度last order係七點，但我哋好抆水先到，老闆娘見我哋兩個想入嚟食，就嗱嗱臨同我哋講就廚房就收工㗎啦，快啲叫嘢食然後慢慢食啦。呢杯阿華田奶昔好好飲，有足夠嘅阿華田同埋奶味，係阿華田脆脆之後必定要試嘅飲品之一！呢碟炸鮮蝦雲吞好似有啲overcooked，同埋碟上有好多油，如果上碟前隔一隔啲油會好啲，不過可能我哋喺最後一枱客，所以無咁好心思處理呢啲小細節。但呢碟小食都保持到水準，雲吞皮鬆脆，入面隻蝦夠紮實！次之嚟親都必點呢個鹹牛肉蛋治就有啲令人失望，因為只係蛋嘅份量夠多夠厚，但煮得太老唔夠滑… 賣相係打卡-able，但味道同口感就爭啲係咪因為我哋係last order，所以廚師就整得冇咁好呢？呢碗豬扒麵塊豬扒其實唔差，接近漢發麵家水準，但個湯麵係鹼水麵，我覺得同塊豬扒唔太夾後話：我哋見老闆娘閘門都搬埋出去，就知道佢要埋數收工，所以我哋都盡快食，唔想阻住佢。我哋臨走時都同老闆娘講聲唔好意思阻到你收工，佢好客氣咁同我哋講唔緊要，食得舒服就得啦，下次再嚟幫襯啦！雖然今次食物味道一般，但有機會我都會再返嚟encore 㗎…Read More

唔知點解呢間餐廳會俾人定為港女餐廳，又話好難book到位🤷🏻‍♂️但經過朋友嘅努力，令我可以喺呢間港女餐廳食到生日飯🥳🥳🥳先講講個環境，樓底高空間感足夠，牆身裝飾擺設就都artistic and grand，每張枱都有一段距離好有privacy，張櫈令人坐得好舒服，難怪會被講為港女必到嘅地方(by the way, no offence to the word港女）之前我冇睇過其他menu，朋友只係send咗呢個set比我睇，一開始我都有擔心夠唔夠飽，但原來個main都會令你覺得好full，而麵包係可以要求再加的。呢個硬包就咁聞氣味都幾香，但食開軟飯嘅我都係鍾意食軟包多啲呢個包軟身鬆化好好食，牛油味都好香呢道三文魚醃製得幾好，唔會太咸或香草味太濃，我自己鍾意加少少檸檬汁會更refreshing而個薄脆toast都香口幾好食。總共有8粒ravioli，spinach味唔係好覺，可能比Parmesan嘅味蓋過咗？頭幾粒都覺得幾好食，但愈食會愈滯😂到甜品trolley啦🤩聽人講話黑森林蛋糕係必食，但個人唔係太鍾意濕被rum整濕咗果層海綿蛋糕因為我係嚐甜の鬼，所以我最鍾意都係個brownie同white chocolate mousseOVERALL環境好chill好relaxed，樓底同枱與枱之間空位十足，所以成程都食得好舒服。Staff對客都好nice and friendly，同時亦都好專業加主動，見到你張枱可能有啲需求時就會過到嚟問需唔需要加啲咩或收走啲咩。而食物水準都above average，但就冇話好特別出色，令你食完印象會十分深刻。因為呢餐係生日飯，所以我係唔知價㗎🙈…Read More

