markyourfood's Profile

推薦： 🍉🍉🍉🍉🍉 (5/5)       味道： 🍉🍉🍉🍉 (4/5)       價錢： 🍉🍉🍉 (3/5)       打卡： 🍉🍉🍉 (3/5)         位置： 🍉🍉🍉🍉🍉 (5/5)       回訪： 🍉🍉🍉🍉 (4/5)      蒜蓉包 $38  🍉🍉🍉🍉面頭舖咗好多蒜蓉，勁正！包邊脆得嚟麵包內層係軟心😍 呢個價錢有呢個份量同質素真係好抵食👍串燒 (豬牛雞各1串) $58  🍉🍉🍉🍉 估唔到會燒得咁香，仲脆卜卜😆 但係又唔會乾到柴咁，食落都仲幾軟嫩& juicy💦 醬汁係好濃味嘅沙嗲醬，有好多花生粒🥜 配合串燒食好夾🫶燒豬頸肉 $88  🍉🍉🍉🍉豬頸肉就正常發揮，燒得幾香脆，最特別係個醬汁！ 隻Tamarind醬汁嘅味道好獨特，酸&辣味都好突出，但係完全唔會覺得佢重口味，係其他泰國餐廳未食過嘅味，正到想自己學吓個醬點整🤤菠蘿海鮮炒飯 $128  🍉🍉🍉🍉就咁睇好似份量唔太多，但係2個人差啲食唔哂😂 個飯炒得幾出色，粒粒分明🍚 海鮮都幾好，蝦幾彈牙🍤 魷魚青口都幾有鮮味~ 🦑泰式酸辣鳳爪沙律 (加配 $30)  🍉🍉🍉🍉🍉完全無諗到咁好食！😍每一隻鳳爪都好入味，酸得好惹味，又唔會太辣，非常開胃😋 因為呢個係跟炒飯加配嘅小食，所以份量少啲，食得唔夠喉🤤泰式奶茶 & 泰式檸茶 $32 (加配$20) 🍉🍉🍉🍉泰茶香好濃郁😍 比起其他泰式奶茶店嚟講，呢度嘅奶茶無咁甜，比較啱我口味🧋 檸茶係用青檸，配合泰茶嘅獨特茶香，好解膩😋後記 💟 可惜到訪當日無芒果，試唔到芒果糯米飯，下一次再嚟一定要試吓！💟 由中環站A 出口喺天橋經干諾道中巴士站隔離嘅樓梯行落地面，左邊就有樓梯，一行落去就直接到餐廳🫶 如果經怡和大廈入面嘅電梯落Base Hall 就會兜得多咗路~📍泰Grill地址：中環康樂廣場1號怡和大廈LG樓BaseHall內…Read More

推薦： 🍉🍉 (2/5)    味道： 🍉🍉 (2/5)    價錢： 🍉🍉 (2/5)    打卡： 🍉🍉 (2/5)      位置： 🍉🍉🍉🍉 (4/5)    回訪： 🍉🍉 (2/5)   Pistachio & Rasberry Financier $32 🍉🍉杏仁味好出，不過開心果味同rasberry味都尋無此人，仲有少少藥水味🙈 本身應該外層要脆脆哋，但係完全無呢個感覺，食落過濕Almond & Chocolate Danish $28 🍉🍉🍉呢款比較正常少少，面頭嘅almond仲脆口+有咬口，有朱古力味不過唔濃唔甜，可能已經出爐太耐，酥皮層痴埋一嚿，唔算好酥脆Matcha Latte $40 🍉🍉抹茶同奶嘅比例唔差嘅，飲落都幾滑，不過抹茶味真係唔濃，太淡了後記💟 我當日係夜晚去，本身都預咗麵包出咗爐成日，啲質素會有所下降，可惜比我預期中質素更低🤦‍♀️ 相比之下，差唔多價位嘅bakehouse就算去到夜晚都仲可以keep到水準，可能呢樣要再改善下🙈💟 坐位好多，坐得好舒服📍 Maison Eric Kayser地址：尖沙咀棉登徑8號地庫地下G01及G02號舖…Read More

