TCHO's Profile

尖沙咀要找一間性價比高的茶記，又唔係好多同胞排隊的，都唔太多選擇！這間都試過好多餐，質素都唔差。如果在半島附近要食飯、下午tea一tea 的話，這間都是我不二之選。今次試一個霸王雞飯、另一個鮮茄旦牛肉飯，雞飯味道一般，不過不失，始終都係雪雞！蕃茄旦牛肉飯係即炒的，味道唔錯，牛肉沒有太大的梳打粉。…Read More

已經好多年冇去逸東軒飲茶了，太太見到佢地星期一至五的點心做緊特價推廣。於是book 定枱去試試！因為在酒店的中菜點心，應該質素有一定保證！雖然位於地庫內，但環境都很清雅，枱與枱相隔很遠，空間感唔錯，茶味好香，有小爐火暖著！點了5款點心，蝦餃、帶子燒賣、牛肉球、帶子腸粉、菜苖餃。蝦餃味道很好，帶子燒賣的帶子味道有點怪，又唔係變壞，不過唔係帶子應有的鮮甜！牛肉球有驚喜，似兒時的味道👍，帶子腸粉正常，帶子的品種應不同燒賣那種，大隻啲，味道唔錯，菜苖餃菜很甜蝦又新鮮好味。…Read More

網上見到的食評唔錯，一於中午食飯時間去試下佢！去到門口都幾多人等緊位，不過可能之前的人等咗好耐走了，所以我哋都唔係等得太耐。有午市套餐，我叫了一個胡椒豬肚雞米線，另叫了一個蔥油豬扒飯，凍鴛鴦少甜、凍檸茶走甜！出品都好快，飲品味道唔錯！主要目標是胡椒豬肚雞米線，味道有啲辣，胡椒味很重，好正，同豬肚及雞味道很夾。雞的份量不少，味道都很有雞味，不是一般的雪雞味道！蔥油豬扒都算唔錯，不過當然比不上胡椒豬肚雞的味道！非常好，滿足的一餐，價錢都合理！…Read More

在九龍站圓方偶然見到一間頗有特色的Cafe, 見裝修好清新有特色，原來是一間韓式cafe，價錢又唔係貴，可以一試。本來只想找個地方坐下來飲下嘢，地方清靜舒適最合我心水。點了一個咖啡三步曲、韓式炸雞、烤牛肉紫菜飯卷、香蕉杏仁奶昔。香蕉杏仁奶昔好好味，韓式炸雞炸得剛好，新鮮炸得好香口又有蜜糖，好有韓國口味的小食！烤牛肉紫菜飯卷好清新爽口，咖啡三步曲有三種口味，幾有特色！有驚喜的是伴飲品送的甜品-韓國花煎（有小花裝飾的蓮蓉餡餅-類似中式的豆沙燒餅）好味道👅！…Read More

經過錦上路站，想行去錦田的紅磚屋逛逛。很久都沒有行過這區，經過錦上路站通往錦田的小橋，發現有些新建的店舖，又加上有盛開的簕杜鵑花，非常燦爛。見到有一間「阿豬媽私厨」，一早都有聽閒這間的窰雞頗有名，終於偶然下發現這間食店，可以嘗一下！點了一個套餐，有半隻窰雞，一碟七彩炒米粉，另加了一個燉湯：青㰖燉豬展。燉湯有青㰖的甘甜清香，味道唔錯。窰雞果然美味，雖然是窰烤，但不會乾噌噌，肉汁鮮嫩，愈食愈想吃，，米粉亦不差，炒得干身不油，伴雞吃很夾！不過要加一收費就有點不合理，收費略貴！…Read More

上次晚上去排大隊，所以放棄！今次晚上6點就去，抱著必食的心情，咁早當然冇人啦！潮洲菜館當然必試他們的鹵水啦！點了鹵水鵝、鹵水什錦、蠔仔粥、潮洲筍蝦。鹵水鵝可以，但不是好好、鵝肉夠林，但鹵水味唔夠香！鹵水什錦的料就唔係幾好，生腸、墨魚唔新鮮、無味唔爽，鵝腸、豬耳普通，豆腐都還可以😌！蠔仔粥算是最好味、筍就超級咸，應該係冇出水就直接加味去煮，原全食唔到，我要打包回家自己處理！價錢都好貴，$80元這個質素整體來說這餐非常失望，價錢貴一啲都唔值，唔明點解咁多人追捧！是出名就自然有客人盲目追捧？唔會再來啦！…Read More

去南生圍觀鳥前先到元朗食早點，曾有人介紹這間點心店，見唔使等位就入去試下點心。早上時段有孖寶，叫了兩廛古孖寶，孖寶都有我最好皂十蒸飯，而蒸飯有黃鱔蒸飯又幾特別噃！點了兩個孖寶，8號蝦餃皇、黃鱔蒸飯、蝦腸、鳳爪。蝦餃好味，應該都係招牌點心、蝦腸正常，但腸粉皮唔及之前的陳漢記，鳳爪都正正常常，味道唔錯嘅。黃鱔蒸飯就好失望，飯是淋、比較濕身、鱔唔係好新鮮，配上青黃紅椒的配搭好奇怪😳！黃鱔唔係好新鮮，雖然用濃汁都蓋不住魚腥味！可能都係傳統的蒸飯會安全些！…Read More

