E.A.食家's Profile

見天氣涼涼地，又係時候想打邊爐，之前食過方叔叔之後一試難忘，今次我地就去咗銅鑼灣嘅第一間分店，上年重新裝修之後搬到一樓，環境舒服咗好多。我地點咗個二人餐，其實已經好多嘢食，不過我地見到呢樣想食，果樣又想試，最終又點多幾款蔬菜。黎得呢度就當然要點麻辣湯底啦，湯底無香精，辣味夠哂惹味十足，食完都唔會殘留重口味或者成陣火鍋臭味喺口度。依度野食選擇好多，亦都唔求其，仲有特色食材同埋菇菌類，又新鮮。野飲亦夠晒大杯，呢杯洛神花鮮橙特飲啱晒我口味，食飽飽仲有碗重慶冰粉可以解下辣。…Read More

呢間餐廳店內雖然小，但都感受到餐廳有種阿根廷嘅氣息，我地先由一杯紅同白酒開始。前菜：南美酸汁醃吞拿魚加咗tiger milk 醬，呢個醬絕對係靈魂，吞拿魚刺身粒，仲有牛油果，紅洋蔥，酸酸地好開胃主菜：牛扒拼盤三款唔同嘅牛扒：西冷牛扒、菲力牛扒&側腹膜橫肌牛扒。每款牛扒味道各有特色，外焦內嫩，肉質鮮美。搭埋嘅炸薯條，外脆內軟，撒上大蒜同意大利歐芹，就算唔點茄汁都好惹味。Upon arriving at this restaurant, although it is small, you can feel an Argentine vibe throughout. We started with a glass of red and white wine.Appetizer: Tuna CevicheIt comes with a tiger milk sauce, which is definitely the soul of the dish. The tuna sashimi cubes, along with avocado and red onion, are tangy and appetizing.Main Course: Mix Carne’sThis features three different cuts of steak: sirloin steak, filet sreak, and skirt steak. Each steak has its own unique flavor, with a crispy exterior and tender interior, and the meat is delicious. The accompanying fries are crispy on the outside and soft on the inside, sprinkled with garlic and Italian parsley, making them flavorful even without ketchup.…Read More

今日勁大雨，路過附近費事周圍走就揀咗呢間壽司店食，我好間中先黎呢間壽司店，一去到已經好多人，等咗一陣見到裏面都有幾張二人枱，但都冇叫飛入坐，過去問侍應有咁多位點解唔叫入坐，佢話準備叫，但我企咗一陣仍然冇叫飛，我又走去問，佢話公司規矩。其實我唔知其他分店係咪咁，我有時去食見少人等一陣都冇留意咁多，今次等嘅人比較多就特別留意啲，當然我最終轉食其他嘢啦，咁等法，兩三個鐘都未有得食。希望餐廳都改善吓呢個問題啦，唔好搞到外面超級多人等。…Read More

尋日同朋友行行下街要搵食，見到呢間重慶火鍋就嚟試吓，環境好舒服，枱都比較大張，方便擺放多食物，一坐低侍應就放低每人一碗糖水，對於我唔太嗜食甜嘅人嚟講，都算幾啱食呢度有最基本嘅醬料區，同埋兩款小食可任夾，小驚喜嘅居然有我鍾意嘅小青桔可以放落醬料度我哋揀咗個鴛鴦湯底，一邊係麻辣湯，另一邊係清清嘅菌湯底我鍾意嘅牛小排蟶子，肥嘟嘟好飽滿，好鮮甜仲有即炸豆皮，呢個都有驚喜，因為唔多地方有即炸墨魚滑呢度都有多款菇菌類選擇，仲有萵筍、貢菜連嘢飲都比較大杯，啱晒火鍋口渴時飲得比較多，同埋又唔太甜，真係啱晒我，不過呢款冇酒精茶類特飲當晚只有一選擇，如果有再多兩三款選擇會更加好…Read More