推薦： 🍉🍉🍉 (3/5)    味道： 🍉🍉🍉🍉 (4/5)    價錢： 🍉🍉 (2/5)    打卡： 🍉🍉🍉 (3/5)    位置： 🍉🍉🍉🍉 (4/5)    回訪： 🍉🍉🍉🍉 (4/5)   辣炒年糕 $180 🍉🍉🍉🍉呢隻年糕係長條型，望落好似烏冬，食落好煙韌彈牙，本身以為無魚糕有少少失望，原來係哂最底😂 雖然同我哋想食個種炒年糕唔同，不過佢都好出色泡菜煎餅 $120 🍉🍉🍉🍉🍉係喺香港食過最好食嘅泡菜煎餅😍 煎得好香脆，完全唔粉，同平時喺香港食個啲，又濕又粉又嘅完全唔同!! 餅入面嘅泡菜片係一大塊一大塊，唔係切得碎哂/得啲泡菜汁，本身同朋友都以為會食唔哂，點知太好食，2個人食哂成碟😂牛肉 (原味) $200 🍉🍉🍉本身係想叫牛仔骨，不過叫錯咗haha😂 呢款中規中矩，牛肉炒得好軟熟，肉味唔濃，洋蔥好淋好甜不過唔算太入味，唔算太有驚喜後記💟 音樂聲勁嘈，要講得好大聲先聽到朋友講嘢，好似落咗club咁📍2 Kims' Pocha地址：尖沙咀尖沙咀赫德道4號The Hart地下…Read More

推薦： 🍉🍉🍉 (3/5) 味道： 🍉🍉🍉 (3/5) 價錢： 🍉🍉 (2/5) 打卡： 🍉🍉🍉🍉 (4/5) 位置： 🍉🍉🍉🍉🍉 (5/5)回訪： 🍉🍉🍉 (3/5)壽喜燒牛肉蛋汁燉飯 $178 🍉🍉🍉🍉🍉好出色，壽喜燒汁甜而不膩，估唔到壽喜燒汁配忌廉risotto都會咁夾，飯粒都算係粒粒分明，就算連埋risotto汁，個濕潤程度都係啱啱好，牛肉好嫩滑唔韌，呢樣好過唔少餐廳👍蟹肉海膽奶油義大利麵 $188 🍉🍉🍉🍉意粉係pici pasta，粗身圓條實心，有少少咬口，配合個醬汁食落好creamy好滑溜😋 奶油同海膽好夾，食到好濃海膽味之餘亦都有少少奶油香👍 連埋蟹肉一齊食，增加咬口，好好食👍月見雞肉棒串 $88 🍉🍉上網見好多人推薦試呢個，所以叫咗嚟食，外層幾脆，咬落肉質幾紮實，有少少軟骨嘅口感，唔算太有驚喜抹茶奶油芝士．白玉丸子‧焙茶脆餅 $88 🍉🍉上網睇食評好多都話呢個甜品食落好似抹茶味tiramisu，嚟到食完一啖之後先發覺中大伏，中伏嘅位唔係佢唔好食，而係唔知點解會覺得呢個甜品似tiramisu🙈 一開頭以為白色嘅部份係cream包住蛋糕，但原來係徹徹底底成嚿都係cream cheese，對於一個唔係非常鐘意食cream & cream cheese嘅人嚟講，呢個部份真係好heavy🙈 cream cheese打到好挺身，口感好實好厚，唔係入口即融，底嘅白玉丸子好煙韌，焙茶脆餅Roasted Sweet Potato Latte $56 🍉🍉🍉🍉嚟到嘅時候店員有提醒杯底有蕃薯蓉，要攪勻先飲👍飲品溫度微溫，唔會好甜，蕃薯味好濃，入口好順滑，如果夜晚嚟唔想飲咖啡嘅話推薦可以試吓呢杯👍後記💟 建議訂位先嚟食，如果唔係有機會要等好耐💟 店舖入面有榻榻米座位，如果想坐嘅話記得訂位嘅時候講定~📍 MUTA Restaurant by ATUM地址：尖沙咀美麗華廣場1期地庫B131號舖…Read More

