eaTing_0519的個人專頁

今天不用上班，先吃個早餐輕鬆一下，突然好想食鬆餅便去了商場的kfc ，現在有自助購買機真的方便好多，不用排隊可隨意選好想吃的東西。 不想吃的太飽所以選了雞扒鬆餅腸仔餐，餐廳闊落人不算很多，很容易找到位子。叫餐也很快，感覺很好。雞扒切下去是熱騰騰的，很香很脆，鬆餅也是熱的、加上外脆內軟，有甜的蜜糖在表面，感覺幸福滿足🤤。不過冷氣有點大，腸仔食到時已涼了一點，但終於吃了期待的鬆餅，過去中間有幾年好難食本來放棄了，但今日食到水準回復到當初，好高興，一定會再食🥰。…查看更多

今日天氣炎熱，好想快啲揾一間餐廳食飯飲凍飲消暑。見到牛頭角有龍城冰家，決定一試，入到去人好多，不過不用排隊便有二人枱。到座位上，侍應太忙了，唯有自行去counter拿menu看，牆上有掛著每日午市套餐餐牌，有中餐蒸肉餅同粉麵等，但再望望左右兩邊好多人叫同一個西餐，望落好吸引，是豬扒德國腸餐，可三選一 飯、意粉、或薯菜，還有例湯和飲品，便想一試。叫了薯菜和凍檸檬茶少冰，朋友叫了火腿通粉常餐和熱檸水，雖然餐廳好大人很多，但上餐速度挺快，侍應推住餐車派食物，感覺運送安全迅速很多，值得一讚。雖然有餐車會令行人通道窄了許多，但依然足夠人車一齊行🤣🤣。餐湯叫了中湯，沒有湯渣但味道足夠，不是味精湯，所以都飲光光🤤。凍檸茶叫了少冰，冰感覺上少一點點了，但茶望落好似俾人飲了一啖，不過之後望其他食客飲品好似都唔係全滿，所以算了，至少港式檸茶味道仍在，不過不失。主菜是最好味的！ 因為相比它的鐵板扒餐要$70-90 這個餐$50幾真的好抵，雖然本來想叫薯菜預期係薯蓉不過原來是薯角，炸得好熱好香，再自行加茄汁，一食停不了口！有三條菜都加分，感覺食得健康了一點點🤣🤣豬扒也很大塊，醬汁夠，味道也好，大推！ 不過是要講運氣等特價午餐有便很超值👍🏻👍🏻…查看更多

今日冇咩餐廳開就入黎食下別府，叫咗一個九州拉麵同荔枝特飲，本來想叫荔枝梳打點知原來有店鋪限定，唯有改叫蝶豆花荔枝梳打，朋友叫咗黑蒜油腩肉拉麵。等咗好耐都未有，唔知係落單多定等埋兩碗整好晒先上，飲品都等咗好耐。之後上咗飲品，味道都唔錯，係啫喱荔枝的甜味，有啲黃色爆珠珠好甜，不過飲品本身冇咁甜中和番剛好。之後再等了一會終於來了拉麵🍜，因為朋友太肚餓未影到黑蒜油拉麵便食咗😂，九州拉麵都是平常的水準，不過不失，豬骨湯濃稠味道夠，有甜甜的粟米粒和海帶 加上糖心蛋都洽到好處，不過肉只有兩片而且是半肥半瘦，如果有多一片就好了。拉麵份量是嫌較少，相比其他拉麵店份量較多，還有軟硬度選擇，別府可考慮加入。因為早食晚餐所以人不多，環境算舒適寧靜，可以傾計或休息一下，只是希望上菜速度能加快一些就更好。…查看更多