今次專程嚟到JW內嘅餐廳慶祝朋友嘅生日，呢度環境優雅，燈光柔和，為呢個特別嘅日子增添咗唔少氣氛。頭盤香煎鵝肝：鵝肝煎得外脆內軟，配埋無花果，中和返鵝肝嘅油膩感。紐西蘭青口：青口鮮嫩多汁，配埋香脆吐司沾落青口汁後食真係好滋味。龍蝦湯：湯底濃郁，質感滑順。主菜美國肉眼扒：肉眼火候啱啱好，肉質鮮嫩，配埋香脆蘆筍同埋烤大蒜，令整道菜味道更上一層樓。烤伊比利亞豬：外焦內嫩，配埋焗薯仔，味道令人滿足。甜品時令生果：新鮮生果同清涼嘅雪榚，食完啲肉之後再食生果感覺好清新。焦糖布丁：布丁上層嘅香脆焦糖，甜而不膩…Read More

今日去咗一間正宗越南人主理嘅餐廳，餐廳裏面裝潢好有越南氣息，雖然店小小，但係好舒服。越式拼盤呢個越式拼盤有齊幾款唔同嘅小食。鮮蝦米紙卷-呢個小食係越南嘅一個涼菜，蝦肉喺薄薄嘅米紙裡面，口感清新開胃，喚醒味蕾。香茅雞翼-外焦內嫩，陣陣香茅味道，惹味可口。越式春卷-內餡豐富，炸得金黃咬酥脆，配埋酸酸嘅醬汁，亦都係好開胃嘅小食。扎肉-有微微嘅鹹香，有嚼勁。青木瓜蝦沙律呢個沙律好特別，望落好似一碟麵，木瓜絲切得幼細得黎好有口感，而配上嘅蝦都係鮮嫩，配料仲有扎肉絲、花生，份量好十足嘅開胃菜。香茅雞扒撈檬雞扒整得金黃均勻，肉質鮮嫩唔乾身，入口仲有陣陣香茅味道又香口。牛肉法包法包外脆內軟，香嫩嘅牛肉又多汁，配埋內裏嘅蔬菜，食落唔膩仲好夾。…Read More

呢度真係好多🌷🌺🪻🥀🌹🌸🌾最啱慶祝，除咗打卡外📸食物質素都好有水準👍🏻湯及前菜：🌸花廚特色菌菇湯-加有牛肝菌同埋其他嘅菇，濃得嚟仲好細滑🌸麻辣田螺-醬汁入味，嫩滑一啲都唔煙靭，另外仲有特製醬汁俾你自己再加入一齊食🌸黑松露牛肉塔-濃郁嘅黑松露同埋嫩滑嘅牛肉加有少少辣，配上酥盒嘅鬆脆，口感非常好，又惹味主菜：🌸海鮮意大利麵配鮮蕃茄醬-海鮮份量都唔少，加上濃郁嘅蕃茄醬好清甜🌸玫瑰鹽烤鵝肝牛排-先講個擺盤非常靚，旁邊以小花做點綴，牛扒熟成度啱啱，配埋鵝肝嘅油香一齊食真係好夾甜品：🌸荷塘月色葡萄烏龍凍-好特別嘅一個甜品，裏面有提子、青蘋果，再加上茶香，清清甜甜🌸玫瑰慕絲卷-呢款係為生日而送上嘅一個甜品，外層嘅粉紅色脆脆，口感特別，味道都不錯飲品：🌸蔓越莓玫瑰花果茶-原壺上，壺裏面仲有一朵大大嘅花，仲有蠟燭下面熱住，好啱女士嘅一款飲品🌸藍蝴蝶-蝶豆花之中加青檸汁變成紫色，有得玩又有得飲，味道唔錯…Read More

經過見到老板娘親自包糯米糍, 見唔係多人排隊, 買黎試試, 只有老板娘自己一人包, 等嘅時間都耐少少, 為咗唔浪費時間同埋衛生問題, 所以呢度都係自助找續的。呢度除咗有糯米糍外, 仲有砵仔榚,茶粿,咸肉粽...等等買到返屋企就忍唔住第一時間試食, 外皮做得好薄, 花生餡一咬即爆開, 餡料真係好多, 不過本人比較鍾意有少少口感, 如果外皮輕輕厚番些少會較好。順帶一講:我欣賞老板娘開咗咁多年, 每日親力親為果種精神。👍👍👍…Read More