推薦： 🍉🍉🍉🍉 (4/5)    味道： 🍉🍉🍉🍉 (4/5)    價錢： 🍉🍉🍉🍉 (4/5)    打卡： 🍉🍉🍉🍉🍉 (5/5)    位置： 🍉🍉🍉🍉 (4/5)    回訪： 🍉🍉🍉🍉 (4/5)   慢煮美國安格斯牛板腱新奧爾良飯 $138 🍉🍉🍉🍉🍉3大塊牛板腱煮到粉嫩色，好靚😍 肉味好濃郁，肉質頗軟熟，一咬就撕得開，就算牛板腱中間會有筋都唔會韌，有咬口😋 Jambalaya都好好食，類似西班牙飯，飯粒偏硬身，會有咬到一粒粒飯嘅口感，個汁重茄味，酸酸甜甜好開胃，汁量適中，唔會太濕，再加埋少少菇同蘆荀，口感好豐富，絕對值得一試！Iced Latte $31 🍉🍉🍉🍉🍉Fruity Blend (Columbia + Ethiopia)有得選擇fruity 豆😍 因為胃痛無叫Americano，飲奶啡就唔品評咖啡嘅風味了，啡味超香，就算加咗奶，陣啡味都好出，呢個價錢絕對係超值，好飲到想問店員係用咩豆沖嘅😆 希望多啲cafe可以有fruity豆嘅option！後記💟 一定要俾番個credit選擇playlist個位店員，播day6識啲嘢📍 hikari 地址：荃灣大壩街21號地舖…Read More

推薦： 🍉🍉🍉 (3/5)    味道： 🍉🍉🍉🍉 (4/5)    價錢： 🍉🍉🍉 (3/5)    打卡： 🍉🍉🍉🍉🍉 (5/5)    位置： 🍉🍉🍉🍉 (4/5)    回訪： 🍉🍉🍉 (3/5)   豚肉櫻花蝦沾蕎麥麵 $128四款配菜：味噌昆布豆腐湯、柚子香里芋、啤酒柚子蘿蔔漬、清酒溏心蛋味噌湯濃味得嚟唔會太死鹹，香里芋好爽脆，食落好香柚子味，甚至蓋過芋頭味，蘿蔔漬同溏心蛋無乜酒味，蘿蔔漬酸酸哋幾開胃，溏心蛋配埋沾麵個湯汁好夾😋豚肉肉味唔太濃郁，稍微烹調過，唔會太韌，份量都幾多，沾麵汁櫻花蝦味幾出，啱啱好夠撈哂成個麵👍 蕎麥麵無咩特別，估唔到會咁大碗😂後記💟 有網上訂座📍 婆婆珈琲屋地址：尖沙咀彌敦道176號The Nate 1樓…Read More

