Justin_Leung's Profile

琴晚好想食拉麵，突然諗起大角咀有間神虎未試過，就決定去試吓。個廚師係日本人，我見到佢係咁用日文同另外一個Staff溝通。服務其實都幾OK。我哋兩個人一個叫咗赤虎（辣味）一個叫咗黑虎（黑蒜），兩件炸雞同埋一份餃子。真心我都認同佢啲拉麵有少少鹹，不過其實我重口味所以我接受到。但係要讚嘅係佢嘅炸雞同埋佢個餃子汁。個炸雞勁大件同埋非常Juicy，攞上台嗰陣仲要熱辣辣，都真係算係日式拉麵店食過其中一間最好食嘅炸雞。絕對值得推介。跟住餃子，餃子本身就尚算可以，但係佢個餃子汁係胡椒沾醬，味道中和返餃子嘅油膩，我覺得好加分！呢個又係好值得大家嘗試！然之後佢哋送咗個辣芽菜俾我哋，都真係幾辣，但係我覺得醃得幾好，如果食得辣嘅人可以試吓。加加埋埋計埋支$100.300毫升嘅清酒，平均每人$190。我覺得可以接受。同埋佢嘅味道都真係好食，只係個湯底可以稍為唔好咁鹹。👏👏希望佢都keep到啦，都唔想有一間食肆頂唔順執笠😐😐…Read More

好傳統嘅英式酒吧，入到嚟基本上有八成嘅客都係外國人。而呢度主要都係飲啤酒為主，但係真心我覺得佢啲嘢食都真係OK，當然你都係一個鍾意食西餐嘅人先至會覺得佢好食。因為佢啲食物實在太西式傳統，講緊係一啲英式餡餅同埋Sunday Roast，如果你有一個亞洲胃就未必會太啱你。但係最值得讚嘅，係佢啲service 。我哋叫咗個free flow，就算過咗時間佢哋都照樣針俾我哋。雖然唔係話貪心。但係有陣時小小嘅服務就已經令個客好開心。大家如果有興趣真係可以嚟試吓感受吓英國酒吧嘅氣氛。尤其是呢度得睇波嘅時候就會非常之咁開心。…Read More

琴晚同朋友去呢間bar，的確好有日本Bar既感覺。我地叫左d食物同酒精飲品，其實兩樣野都好好，幫我地介紹酒同cocktail既Bartender非常nice，所以其實一開始係好滿意。唯獨是有個staff，10點5X分走埋黎講句：「last order，請問有冇嘢加？」我問左句：「係咪野飲都唔嗌得架啦？」跟著佢就話：「11點last order！」其實比錢冇所謂，我亦明白你想收工既心情，但係咁既態度真系搞唔掂。成晚其實差在佢一個staff。佢哋臨收工，有個男仔staff洗緊碗，個態度差個staff就話佢：「啊X哥，洗碗就望住啦唔該。」真心教同事就唔好係客面前教，依家好型？我同朋友落樓之後講返我既感覺，佢就同我講呢個staff每次都咁衰…其實個地方真心好好，除左佢呢個敗筆……Read More

Wandering on High Street, we eventually bumped into this Italian Bistro. We order a Caprese, a ribeye and a tiramisu. I have to say the caprese and the steak were EXCEEEELLLLLEEENNT!! The price was also very reasonable!The tiramisu wasn't bad. Just that comparatively it could be more bitter, for the coffee power on top? I don't know. But overall, the dining experience here was wonderful~👍🏻👍🏻👍🏻 highly recommend!…Read More