突然好想食沙爹牛肉麵, 一早黎到永順已經排哂長龍, 雖然呢度沙爹牛肉出名, 但其他食物都一樣出色🌸 凍鴛鴦 🌸奶茶混合咖啡, 淡淡咖啡香, 奶味濃縮。🌸 沙爹牛肉出前一丁 🌸牛肉嫩滑唔韌, 份量都不少, 沙爹醬濃得黎唔杰。🌸 西多士 🌸麵包表層焦脆,裏面有花生醬, 配埋牛油同奶油, 好惹味。🌸 芝士流心蛋鮮牛治 🌸麵包烘底鬆軟, 鮮嫩牛肉加埋半溶芝士同埋蛋, 好食。🌸 豬扒 🌸呢個真係必食, 外層炸得薄薄又適中, 好鬆脆, 肉質飽滿無乾柴感, 唔會油膩。…Read More

呢間日式燒肉店嘅位置一啲都唔顯眼, 店內只有十幾個位, 雖然地方細小, 但都尚算舒服。佢哋嘅燒肉選料優質, 價錢公道,唔同部位嘅牛肉, 就俾番相等水準嘅牛肉。美國極佳級牛小排定食: $158牛小排有十多片, 肉味偏淡。封門柳定食: $188封門柳一樣有十多片, 封門柳牛肉味濃郁, 入口鮮嫩多汁, 灑少少鹽, 令牛肉嘅鮮味更加凸出。 每個烤肉定食跟一個石板燒, 牛肉嘅生熟程度因應個人喜好而上碟, 呢個定食仲有醋沙律同飯, 醋沙律好開胃, 而個飯粒粒分明, 煮得啱啱好。…Read More

呢度雖然個門口一啲都唔顯眼, 隨時行過都唔留意, 入到嚟餐廳裝修氣派, 食材都係廚師精心挑選, 連擺盤上碟都花心思我哋揀咗$588同$788嘅套餐雪本釀造(180ml)純米酒味道純正而清爽, 帶有淡淡甜香沙律魚子醬嘅鹹香同煙三文魚嘅煙燻味好夾，煙三文魚包住沙律菜，中間加咗柚子醋，帶嚟一種酸爽嘅味道，令整個沙律更加開胃。前菜蘭王蛋加咗白松露同埋魚子醬，再一齊混和，食落口，質地好似豆腐花咁滑，入口即化，魚子醬嘅鹹味同溫泉蛋嘅濃郁蛋香，真係好好食。海鮮兩品(588餐揀咗扇貝同魚, 788餐揀咗虎蝦 同鮑魚)扇貝用咗牛油黑松露汁, 牛油香滑濃郁東星斑柚子黑醋, 魚皮煎到好香脆, 魚肉嫩滑虎蝦, 用蝦頭蝦膏整既汁, 濃郁蝦膏鮮味南非孔雀鮑魚, 煎到啱啱好冇過熟, 加埋秘製蒜蓉醬, 好味👍旁邊既蝶豆花泡泡, 可以增加海鮮既鮮味主菜(588餐選咗豬)豬扒厚實不鞋口, 配上特製醬汁, 正(788餐選咗牛)點咗7成熟既牛, 味道啱啱好又多肉汁, 伴碟有自家製既蒜片, 炸得好香脆, 仲有切到好似蘑菇嘅蘿蔔, 擺盤好靚昆布豆腐絲麵豉湯豆腐絲切到好幼絲, 質感嫩滑。海鮮炒飯炒飯炒得好乾身, 粒粒分明, 加咗蔥花, 蒜同埋蛋, 食落口有啲飯焦粒, 有種煲仔飯嘅感覺, 食落幾有層次咁, 好味。甜品柚子 &紫薯雪榚, 食完鐵板同濃味嘅嘢, 食返個甜品, 雪糕味道清新, 配咗紅豆爆珠, 食落口有紅豆味得嚟口感幾得意…Read More