推薦： 🍉🍉🍉🍉 (4/5) 味道： 🍉🍉🍉🍉 (4/5) 價錢： 🍉🍉🍉🍉 (4/5) 打卡： 🍉🍉 (2/5) 位置： 🍉🍉🍉 (3/5)回訪： 🍉🍉🍉🍉 (4/5)抹茶竹簾烏冬 $56 (加配關東煮+$26) 🍉🍉🍉🍉抹茶味其實唔算太出，唔點冷麵汁嘅話會食到最尾吞個陣有微微嘅茶甘味，如果點咗冷麵汁基本上食唔出抹茶味🙈 重點係烏冬嘅質感，又煙韌又彈牙，界乎係煙韌同唔熟嘅中間，好似係第一次食到咁煙韌嘅烏冬，同解凍烏冬完全唔同口感😍 而且好滑溜，輕輕一吸已經成條吸哂入口，完全感受到師傅嘅功架同誠意👍  開頭有考慮過$26叫個關東煮會唔會好不智，不過因為我太想食，最後都係叫咗😂 關東煮包括有蒟蒻、蘿蔔、竹輪、高麗菜捲&蛋😋 所有食材都好入味，特別係個高麗菜捲，喺香港唔係好常見，啲菜吸哂個湯嘅精華，一咬落去爆哂啲汁出嚟，加埋入面嘅肉汁，好正！不過個湯濃到有啲鹹，飲咗一啖就無飲😂就咁睇以為佢份量好少，但係最後我食到捧住個肚走，差啲飽到食唔哂，應該唔加小食都夠飽👍  鰹魚半湯烏冬 $46 (加配骨付雞+$37) 🍉🍉🍉🍉烏冬嘅口質同抹茶烏冬基本上差唔多，不過因為呢碗浸喺鰹魚湯，所以食落味道會甜啲啲，海帶俾得好多，就算係一個無餸嘅烏冬都唔會覺得單調，個湯好清甜，就咁聞已經聞到好香，飲落非常清淡，鰹魚味唔太濃，好適合冷烏冬👍骨付雞其實就係雞脾😆 肉質真係好嫩滑，煎到微帶粉紅色，用刀輕輕一切已經肉骨分離，本身隻雞已經醃得好入味，肉汁再加埋外層嘅蜜糖同七味粉，好似去燒嘢食嘅燒雞翼味咁，好惹味好正！後記  💟 一入門口就聽到店員話海苔烏冬停，希望下次再嚟個陣食到呀😭💟 烏冬同拉麵都係日本最出名嘅麵食，香港拉麵舖開到周街都係，相比之下烏冬專門店少見好多，希望會有多啲啦😭📍 鰹烏冬地址：長沙灣元洲街450/464號寶華閣地下4號舖…Read More

推薦： 🍉🍉 (2/5)    味道： 🍉🍉 (2/5)    價錢： 🍉🍉 (2/5)    打卡： 🍉🍉 (2/5)    位置： 🍉🍉🍉🍉 (4/5)    回訪： 🍉🍉 (2/5)   必食冷鍋酸菜魚(加大) $338 🍉🍉🍉份量都幾多，4個人都好夠食，鍋底有極多芽菜，反而酸菜金菇都唔太多，寬粉係粗身+加厚個隻，咬落幾煙韌，魚肉係魚塊，好大嚿，唔係魚片，魚肉好滑但係無乜魚味，同埋略嫌唔夠香辣同濃味，無乜花椒味，小辣似bb辣，平時會飲幾啖啲味精湯今次都無🙈黑糖糍粑 (細) $42 🍉🍉🍉一上枱個陣係熱辣辣，啱啱新鮮出爐，外脆內軟，入面好軟糯😋 坊間一般都係紅糖，呢間係用黑糖，食落個味道甜度再高咗，幾好食👍**建議大家要趁熱食!辣子雞 (半份) $118 🍉🍉雞粒都細細粒同有骨，有好多都骨多過肉，做法好正宗，不過要係咁搵先搵到啲雞粒同花生嚟食蔥爆牛肉 $98 🍉🍉蔥味爆得好香，好有鑊氣，但係牛肉"拿"到無哂咬口，無肉味，食落似乾炒牛河個隻味🙈夫妻肺片 $68 🍉🍉🍉🍉呢碟反而最有驚喜，牛𦟌、牛脷同金錢肚都好入味，夠香夠辣🤤干煸四季豆 $78 🍉🍉可能因為係漏單後加，感覺上四季豆未炸夠時間就上碟，四季豆唔夠皺皮同入味，同埋都係唔夠辣😢後記💟 晚市無得book 位，只可walkin💟 座位偏窄，坐得唔算好舒服💟 嘢飲唔係太抵飲，價錢偏貴之餘唔太好飲，但係食呢啲都預咗會辣同口渴，所以都係要焗住叫嘢飲📍捌壹壹地址：旺角奶路臣街33號地下F號舖…Read More

