vivi chau's Profile

朋友早幾日食完覺得唔錯，所以星期日夜晚就諗住試下因為唔想排隊，所以六點去到，嗰時都係得三枱客人左右壽司選擇多 但熱食就冇乜得揀最後經理話特上十二件最多人揀亦都講左入面會包d咩壽司: 大拖羅 、中拖羅、牡丹蝦、海膽、金目鯛、帶子、三文魚籽、鰤魚⋯⋯☝🏻其實都係港人鍾意嗰幾款❤️我哋每人叫左個12件set同埋+左兩件 赤貝同燒三文魚壽司特上壽司拼盤十二件大概15分鐘左右就上菜，時間合理經理都有每款介紹，同埋介紹先後次序食每款壽司🍣用料新鮮因為豉油偏鹹，店員會比把掃你掃豉油，咁就可以輕鬆控制豉油份量，亦都唔怕夾到飯散晒不過略嫌壽司size 偏細 尤其貝類既sushi唔知點解特別細添🤫雖然好多人都話頑固係日本係走平價路線但香港店選址係呢個商場，都知好難平價不過刺身質素好 而且環境乾淨舒服🌱服務都可以。整體來講 不妨一試…Read More

是晚係小妹請男友食飯慶祝佢生日既一日星期四晚既7:45 入到去已經發現已經坐滿成間鋪既結構都係用淺啡色木搭建 加上黃色光線，好鮨店既感覺😂晚市分為三個set 我哋都揀咗<明>$1680 店員介紹 1680係會有14-15道菜 而$2280就會有18-20道菜 店內有兩位師傅坐陣，一位係中本師傅，一位就係繩師傅(中本師傅徒弟)，兩位都係由東京銀座過黎既。相中就係我地當晚既繩師傅方便大家睇 整左張相 前菜刺身加壽司總共15件 (相既排位同上菜次序完全冇關)第一行左一係前菜 係一件熟既帶子 上面有d菇 比較淡味 可能前菜關係第一行中間係鰻魚壽司 其實個人平時唔食鰻魚，但好食既鰻魚係真係可以完全冇骨又唔腥，就好似呢件咁第一行右一既蛋好綿密好滑 食落質感似蛋糕有少少甜甘第二行左二係我全晚最鍾意既海膽壽司，好甜好creamy原本以為今年九月係北海道食既海膽已經係極品，但呢度嘅海膽竟然比我之前食既更甜更鮮呀！好食到去到最後我地仲encore多兩件添🤤🤤🤤第二行右一係白子 之前都食過所以知道個質感係好creamy好滑，呢到既整法比較保留原味，師傅加左蛋液係上面令成個感覺更滑溜不過個人就唔係好鍾意咁食，我覺得有小小腥第三行第一碟係八爪魚同埋蠔，八爪魚用汁煮到勁淋 唔洗咬都呑到。 蠔都係煮熟左，冇乜額外調味，蠔味重 有d似食燒蠔甘第三行中間係秋刀魚，師傅將表面略燒過令食既時候更香，咬既時候魚油脂慢慢流入口中，好肥美既秋刀魚呀第四行左一赤身 同中間既toro都好新鮮 一d筋都冇😋第五行中間既三文魚籽同平時出面食係鹹既好唔同，哩到既偏甜，而且好juicy 最後係師傅自家制既cream cheese with blue berry jam , 通常omakase 既甜品都係水果估唔到食到甘西式既甜品，酸酸甜甜 芝士迷既我覺得好滿足呀食完甜品 店員就幫我準備上蛋糕，佢地仲一齊唱生日歌為男友慶祝添今次既晚餐體驗感覺幾好，無論服務同環境都值得讚賞，最緊要男朋友都覺得好滿意🥰二千蚊一位就可以試到兩位日本師傅既手勢，價錢好合理。係香港好多較有名氣鮨店分分鐘都三千一位。地點方便就係萬宜大廈隔離既一條小街問過經理晚市只做一輪，所以一晚只招待11-12位客人，想試既記得早d打電話book 定啦…Read More

