koeychoi's Profile

家住將軍澳，其實諗有乜地方可以飲酒吹水，又吾会趕人走，好似真系冇个晚我地好早到，大约8:00pm左右，上到去，侍應問我地坐室內or室外，我地一致回答utdoor please!坐室外果然好氣氛，我們坐在舒服的布梳化上，旁邊有火焰擺設，令我們即使在有些寒意的晚上也帶点温暖。一眼望過去，在旁有數pair情侶，慢倾心意，慢吃，慢飲，慢慢嘆！講回正题，我們就座之後，侍應很快遞上餐牌，朋友之前吃過pizza,說很不錯，所以我們選了海鮮pizza +20蚊加大好香口，批底厚薄適中，料算豐富另外，依d pizza原來可以包2杯飲品，我們選了2杯红酒，名吾記得lu串燒set,menu上可以自選6款我們就menu上剛有6款，所以就叫各1就ok,侍應好貼心說，6串上碟時会見到12串，因為廚師会將長長的1串剪开成2串，方便食客食用。另外，依d 串燒set又有包2杯飲品，我們又選了2杯红酒，好鬼抵！串燒:有雞肉，3色椒，牛肉，不過不失，有酸酸的酱汁配搭，入口不太肥overall,食物尚可，服務吾錯，加上環境及廣闊開揚的view,價錢每人大约250，吾貴！…Read More

昨天friday night,同老公收工系灣仔等，目的系食新派burger! burger joys門面真系吾系一般美式burger个樣，系開放式有d系酒bar格局，我反而覺得几好！入到去，我地2个人各揀左1隻burger,分別系chicken burger& cheese burger!cheese burger: 內裡好juicy ,芝士味重&香, 好足料!chicken burger: 雞好滑,算幾多肉汁,夠曬熱唔錯~我地另外叫左2杯野，vigin sex on the beach & iced lemon tea! vigin sex on the beach: 好夏天的感覺, 酸酸地, 配食burger岩味~如果下次约fd,想小食+吹水，真系可以再黎依度！ …Read More

今日同老公去黄金買電腦野，顺便食下爭鮮，因為未試過依間去到門口，有好多人跟住樓梯位排隊 终於入到去食，坐左一陣，依間店比起其他分店的,質素 啦~我覺得坐位好緊要, 因為依一間個設計係一個大圓圈, 好多時分別坐頭同尾分別很大!帶子OK生蝦麻麻地蟹棒壽司 唔錯!生蝦壽司一般般! 不過走個時發現, 有個大消息,11月3 日至12月8日每個星期2 碟碟6蚊!仲平D呀! 扺食! 如果去深水步而又想食日本野可以考慮! 不過真係頂預時間去等位.因為真係好多人!…Read More

今日入屯門陪屋企人飲茶，老人家鍾意坐得舒服，有view睇，佢地住屯門，所以近近地去海天飲茶啦！因為平時飲茶好早到,9點開門, 所以唔洗等位, 即入, 否則,遲1小時之後都要等位! 我地坐左係中間位置, 可以望到另1邊的海景, 依個係揀海天的原因. 有時食野可以加上望下一風景,即係幾relax!不過,坦白講,海天一D都唔算平, 如果以依個價錢, 其實食物質素應該要再提升D! 服務要更好! …Read More

今日行荃灣，特別過來買餃子for今晚打邊爐每次去都好多人，今次都吾例外，排隊排至附近小食店，等左差不多30分鐘，才可以購買。特別提一提，如果你系買麵或其他小吃，不用排隊的，只系買湯圆水餃雲吞才需要排隊。我買了香菇菜肉水餃及九菜豬肉雲吞。香菇菜肉餃的表偏厚，內裡多汁，好香好滑，真系好食！另外九菜豬肉雲吞反而表又比一般的薄，用同一時間去煮2隻不同的食物，發覺九菜雲吞的皮似乎真的特別薄，它不太能抵受熱湯翻滚的壓力，煮了不太耐就皮躝 所以食落去可能味道走曬，真系好一般。反则香菇菜肉水餃表皮較厚身，建議大家分开去煮，如果用煮雲吞的慢火去煮(因為皮薄如用大火会易散开)，好耐都未熟 總結來講，香菇菜肉我覺得几香几濃，真心不錯，但雲吞那邊就一般。但若果需要每次也排甘耐去買，就要視乎你想吃味道還是那份懷舊情懷。…Read More