7月尾8月頭瘋狂咁被請食生日飯 ，係時候要還生日飯比朋友啦😂今次揀咁Rosewood嘅餐廳—Bayfare Social，同butterfly room一樣，每枱之間都有段距離，坐得相對cozy👍🏻👍🏻👍🏻一開始就上呢道crudo，藍旗吞拿魚大大粒魚味濃厚，加上佢嘅dressing清清地都唔錯。驟眼睇啲吞拿魚粒因為有啲黑白芝麻，所以好似西瓜😂Scallop ceviche係今餐the best dish！帶子上加咗藜麥多咗一層有趣嘅口感，醬汁有加到令人醒神嘅lime，令人食慾大增。個人認為呢道係must order👍🏻蜆嘅湯沖清清地加上parsley香味我個人幾鍾意，更可以帶出蜆本身嘅鮮味，not bad👍🏻有可能因為啲嘢食上得都幾快，我同朋友又食得慢，所以個paella都擺喺枱有一段時間，唔知係咪咁令到個飯有啲硬同乾身，所以係今日最失望嘅一道食物😞我覺得食西班牙菜總有一樣食物要係八爪魚，但主角八爪魚冇乜特別，配角薯蓉搭上aioli味道更吸引😂Vanilla creme brûlée口感okay，不過雲呢拿味唔夠，唔見有雲呢拿籽係入面，只可算係普通嘅焦糖燉蛋，再到訪的話係可以ignore呢個甜品。Overall: 一般，每樣食物價錢唔太貴，可能我係第二個session 20:30入場，21:00就last order，廚師們都趕住收工搞到個paella出咗事… 如果再嚟會選擇早一個session比機會佢平返一下。…Read More

當兩個獅子座嘅人互相為大家慶祝生日，就梗係要揀間好啲嘅餐廳！Arcane係幾年前已經係我嘅to-eat list，今次終於有機會啦網上訂位時會問你有冇dietary restriction。去到餐廳坐底睇menu，對於懶得揀嘅我哋就揀咗tasting menu，侍應喺呢個時候會好細心咁同你講當中邊道菜有你敏感嘅食材，而嗰一道菜又會點樣調整令你可放心食用，呢份細心係加分位 Chilled gazpacho對我嚟講唔太吸引，加上有我唔太食嘅蕃茄，所以我麻麻哋(個人偏好)… 但食蕃茄嘅獅子女就話呢個凍湯好正好refreshing，中間舊芝士好好食。呢個北海道帶子上有椰菜花薄片、柚子、蔥粒同紅洋蔥，微酸醒胃，帶子面微微煎香幾好食呢道potato gnocchi聽聞係Arcane嘅signature，potato gnocchi外層煙韌入面口感QQ鬆軟。面層有3-4片黑松露，仲有parmesan同一啲脆脆嘅紅米，cream sauce好香。講咗咁多但重點係呢道菜一啲都唔heavy，Chef Shane Osborn 設計嘅呢道菜真係好堅呢道pan seared mayura wagyu係我今年食過最正嘅牛！我揀咁medium rare，chef處理得真係好好，比好多打正旗號嘅扒房更好食更出色！外脆微焦好香口，用少少力咬入中間紅色部分係好淋好嫩，係令人難忘嘅一道菜呢道和牛值得有多一幅相highlight!Petit four 真心below standard，可skip。而個Yuzu lemon posset 果香味重，夏天食呢個涼涼地嘅甜品係幾好嘅題外話：獅子女話佢去洗手間時見到有隻曱甴… 好彩佢無走出嚟，好彩係食完先知，如果唔係……Read More

係IG story見都有人出呢間餐廳嘅story，睇落幾吸引，而我咁啱第二日去屯門附近，就約埋兩個朋友去試一試佢。聽人話呢間餐廳都少有名氣，有人排隊。我就約朋友6點開餐，直接入去坐唔使等今餐我哋點咗兩個小食3碗丼飯，先講小食：味道正常(唔好以為呢句廢，因為我曾經去過一間試業中嘅日式餐廳啲螢光魷魚真係唔正常，成場叫咗螢光魷魚都係食咗一兩條)，不過價錢就有啲貴，實價唔記得幾錢，冇記錯嘅話都起碼over $50先得5條，平均一條仲貴過大部份中環有水準嘅居酒屋。呢道雞皮餃子係驚喜之作！雞皮夠脆，內餡亦不俗，咬一口會有啲雞皮嘅油份出嚟。但食時要小心，因為真係好熱🥵魚籽正常，帶子燒過有焦香，蟹肉鮮甜呢碗丼我哋叫咗兩份，我同朋友未食海膽前都覺得唔錯，但一食海膽就出事，完全係below standard，有泥阻腥味，十分慶幸自己冇叫到三國海膽丼😂《小總結》我問返IG朋友佢當日食嘅海膽o唔okay，原來都係唔得😂 可能因為事隔一日都係同一批貨，海膽質素偏低。問我會唔會再試呢度嘅海膽，我會答唔會。不過呢度其他嘢食都係唔錯嘅，但價錢就貴咗少少🤏🏻…Read More