上次星期日黎撞正休息，今次星期四既夜晚七點半去到，已經見到有人排隊，大概等左20分鐘有位入面比想像中大同多位, 坐底自己攞返張紙寫分別有兩款湯。白牛係有松露味既湯，我地揀咗極牛 即係就甘牛骨湯每張台都有貼住哩張野 寫到好似用料好勁😅每樣配料都可以圈要定唔要 哩樣幾貼心寫完張紙大概等左15mins 麵送上哩碗係男友點既 佢揀左2份牛肉 生熟各一份紅色嗰一片係和牛剌新 上面仲有四塊火炙牛講到哩到都燥左🔥🔥點左兩份牛 多40蚊 先多一塊和牛刺新！冇錯係一塊！！甘就$148大家可以對比我以下嗰碗我要左火炙牛 (一份) $108 四塊肉 講返個味道，試左一啖湯，完全食唔到牛骨湯味同普通拉麵湯底完全冇分別再試個麵，又係好普通既蛋麵賣成舊水，食返豚王都好味過呢到好多😑唯一可取係牛肉ok 不過食唔出係A4牛肉平時打邊爐食嗰啲安格斯牛仲好食d添仲有師傅完全唔分先後次序整麵，我同男友張落單紙係一齊交，男友個碗上左五分鐘個店員見到我未有麵先發現我張紙係其他人既order後面😤諗住OpenRice d評價都幾好，試過完全覺得伏，味道普通到爆仲要唒左20分鐘排隊，真係唔會有下次！😡😡…Read More

係今年一月既時候 係當時仍位於西營盤既請坐食過一次 ，記得味道唔錯 仲打左食評。之後就出然左 爭權風暴，一直未有機會再食最近睇報導 就話兩個台灣媽媽就自己開左呢間吃什麼中秋翌日夜晚，特地過黎中環試試味道是否依舊。七點零鐘到左，唔洗排隊直接入得去環境唔錯 座位都唔逼夾 幾舒服 茉香綠茶 微甜，茶味重，唔錯花枝丸兩粒超大花枝丸 同之前食既味道一樣裏面有一粒粒花枝好有口感 好食火腿蛋餅味道ok 個人認為上次食既芝士蛋餅味道好食d夾d 而且個餅皮好似轉左🧐 好似厚左外省牛肉麵 (牛肋)牛肉麵有得揀要牛肋肉, 半筋半腩 或牛腱我揀左牛肋每碗有4大舊牛肋肉，肉質好似食緊牛腩麵d牛腩甘 比較肥膩一啲麵條用上粗麵 比較有咬口 可惜湯底味道唔太香 而且酸菜味道唔夠咸酸好在成碗唔算油膩 但個人覺得牛肉麵做得比較普通😩 主食建議揀魯肉飯 惹味d可能假日既中環人流較少，而且店鋪位置吊腳 地點唔算方便，所以唔多人 唔洗等。今次點既野食味道都ok 不過就冇乜驚喜🤭兩次既經驗加埋黎就講:如果經過附近都可以黎食下既，要排隊就唔會食啦。所以大家都唔洗專登過嚟食。…Read More

之前見到介紹 一直收藏左哩間餐廳好耐星期日既夜晚諗唔到食乜 就黎ko哩個收藏餐廳比想像中細 不過由於我地九點三去到所以都仲有好多空位 鰻魚飯見大家黎都一定會叫，鰻魚確實好大條好厚鰻魚味道唔腥 不過有d過鹹芝麻雞翼 炸得乾身唔油膩 ok甜蝦壽司(1客) + 海膽壽司 (2客)甜蝦size幾大隻 不過唔算好鮮甜海膽見到已經有d失望🙍🏻 得好少味道ok ge 但$38一件海膽份量得甘少有d唔抵黑蒜黑豚肉卷醬汁太多過鹹 豚肉味淡櫻花蝦燒蠔 蠔既size唔大 不過都燒得幾juicy 唔會乾爭爭燒牛舌 幾彈牙唔錯Facebook 打卡送既糖心蛋呢到主打熟食串燒為主 唔怪得剌身壽司一般個人認為鰻魚飯係抵食嘅咁多樣比較好食嘅係燒牛舌同燒蠔其他野食都唔係特別吸引，而且去嗰晚可能就收鋪，d員工感覺好hea 又圍埋傾計食野，服務麻麻個人唔係特別鍾意食鰻魚，而其他野食都唔係特別好食 埋單兩個人六百幾，性價比唔高，所以食過就算啦，唔會再黎…Read More

