Kalista L's Profile

今日真係特別凍，好好彩俾我book到最後一張枱，嚟到真係全院滿座，好生意啊一坐低姐姐已經介紹湯底，最後我哋揀咗花膠雞湯。好食嘅嘢包括有牛頸脊同埋同埋脆肉鯇。其他嘢都中上。我哋嗌咗雞腸，響鈴，雞子～最特別係佢仲有好多豬內臟提供 竹蔗茅根水都好大渣，而且冇渣，三個人都夠人飲～ 值得一讚嘅係姐姐好細心咁幫我個外套冚咗一個布袋，等佢唔使整污糟或者吸味，食緊嘢途中佢都有幫我哋撈走火鍋上面嘅泡 ✨呢個名都算係老字號啦，第一次食，我諗我會做回頭客…Read More

星期日嘅晚上懶得出街，就叫咗app食，咁岩睇緊Doctor Strange，梗係要西式嘢食。其實已經開咗10幾個唔同餐廳嘅分頁，但係同朋友都冇取得共識雖然好多人買Pizza嘅外賣，但係我一直覺得Pizza一定要出爐食，新鮮食嘅。因為我諗大家都試過好多次買Pizza返嚟，又凍又唔脆，搞到冇晒食慾。今次PizzaExpress竟然可以顛覆我對連鎖店尤其係薄餅店嘅印象，因為真係出乎意料地好我哋叫嘅係二至三人餐，可以揀兩款主菜，一款小食，同埋一款配菜。app嘅薄餅選擇，冇講到佢嘅配料，所以要自己去睇返究竟每一個薄餅裏邊有啲乜嘢配料。我哋最後叫咗etna 10吋薄餅，配料充足肉比較多，非常好食。而且10吋呢個size啱啱好。因為平時食啲大嘅Pizza，由於個三角太大，個尖尖會垂左落嚟搞到個頭要就番個薄餅食個意粉就非常之抵食，因為仲有半隻雞喺面，隻雞非常tender，而且啲雞油非常香,意粉嘅松露同菇味都好強烈。值得一讚嘅係，包裝都係好穩陣，而且睇得出每一樣菜式都係有用心烹調，而且份量十足，喺連鎖店非常難得經過呢一晚之後，我就覺得喺屋企食Pizza都好，至少可以五指大動後，可以即刻洗手…Read More

本身下午放假，諗住食一個悠長嘅午餐，所以揀咗呢度，諗住嘆吓茶。點知原來係我誤會咗，入到嚟我哋二人被安排坐喺VIP房一張10人長枱嘅一個角落，透明隔板對面仲有兩個唔識嘅人。嗰一刻嘅心情真係唔係太好，因為本身係諗住飲茶咁嘅格局嘅。真係有一刻諗咗走去食其他餐廳，但係唔緊要，試試佢。個Menu嘅午餐其實都好吸引，最後叫咗斑片陳村粉，同埋咕嚕肉小菜，再加椒鹽豆腐。淨係午市套餐有得送湯同飲品，小菜就要另收費用茄飯或者湯。上菜嘅一刻，我對於座位嘅不滿已經完全消除，菜式都非常精緻，陳村粉又滑又彈牙，斑片都肉質唔錯。咕嚕肉買相好靚呀，平時嘴尖嘅朋友都覺得個咕嚕肉好食，外脆內軟，個面仲有少少糖絲咁椒鹽豆腐都做得非常好，如果可以飲酒就好啦。叔叔話，如果要坐樓下嘅卡座，或者二人枱， book位嘅時候就要講埋，而且係先到先得。另外開瓶費佢就話可以買一支free 一支，佢個酒單上邊最平嘅都係$2xx ，有得諗。叔叔有耐性又有禮貌，超讚！平時中菜或者飲茶都至少起碼食個半鐘，但係呢餐只係用咗45分鐘咋，如果午餐時間有限制嘅朋友，真係可以考慮呢度。…Read More

