FY's Profile

久聞傳說中既亞龍curry。今日終於得起心肝，前來拜會一下。要了curry牛腩﹑甜烤餅及最後加了一個烤餅。先談curry，味道的確是比較辛，因為少了椰汁的關係吧，但其他的味道，如洋蔥，十分得。和平時吃的很不同，但只要覺得好，我不想比較正宗與否。牛腩份量都幾多，也夠肥夠淋，但汁真係主角。來了甜烤餅，見到燒焦了的外表，已覺得會很好吃。結果，完全沒有失望，甜加上辣，永遠就是天作之合，是一種對味覺多重的衝擊。因為它，而叫多了一個烤餅。這個入口就已覺不同，不是差，只是相對地比下去了。地方十分光猛及清潔，烤餅全是即叫即整。我會再來的，即使只是來吃個甜烤餅也很值得。而且價錢是超值的。…Read More

今日放工同女朋友就頭痛食咩好。結果佢就帶我黎呢間樓上鋪試下。去到都十點鐘，人流當然少D，但其實都幾乎坐滿。最後兩人要了個$128的二人餐包菜角﹑CURRY魚﹑芝士烤餅﹑烤雞﹑印度飯，最後要了兩杯SODA。很不錯呢，菜角是暖暖的﹑入面都係CURRY加薯仔。很暖。味道也很不錯，不會是油沐沐的。CURRY魚是甜的﹑魚雖然味道較淡﹑但是有汁的﹑也不錯。但我還是鐘情於不甜的CURRY。芝士烤餅是加錢選的，是比較厚身及有咬口的，但如芝士的份量再多些就好了。烤雞是女友介紹的，也不錯，但肉地麻麻。印度飯就麻麻了，而且份量較少。只是百多元，我們已吃得很滿足。下次也可以再來。因為烤餅及菜角也很不錯。…Read More

放工回宿舍前，我先去樂富找吃。見到好似幾對路，我肚子未響之前，就入去了。10點幾，無餐可以選之下，我要了個香茅豬扒檬。見個樣都好似幾精神，豬扒幾厚，同煎得幾靚。檬粉都有幾條菜同排得靚靚先見人。食落豬扒都幾香口，但同香茅無咩關係。當食荼餐，合格有剩，起碼唔係薄cut或者硬野，都有d彈牙。當然唔好同尖咀那間比，個間真係專做豬扒。其他都ok啦，20蚊，夜mama算係咁。同埋阿姐幾有禮貌，好有笑容。10點幾，做左成日野，仲笑得出，我好佩服。…Read More

放工周圍行完，我突然想吃壽司。但次次都係食個間好似好悶，女友想起這間有半價，二話不說就來了。還記得當它正在裝修時，我仍在理工讀書，每次行過，見佢華麗既裝修以為會係貴價野。但出乎意料，佢仲做埋夜晚半價。由於半價既關係，我地叫左D野都打孖上。例牌既三文魚同曼魚當然要，其次就巨帶子﹑兩款玉子﹑劍魚﹑舌拿﹑軟殼蟹手卷﹑火龍卷﹑花之戀...唔記得了。由於我想食壽司，今次就無叫小食同其他煮物。其實質素不錯，雖然最想吃的帶子不及另一間，但半價仲想點呢?不過舌拿真係好唔得，其他都不過不失。但坐得都幾舒服，環境幾好。…Read More

近排都幾多煩事。今日麻煩哂大佬同我買野，之後就一齊遊港島，最後黎到呢間野食返餐。要了一個牛肉魚餅撈及一個日式雞扒加蟹餅飯。前者，我都食左舊牛肉，普通肥牛也。淡左少少，但都正常，因為撈麵D汁我無食。後者，個汁幾好，但D肉同餅就好麻麻，雞扒好硬同蟹餅係幾無味。但三十幾蚊有埋野飲，覺得都合理呀。而且服務都OK~我地試相機都無被人煩，幾好啦。做朋友很講緣份，突然的一個話題，很可以拉近彼此。唔該哂，大佬。…Read More