好蟹年前食過一次覺得呢間餐廳性價比好高，想再返嚟呢間餐廳食好耐，但位置始終有啲隔涉，真係要好有心專登約先有得食。今次咁啱係黃埔收工，朋友又唔介紹尖東過嚟食，所以又可以食呢間啦第一次食呢間蟹粥，粥夠綿幾好食。因為唔係膏蟹當做季節，所以唔多膏，但好彩都有蟹嘅鮮甜味。因為以前我食過呢度嘅籠仔膏蟹蒸飯，我個人推薦蒸飯多過粥🤭海鮮新唔新鮮，清蒸一食就知！而呢度嘅貨係唔錯嘅，鮮甜帶蒜香，而且無沙呢個墨魚咀只靠椒鹽，否則就無乜味，同埋外層炸漿都啲厚，可以skip嘅一道餸。雞皮可以燒得再乾身啲會更好味成晚最推介嘅一道餸！茄子蒸嘅火候掌握得幾好，唔會蒸到老晒或唔夠熟。切到一口就食到好方便，最正係茄子點上醬汁上蒜蒸，好惹味呀《小總結》小店人情味濃，老闆好好人會同你分享趣事。食物價錢無乜點加價，味道有水準，性價比極高！係一間可以經常encore嘅食肆。…Read More

5年前食過一次後念念不忘，見到個蟹膏飯依然想食。不過今次都係兩個人食，所以都係無食呢道signature菜式😂今次餐廳多咗啲貓貓掛牆畫，雖然冇以前咁淡雅，但令環境變得活潑。加上同Chef Sandy閒談一陣，知佢鍾意貓貓，如果環境令佢開心，可更用心為客人烹調美食，我係絕對支持嘅🙋🏻‍♂️Service team方面，我記得之前係有位年紀大啲嘅侍應，佢serve客時好淡定好優雅，我好欣賞；而家呢一team就後生啲，優雅感都爭啲啲，不過介紹菜式時都好用心，尤其係4眼女同事，我都欣賞佢對客人嘅貼心👍🏻呢個南瓜湯夠杰夠濃味，加咗啲咖啡粉同米通令湯嘅味道更有層次更特別呢隻蟶子真係不得了！煮熟程度真係啱啱好，咬一口你就會感覺到聖子外層有彈性而入面係細嫩，加上麵包糠碎又令佢口感更佳，加分龍蝦湯我比較鍾意杰身嘅口感，不過既然叫做macchiato，稀身嘅texture都預咗。但估唔到佢真係用coffee mug上菜😂味道絕對無愧對macchiato呢個名，濃濃嘅龍蝦味，齒頰留香，飲完會有種龍蝦湯嘅味道環繞口腔。龍蝦肉嫩口清甜，但點落呢杯macchiato就爭少少，因為啲湯唔夠杰，所以痴唔到上龍蝦肉度。無晒Gillardeau，今次就初嚐Ancelin，都唔錯。肉身同Gillardeau比冇咁creamy，帶子位都甜，裙邊冇乜特別，有海水味但唔會太鹹，味道唔複雜，開始接觸法國蠔都可由呢款蠔食起。海膽係呢道菜只係點綴，隻63°C蛋同lobster foam先係主角！因龍蝦泡沫味道已好濃郁，篤爆蛋黃後令口感更細膩滑溜，完全比lobster macchiato更出色，所以海膽只係令佢多一層口感，算係錦上添花(其實我覺得唔係用海膽加其他都得，如soldier或啱啱提及嘅龍蝦肉點上lobster foam應該唔錯)。你睇啲肉嘅顏色真係靚到呢～簡直係medium rare嘅極致！US prime有靚嘅脂肪分佈，牛味香濃，配上少許鹽同黑胡椒已經好好味，絕對比得上好多出名嘅扒房另外提一提個side叫夜香花，即係茉莉花，所以食落真係有茉莉花香，初次食幾特別不過未去到話好好味。最後甜品叫咗呢個迷你小泡芙塔，外層salted caramel加上入面凍嘅cream好好味，但甜而不膩，令我瘋狂食咗好多粒☺️小總結：今次同Chef Sandy有機會傾下偈，發現佢都幾有童心，會不斷發掘新嘢，勇於作出嘗試同改變。可能因為咁，佢有多菜式都會嘗試加多少少嘢，就係啲少少嘢，會令口感同味道加分。我會期待下次光臨嘗試蟹膏飯🤤…Read More