呢間餃子店屹立喺灣仔街市裏面，店面頗大，採用自助形式。之前見到佢哋嘅餃子外賣counter已經開咗，但係堂食就未開。而家終於八月開咗啦，但可能因為新開張嘅關係，午飯時間人流未算係好多，而且菜單上邊好多食物都暫時未有供應。我就揀咗細分嘅齊菜餃子，由於Menu上邊話可以揀口味，我就問姐姐究竟係咪一個乾撈然後側邊有碗湯，姐姐就話係是但揀一樣。佢就提議我都係要湯，辣椒可以喺自助醬料區嗰度攞。雖然我好想試吓蒜蓉或者剁椒乾撈，但係今日落雨濕濕都好想飲碗熱湯。希望餐廳可以考慮一下俾人叫乾撈同時亦都加一碗細湯。餐廳嘅營運好似都未準備得好好，連打印出嚟嘅單都未有，另外見唔到有八達通機。叫完嘢食坐低之後，會有一個服務員攞住碗餃子不停咁樣遊走叫號碼。自助醬料區到嘅芫荽隔咗好耐先補返。味道方面，餃子皮唔算非常之薄，但係都有咬口，餡料其實唔算多，但肉同菜嘅比例適宜。餃子偏向細粒，可以一啖一粒。齊菜都有啲微香，但係唔算10分驚喜，只可以話食到佢嘅新鮮感覺。雖然$45 十粒餃子好似應該好多，但係我食完之後只係覺得有5分飽，其他人應該當佢係輕食。但如果加埋面底同埋嘢飲，就會要成60幾蚊，仲要冇服務，所以午餐來講性價比唔高。比起其他同佢外賣店或者粉面餐廳，未必係其他人嘅首選。希望佢遲啲會整一啲吸引啲嘅麵食小食套餐。…Read More

今日要嚟到北角整少少嘢，見有時間就行過圈搵搵有乜嘢特別嘢食。其實我並唔係太肚餓，所以我要搵啲特別又開胃啲嘢食去刺激一下我嘅食慾。喺書局街附近行咗一圈，大多數都係西餐、越南河、印度菜。終於比我發現咗呢間有唔少人喺出邊買外賣嘅舖頭。我比呢間小店嘅名字吸引住，我最鍾意一啲我未聽過嘅小店。而且價錢都係非常吸引，唔使$50食一碗麵。羊肉扁面個湯底非常惹味，雖然羊肉係偏薄同瘦，但係我認為咁樣先更加有新疆菜嗰種風味，因為喺草原上面嘅羊都應該係運動充足冇乜脂肪。扁面手拉麵都非常之彈牙煙靭，加埋枱面上面嘅黑醋同埋蒜蓉以及係碗裏便嘅芫荽，真係非常之正小店亦都有啤酒提供，而且隔籬枱都會有唉串燒，希望有一日我都可以再同朋友嚟嗌多啲嘢食同飲下青島…Read More

同媽咪行完格仔山睇日落之後，就去返樂富廣場睇吓有乜嘢食。本身係去呢間餐廳隔離間餐廳嘅，但係價位比較高，而且裏便空蕩蕩，所以就比呢間好多人排隊嘅餐廳吸引到。睇到個價錢真係非常之驚訝，原來晚市都仲可以三十幾蚊食到一碗飯。我哋叫咗一個咖喱烏冬，個炸雞真係非常有驚喜，一啲都唔油膩之餘，裏面嘅雞肉都係好嫩滑雖然咖喱湯底唔太濃，但係勝在烏冬煙韌，平時比較挑剔嘅媽媽都讚好，性價比極高。另一個係蕃茄海鮮烏冬，呢一個係有一個鍋，充滿儀式咁，蕃茄味偏自然，海鮮份量都足夠。我哋仲飲咗波子汽水同埋凍檸水。平時慳家同唔係好出街食飯嘅媽媽都讚呢度平過自己煮😜…Read More