媽媽生日，做仔既年伴了無新意都會買個蛋糕。今次選了這個白白的，很純情呢。味道很好，有3層，包括牛奶﹑芝士和OREO底~其實我只係鐘意頭兩層╴OREO底怪怪。雖然佢為淡淡既蛋糕作個BALANCE既作用，但真係唔太鐘意呢種味道。好似純情既生活突然多左D污點。但我想再食多次，真係好好味。(希望可以改左個餅底)…Read More

太古城附近真係無啖好食。呢間雖然唔算好好味，但食物質素不錯，價錢相j宜。所以最近返PT時，都時常黎食個午飯。試過了1)CURRY牛腩飯/豬扒凍檬味道麻麻，牛幾多，但不夠淋同入味。而凍檬一舊舊，豬扒同屯門那間比，輸一條街吧。2)牛肉凍檬味道普通，牛肉份量很可以，但檬粉方面需要改善..3)煎咸魚餅飯味道不錯，蔥油幾香，煎肉餅沒有咬口。抵讚係個飯同D蔥油唔係好唔好食既..但真係抵，同區黎講，算係性價比最好。…Read More

對唔住呢，成兩年無見呀!次次約會都係我最後無黎，今次點都出黎食個糖水。哈哈~大家都無咩變~十分年青~!最後回流人士帶我地去左食糖百府~你仲熟路過我地WO!小弟第一次食冰~其實興趣不大。叫了一個好立克加黑糖~過下口癮就算。老實說，我覺得好鬼貴。除左侍應係個甜姐兒~幫我地影左幾張相~冰都唔錯，至少比相象中好呢。但係咪又真係咁值排隊去試呢?我又覺得無呢個需要。份量不多，價錢算貴，除非又想見甜姐兒~否則都唔會再黎呀。…Read More

識左呢個朋友仔都成年~都係緣份黎。可惜~我今日先知你食素哈哈~~!今日得佢介紹黎左呢度食餐好既。兩個人叫左個套餐，有皮蛋湯﹑芋頭魚﹑松子炒飯...小食忘記左係咩野炸物。最後甜品都失億了。價錢可以接受，阿姐D服務幾好~幫我地影左幾次相，有傾有講。食物方面，無咩特別，係個飯炒得乾身好味，條魚麻麻地。其他也普普通通呢。HEY~朋友仔~下次入黎屯門食呢~~…Read More

今日終於我起心肝將我壞左幾年既精工錶送入去整...之後餓到顛又想食茶餐之下，諗都無諗就入左呢間冰室。見到餐牌好多餐...但其實只係轉左少少野~最後就快手快腳叫左個午餐同常餐。睇定左原來同下午茶一樣。問阿姐，佢就話個包唔同。但我地見到既都係牛油方包。唯有算數啦。點知黎到既~竟然係菠蘿包~~大大個~仲要係熱既~!!真係未食過茶餐會跟呢隻包~頂癮!! 個麵就唔好提啦~好普通，但起碼唔難食~但沙爹牛都幾少同無咩味。火腿炒蛋幾好`有蛋汁!同埋個大大菠蘿包~睇到都開心。個熱啡好唔得，奶茶女友話幾好飲。埋單都係位位21~去邊搵~咁既價錢~值得比個笑既。…Read More

返工返早左，周圍行左個圈，最後決定買個包仔食。多次經過BREAD TALK，特別是尖沙咀的店，第一次卻獻了給陌生的太古店。麵包的價錢尚可以，而且有多種有故事相襯，都有D心機呢。圍住麵包們走了一圈，最後我取了這個什麼地震定...定火山的包。對不起呢，太早了，魂魄未齊，無細心欣賞你地既努力。包面脆脆的，很喜歡這些有層次的包。咬下去就見到架央和CREAM。呵~很甜CC呢。 9元就給我一個美好的早上。我不是甜魔的一份子，但假如每天也來一口，我也喜歡。至少，可以把人生美好化。社會讓你苦，我們可以用愛情及食物達致短暫失億。失億的周未不是人人可以享用的。…Read More

