chsrachel's Profile

有時餐廳真係唔好怪啲人唔黎食，除左食物質素，員工既服務都真係好大責任。今日諗住打電話查詢晚市訂位，接線女職員已不耐煩，想問多句就叫你walk-in ,仲突然跳制連講3次叫你walk in 呀😅，搞到我想問多句晚餐餐牌都冇機會，真係好想叫佢專心聽下人地問咩再答啦既然係咁唔阻你喇。接線第一印象都咁差，都不難想像坐低食野會有咩服務。或者可能酒樓真係好忙啦，不過既然都接左個電話，何不俾多幾秒聽人講野希望只係我個別體驗差啦…Read More

朋友生日，最鍾意買la famille既蛋糕，分店多又易買到，蛋糕夠細個又可以寫生日牌，重點係好食又好抵係每次飯聚後，已經超飽既最佳選擇份量真係岩岩好架之前食過柚子都好好味，今次試下皇牌士多啤梨口味。戚風蛋糕一如以往好食，蛋糕夠鬆軟又唔會好乾身，戚風蛋糕有士多啤梨香，中間有cream, 食落唔會太單調。呢款面頭仲有塊啫喱，為造型加晒分，小朋友見到好開心蛋糕加$10可以有朱古力生日牌，加$20就可以寫埋名。…Read More

同朋友行街，先知原來BLT burger轉左呢間餐廳。門口menu都幾吸引，咁岩行到攰，下午茶時間就決定食佢試下。環境幾日本feel既西餐，食物選擇都幾多，有咖喱蛋包飯，burger，芭菲，梳乎厘pancake等。同朋友share 左個burger 同梳乎厘pancake。經典芝士漢堡：Burger 唔錯，牛肉好juice，薯條都冇炸到乾晒，整體唔錯，賣相靚仔增加食慾。雜莓梳乎厘pancake：Pancake 有蛋香，夠鬆軟，配雜莓酸酸甜甜好開胃…Read More

成日行過都想食，但長期多人排隊，就放棄食其他。今日8點零行過，竟然唔算多人等位，仲唔係機會黎喇飛雲今次叫左兩個吉列蠔手打烏冬，一個係辛辣蕃茄湯底，一個係鰹魚辛辣魚介湯。到底係幾咁想食吉列蠔烏冬冇得輸，彈牙，辛辣蕃茄湯微微辣好開胃，鰹魚辛辣魚介湯唔錯，不停咁飲炸蠔唔會好乾，份量對得住個價錢。另外仲叫兩左個小食：泰式燒蟶子同炸一口豆腐。蟶子個汁唔錯少少辣同酸酸地幾開胃，係個蟶子燒得有過火，有啲難咬。炸物中規中舉，可以一試。…Read More

行過見到唐記crossover 布甸狗，出左得意既野食，雖然冇特別喜愛布甸狗，但見到個布丁燒幾得意就買黎試下啦布甸狗布丁燒$18我個人覺得抵食之餘仲幾好味，有蛋香又唔會太甜。份量超足…Read More

旺角「618上海街」經活化改建而成的新商場，有幾間餐廳進駐。今日去開旺角, 就同朋友去呢度行下順便搵好野食。「蟲二」位於大廈頂樓, 設有室內及戶外座位，環境舒適優閒。岩晒慢慢食又傾下計, 身處鬧市中都可以享受片刻寧靜。同朋友叫左2個main share。一汁三菜: 炙燒芝士漢堡扒配熱焙茶好有日式家庭菜feel, 個飯幾健康, 芝士漢堡扒一般, 個前菜有少少HEA。咁既價錢有少少唔抵。煙3文魚太陽蛋薯蓉toast配小蕃茄Open toast 係幾靚既,但食得唔方便。個太陽蛋會食到周圍都係但整體薯蓉同個toast都幾match。toast再配d沙津, 有清新味蕾既用處。總括黎講, 食物一般但少少貴。如果想搵地方HEA下傾下計, 呢度好岩既。…Read More

限聚令下的星期日晚, 條街好冷清, 餐廳又唔駛點等位。係因為隔檯(1.5M)坐既關係, 所以其實都叫FULL左。黎得居酒屋都係想飲酒食小食傾下計咁。我地都叫左幾多野食下....炸一口芝士 : 外脆內軟, 要趁熱食先好食。燒鱈魚干:  本身想食既係雞泡魚干, 但賣晒所以試下呢個燒鱈魚干。好干好脆, 但似食風咁, 一般般。海膽手卷:  海膽新鮮冇怪味原條炭燒鰻魚飯: 朋友話呢個係必食既。鰻魚厚肉多汁3文魚籽甜蝦丼飯: 都幾新鮮牛肉鍋: 都幾多牛肉, 牛肉唔會韌。炒野菜燒牛舌, 牛舌厚身唔會乾香蔥吞拿魚卷叫左枝梅酒share , 梅酒不過不失, 但冇驚喜。我地期待係D特別牌子。埋單都偏貴既, 但環境唔錯, 野食都OK。適合慢慢食傾下計。不過都要留待疫情過後, 先可以慢慢食了。}…Read More

