SweetiCan's Profile

食物味道正常，但服務員態度惡劣，每個回應都是呼喝作答，態度傲慢。我哋見到隔離枱一班人慶祝生日，請服務員幫佢哋影一張合照，叫咗幾次服務員先應佢哋，然後黑口黑面，撳咗一張相就將部電話丟返落枱面，真係難以接受。對於一間食物質素唔算特別出色嘅餐廳來講，加埋呢一種服務態度，根本唔會考慮去下一次。想重申，餐廳裏面所有服務員嘅態度都係一樣惡劣，但係佢哋執枱嘅時候，員工同員工之間就有講有笑，淨係一對住客人就會變返嗰個黑面，真心覺得好奇怪😡…Read More

老公生日，由一位食家朋友介紹這氣氛不錯的餐廳Sorriso.iSquare 29／F，落地玻璃看著維港美景，還靜靜的看著8點的激光表演。我們點了Sorriso Signature Dinner Menu，8道菜，＄932不過兩份有8折，即係＄700幾。老公話可以一次過試晒所有既signature，加埋呢個環境，一0的都唔貴  不過先提一提，如果叫呢個餐，無論你幾肚餓都唔好食餐包，否則你會同我地一樣食到第5個菜就開始飽，後悔到不得了 先要讚一讚服務員，非常體貼又有耐性，令整件事都大大加分，因為無論食物有多好只要服務不好，成餐飯都嬲爆爆一定影響心情。這裡的服務員未必個個都經驗老到，但永遠保持笑容真是難得 生蠔係美國的，非常新鮮甜美。Parma Ham, Crab Roll。坦白講呢個我地都覺得麻麻地。Parma Ham同Crab分別都好食，不過夾埋一黎成個感覺都低價左，二黎個哈蜜瓜汁味道似開心果多0的，成件事怪怪地。。。龍蝦湯，龍蝦味濃，不過真係太咸，太太太咸了！不過我地都告訴了服務員通知廚師，希望廚師日後會留意。牛肝菌粉卷配黑松露呢個好好味，個皮好有咬口，黑松露帶起左牛肝菌既味道。旁邊既茄醬又剛好調和左好飽滯既口感。Champagne Sorbet超推！冰凍既Sorbet，一食落口平平無奇，0係口中一溶化就爆出濃濃香檳的味道。完全清除了口中之前食物的殘留味道之餘，又有煥然一身的感覺去迎接主菜。A4和牛西冷原先想叫7成熟，因為和牛一般脂肪較多，太生反而帶不出其油香。之後想了一想就要求改做4成熟，原因係根據過往經驗，由廚房serve到出黎都會熟多左。果然，出到黎都已經大約7成熟，如果本身叫7成可能已經all done左。。。和牛的油很多，也令口感特別軟滑，但牛味不算很重。火焰雪糕即做的炸雪糕永遠都好味，還在你面前點火，又有人在旁邊唱歌彈結他，氣氛一流。略嫌酒味太濃，點火後都未能揮發，蓋過了雪糕的甜。老公好開心，佢開心我又好開心 Perfect Night 就這麼簡單啦～…Read More

已經唔係第一次去Bondi，每次都係午後時間去多。一來可以慢慢飲杯咖啡，二來這個地點對我來說晚上很難專情來吃個飯。Bondi在荔枝角地鐵站很近，位於一幢舊式工廈之中。其實不是介紹，一世都不會無端端走上來，更不要說吃飯了 不過這裡的而且確是個值得介紹的地方。午餐不算貴，每人大約＄100至＄150左右。先點了兩個意粉：海鮮白酒意粉 ﹣ 沒什麼好挑剔了。意粉煮得剛剛好，我最討厭那些煮得太稔的意粉了，這裡絕對沒有這個情況，軟硬適中 (相信己特別調教到最令香港人接受偏向稔一點的啦！) 大蝦雖然不算很有蝦味，卻出奇的爽口。青口也不錯。什菌黑松露螺絲粉 ﹣ 平時出去點什麼黑松露的東西，就要找個放大鏡才看到的黑松露，Bondi一點都不吝啬。他們把這碟一放到桌上，隔離桌的幾位少婦已經在說很香看過來了。這個螺絲粉有改善空間，包括汁煮得太稀和太鹹，但整體已經很不錯了。飲品方面，簡單叫了一杯熱latte，比較穩陣。始終不是一間專門做咖啡的，我不敢向難度挑戰。咖啡不過不失，算是不錯了！…Read More

由於媽咪煮雞十分出色，因此平時甚少在出面吃雞，尤其是常常標明以海南雞作招來的，往往都令人失望而回。今次看見這家在小巷內的店，跟周圍的人打成一片，人流很快，叫外賣的人又多，儘管試試！我和老公分別點了去骨海南雞飯和咸魚肉餅飯，每個都是＄40十分便宜兩個都令人很有驚喜，先說海南雞，雖然全部都是雞胸肉，但真的很滑的肉，雞味也很濃而又不覺油。油飯十分香口，除了粒粒分明，還加入了炸洋蔥，成件事都很完美。至於咸魚肉餅飯，肉餅是煎的，跟平日吃蒸的肉餅很不同，這個十分香口。如果肉餅淨吃就太咸了，配以白飯就剛剛好！每人＄40只是又便宜又好吃，讚呀～…Read More

