2dochoy's Profile

朋友介紹串燒小店，感覺有少少返咗鄉下，深夜食堂嘅感覺，員工嘅服務態度都幾 nice！至於食物，雞肉串燒就真係冇得輸，正所謂雞有雞味，就連我本身唔鍾意食嘅雞pat pat都ok 好食，😋另外燒鱔我就覺得醬油味重咗啲，不過幾爽口。另外青提睇豬腩卷個青提好似冇乜點燒，如果燒熟少少可能會覺得好啲。另外佢個芝麻雞翼就好似炸得勁得滯，呢個可以改善下😅另外都叫咗一支清酒，不過選擇唔係太多，最後揀咗一支加茂錦嘅無濾過生原酒純米大吟釀，定價偏貴😅…Read More

之前見電視節目介紹，是那些家庭式葡國菜，所以過嚟試吓。一入嚟間餐廳有啲茶記feel，同想像中有啲差距。叫咗幾樣嘢食，一開始叫咗個Sangria 同埋Jamon 食下先。個sangria 似超市買返嚟，偏甜，麻麻地，唔似係自己調教。個Jamon 應該都係買返嚟，都OK好食。之後叫咗乳豬，個飯幾出色，反而乳豬偏肥，太油。要讃嘅係D皮真係好脆，一試無防。沙甸魚幾特別，不過多骨。未食過可以試吓。最後甜品有睇頭，幾好食😋…Read More

食物質素普通。普遍都係偏鹹，啲肉質又係好老，與一般大排檔無異。黃金魚皮與一般雲吞麵檔冇分別。炸大腸好乾。蜜椒薯仔牛柳粒啲牛肉好嚡。水煮魚叫做OK。辣子雞啲肉好少都叫做食得下。另外仲叫咗九肚魚，椒鹽豆腐同埋排骨，都係一般。最好可能係個清炒白菜仔。另外由於六月嘅promotion,所以藍妹啤酒每枱有四支免費。但係呢一度嘅特色就係好多元朗大叔會嚟呢一度食飯，飲飲下酒，然之後猜枚輸咗會掟杯，整到你成身都濕晒。除非你係元朗鄉紳，否則冇乜事都唔好嚟。…Read More