推薦： 🍉🍉🍉🍉 (4/5)    味道： 🍉🍉🍉 (3/5)    價錢： 🍉🍉🍉🍉🍉 (5/5)    打卡： 🍉🍉 (2/5)      位置： 🍉🍉 (2/5)    回訪： 🍉🍉🍉 (3/5)   芒果蛋糕 $155係衣家100蚊都未必食到一餐飯嘅世界，點諗到仲有地方比百幾蚊就買到個夠4個人食嘅蛋糕！今次食呢款係普通嘅水果蛋糕，入面係cream同海綿蛋糕層夾住幾款唔同嘅水果，cream打得好輕盈，全部水果都唔會有罐頭生果個陣藥水味/怪味，亦都唔會好酸，屋企人食得非常滿意 💜 後記💟 蛋糕餡仲有好多款唔同嘅選擇 e.g. 栗子蛋糕、黑森林蛋糕等，真係任君選擇😂 呢個價錢有呢個質素，仲有咁多選擇， #仲想點呀 😂📍 金蘋菓餅店地址：元朗安寧路84號地下…Read More

推薦： 🍉🍉🍉🍉 (4/5)    味道： 🍉🍉🍉 (3/5)    價錢： 🍉🍉🍉🍉 (4/5)    打卡： 🍉 (1/5)    位置： 🍉🍉🍉🍉 (4/5)    回訪： 🍉🍉🍉🍉 (4/5)   正宗重慶酸辣粉+肥腸+牛柏葉 (多麻) $27+$20呢間又係俾米線關注組燒到我去試嘅🤣 行到差唔多到個陣，見到排哂隊個間就係啦! 試完終於明點解會俾人吹捧成全香港最好食嘅酸辣粉🤤薯粉好Q彈，咬到中間都完全唔會覺得韌，掛湯汁能力一流，肥腸無染成橙色，非常彈牙，腸中間嘅肥膏唔算多，亦無怪味，牛柏葉好爽口，呢2樣餸吸哂啲渺汁，非常惹味! 😍雖然係叫小辣，但係愈食愈覺得辣，食到出哂汗💦 鹹酸菜份量都幾多，酸味都幾突出，唔會淨係一味覺得辣，微微感受到少少麻感，覺得下次再食可以叫多麻! 😍後記💟 只有立食區+冷氣完全唔夠，如果天氣熱去食要有心理準備會爆汗📍 旦王酸辣粉地址：旺角弼街72號地舖…Read More

推薦： 🍉🍉🍉🍉🍉 (5/5)味道： 🍉🍉🍉🍉 (4/5)價錢： 🍉🍉 (2/5)打卡： 🍉🍉🍉 (3/5)位置： 🍉🍉 (2/5)回訪： 🍉🍉🍉🍉 (4/5)地 - 豚背脂豚骨魚介湯 + 鬼套裝 (冷萃咖啡&布甸) $95+70店員有教我哋飲一啖湯底之後飲一啖咖啡，再食烏冬，湯底同咖啡交錯入口會產生科學反應，令風味有所改變🙌🏻湯底好濃稠，好厚身好creamy，啱啱好未去到會漿住個口嘅texture👍🏻 烏冬入口順滑，咬口煙韌，好掛湯，非常高質呀😍豚腩肉& 豚肩肉慢煮叉燒各有1塊，豚腩肉個塊偏肥，平時我一定唔會食，但係因為呢度處理得好好，豚肉柔軟得嚟仲保持到咬口，加埋面層少少焦香，所以最後連脂肪個啲位都食哂🤤當日嘅冷萃咖啡係用columbia x ethiopia yiragacheffe 豆沖嘅，根據店員所講，呢款咖啡配呢款湯底會愈飲愈酸，啱哂我心水！入口嘅花香明顯，好清新，酸度適中，未去到真係好酸，完全係接受到嘅範圍內😍相比之下布甸比較平凡，蛋味唔太突出，杯底嘅焦糖都唔算好香，甜度適中，最主要就係可以減輕膩感😂👍🏻後記💟 店員得知我哋第一次嚟食，超詳細地講解menu同根據我哋嘅喜好推薦相應嘅食物俾我哋，超貼心！💜💟 有同行朋友覺得湯底稍微濃味咗少少，鐘意食個湯底清啲嘅朋友可能都會有呢個感覺📍 頂立地址：屯門井財街9號錦發大廈地下20B號舖…Read More