其實上年8月嚟食過一次，果次係朋友請我食生日lunch（當時未開放晚市），食過覺得唔錯，於是今次娘親生日都揀呢間，但就出事啦🤦🏻‍♂️今日5大人2小朋友分兩枱坐，落order時個女同事唔知係咪新嚟，好多嘢都唔知。問佢個menu入面其中一個四重奏嘅portion可以share比幾多人，佢唔知要問同事，之後先話無宮崎牛，所以無。今次慶生飯叫咗以下食物：- Prime Angus Sirloin- Prime Angus Tenderloin x 2- Dry aged Sirloin- Spring Chicken- Tiger Prawn Angel Hair- Mango Paradise x 2上菜時新果位女同事唔知邊啲食物係邊張枱，要搞靠年長果位同事幫佢執手尾，唔夠well prepared... but anyway，如果真係新人，我會包容的。最出事嘅係食物，menu有咁多扒嘅選擇，應該有返一定水平，所以今餐都多人叫扒食。唔計麵包，先上嘅係Tiger Prawn Angel Hair，叫賣相都okay，所以有影吓相for大家reference。但因為呢碟唔係我嘅，所以無食到，無得比comment🤐同大侄仔叫咗同一杯mocktail - mango paradise，由鮮芒果、芒果汁、檸檬汁、橙汁同菠蘿汁合製而成。呢啲顏色嘅飲品一向安全，果然不出所望，正正常常，細侄仔見到好想飲哥哥果杯，哥哥都肯share比佢飲，兩個都飲得好開心😂出事嘅食物嚟啦😣 我個dry aged sirloin同娘親個安格斯牛柳同時上菜，我同佢都分別叫medium rare，上菜擺碟都叫正正常常。我影完呢張相就切開三份一share比娘親，一切開中間見到唔對路，啲肉係熟晒咁嘅，未well done都medium well or above㗎啦！而娘親一切，同樣情況... 真心如果係要食well done，我去花園餐廳都得啦😂我對呢啲情況就比較寬容，但娘親始終都係上一代嘅人，會口黑面黑咁去反映返，加上份牛柳似6oz多過8oz... 又講多幾句，加上佢身邊另一半都有啲麻煩，所以搞到揀呢度食慶生飯嘅我都幾唔好意思... 之後我都係心機影食物相，而呀哥大嫂果邊嘅燒春雞、安格斯西冷同牛柳我都無心情理啦反映完意見後年長果位侍應都有收返叫廚師再煮過，第二轉係好好多嘅，娘親都反映話呢個份量先似8oz同埋夠嫩又有肉味，我見佢切一刀後都真係medium rare嚟嘅，生日果位okay我都okay👌🏻而我果份就medium，爭啲我都接受到嘅，不過心情變得麻麻地所以當係肉食纖維食完就算啦。原本想叫甜品係碟寫上happy birthday 再影幅家人相，但問娘親要唔要甜品，佢都唔要了...係OpenRice訂位有85折。不過如果因為有折扣而令service and food quality都打折，咁我都係用返正價比好啲嘅service同食物我啦…Read More

