pleasetrustme's Profile

同屋企人嚟呢度食晚餐，咁啱見到新開嘅呢間餐廳就想試下。入去唔係好知點叫，就叫四人餐五個人share。炸子雞味道不錯，但有啲鹹同埋唔脆，雞肉還好但有少少乾。蝦球伊麵底就太過creamy，蝦球不錯，新鮮嘅。帶子芹菜就都係比較鹹，帶子比較overcooked所以好乾好痴牙。魚翅見到已經覺得好傑，質感甚至似啫哩一樣，睇嗰陣都覺得入面冇乜翅🥹🫨 條魚係比較好食嘅，肉嫩。最後甜品嘅奶皇糕有啲太甜但嚟嗰陣係熱同新鮮嘅，都不錯。雖然食物普普通通，冇特別好甚至偏向唔好食，個餐又比較貴($1500hkd) 但服務的確有誠意。走嗰陣我地發覺跟餐送可樂，本身侍應唔記得左，但我地提佢之後佢睇番就即刻俾番我地，冇推卻或者唔願意俾，係有誠意，有心嘅。但應該唔會再訪，始終食物偏貴又同質素唔成正比，雖則環境係唔錯嘅，唔會好吵🥵 希望未來開業耐啲之後會有改善。…Read More

咁啱喺附近就試下呢間出名嘅餐廳，都鍾意食牛腩麵。排左接近一個鐘，都覺得有啲冇耐性但最終都入到去。環境好逼，伸手嘅位置都冇已經接觸到隔離檯🥶侍應態度都好冇禮貌，好似呼喝我地咁落單，令人有啲驚😶‍🌫️ 我地叫左牛腩湯伊麵，都算係名菜，但竟然啲牛腩都好硬好難咬🥵 乾到食左一舊就食唔到落去。伊麵就唔錯嘅，幾特別，冇試過呢個組合而且同湯好夾，感覺新鮮。可惜牛腩嘅硬，價錢嘅貴，環境嘅逼同埋服務嘅惡劣態度令人唔想再嚟，呢個價錢又多人確實有啲趕客…😰😰…Read More

之前同屋企人嚟呢度食中秋節飯，真係令人好失望😰 首先嗰度環境麻麻，廁所好污糟，滿地積水，容易令人跌親😵 入到去雖然佢哋俾我地坐房，看似有誠意，但叫套餐食物收費好貴，我地9個人食咗hkd $6000但食物質素平平，甚至有啲食物好難食😮‍💨😮‍💨 總括黎講，作為成日食潮州嘢嘅人，大家都對呢度非常失望，唔明點解有咁多讚到上天嘅評語😟 本身以為評論咁好應該唔錯點知失望而去，每樣嘢都唔正宗而且難食，仲要花咗咁大筆錢買呢啲水準…🤬…Read More

今次係我地第一次試呢間餐廳，四個人去食。入去嗰陣兩點，一入到去過咗最少20分鐘都冇侍應過嚟俾menu我地，係要自己去攞🥵 之後等咗起碼10分鐘先有侍應嚟幫我地叫嘢食，其實咁大間餐廳，啲嘢食又貴，應該有返相應嘅服務質素，點解仲可以服務咁差？等好耐都冇人理我地🥱 最終到叫嘢食嗰陣，我地叫嘅嘢全部都喺優惠下午茶餐牌度有，但我地當時唔知有呢份餐牌就咁單點咁食。下午茶係1:30-4pm都有。但侍應都選擇唔提醒我地有呢個優惠，直接睇住我地受騙俾貴好多去食接近一樣嘅食物。本身可以$300-$500埋單嘅食物，我地最終要俾成$700+😵😵 食物質素亦都好普通，只係片皮鴨同埋小籠包水準中上，但炒飯同埋蔥油拌麵都非常淡味。價錢咁貴嘅情況下水準咁樣，真係唔值得再去幫襯。仲要入面冷氣好唔夠，喺天氣三十度之下仲要喺冇乜冷氣嘅餐廳食飯真係令人特別辛苦😓 總括嚟講，呢度嘅食物質素平平，但服務非常惡劣而且等候時間過長，亦都提醒嚟食嘅人記得自己睇清楚餐牌，因為侍應唔會理你，唔會提你關於任何優惠😮‍💨 雖然下午茶餐cp值的確高，但絕對唔好叫單點，呢間真係可一不可再。…Read More