推薦： 🍉🍉🍉🍉 (4/5)    味道： 🍉🍉🍉 (3/5)    價錢： 🍉🍉🍉 (3/5)    打卡： 🍉🍉🍉🍉 (2/5)      位置： 🍉🍉🍉🍉 (2/5)    回訪： 🍉🍉🍉 (3/5)   Spicy Prawn Orecchiette $138 🍉🍉🍉🍉Orecchiette 即係貓耳朵，好少見到有得食貓耳朵，所以決定食呢個😍 蕃茄味酸酸甜甜好開胃，每一粒貓耳朵都兜住好多蕃茄醬，蝦嘅份量都幾多，我同朋友每人都食咗幾隻😆 食到後期都幾辣 🔥Superfood salad $110 🍉🍉🍉🍉稍微燒過嘅粟米係成碟salad嘅MVP😂 燒得好香口，外層微脆+栗米嘅甜味，好夾好好食😂 仲有紅酒醋帶少少蜜糖味，甜甜哋，令成碟沙律更加容易入口，就算我平時唔太鐘意食羽衣甘藍 (覺得佢唔好食)，個晚都食左好多😂因為蕃薯+牛油果真係太飽，最後食唔哂🙈Matcha Tonic $58 🍉🍉🍉其實係夜晚唔想飲咖啡，又見到人哋叫呢杯望落幾靚先決定叫呢杯😂 抹茶味幾濃，就咁飲上層會覺得有少少苦，底層嘅tonic起到好好嘅中和作用，撈埋之後有少少似日本個隻抹茶波子汽水(無糖版)，搵次係屋企試吓自己整先😍Hojicha Latte $52 🍉🍉🍉中規中矩，焙茶味唔算太突出後記💟 vegan-friendly ✅📍 Reaction Coffee Roasters 地址：尖沙咀麼地道32-48號麗東大廈地下A號舖…Read More