今晚，之前聽朋友介紹過依間cafe吾錯，所以決定一試。九龍城而家多左好多特色小店，今日經過，原來又好似多左，只不過之前冇留意，睇黎得閒要再黎睇下。去到依間cafe門口，都几特別bo!門口细细，好有傳統歐洲小店的感覺。因為吾知食乜，問左服務员姐姐，她好好服務介紹。最後我們order了炸尤魚圈，慢煮紐西蘭羊架拼蘑菇薯蓉及自家制肉酱意粉。,坦白講，尤魚圈開初冇乜預期，估吾到，出奇地好食。吾会好似平時d厚粉，又吾太咸，食到久違了的鮮味之後，羊架都真吾錯。平時个d羊架好易overcook,同好"鞋”，依个control几好，慢煮可以保持鮮味同肉質，几raw!哈哈！如果覺得好似太生可以吾好甘，煮耐dd!最後，我們叫肉醬意粉因為越普通的菜式往往是最難煮得好食，可能因為有左固有的”味道感”。這個自家制酱，真系食得出home的感覺！overall,我同老公都几鐘意依間小店！不過第一次去真系要揾下，因為location吾太起眼！…Read More

收工同老公經過翔龍灣附近，見到好耐冇食越南野，見到依間，決定一試！入到去，侍應好快過來，餐牌望落去都系越南野，最後試左最經典的火車頭2人餐，我叫左椰汁冰，老公叫左椰汁红豆冰椰汁冰几香濃，不會因為有冰而好谈味。 而老公飲个杯椰汁红豆冰，佢話红豆有d硬，吾太淋，如果淋d會更好！至於重点个火車頭呢，見到个面有香葉，試下啖湯先，几濃，好香牛味，不過又不失香味，个湯又吾会濃到好濁！牛肉滲入d湯，岩岩熟！个侍應拎左个火車頭之後，又拎左d青擰辣椒，加埋去湯度，令个湯又昇華！ 题外話，侍應介紹旁邊有3支越南調味，有支青辣椒醬，其他2支吾記得 他教人可以將牛肉加d醬料去食，更正甘話！overall,依間冇加一，以晚飯價錢甘既質素好吾錯！ …Read More

今晚行開个頭，我同老公都吾知食乜好，行開見到雲貴川，諗起自從“一滴香”事件之後都冇食過，心諗，比个機會人地，可能好左呢 之後入去，睇餐牌， 有好多特別的口味去揀，即系例如可以揀"多酸“，”走芽"，“多米”呀甘，个湯底有好多肉碎我叫左麻辣雞肉米线，雞肉几香，還可以啦，不過覺得有d"鞋”我老公叫左麻辣腩肉＆雲吞米綫，麻辣腩肉几入味，不過可能个d吾太肥，如果肥d應該好食d! 雲吞真系吾推薦，个皮好淋  成餐最好味系麻辣雞翼，入面肉好滑，如果再麻d再辣d更好！ 可能佢地太辣d人食吾到掛！不過總括來講，質素似乎比之前好！…Read More

今日系星期五，要返工感覺麻麻，甘耐冇飲茶，又難得早左返公司，平日朝朝都茶餐廳甘悶，今日決定要吾同d,去飲茶 依間聽同事講，已經開左好多年，我心諗，開得甘多年一定有吾錯的地方我叫左2樣野，燒賣及叉燒腸，坦白講，質素一般，但勝在入面環境有d懷舊，有暗黄的光綫，舊式大排擋个d圆桌擺系酒楼入面，出面仲有2張桌子for 煲煙客邊煲邊吃，好自由！廢話小講，去相先!!系九龍灣工業区依d地方冇乜好食，其實都算系甘，始終有時都要支持下舊式食店，否則香港等時就會變到只有大企業經營，冇曬小店！…Read More

今晚同老公行開CWB, 想吃D特別既野,之前一直想試, 但有時見到太多人又唔係好想等,今日好好彩,行到入黎岩岩有人走左, 有位 終於可以試下~因為當晚餐咁食,我同老公算幾大食既人,所以就叫左2樣野,心諗如果唔名夠先再叫會好似環保1D,之後好彩就只係叫2樣...我睇左個menu,覺得其實有D貴,不過,試下LO,反正未食過!Finally, 我揀左窩夫烤餅沙律.想健康小小食多D 菜我老公就叫左個豬肩肉窩夫~因為佢話喎,平時甜既就成日見,入面有肉既好似都冇見過,所以試新野咁話!等左一陣, 個沙律來喇, 嘩, 真係好大份! 如果咁大份,收依個價錢真係唔貴, 我地2個人食1份一定夠!有圖有真相! 係咪好大份呢~記得仲有件窩夫!!之後我老公叫既豬肩肉窩夫都黎埋, 又係幾足料+大份!坐坐下, 都有D 外籍人入黎,成個場好熱鬧, 好乾淨+relax~最得意係我留意到樣野...好多男人都黎食!!! 我問老公,佢話, 男人鐘意黎依D 類型既店多過D 糖水舖~哦~如果我下次有男仔FD想吹水,都會諗下黎依間~D野唔錯, 又大份,個場又乾淨~幾好~…Read More