終於去到星期五，想要食餐好嘅。為咗方便大家下班，就揀咗呢間成日喺公司附近經過但係又未試過嘅小酒館。聽聞都會有啲同事嚟食吓lunch，所以覺得應該都唔太差。睇咗Menu食物價錢比較貴，紅白酒平均一杯都要$100起跳。餐廳嘅座位都比較迫，我哋二人咁岩安排咗係一啲比較有氣氛高漲嘅客人隔離，所以全程都要擘大喉嚨嚟講嘢。之後都放棄咗繼續傾偈。期間隔籬枱仲要鬧侍應遲上菜。。。食物方面，每樣嘢食都幾極端，好食嘅就算係好食，唔好食嘅真係覺得係大伏.好食嘅有，beef tartare , Choco fondant 可以話係難食嘅係confit duck leg, 本身落單嘅時候我都掙扎究竟叫鴨胸定係呢味菜，侍應同我講佢鍾意呢味菜比較多，我就相信佢。可能近排冇食過啲乜嘢難食嘅嘢，食呢味菜嘅時候我可以話係覺得非常之失望。個鴨肉就好似人哋愛嚟煲湯嘅湯渣一樣咁解。四百幾蚊嘅pigeon foie gras 個酥皮比較薄，層次欠奉。餐酒質素亦都係下欄嘢，其實收百零蚊一杯可以比好少少。同埋本身我嗌果汁，侍應同我講係home made freshly made,點知出到嚟係樽裝（可能你覺得我會唔會咁離地，但係出邊真係會有鮮榨嘅）。埋單係1400百幾，我同朋友都係帶住唔知食咗咩嘅感覺返屋企。唯一可取係侍應態度都好親切。…Read More

朋友喺呢間餐廳舉行聚餐，原來呢間餐廳已經歷史悠久，但係我喺尖沙咀咁耐都唔知有佢嘅存在。我哋一行四人都係第一次嚟，嗌咗一啲好似大家都會食嘅菜式。首先上菜嘅係山東燒雞，雞肉肉質鮮嫩，非常香口。乾煸四季豆就係唔辣嘅，同想像中有啲出入。奶油津白都係比較淡味。炸大腸好有街邊風味。片皮鴨就真係一般般，啲皮個style係比較厚嗰隻，而且唔係出邊食到嗰種蒸籠熱辣辣上嘅皮，啲鴨就皮比較多肉比較少。同埋可能已經係最後先上菜，大家已經比較唔係太肚餓，最後就剩返半碟都冇食。嚟呢度嘅好處就係免收開瓶費，我諗呢一個點都吸引咗唔少嘅人。侍應叔叔都好好同我哋傾偈，先至發現原來我哋叫嘅嘢雖然係signature dish但係就唔係喺佢心目中最好食嘅嘢，下次我一定要試吓佢講嘅羊肉火鍋，椒鹽脊里，唔知乜嘢魚，同埋其他佢suggest 嘅嘢。所以一定有下次呀…Read More

我嚟過呢間餐廳已經多過五次以上，由佢一開張就已經嚟過，咁耐以來我一想食嫩滑嘅雞，我就會揀呢度。我好鍾意佢嘅米線口感適中，唔會太幼但係唔會太林。比起初初開業，佢嘅藥膳湯係冇咁濃，雞件都少咗一件，而家只有三舊雞，同埋雞皮都比較肥。不過雞嘅嫩滑質感就冇變到。而家有推出一人餐，今次就試咗佢個秘製汁木耳，但係老實講有少少失望，可能佢為咗遷就其他人嘅口味，所謂嘅秘製汁係一啲都唔係好似口水汁或者麻辣，只係一個比較淡口味嘅汁。即使我用咗枱上邊嘅辣椒油去補一下個味道但係都唔係我預期中嘅味道。下次可能會叫蘿蔔嘅小食。…Read More

油尖旺大部份嘅餐廳都係十一二點先開，我就特登搵吓邊度有早餐食，原來佐敦呢一帶係有好多新開嘅Cafe。見到啲相呢度最豐富，所以就揀咗呢間。10:30到去到，附近都容易泊車位， Cafe裏便已經坐左好多人，好彩我哋都有位。店員好好咁介紹吓啲嘢食同咖啡，最後我就揀咗佢哋個全日早餐。睇相都見得到，雖然睇落份量唔多，但係食落都好飽㗎。其實佢嘅用了比足心機，最好食除咗係個炒蛋，個香腸都係靚嘢同煎得好好味同埋茄汁豆都係好濃。酸種麵包就可以再濃一點～ 個牛油果就真係超夠份量，半個咁上！ 杯latte 都唔錯，飲咗幾啖個花都keep到，係奶味比較重，下次可能叫啲重口味啲嘅豆呢度多謝店員好好人咁樣這個牛油果公仔俾我影相同玩…Read More