我之前經過呢間餐廳俾佢門面吸引到，再望入去，發現係舊式咖啡廳，店內懷舊感係真正經歷過好多年而散發出嚟，令到我好想試！今次因為去大角咀打波，打波前朋友問我食乜好，見近近地，就帶朋友一齊食呢間啦話說朋友知道我有寫食評，佢係Openrice見呢間餐廳食評唔多，佢由入到嚟體驗到老闆娘(應該係)嘅好客、睇到餐牌見到咁抵嘅價錢、飲完食完又覺得好味，就叫我要為呢間餐廳寫一篇食評😂我自己叫咗瑞士汁雞翼飯($44)加煎蛋(+$6)，飲凍檸茶(+$3)，朋友就分別叫咗蔥油雞扒煎蛋飯、黑椒牛柳粒飯同粟米龍脷柳飯。一杯凍檸茶佢落咗咁4片檸檬，而且唔係薄片，一啲都唔慳料！佢嘅茶膽濃咗少少同糖漿好似加多咗啲，味道有啲over咗。如果再落多啲凍令成杯凍檸茶嘅味道淡返少少同凍多啲，對我嚟講就perfect啦而我朋友點嘅紅豆冰，3份2杯都係紅豆，真係相當足料，跟餐都只係加$5，真係超抵！呢杯我無試飲，但我知道我一定會encore呢間餐廳，下次就會點呢杯紅豆冰🤤呢碟飯嘅份量都多，佢哋嘅瑞士汁味道偏濃，用嚟撈飯一齊食，唔覺唔覺就會食晒成碟飯小總結：呢類型嘅舊港式咖啡廳買少見少，縱使而家都有一啲新開嘅懷舊主題餐廳，但骨子裏散發出嚟嘅感覺完全唔一樣，當中嘅用具、一枱一櫈、裝飾都有一種歷史感，仲有舊式街坊街里嘅人情味真係要上一代人先會表現得出嚟。唯一做得麻麻嘅地方就係店員見你食得差唔多就想收咗你啲嘢，比較心急😂…Read More

呢餐係同中學同學慶生，生日果位想食壽喜燒，另一位食開好西嘅朋友就揀咗呢間SUKIYAKIYA。三個人食，我地分別點咗A3、A4、A5和牛壽喜燒餐再追加一份阿波尾雞，咁就可以以食晒佢壽喜燒有嘅嘢啦前菜分別有用柚子醃製嘅大根、A5和牛他他同魚子紅蝦soba。我最想highlight嘅係A5和牛他他，將鵪鶉蛋黃同香蔥撈勻之後和牛口感變得滑溜更好食，如果a la carte可以點呢個前菜，我真係想要多一份🥺呢隻日本蛋嘅色澤真係靚到不得之了！每一塊牛煮完後再點一點呢個蛋漿，令塊牛肉口感變得更滑更好食呀🥰我有問侍應姐姐呢隻係咩蛋，但金魚記憶嘅我忘記咗個名... 可以肯定嘅係呢隻蛋唔係蘭王、出雲卵，只記得佢話係市面上無得買，香港只得佢呢間入口呢隻蛋。＊如果有人個係咩蛋，請留言話我知🙇🏻‍♂️A5和牛 - 好多人都首推A5，無可置疑，入口即溶嘅口感係令人一試難忘。同時因為脂肪太多，食多幾塊會好容易膩，所以A5都係少食多滋味好啲。A4和牛 - 對我嚟講脂肪唔會過多，有返少少咬口嘅感覺最好☺️A3和牛 - 始終都係A grade同埋赤身居多，所以佢係肉味最濃。鍾意牛肉味濃嘅朋友揀呢個都唔錯👍🏻至於阿波尾雞，其實冇咩特別，真係叫多份牛好過。食晒啲肉後佢會幫你煮埋野菜，然後就係烏冬/飯，烏冬吸晒啲醬汁真係好好味呀🤤最後上埋個飯後甜品 - 芝麻味雪糕，呢個都算唔錯。Overall嚟講，嘢食幾好，服務都唔錯。侍應會細心介紹同幫你煮埋，等你可以專心享受美食。我都想憶返個credit當日serve我果櫃嘅姐姐，佢煮得好好食，我地問咩佢都會答，好健談，成餐飯都食得幾開心🥳…Read More