星期日既1點鐘，諗住過黎食個pho做lunch係門口等左大概三十五分鐘好彩哩日唔係好熱又有D風  如果唔係未必會等內裏只得18 個位 所以好容易就滿座 環境乾淨企理 不過座位間距離較窄水內有淡淡清香味，問左老闆原來係浸左班蘭葉點好餐大概十分鐘 小食先上越南脆春卷炸得好脆又唔油膩 幾好食 不過個人覺得個汁可以再酸d而且六十幾蚊3條有D貴油炸鬼 老闆介紹將佢浸一下落碗湯到就食得,不過我地覺得同牛河既味道唔算好夾牛柳牛丸河有一堆微微炒過嘅既牛柳 同埋2粒牛丸(睇落有4粒,但其實每粒係切開左，半圓型黎)個湯帶淡淡牛香 清甜順口河係用返越式河粉，比較幼身同有口感牛柳有蒜香味，肉質幾嫩 牛丸有牛既油香 彈牙多汁   雖然好味，但比牛柳河貴$16 先多2粒牛丸，有d貴招牌牛油雞翼有五隻 有蒜香同蜜糖嘅甜味脆皮得黎 又冇炸甘熱氣食物有水準 而且好多細節都食出小店用心難怪一個負評都冇冇加一 價錢比普遍越菜貴, 但味道對得起價格小妹都係第一次食河內風味既牛河不過E個天氣黎食  略嫌店內冷氣唔夠 食完個湯河出唒汗而且因為座位有限  黎食就預左要等建議天氣唔太熱先過嚟試…Read More

沙田近來開左好多新餐廳 繼nara之後又黎一間台灣菜，見其餘兩間分店既評價都唔錯，紅日夜晚得閒 就黎試試。又係用手機app拎左飛，大概等左45mins先有位坐底點好菜 唔洗五分鐘 d野食就送上三星麵有牛肚 牛筋 同兩舊牛展湯帶好濃既牛顫味 仲食到有d麻辣 唔錯牛筋同牛展都炆得夠淋 不過食多兩啖就開始覺得湯底有d油 燙青菜 淋左d蠔油 菜新鮮唔老 幾好澎湖炸花枝丸 五粒佢將每粒一分為二 然後炸香 用左椒鹽調味 食到內裏有一粒粒花枝幾有口感 真的好蝦卷配上橙色既甜酸醬 味道唔錯不過食唔出蝦既味道 個人較推薦花枝丸開在沙田市中心租金一定唔平 所以 價格貴dd都可以接受 食物雖然冇令人非常驚喜，但味道都唔錯見到隔離枱既牛肉麵個湯清澈d 好似冇甘油膩下次有機會再黎試下先…Read More

見到ig有人推薦哩間pancake 好好味呢日甘岩係附近 就過黎試下五點零去到 人唔係太多 裝潢用木為主感覺好舒服 叫左 Tiramisu  cream  soufflé  pancake同埋一杯蜜桃茶質感超軟熟 一食好有蛋香味 仲比左d咖啡酒可以自己加返味道真係好似食緊tiramisu 食唒成個都唔覺得膩賣相同味道都比滿分💯 蜜桃茶都唔錯 唔係太甜不過黎食pancake 預左要等因為真係即叫即整 落左單 先見到店員打蛋味道真係令人好驚喜，個人覺得好味過flipper’s 下次已經鎖定要黎試佢地既all day breakfast 同埋Earl grey 味pancake …Read More

之前食過係圓方mango tree ，覺得幾好食不過比較貴。今次黎試下mango tree cafe 睇下價錢平左，野食係咪一樣有水準先七點去到，見到好多人排緊隊，但等左5mins 就入得。見到哩個二人set 幾抵 我叫咗 泰式香茅茶 (熱)味道唔錯 好似係泰國飲既味道小小甜甜地 淡淡香茅香男友叫左橙汁， 試左啖 好酸雞 牛肉沙嗲 雞牛各兩串 個感覺有d似叮返熱唔係即燒牛唔韌 雞都唔會’鞋’ 味道合格石燒安格斯肉眼扒 配薯條 薯條好幼好乾 又冇乜薯蓉牛扒都幾大塊 不過有d肥，燒得有d燶冇乜牛味，肉質ok。可以點個辣汁食，但食到燶味扣分泰式大蝦炒粉絲一開始冇睇清楚，見到係phad thai就叫左點知黎到先知係炒粉絲個味道其實唔錯，但粉絲好唔索味，個人都係鍾意食炒金邊粉到我最期待既甜品:泰茶拉米蘇個set包兩個甜品 同男友都揀咗呢個上面個個係泰式奶茶味雪糕 下面就係tiramisu入面d手指餅一d浸左奶茶 一d浸左咖啡酒Cream cheese 幾好唔會好杰 本身得七成飽 食完變左九成個甜品大份又好味 令成餐加返唔少分總括而言 環境舒服好坐 服務都ok 價錢雖然唔貴 但我諗都未必會再黎食正餐 始終主菜全部味道只係合格。反而我覺得甜品幾值得食，如果下午茶黎食個tiramisu 甘大份5x蚊 又可以坐底休息都不失為一個好地方…Read More