今日行屯市廣場,見到依間中午LUNCH SET好似幾正咁,就入去試下啦~心諗:平時燒肉店食夜晚貴, 中午通常會抵食d而且望入去好似坐得幾舒服咁. 唔係幾多人menu>>>冇記錯的話, 張MENU後面講, 如果平時1-5 LUNCHTIME食, 追加會再抵d,好似8折---------叫左個牛肋肉定食, 佢先拎左d牛尾湯黎, 牛尾湯清清地唔油, 幾好!之後WAITER拎左d KIMCHI個d 小食, 加一大大碗飯! 如果男仔食應該ok, 因為飯可以無限添加但來的牛肉就得幾件, 感覺個爐好鬼空虛 但自己1個人又唔會食好多><我覺得中午試下ok, 如果夜晚用好貴既價錢就唔多值, 因為好普通同埋WAITER服務麻麻, 我個日都冇咩人, 想叫人幫我加d水,叫左幾次先有人理下我><…Read More

今日行開屯門市廣場, 星期日真係度度都好多人, 我同老公已經特登早d 去食DINNER,好耐冇吃西餐,就吃下OUTBACK LA~我地即日5點行去BOOK,RECEPTION話5:30PM來,我地就行多陣, 5:30去食DINNER我老公叫左Prime Rib 燒牛肉,好似冇記錯係逢星期五六日五時後先有供應既,佢叫左3成熟其實真係有d恐怖~不過佢覺得肉質好嫩喎.我就叫左 Steak & Ribs Combo肉眼牛扒拼豬肋骨,一般般, 又唔係真係d人講到咁好食, 好乾...我記得早幾年去食係正dd, 而家真係差左好多,價錢雖然唔係特別貴,不過真唔多值SO FAR屯門市廣場而家好多遊客,間間餐廳都好多人, 冇乜選擇之下算可以!…Read More

我平時好懶,真係打食評係第一次每次去旅行睇左咁多台灣人無私的分享之後, 覺得自己都要作出分享給大家~講返正題, 今次我第一次用了OPEN RICE的手機訂位,因為今次唔係我同老公2人世界,而主角係老爺奶奶! 佢地慶祝結婚30週年紀念!香港地自助餐咁多, 想搵間特別小小, 冇咁迫咁多人既地方, 有時都好煩~因為老人家唔鐘意咁迫,佢地鐘意人唔好太多, 靜靜地ｅｎｊｏｙ夜景就ｇｏｏｄ！我地今次ｂｏｏｋ左７點，早左入去，佢地安排左我地坐ｗｉｎｄｏｗ—ｓｅａｔ！入到去氣氛幾好，個場暗暗地，個落地玻璃最令我地留意，真係好鬼正～個時個天已經黑曬，遠望Ｄ大廈Ｄ夜燈好正～未食真係已經淋左一半～之後坐低左就出去拎野食呀～野食選擇就真係有小小失望，款式唔太多。不過，冷盤有＂生蠔＂！我的最愛！　生蠔幾新鮮！每次一出，就有人圍住！不過有野唔錯既係，佢地ｒｅｆｉｌｌ幾快，今次拎唔到，轉個頭又出，又可以拎，點都會拎到！而家出面有Ｄ酒店，唔記得之前食邊間，只係見到其他人Ｄ碟有蠔，自已又拎唔到，感覺好鬼差！另外，依度Ｄ青口可以食得下，我平時唔食青口，因為冇味又多雪味，竟然依度的青口又ＯＫ！最後，食左Ｄ甜品，一般般啦～不過留意依間餐廳係逢星期２晚先有自助餐的，如果鐘意食生蠔＋睇靚景的朋友就ＯＫ！價錢我地４個人去，埋單連加１好似１９ＸＸ，抵過出面個Ｄ出名又冇野食的自助餐～我覺得ｓｏ　ｆａｒ可以的！…Read More