skystjustin's Profile

平日4：30黎到， 無咩客。 雖然我一個人， 但指明只可以坐bar枱。叫左個火車頭， 係足料嘅， d牛肉佈滿半隻碗， 牛丸都彈牙同埋有d根，但湯底偏咸。但d阿姐衛生意識比較差， 我已經好耐無食到嘅手指面同手指柚子蜜竟然俾我一次過經歷到。 雖然阿姐戴住手套， 但見佢上完我d食物就無換手套去抹枱， 我有d反胃。…Read More

平日lunch黎到， 難得見到得一枱客。心諗難得黎到， openrice又咁多好評， 價錢又唔貴， 即管一試。揀左138蚊嘅法式牛尾鍋，沙律d菜算新鮮， 碗菜湯細左d, 味道正常， 菜湯隔離塊包有香草味， 加分。個主菜上黎， 我以為係前菜， 因為個份量太細。個鍋同酒樓果d碗仔差唔多大細， 跟餐嘅法包只有3薄片， size同隻匙羹差不多。味道同花園餐廳咁上下， 偏咸。成餐飯最滿意係加38蚊果個咖啡cocktail。 咖啡,香蕉同rum酒味之間平衡得唔錯。雖然知道呢間嘢出名係海鮮， 但其他食物都唔好太hea…Read More

之前食過一次， 性價比唔錯， 食物無味精， 湯清甜。今日lunch諗住再幫襯， 點知1：30就掛住個休息嘅牌。入面兩個侍應哥哥仲好開心咁吹緊水。估1：00鐘sharp去到先有得食。唔知下次去果時間嘢仲喺唔喺度呢？…Read More

本身想幫襯同場另一間海南雞飯但賣哂，即管試下。以45蚊叫左個海南雞飯跟脾， 一上枱就覺得份量偏細。個湯無料喺入要， 只係好咸嘅水。雞肉算嫩，雞味一般。油飯中規中矩。 總結黎講， 性價比一般，以西九龍foodcourt有更好選擇。…Read More

本來諗住食呢個food court另一間海南雞飯 因為賣哂先幫襯呢間 有驚喜$40 4餸價錢算ok。 可能間舖睇到之前comment, 今次d餸保溫唔錯個土豆絲調味唔算 淡淡麻辣。 整體食完唔會口渴應該會encore…Read More

平日12：30黎到食lunch, 都有8成滿。可能職員太忙， 連水都要提佢先俾， 亦要講幾次先有人黎落單。叫左個角切魚生飯定食， 連加一都要$140。 上到黎， 只係見到幾塊三文魚， 少量雞蛋，青瓜同吞拿魚， 食完要再食番碗麵先夠飽。整體黎講， 唔值呢個價， 只係環境叫OK. 早知過隔離食元氣無咁嬲。…Read More

平日lunch去呢間嘢， 喺太古工廠區， 都算易搵。個裝修係有心思， 都算寧靜。入到去得一兩枱客，叫左佢個洋葱牛肉飯。跟餐嘅羅宋湯同咖啡都係普通嘢。然後個飯，都係無咩特別， 同茶記嘅蕃茄牛腩飯差唔多， 唔明佢點解可以納入餐廳推介。隔離枱都係叫漢堡， 或者我揀錯嘢。總括而言， 佢係一間工廈入面， 裝修靚嘅茶餐廳， 完。…Read More