話說小弟係香港芫荽黨黨員其中一員，周不時都見到黨員會share唔同嘅芫荽美食，其中一間就 要係呢間－鬼金棒！事關佢有一道超多芫荽嘅拉麵🌿一入門就見到cashier有好多惡鬼公仔，近天花嘅牆身都掛上好多惡鬼面具👹👹👹門面同裝潢擺設都幾好有日本特色。嚟到呢度我就係為呢碗拉麵－芫荽麻辣味噌拉麵！面頭放滿芫荽，作為一名黨員，見到呢個情景真係滿荽歡喜將啲芫荽浸左落個湯度仲會散發出陣陣芫荽香味，難怪會引到一眾芫荽黨員過嚟朝聖🙇🏻‍♂️🙇🏻🙇🏻‍♀️呢碗拉麵我揀咗小辣，對我來講，呢度小辣嘅程度仲弱過譚仔十小辣。自命食得辣嘅朋友，要揀就揀中辣或以上。另外，唔知自己係咪只係我嗰碗嘅問題，拉麵口感有種說不出嘅奇怪…啲拉麵唔知係咪煮咗同浸咗好耐，所而我覺得呢碗拉麵麻麻哋都唔係只得彈嘅，我覺得鬼金棒嘅叉燒比好多間拉麵舖都整得好好食，其他拉麵舖嘅叉燒都係圓形一對片，而且淡茂茂冇乜味；呢間嘅叉燒係厚身好似五花腩咁，一咬落去肥瘦分明，口感十分好。至於味道，我相信師傅佢應該燜咗好耐，因為瘦肉部位十分軟腍，成舊肉好入味，鹹中帶甜，唔講仲以為自己食緊東坡肉咁，完全感受到師傅嘅用心👍🏻小總結：作為一間拉麵舖，拉麵嘅口感同湯嘅配合係好重要，至於呢一碗拉麵我覺得係不合格。點解我會比三粒星呢？主因係舊叉燒真係十分出色，令碗拉麵賺回不少分數。…Read More

之前試過一次喺朋友屋企叫Deliveroo 食過廚十三嘅酸菜魚，覺得啲魚幾滑幾好食，但礙於外賣嘅關係，所以味道硬係爭緊啲🤥 今次口痕又想食酸菜魚，好彩尖沙咀有廚十三，就比多次機會再食！因為今次係兩個人食，就點咗一份細酸菜魚加豆卜，每人再要一碗白飯。大大個碗presentation幾好，香氣十足！我明白煮酸菜魚上菜前一定會淋啲熱油，令香味同味道進一步提升，不過就咁睇好似加得太多油，搞到我飲湯時好似打邊爐咁要隔走啲油先飲😂講返個湯先，酸菜、辣椒、花椒嘅味加埋一齊唔會太辣十分惹味，會越飲越開胃。豆卜基本上擺落去味濃嘅湯一齊煮，入晒味都好正！魚方面廚十三係用鱸魚，魚質有彈性唔易鬆散而且口感滑溜，潷啲湯、魚同酸菜落碗飯度真係一流，會不自覺咁越食越快，越食越多。可能呢啲就係重慶菜吸引之處！小總結：睇Menu見到細份酸菜魚嘅價錢要成三百幾蚊，都覺得有啲貴，但想食就真係無辦法。如果再食就一定會揀午市，$168就有雙人套餐，抵食好多…Read More