第一次食晏食到發脾氣原先好好地星期日去食個午餐，見到呢間舖個樣應該夜晚係fine dine，午餐應該差極都有個譜咁就比呢間野ruin左我個可愛既星期日！說真的, 向來我覺得好的東西應該寫, 普通的也會給機會不會特別寫出來(姑終有很多香港人都會看openrice), 但這次真的不能不給它一篇”差”, 真的覺得是公德心問題, 不寫出來對不起準備去試的香港人!! 我同老公分別點左“洋蔥白菌雞肉腸carbonara”同埋”香煎龍脷柳配墨西哥蕃茄汁“先講講個carbonara，其實大家睇相已經明白，應該唔洗多講，不過我都形容一下有幾離譜先點睇呢個都係茶餐廳白汁腸仔意粉0者! 完全係罐頭忌廉湯+廚司腸, 最特別係仲有好多豆同埋翠肉瓜個汁同carbonara完全扯唔上關係! 說好的蛋黃汁呢?!!!!老公個龍脷柳配墨西哥蕃茄汁, 賣相仲好笑, 好似一pat唔知咩咁個汁… 唉… 唔係茄汁加tabasco就叫墨西哥汁掛!!?? 個魚聊亦都係雪藏野, 唔係個名叫龍脷柳真係唔知自己食緊魚!!落單時已經叫埋飲品, +$13 叫了latte誰不知, 也中伏了!咖啡很苦完全是即沖的味道也算了, 那層奶泡才最可怕! 第一, 是稀的泡; 第二, 泡和咖啡竟然是分開的… 0.0 我看呆了, 全杯咖啡我飲了一口便不能繼續下去!雖然價錢是便宜的, 兩個人一共$110, 但沒想過食物比九流茶餐廳更差真係太離譜了吧!!!…Read More

同老公星期六周圍搵野食，黎到九龍城市政大廈3樓呢個熟食中心特別地成個熟食中心得其中三份一坐滿人，即刻入去睇下有咩咁特別～人流好快，大家食完就走，好快就搵到位大家睇下個餐牌先見到好多人食西多士，粟米肉粒飯，豬扒飯同飲紅豆冰最後就點左呢幾樣：奶茶紅豆冰坦白講，真係十分好味 奶茶好滑，茶味新鮮，0的紅豆好林好大粒，又冇搞到爛晒全部都原粒架！！沙爹牛西多諗都冇諗過，沙爹牛放入西多士，面頭都係牛油同鍊奶，明明一鹹一甜諗起都覺得好怪，誰不知成個味可以咁夾 甜味同沙爹兩方面剛剛好中和左，成件事好完美～另外都叫左炸豬扒飯，新鮮炸既豬扒，又唔係厚厚既炸漿，其實點都唔會差我覺得味道ok，老公就覺得唔夠味，同埋豉油唔夠不過呢個就當然冇頭先兩個咁特別啦，雖然味道不錯，但仍然被比下去了呢餐每人$50-$60，真係又平又好味呀！…Read More

朋友沒久前介紹過這地方，一直都很想去試試，但位置真的有點隔涉一直都未有機會機緣巧合，星期六上午來到荃灣看醫生，便在地鐵站下轉乘麗城的小巴來到這裡。這店是位於一住宅花園下面的商場，一打開商場門口就看到它。因為人不多，地方寧靜，坐位開揚，明明生病中心情都立時好起來！我很喜歡Egg Benedict，吃過很多不同地方的，Egg Benedict易學難精，今次也得試試這裡的手勢！點了食物，他們給我一個扭計骰，這是等候食物用的，很可愛很有心思Egg Benedict的蛋做得很好，一層薄薄的蛋白剛好包著流心的蛋黃，蛋下有菠菜容，煙肉， muffin，配以旁邊的沙律。整個賣相十分吸引，蛋也做得很完美。唯一的意見是，這個hollandise sause不夠酸，若可輕輕多加一點酸味，整件事便完美了Caffe Latte向來我都飲得比較濃，加上上次朋友說咖啡味道不夠，所以我刻意要求了extra shot就剛剛好。沒有刻意去看用了什麼咖啡豆，但Latte after taste是甘，慢慢會有一點苦帶出來的。這after taste第一下很強烈，但不long lasting，這杯咖啡的整體感覺是不錯的。p.s. 不能不提的是這餐廳的服務，由點菜到送食物，職員都充滿笑容，放下食物時還說了句“慢慢食”。吃飽了拿出藥袋準備吃藥，他們還主動問我要不要暖水，就為我送上了一杯暖水啦，很很很窩心，真的是一流的服務態度，不得不讚！…Read More

今日放假約幾個朋友食午餐，由於知道撞正午膳時間，預早在12.15已到達，即有位。等埋幾個朋友，12.40落單，我點了個$95 all day breakfast。先是咖啡連續做錯了兩次，有咖啡了就開始一直等一直等，咖啡已飲完，水都吹得七七八八，朋友所點的已全部吃完，我的還沒有來。最後，在45分鐘後來到，即1.25pm... 然後匆匆吃了15分鐘... 食物是不錯的，價錢也算合理，但等待時間真令人失去了食慾... 唔開心 …Read More