今日同朋友行開旺角, 知道新開左間懷舊FEEL既餐廳, 所以就黎試下。餐廳對面係文具店, 裡面有好多display, 你總會見到一樣你童年都見過用過既文具。文具店門口有d可以俾你買走既文具, 食完可以行埋睇下先走。講返餐廳先, 可能而家限聚令, 餐廳唔算多人, 但都坐滿7 成。MENU有中有西, lunch 黎講都算多選擇, 價錢中上啦。店員安排我地坐卡位, 旁邊有好多懷舊公仔同玩具display。等野食個時都有周圍望下, 鍾意懷舊FEEL既朋友可以黎試下。我揀左蝦蝦大少鮮蝦意粉, 同行朋友揀左個常餐。野飲我地叫左熱奶茶, 但好快就到左先, 未食完一半好快就凍左 蝦蝦大少鮮蝦意粉賣相唔錯, 面頭有幾隻蝦, 意粉唔會太淋同有蕃茄肉。味道OK, 可以一試。朋友個常餐因為好一般, 所以冇意見。店員話係餐廳消費, 可以係門口揀返樣文具拎走。我地今次就冇喇, 留俾有需要既人啦~但呢個IDEA 幾好…Read More

今日同朋友們出開來尖沙咀。假日lunch當然想搵一間可以傾吓計，慢慢食嘢嘅餐廳坐下。因為係即興所以冇book位，好多樓上cafe都full晒。後尾喺OpenRice嘅食評，搵咗呢間評語唔錯既cafe,點知原來係中伏既開始。（星期日都唔full,其實都應該要估到咩事）最近愛上奶蓋，所以見menu有海鹽牛油果奶蓋花茶，就即刻order。當我叫呢杯飲品時，落order位哥哥仔愕然之餘又面有難色，我仲講笑話唔通好難飲？點知惡夢開始,真係好難飲。飲品嚟到我仲滿心歡喜咁飲咗一啖，點知奶蓋冇芝士冇奶更冇牛油果味，又硬又酸花茶又冇咩味，連香味都冇。花茶其實好難難飲，仲想話奶蓋難食飲茶都可以，但真係擺唔落口。飲左一啖成杯冇再掂過除左我呢杯野飲之外，同行友人叫左最普通既熱朱古力同搽茶latte 一樣 話說熱飲唔熱都好難叫熱飲，仲要係連暖都冇，係室溫侍應哥哥仲話，係呀熱飲係咁咁室溫都好過完全放唔到入口既。好彩食物正正常常，先冇咁失望。食物賣相不過味道冇驚起。到埋單先經典，叫極都冇人應。明明唔忙，我見黎cafe 既客人都係慢慢hea，我唔明都唔係炒場有咁忙咩？冇野做都冇人應食完叫埋單，掛住傾計俾完錢但又唔記得俾左幾多同張單幾錢，友人又問起total 幾錢話要Payme 轉錢。我地想話問張單又問唔到，問侍應我地張單幾錢，佢話聽唔明，叫另一個人黎。但佢係2分鐘前先幫我地埋單，之後見佢都冇做過其他野，咁快唔記得？金魚記憶唔記得其實好小事，去睇返又得，print返張單睇都得，但佢就好冇禮貌咁話聽唔明，叫另一個更唔明既人黎，咩都唔講下就叫另一個人黎。咁講完其實係想知張單幾錢，佢又叫返埋單個位黎，佢又問返咩事。其實到底有幾難明，到底要問幾次？客人有疑惑，咁你咪印返張單出嚟咪搞掂囉⋯⋯最後位埋單既侍應哥哥又突然走左，我地都唔想問，準備起身走，佢無啦啦拎返d尾數散紙黎，一棟咁棟直佢放檯面，咩都冇講就走左我想問，係咩意思呢野飲又難飲，野食咁一般，仲要唔平，究竟咩驅使大家黎食？打卡check in 只為睇唔係食既？咁既價錢咁既質數，大把其他選擇啦，唔怪得佢點都有人食，都唔駛等位緊係啦…Read More