見最近又出返阿華田三文治西餅，掛住阿華田味道就買一個返屋企試下🤤， 賣相幾靚有啲似某連鎖咖啡店的西餅。 先食上面塊阿華田曲奇，曲奇就算雪完都保持到脆口都入味，有少少似orea餅，係我中意的味道，之後用叉切開曲奇同中間阿華田餡，曲奇雖然雪得耐但仲係硬身，不過入口就冇上面咁脆，係有少少倒汗水的凍的感覺，但都有朱古力味，中間餡的味道就出人意料之外地唔似阿華田，有點奇怪，希望下次試阿華田蛋糕會好啲啦。這個三文治$24 就唔抵了。…查看更多

本來係因為有兩張現金卷就快到期就去買，點知剛好撞到有限定三日的買一送一，就轉咗要帽子雪糕杯🍨其實所謂帽子就係甜筒倒轉放係兩球雪糕的杯上面，因為有四個球就分別㨂了：紅豆、芒果紅莓、限定茉莉花石榴、草莓芝士蛋糕味🍰。其實最中意食哈根大師的草莓味可惜今日冇就㨂咗草莓芝士蛋糕頂上，不過味道一般，特別最有期待的限定味就只有茉莉花茶味，媽媽更說似香水味，之後同草莓芝士溶埋一切就更傻傻分不清........芒果紅莓反而不過不失，紅豆就完全無味道🤢 好失望， 仲差過食麥x勞紅豆新地或普通紅豆糖都好啲。 如果無優惠券同士多啤梨味都係唔買了😬補充因爲做緊優惠活動關係，唔夠位置坐，仲有人唔係食雪糕霸住啲位，如果職員會黎清潔趕下閒雜人等就好了。…查看更多

今年生日男朋友好驚喜咁book 咗呢間我最想食的餐廳，首先去到門口已經好靚，有歐洲式建築風格，種滿花影相都好靚。旁邊有落地玻璃望到入面餐枱中央有鋼琴，好期待之後的表演。入到去坐低係鋼琴旁邊，望到琴同演奏樂手，真係一個最佳位置，menu同裝飾都好靚，裝潢更加不用多說，真係嘆為觀止。雖然知道前幾日張敬軒已經來過，所以都沒期望見到他，不過當晚三個表演者都十分之出色，不愧為皇上挑選的人，唱的都是70 80 年代中英法文名曲，好有味道和氣氛，特別是聽到Over the rainbow時浪漫得想哭了，真的好欣賞陳喜的jazz 歌聲，她和鋼琴手的對答都十分風趣逗笑。我們點了2 湯、1 前菜、2 主菜、2 甜品，飲品就只係㨂咗sparkling water， 佢係每枱有一枝水供應，都夠飲。首先上麵包🥯都好熱好好味、但食到一半有一隻蒼蠅飛過來，就有點不太衛生、不過可能近廚房，氣氛補償咗我的心情唔算太掃興。之後上湯，賣相不太吸引冇影到相，味道好濃，感咗幾啖就好咸，同份量好大碗，二人share一碗都夠。 前菜就喜出望外，三文魚他他味道香而不漏，加即炸魚條又熱又香脆，係最吸引的一道菜。之後主菜叫咗黑安格斯牛柳，味道如其他食評講算係最值得叫，肉質好嫩好入味，好厚身食落好飽，點上旁邊綠色調味更提升至另一層次。另外一個主菜雞肉菠菜份量更大，肉質鮮嫩但味道較清，還點了一個西蘭花味道就正常。因為沒有事先落生日慶祝order，所以甜品只散叫，下圖為偷影其他枱慶祝紀念日的甜品，可以order 寫字，希望下次黎可以再叫。散叫兩款甜品為雲尼拿蛋白杏仁霜(好似係)，口感似梳乎厘一陣風咁不太中意。另外一款是朱古力餅(忘了名字)，有片薄脆夾在中間，有朱古力的濃郁苦澀味，算不錯。最後再欣賞一次華麗的裝修，記得一定不要錯過廁所！真的好美🤣🤣 梳妝枱都佈置得十分有心機。員工都友善為我們在鋼琴前合照留影，為這個浪漫的晚上畫上一個完滿句號，是至今最難忘愉快的一餐生日飯。🌹…查看更多