睇左泰國領事館介紹既香港必食船麵假日夜晚八點零過黎 等左半個鐘先有位入面燈光較暗 而且環境比較局促 好彩唔洗撘枱 所以唔太迫椰汁沙冰本來我地諗住叫椰青，店員問我地有冇飲過佢哋嘅椰汁沙冰，話推薦沙冰裝滿一大個椰青，仲倒多左一個杯既份量比你，兩三個人叫一個share 都夠！而且好冰好好味，透心涼生蝦刺身蝦頭會炸香 不過略嫌炸得唔得乾身同好多油蝦新鮮爽口 有7隻 size偏大 幾新鮮鐵板蠔仔炒蛋蠔仔都幾多，炒得幾香幾好味到主角 豬肉船麵個湯好濃，一飲就飲到用藥材同好多香料煲出黎，配料有炸豬皮，豬肉，豬肉丸配料味道唔錯，不過湯比較出色泰式炒椰菜苗次次食泰國菜都一定會叫椰菜苗，因為食其他國家既菜係食唔到，呢到既味道都ok菜式味道樣樣都幾好，而且價錢抵食個人最推薦船麵同椰汁沙冰但環境比較差 而且佢地廚房就喺門口，抽風好差，就算我地坐店既中間位置，食完個身都好勁油煙味，如果之後有地方去，就唔係好建議嚟啦。如果唔介意衫褲一陣味，晚餐一大班朋友黎食下野，都幾有泰國風味既…Read More

夜晚七點去左正鋪，入面呀姐話至少要等90分鐘所以即刻行過黎呢間分店睇下，點知完全冇人等，所以就入左去要撘枱，一枱坐六個，都幾迫，而且同枱兩個大陸人霸成三個位點完菜十分鐘左右就上第一樣薑蔥生蠔煲生蠔有六隻，味道唔腥，不過唔係好夠入味我諗係我食過整得最差既一間啫啫芥蘭煲賣相幾好，落左好多肉碎，可惜味道一般，一樣唔夠惹味又好鹹窩蛋牛肉飯落單後大概25分鐘先上，好香好夠熱佢地既鼓油帶甜，連埋蛋汁撈飯食 好味牛肉鋪滿飯面，不過牛肉就算落左鬆肉粉整滑左 都係好韌，口感麻麻地 由於坐得好唔舒服，食完就啦啦冧埋單走人其實撘枱都唔緊要，但真係坐得好迫下，明明隔離成兩張大枱冇人，係都要客人撘唒係同一張枱而且d小菜整得麻麻，得煲仔飯ok如果唔係諗住佢係米芝連推薦都唔會走黎試(可能係分店所以比較差啦)除非係附近淨係黎食煲仔飯就走，如果唔係都冇必要專程黎…Read More

睇左雅x係Facebook 既介紹 讚到所有野都好正好抵好食甘，所以星期六既下午就過黎試試佢餐廳比想像細間，雖然要撘枱，不過唔洗等就有位坐底左 想點餐 店員哥哥就話要自己寫一直都搵唔到個特餐餐牌，完來張枱冇左點好餐十分鐘左右就有野食特餐: 番茄咖喱湯通粉 配蟹腳湯通比想像中細兜因為冇唒手撕雞，所以轉左蟹腳其實係普通大條d既蟹柳 但仲比雞肉貴4蚊😑個湯辣辣地 蕃茄同咖喱味道好平衡 都幾惹味男友叫左 忌廉粟米湯配午餐肉個湯幾濃幾足料，後調有啖啖粟米味 唔錯個湯通粉食到一半 蛋同多士先黎又係好細份，隻碟個size同Facebook 雅x介紹個條影片 細三分一其實都夠食既，但有比人呃左既感覺講返味道蛋係夠滑 但完全冇味鹽都冇落甘個蛋又唔係好有蛋味 男朋友個碟都一樣冇調味餐廳比較吊腳，真係揸車先會黎但附近都係車房，所以都幾難泊車要撘枱比較迫 坐得唔係太舒服 服務可以啦個蕃茄咖喱湯通粉係幾特別而且味道唔錯 但炒蛋個part 真係完全唔合格，而且常餐份量少 男仔食真係唔夠飽，完全唔覺得抵食試完覺得同片段介紹係兩回事黎我諗我都唔會再食。。…Read More