推薦： 🍉🍉🍉🍉 (4/5)     味道： 🍉🍉🍉🍉 (4/5)     價錢： 🍉🍉🍉 (3/5)     打卡： 🍉🍉🍉 (3/5)     位置： 🍉🍉🍉 (3/5)     回訪： 🍉🍉🍉🍉 (4/5)    紅酒燉牛肉 $90 🍉🍉🍉🍉通常呢個價位嘅紅酒燉牛肉都係無酒味+韌到香口膠咁嘅牛肉，呢間比想像中好🍷 微微帶有酒香，牛肉都燉得好軟綿，美中不足就係牛肉份量比較少，要喺隻碟尋寶先搵到啲牛肉🙈 另外！芝士份量極多！多到好似唔洗錢咁，喺邊個方位拮落去都會有芝士😂 牽絲效果有80分😂拿破崙意粉 $78 🍉🍉🍉份量偏少，質素中上嘅一般蕃茄醬煮意粉🍝 意粉煮得好淋身，蕃茄醬好足料，做到每一條意粉都沾到蕃茄醬之餘又唔會太濕，微微帶酸幾開胃👍炸豬排方堡 $75 🍉🍉🍉🍉🍉成個方堡嘅口感好出眾，先係麵包嘅鬆脆感，麵包烤得外脆內軟，之後感受到炸豬排外層麵包糠超酥脆嘅質感，薄薄嘅豬排夾係麵包糠中間增加咬口，豬排唔會咬落覺得柴口/太韌 (如果豬排嘅肉汁再juicy啲就更加出色🤤 )配合最底嘅椰菜絲，好清爽，唔會有臭青/苦澀味，非常推薦大家試呢個方堡👍雪糕歐蕾咖啡 $55 🍉🍉🍉🍉 奶嘅比例好重，比latte可能再多咗1/3奶 (日本奶茶相比起香港嘅奶茶都係多奶好多，就係呢個感覺) 咖啡味未至於香濃，但係同奶都幾夾，亦都無日本奶茶個種奶香味，平時唔太飲咖啡嘅人應該都可以輕易入口🥛如果將個雪糕推落下面同杯咖啡一齊飲嘅話，成杯就會變哂雪糕味，唔係太建議🤣 建議食哂個雪糕先飲杯咖啡😂特別推薦：果凍朱古力咖啡！咖啡凍份量好多，啡味濃得嚟唔會太苦，朱古力咖啡嘅朱古力味超濃郁，加埋咖啡凍一齊飲勁正！🤤福岡士多啤梨 冰與火 (迷你) $58 🍉🍉- 牛奶軟雪糕🍦配自家製丹麥麵包🍞一個字：甜，真係可以用甜到糖尿嚟形容... 大量嘅士多啤梨糖漿+雪糕浸淋哂個丹麥麵包 + 麵包內層每一層都吸收哂啲士多啤梨糖漿，失去咗麵包本身應有嘅鬆脆感，甜到食咗2啖就無食😢 無諗過主食會比甜品更出色🙈 後記 💟 平時下晝排哂長龍，今次夜晚嚟食，成場只有幾枱客，完全唔洗等位👍 💟 嗰包附送嘅花生好好食😂💟 屯門會開分店!  📍コメダ珈琲店 地址：紅磡黃埔天地黃埔號(第6期)AEON Style地下G01號舖…Read More

推薦： 🍉🍉🍉 (3/5)      味道： 🍉🍉🍉🍉 (4/5)      價錢： 🍉🍉🍉 (3/5)      打卡： 🍉🍉🍉🍉 (4/5)        位置： 🍉 (1/5)      回訪： 🍉🍉🍉🍉 (4/5)     清邁鐵板蠔仔蛋 $128 🍉🍉🍉🍉蠔仔幾新鮮，無沙、唔腥，粒粒都漲卜卜，好飽滿👍 蛋煎得好香口，邊位好脆冬蔭功蝦湯 $128 🍉🍉🍉🍉偏重口味，酸味同辣味都好出，非常濃味，好多隻蝦🍤椰汁咖哩雞+印度烤餅 $128+42 🍉🍉🍉🍉烤餅好出色，1份係1大塊分做5塊，外酥脆內軟熟，配埋咖哩汁勁夾😆 咖哩雞唔算好重椰香，少少扣分係無薯仔🥹醃酸辣無骨鳳爪 $98 🍉🍉🍉醃得好入味，微辣，酸甜炭燒豬頸肉 $108 🍉🍉🍉燒得好香，如果啲邊位再燒焦多少少仲正🤤泰式炭燒鹽燒烏頭 $228 🍉🍉🍉🍉燒到啱啱好熟，魚肉輕輕一推就離骨，唔太老，魚肉唔算滑，但至少咬落實肉菠蘿海鮮炒飯 $128 🍉🍉🍉🍉賣相幾靚😂 以呢個價錢嚟講份量少咗啲，旁邊嘅魷魚馬拉盞炒通菜 $88 🍉🍉🍉正常發揮，菜幾新鮮，唔會太鹹芒果糯米飯 $88 🍉🍉🍉有黑糯米嘅就要加分，略嫌椰漿多咗少少，同埋芒果唔太新鮮 (不過唔係當造季節，都可以理解) 後記 💟 交通都幾唔方便，無車好難去 (用餐泊車費$35)  📍 旦王花 地址：元朗錦上路148號地下…Read More