終於都感受到冬天的來臨, 因為Lunch hour落到街都覺得凍...所以同事就建議左去食煲仔飯!同事話之前食過"憶食尚"覺得幾唔錯, 所以山長水遠咁行過黎~望住個餐廳名, 心諗:唔叫煲仔飯都對唔住自己啦!所以一坐底咩都無理就叫左個"特色臘味煲仔飯"、同叫左個灼菜!菜心好粗好大條, 所以亦到好老; 跟菜心有個蠔油, 蠔油隻色比一般的"李X記"蠔油更淺色, 隻味亦有少少怪!重頭戲黎啦, 個煲仔飯上枱望落真係好靚仔, 有臘肉, 臘腸同臘鴨,仲有2條小棠菜~但個職員唔識處理煲仔飯, 佢落完個豉油無點焗, 搞到個飯底好少飯焦!!就算有少少焦,都係我鏟得勁辛苦先有!!無飯焦的煲仔飯算係煲仔飯咩!!!?臘味超級咸, 咸味完全無落過白飯到!臘腸好油但D油係唔香既!搞到臘味係臘味, 白飯係白飯,完全唔夾!!除左店員態度好之外, 成餐飯都無樣好!最後頂唔順同同事埋單走人去買個包食算數!…Read More

下午茶時間，想食d冇咁heavy 既野。即時諗起老店人和荳品廠既招牌～豆腐花～平時食開熱既，心血來潮買碗凍既食下，天氣熱真係最岩呀果然冇令我失望，一段時間冇食，依舊係我食開既味道。入口超滑一口接一口停唔到。最鍾意加埋黃糖，一口軟滑一口脆脆，好有口感。話咁快就成碗食晒～超滿足…Read More

成日都會黎葵廣，貪佢多小食揀。咁多小食相比之下，甜品就冇咁多。所以每次都會心思思想食布丁燒。布丁夠滑，蛋糕綿滑，真係幾match食過原味，咖啡，Baileys， 茶味。最鍾意都係咖啡同Baileys 。咖啡味夠香濃，Baileys 味好出。2隻味我都好鍾意。次次都諗住試新味，但次次都買返呢2隻味食既時候，咖啡汁流出黎，真係超好味因為次次都會買走食，所以冇影到個倒出黎個樣。呢個真係會keep住encore …Read More

其實都食左2次。食物係唔錯有水準，但service 同員工真係要改善下叫極唔應之餘態度又唔太好。好啦講返食物先。我地2個人，叫左2個main，1人1杯桃茶同一個甜品share 。龍蝦湯夠香，但再熱d更好海鮮飯唔錯～黎到urban ，點可以唔試下烤雞。雞肉唔錯唔會太乾。最正係個薯條，好好食食到尾已經好飽。但話晒女仔係有2個胃，所以甜品一定食得落既本身想叫牛角布甸，可惜賣晒。所以叫左焦糖燉蛋。雲呢拿味好出，又唔會太甜，真係唔錯食物真係會令你再黎，希望下次黎食，服務會有所改善。…Read More

拉平日好少黎中環，今日係因為去大館，所以友人就即刻search 下有咩特色餐廳好食。我想飲咖啡hea 下，最後就揀左呢間有好cute 公仔做裝飾既樓上cafe。地點有少少難搵，不過中環都係咁上下😅我地叫左1個小食1個main。野飲叫左最基本既cappuccino， 咖啡ok，花搵得幾好，飲到最後個花仲完整係度同行友人叫左花茶。揀左茶底（紅茶/綠茶）後，會再拎一盤花茶黎，有個menu 解釋不同功效既花。等你自己mix & match。揀好花茶自己放落茶袋，份量隨你喜歡。最正係會主動不停refill 熱水，慢慢傾計岩晒我地最鍾意食雞翼，睇到menu 上玫瑰雞翼，即刻2話不說點呢個。果然冇令人失望，用脆脆既蜜糖包住雞翼，好食到停唔到口又唔會死甜超推薦呢個主食係Carbonara,味道唔錯多料又creamy ，最重要意粉唔會好淋。呢隻環境唔錯，唔會好嘈。傾計慢慢hea 最岩。下次想試下佢d甜品…Read More

同朋友約左係Moko 等，街完街見到呢度唔算等好耐位，就決定食呢間。見到隔離檯食既野都幾吸引。我地叫左碗生牛肉河、雞翼、炸春捲同蔗蝦加每人一杯野飲。我叫左啤酒。有2種口味揀（淡味同濃味）我揀左濃味。飲落唔錯，唔會太苦。生牛河唔錯，最緊要湯夠熱蔗蝦唔錯會配埋一碗菜同金不換。點麻醬唔錯,但我習慣點酸酸地既醬所以點春捲個汁食。炸越南春捲冇得輸新鮮熱辣加埋生菜包住食，真係份量唔會太小，3個小食(仲有個雞翼掛住食冇影到相😂）加碗河粉，2個人剛剛好。食物唔錯，下次會再黎…Read More