前兩次經過拎左飛 2人枱都起碼要等成百張枱 真係好誇張星期二紅日 七點係屋企用手機app拎定飛  諗住提早1個鐘都差唔多8點去到門口  等左半個鐘 ..  total 1個半鐘先入到  坐底店員就會放底一小盤蝦片,大約有5-6片唔熱 但都脆既  本身以為係送, 點知埋單發現收左15蚊泰式牛肉船麵上面有炸豬皮, 豬肉丸, 牛肉同通菜 個湯夠濃，酸酸地幾開胃 蒜蓉炒椰菜苗菜幾嫩  味道比較清 OK泰式三文魚刺身有5大片, 塊塊好肥美 點埋個汁食，好夾好好味泰式生蝦明明咁多樣野同一時間落單, 但個生蝦係我地食唒所以菜先黎起碼等左45分鐘, 催左一次侍應話冇漏單, 係個廚房問題講返個蝦，有成12隻  雖然蝦size 比較細但都爽口新鮮  個汁係同三文魚個汁一樣 好惹味又夠辣 食泰菜必叫初頭仲怕個味道同曼谷個間好大出入，但又唔會喎。整體味道比我預期更好價錢正常 開係大商場預左佢唔會平  建議大家想食就dl返新城市個手機app  可以行住街等 唔洗棟係門口但因為真係要等太耐  我諗我短時間內未必再去而且我見隔離d台都有漏單/ 野食等好耐  相信係人流太多 廚房應付唔黎如果唔急 建議太家過左熱潮先黎試…Read More

差不多成大半年前，已經係灣仔店食過佢地既滑蛋叉燒飯，知道尖沙咀開左分店，方便左梗係要黎試下星期日大約三點黎到，因為位唔算好多，加上仲有好多附近返工既人黎食飯，下午茶都等左十分鐘到相信午市一定仲誇張上次食左佢地既叉燒飯，今次叫左茶A本來係配牛油麥包多士，我就加左$5 轉奶油豬仔包奶油豬大過我隻手掌，烘得好鬆脆，加五蚊都覺得值，呢度既牛奶炒蛋標榜係用日本蛋又滑又有蛋味 正特濃蕃茄湯午餐肉粒通粉都幾大碗，個湯好似茄汁甘杰，係好濃既蕃茄味，酸酸地甘都幾開胃午餐肉有五粒，煎香左幾脆皮見佢哩個set 其實全日都有，只不過午餐貴d不過我覺得如果第一次黎，試滑蛋飯先因為常餐好食既餐廳都有好多，對比起滑蛋叉燒飯冇甘特別，而且呢到既秘製豉油撈飯真係好好味價錢比一般茶記貴，但質素絕對同價錢成正比。宜家開左係九龍，對我呢d新界人+蛋控簡直係福音難怪佢地做到冇停手…Read More

之前去文化博物館經過見到，覺得環境都唔錯，而且見佢攞咗OpenRice熱店星期日夜晚七點零黎到 等左十分鐘左右有位餐廳係半自助形式，先出去買野食，之後店員會比個牌你，放個牌係枱，大概十零分鐘店員就送上食物蜜糖牛柳粒個人覺得佢係一塊牛扒切做粒冇咩肉香，肉質有d似中式牛柳(落左鬆肉粉？)淨係食到蜜糖味，味道麻麻千島海鮮pizza有蟹柳 蝦 墨魚仔 螺肉 同青瓜千島醬唔會太酸 芝士亦夠係餅皮差d 而且油頗多 香草醬忌廉本菇雞肉意大利粉份量都OK 食左幾啖先記得影😅雞肉有四片 肉質都算嫩，意粉落左橄欖油香草醬炒 香草味道唔係好夠濃 總括黎講，環境唔錯 價錢亦都合理但冇乜service 重點係野食麻麻 叫左杯蜜桃冰茶 都係非常普通 D出品感覺好冇誠意！真係唔係好明點解會攞到OpenRice 熱店佢既菜式好多西餐都有，而且做得比佢好食既比比皆是，而且位置又吊腳，唔係揸車都唔會入黎我諗都未必有下一次…Read More