呢排返PT成日都係UNY~本來食晏係2-3點~點知公司既安排同忽略之下我竟然要夜晚6點鐘先可以寫第一餐。我既FYP題目真係無定錯。咁唯有死死氣 叫人頂住 行去最近既麵包店買多次包啦。其實前晚已經頂唔順(因為返夜)買了一個黑糖提子包。味道不錯，可能我對黑糖包有偏好。同埋最緊要麵包係香同鬆軟，咁呢兩樣野佢都滿足到我呢。所以今日試下其他野都好有信心。咁就買左岩岩出黎既芝士包。(係可以CUT開既長型)熱熱的，而且阿姐幫我分開後，見到有很多芝士粒粒藏在裡面。哎也，好香呀。同埋唔會芝士有點咸咸地味，但本身麵包已經很香，所以加上黎，好滿足呢。下次可以再吃。對比美國，香港的麵包比較好。價錢也不算費，質數很好。19蚊聽聞已經係貴左...但真係值得一試。…Read More

第一次和他們夾歌仔心情都幾緊要 呵 結果我又係發台瘟 唔記得其中一首點彈 呵!唔好意思呢之後4條友八條腿就去左呢度食tea對上一次黎 已經係年半前時 時間真係快快快大家叫了雞翼薯條, 沙律, 公司治, 蝦球e麵阿叔既服務一流 真係惡到嚇死你我個公司治真係麻麻麻麻麻麻麻 係見到友人食既薯條同雞翼比較對板有時唔明d阿叔點解可以惡成咁...…Read More

大伙兒和往年一樣舉行單車日今年終於成功 而且部分戰友成功入到大尾x可喜可賀來到泰源時 兩名先頭戰友已經點好菜我地拍拍手就可以大吃一餐1)沙拉骨2)xo醬海鮮抄西蘭花3)蒜抄西蘭花4)雞軟骨併墨魚咀5)羊腩煲6)jerjer雞煲7)9肚魚8)沙爹肥牛煲9)雞粥加埋送既10)瀨尿蝦羊腩煲其實麻麻 羊肉唔夠味同唔夠肥而且個底都唔香但料就十足 大件抵食雞粥 雞唔夠味 但粥底就好棉 最開心係老細知我地想叫白粥 佢幫我地搵加落雞粥到其實每一碟既份量都係好多 而沙爹肥牛都係份量就特別多多多多多雞軟骨炸得十分到位 脆得黎唔會過火 所以此味雖然最後才上 也被眾人吃得七七八八而送既瀨尿蝦真係麻麻 但唔使錢 請你食 仲想點?其他都係大件抵食 水準可以下次單車日睇黎都係黎呢度 !…Read More

食左小食後 就慢步來到這間不起眼的店子(其實內裡都幾大 所以不用怕會迫)忘記了訂位 幸好 不消一會就可以坐下想了很久才點菜因為很多也想吃 而餐又可能改為牛油雞翼最後牛油雞翼峇里鱸魚餐(包飲品 沙津 薯餅 甜品 飯)牛羊串燒先上的是魚仔炸香了的魚身加上酸甜的汁感覺很中式但味道不錯 而且份量不少 連餐都只係69蚊 抵食!牛羊串燒*各3除了個汁很正 肉反而覺得普通而且送上時是冷了 可能因為咁而扣分牛油雞翼到送上時才知道牛油和蜜糖雞翼是同樣的東西很好味 甜甜的 不會很漏 而且幾大隻 肉質厚 同埋唔會過乾但如果早點兒送上 就好同很可惜 沒有尖 !!!!!送上的甜品和奶茶也很很很麻麻可能當天是平安夜 客人多 侍應少經常要叫幾次才有人理會 而且最過份係見到我杯奶茶己放在吧面上可出但侍應都係直行直過 要再問幾次再拿來但整體來說 招呼也不錯最緊要快樂同場疑有openrice食友**而且當中仲有生日歌播其實氣氛不錯下次可以拉大隊來 這間是抵食的…Read More