其實多次在中午經過這間車仔麵，但都大多人排隊，所以都冇機會試下。這晚路經見冇乜人，有位就入去食番個車仔麵做晚餐啦！叫了一個咖哩5寶麵-48元，另一個招牌8寶麵-58元，下午2:30後88折，價錢都幾底！可以一次過試吃很多種餸。咖哩都幾香，湯汁都幾夠濃味，豬腸唔係幾臭，沒有太多肥膏。豬皮入味，豬紅、雞翼、蘿蔔都正常，魚蛋就麻麻！流心蛋唔錯，最期待的咖哩魷魚🦑就失望！唔夠林，是硬身不是爽口！不過整體而言，以坊間車仔麵的質素比較，是中上水準。不過一個麵唔飽，建議大食的男生要兩個麵才夠呀！…Read More

又去油麻地行街，見到這間素食館的午餐牌都很吸引，價位都合理，門外看到裝修新淨，都有很多食客，於是入去試下！佢有午餐、又有些煲仔菜套餐。叫了一個蓮藕炆腩仔。另再叫了一份八珍豆腐煲套餐，這個套餐包了兩個小食，白飯、例湯。先來了兩個齋湯，味道很清甜濃郁，不輸比老火湯！小食青瓜、麻醬豆腐都很清爽，味道唔錯。午餐的蓮藕炆腩仔，南乳味濃，豬肉是用素肉造出來，都幾特別，不過食肉獸的我就覺得麻麻地，不過間中食下又無乜所謂。八珍豆腐就比較出死，居然都有鑊氣味，味道不錯👍，原來素食都可以濃味的，令我對素食有點改觀！埋單後見到下午茶是照正價6折，可以下次來試下多幾樣嘢！…Read More

已經超過30年無再試過華香雞啦！以為這間店已消失，原來在灣仔是有分店的，所以專程去試下這雞的味道！叫了半隻華香雞、一個清湯腩飯、一個蒸鱔飯，期待的雞有點失望，沒什麼雞味，有點生，牛腩算ok ，但有啲韌，蒸鱔唔係太新鮮！湯冇乜味！整體來講只係一般，唔係好明點解食評是一面倒的好評！…Read More

到黃金海岸行下，天氣很好，風和日麗，最適合到郊外行下。上個月試過這間法國餐廳，今次又來再試試這間餐廳的午餐！這間餐廳的一個最大賣點，是戶外對住海灘的海景茶座，陽光伴著柔和的海風，邊吃美食，又可看看海景，人生樂事！點了三個午餐、焗豬肋骨、三文魚伴綠茶醬意大利飯、海鮮墨魚汁意粉。餐另有包、沙律、餐湯、餐茶。百多元一個餐算合理！今日的餐湯有很重的肉桂味，個人不太喜歡！海鮮墨魚汁意粉的海鮮新鮮，意粉就一般！三文魚煎得很香口，魚皮很脆，綠茶汁很怪，與魚及飯不太夾。豬肋骨味道一般，不突出，整體而言這次食物質素雖好、但味道只普通，但環境加了分！…Read More

去鹿頸、鳳坑、谷埔行完山，因為是閒日，多間士多都沒有開舖，沒有機會試下村郊的特色菜。返回鹿頸，只有BB開心茶座有開店，已過了飯巿，看看時間是2:45pm, 店內都有很多食客，本來沒有什麼期望的，只想醫肚！店面只有一位阿姐負責樓面，落單、收錢、送餐，所以見她忙到團團轉，看來看去餐牌，唯一吸引我的只有鹽焗雞飯，65元比較貴一點，不過想想這是郊外地方，而且又註明是走地雞，貴一點也應該！所以點了一個鹽焗雞飯，果然雞是不錯👍，有雞味，肉質結實，真的是走地雞，沙薑醬調得味道不錯，一碟真是不夠喉，下次一定叫半隻！…Read More

因有事要到上水處理，又正好接近中午食飯時間，所以心思思又去食這個「鳳鳴居」的醉香雞湯麵。今次好好彩，剛剛是1:00pm 可能未到放飯時間，一去到就有位直入去，唔使等位有驚喜！今次又再encore 我最愛的「醉香雞湯米線」、再試了另一個「蔥油雞飯」。醉香雞湯味香、今次的酒味好像濃了少許，不過加上雞湯味仍是我的最愛，雞肉今次就比較冇咁嫩滑好味道！不過這個雞肉只是配角，湯才是主角！葱油雞飯就比下去了，葱油香，雞肉就一般。…Read More

經過馬鞍山Momoku 餐廳，見韓國餐廳居然有早餐食咁奇怪🤔️，又有些肚餓，一於入去試下佢！原來這間餐廳的早餐都有很多選擇，我原本驚韓國餐廳的食物都會是辣辣的，但原來都唔係。早餐是截至11:30，剛好入去是11:24，仍趕得及！我地叫了兩個早餐。一個豬扒香草腸麵+熱咖啡、另一個-雞扒炒蛋扁意粉+熱檸茶。豬扒、雞扒都有醃味，味道唔錯，咖啡是即磨咖啡，整體水準唔錯，選擇多元化，有機會會來試下午餐，我見隔離枱的炒飯好香，都好吸引🤩！…Read More

天氣很熱，又無無聊聊！遊車河到科學園行下，見到最近開了不少新的餐廳。經過「蘇哥清湯腩」餐廳，有下午茶就走入去試下。價錢都唔貴，3x, 4x 都幾多選擇。我同老婆叫了兩個下午茶：清湯腩+熱奶茶 $42鮮蝦雲吞担担麵+熱奶茶 $42奶茶茶味香濃有水準，不過我哋覺得奶多了少許，不過是我本人的喜好，其實都唔差！👍牛腩很瘦，味道唔錯！生麵一般，湯有些咸。雲吞唔錯，蝦肉爽甜，担担麵有驚喜，湯味很濃、味道很出，麵是白麵，沾上湯一起吃很好味！本來我是order 鮮蝦雲吞麵，但來錯了鮮蝦担担麵，即管試下，估唔到又幾好👍！下次會再來試下早餐！…Read More