推薦： 🍉🍉🍉 (3/5)     味道： 🍉🍉🍉 (3/5)     價錢： 🍉🍉 (2/5)     打卡： 🍉🍉🍉🍉🍉 (5/5)       位置： 🍉🍉🍉🍉 (4/5)     回訪： 🍉🍉 (2/5)     抹茶御前盛合 $318 🍉🍉🍉🧇熔岩抹茶窩夫賣相非常美觀😍就咁食窩夫嘅話抹茶味唔太濃，反而個抹茶cream仲出色，好濃抹茶味，同草莓﹑藍莓好夾，焦糖脆餅有微微燒焦嘅香味，入口即溶👍不過略嫌士多啤梨醬太多，搶走咗成個waffle嘅焦點，感覺似草莓係主角多過抹茶🙈(waffle嚟講一糖都仲係世一)🍨草莓抹茶華爾滋非常大杯嘅芭菲🤤 頂層有抹茶雪糕﹑蕨餅、百力滋、白玉，忌廉層中間夾住草莓，最底再有抹茶凍同紅豆，足料到一路食一路心諗點解仲未食哂😂 雖然有咁多材料，不過都唔會覺得超甜，蕨餅、白玉都係正常水準，係忌廉多咗少少，食到最尾有少少膩🤏🌳霧の森唔知係咪太趕時間出餐，面頭本身會有嘅抹茶粉無哂 (我見其他post嘅全部都有🥹🥹) 拿破崙層好酥脆，中間夾住嘅抹茶吉士醬同前面2款甜品入面出現嘅抹茶醬係一樣味，雖然都係好食，不過食到有少少審美疲勞🙈 面頭個3塊香蕉有少少奇特，唔知點解要放上去😂☁️雲朵抹茶其實就係奶蓋抹茶🍵 面層嘅奶蓋飲落幾綿滑，唔太濃稠，有微微嘅鹹味🥛 奶蓋下層嘅抹茶飲落好濃郁，微帶回甘又唔會太苦澀，同奶蓋溝勻都好夾，比例配合得幾好🍓抹茶莓姬好少飲純抹茶配士多啤梨嘅嘢飲，因為大多數都係溝糖漿/藥水味，不過呢杯係加草莓醬，味道酸酸甜甜，幾有特色安格斯手打牛肉漢堡配薯條 $138 🍉🍉🍉🍉呢個價錢喺荃灣嚟講都幾進取，不過可能定位唔係淨係吸納區內客人，所以就算定呢個價錢都有唔少人到訪🤔漢堡包都算外脆內軟，牛肉好多肉汁好juicy🤤 略嫌唔太夠洋蔥汁，所以有少少似分開食緊包、牛肉、蕃茄同菜咁🙈薯條啱啱炸起就上碟，灑咗少少辣椒粉喺面，又夠脆又惹味，加埋唔會覺得好油膩，好好食，幾分鐘就掃哂全部😍😂後記💟 上網見過有唔少食客反映樓面情況混亂，到訪當日入座初時客人唔太多，所以點餐&開頭嚟main course個陣都幾正常，不過當餐廳客人坐至7成滿之後就好明顯咁感受到樓面情況混亂嘅感覺🤦‍♀️ 我哋叫咗個main course，抹茶祭嘅甜品後上，差唔多食完個burger就已經叫店員上得甜品。由我哋叫上甜品，等到隔離幾枱遲過我哋入座嘅客人食哂成個抹茶祭+埋單走埋，我哋都仲未有得食，最後等咗50mins先到🤦‍♀️ 中間其實已經催過幾次，店員真係態度好好，知道我哋等咗好耐，係咁講sorry同幫我哋追單，但係見住隔離枱食完走埋我哋都未有得食，真係等都等到無哂癮😐 呢個多客嘅情況應該都唔係第一日嘅事，到衣家都仲咁混亂真係要花少少心機研究吓點樣解決💪💟 用餐時間90分鐘📍Corefy @corefy_地址：荃灣享和街68號2樓…Read More