呢度除咗海鮮出色之外, 其他食物都好有水準, 同埋呢度鑊氣好夠小炒皇平時小炒皇用料大致都差唔多, 但今次係我特別最鍾意, 韭菜花 , 魷魚切絲, 腰果, 蝦乾, 芋頭絲切幼條再炸過特別香脆, 呢個餸鹹鹹香香, 夠鑊氣, 佐酒一流燒鵝呢度除咗海鮮之外, 燒鵝係必點之一, 燒鵝皮香又鬆脆, 肉質嫩又香滑, 仲有鵝油香喇沙牛腩牛味濃郁, 肥瘦雙間, 軟淋味香椒鹽南非鮑魚呢度嘅招牌菜之一, 椒鹽炒過夠香口又惹味, 鮑魚彈牙鮮美, 口感仲有少少脆, 真係好好食龍蝦煎米粉大部分酒家都係做伊麵底, 呢度就係煎米粉底, 南澳龍蝦好鮮甜, 香脆米粉吸埋龍蝦汁嘅味道特別開胃蒜蓉粉絲蒸貴妃蚌貴妃蚌大隻厚肉, 肉質爽彈鮮甜冇過熟胡椒湯東星斑 呢個湯真係不得了, 胡椒味濃郁, 東星斑起肉切片, 鮮味嫩滑, 呢個魚湯唔係每次都可以訂到, 因為手工問題, 今次有幸食到好開心益力多榚清甜微微酸, 唔錯嘅一個小糕點糖水西米露有咬口, 一啲都唔甜, 清清地…Read More

入到嚟餐廳門口位已經有特色嘅佈置, 侍應帶我入去餐廳時, 睇得出餐廳用心佈置, 亦都有好多打卡位, 連坐既位置亦都對住落地玻璃, 邊食邊望到周圍嘅環境, 其實好 賞心悅目飲品-兩杯各有特色嘅飲品好啱女士飲Melonade清甜帶有濃濃既蜜瓜味Burial Rites(Hot)玫瑰花茶紅飲, 絕對係養顏之選香煎日本刺身帶子伴三文魚籽帶子肉厚, 煎到金黃色好香口, 配埋三文魚籽更鮮甜。澳洲MB2嫩牛柳牛柳肉質嫩滑, 牛味濃郁, 入口即化, 旁邊既伴菜亦都唔馬虎, 挑選鮮嫩既蔬菜又鮮甜。香烤加拿大豬鞍豬鞍經過保濕技術處理, 保留肉質鮮嫩多汁, 唔會乾身鞋口, 黎到要必試。…Read More

觀塘呢個工業地區，原來有個隱蔽餐廳打卡一流，唔止裝修上花心機，就連食物擺盤都整得好靚。特濃熱朱古力鮮奶 - 朱古力香濃, 質感濃厚, 面上嘅拉花更加增添咗藝術感自家製松露炸蝦丸 - 外脆內嫩，蝦肉鮮甜 有口感，加上松露嘅獨特嘅味道，味道好夾。香酥魷魚泰式柚子沙律 - 魷魚炸得金黃香脆，拌埋柚子沙律醬汁，酸甜爽口好開胃。原隻赤海蝦刺身香濃蝦汁意大利麵 - 赤海蝦鮮味十足，再加上味道濃郁嘅蝦汁意大利麵，完美嘅配搭。自家製85度朱古力心太軟配雪糕 - 切開蛋榚內裏嘅朱古力慢慢流出， 朱古力濃郁，絕對係朱古力控嘅最愛。…Read More

呢間係米線關注組推介之一依家香港人越嚟越多人鍾意食米線, 以旺角區嚟講, 我幾鍾意呢間米線, 呢度不論午飯或晚飯時段都好多人, 有時做嘢經過都會買個外賣走。呢度好多款唔同湯底同埋配料, 之前每次嚟都係叫酸辣湯底,今次試試另一湯底, 我點咗鴨血, 豬大腸酸麻辣湯底, 要咗少少辣, 湯底濃郁, 酸菜帶出個酸味, 果然夠麻夠酸亦夠辣, 份量啱啱好, 鴨血軟滑, 豬大腸大件夠淋, 刺激味蕾越食越過癮, 鍾意食辣嘅人亦都可以黎挑戰下, 值得推介!…Read More