It is very soothing to enjoy my moments at this half way cafe near workplace.there are only few customers at 12:30 and they were all enjoying the noon time on their owni had a nice creamy salmon pasta and a hearty latteservice was good and ambience is relaxingdefinitely will come again for the seasame mountain as suggested by other openrice writers…Read More

今日book咗去食西班牙菜，但係經歷就非常之不愉快。因為我係book 信用卡優惠嘅，咁佢哋淨係俾我睇嗰個Menu，咁當我想攞另外普通平時嗰份Menu嘅時候，個侍應就同我講話我一定要嗌信用卡嗰份Menu，並且唔可以Mix。佢嘅命令式口吻已經令我好唔舒服，安排嘅枱同隔籬枱客人嘅位置，係一個身位嘅距離都冇，非常之擠逼（睇吓相就明），安排嘅座位係喺上層嘅位置，嗰度啲人坐得非常之密，一啲都唔舒適嘅感覺，成餐飯就好似係一間酒吧裏邊食咁樣，一啲氣氛同情調都冇。當我嗌咗第一杯走嘅時候，等咗成15分鐘都未嚟，已經催左單成三次，嗰陣時我嘅朋友已經飲晒佢第一杯酒。喺我朋友話要嗌第二杯嘅時候，等咗好耐之後，有另外一個侍應嚟再問佢要唔要另外一個就杯酒，同佢講咗我哋已經落咗單之後，佢就留低個空嘅杯係我哋個枱面，其實我見到佢放咗喺側邊有成十幾支酒，侍應都有不然去為其他客人喺嗰度斟酒，但係偏偏個侍應就唔肯幫我哋，要特登打單落酒吧攞上嚟。我哋嗌咗個wine pairing,但係每上一道菜就要催佢攞相對應嘅wine俾我哋，其實Wine pairing 唔係你要自動自覺去幫我哋去 pair wine 咩？而且佢一個waitress 話wine pairing 有嘅酒，又同另一人講嘅wine 唔一樣，俾左隻平d嘅，有欺騙之嫌當我哋上個甜品嘅時候，又要催促佢攞杯酒過嚟，杯酒嚟到嘅時候個雪糕都已經溶晒。其實我哋係有消費嘅客人，但係侍應嘅態度就非常之令人卻步，一間西餐廳可以因為要拼埋張枱，要客人食食下搬去另一張枱嘅，我覺得真係好唔要得。最後，成張單17xx 加一肚氣…Read More

今日冇帶現金，只可以揀啲有八達通或者用信用卡嘅餐廳。行咗成10分鐘都未搵到自己想食嘅午餐。終於嚟到大街嘅一間餐廳，餐廳裏裏外外都有好多人應該信得過。餐廳座位數目不多，好多人都要搭枱，我點左一個肉骨茶飯。我細看之下發現大部份人，大概10個人有九個都係點海南雞飯，但係我又見到喺餐牌上邊個肉骨茶飯係有隻手指公讚好嘅，所以就試一下。呀姐好快就送咗個例湯俾我，個湯冇乜味精，幾好飲，我諗佢寫住加老火湯應該濃味啲，但係佢係青青甜甜咁嘅。途中發生個小插曲就係姐姐幫我落錯咗海南雞飯，不過唔緊要啦，應該係因為差不多個個人都係食海南雞飯先會搞錯嘅。我個肉骨茶飯好快就送到黎啦，但係就冇任何嘅醬料搭配。我問姐姐攞醬料，應該係比海南雞人食嗰啲醬料包括有甜豉油同埋辣醬啦，佢可能未食過新加坡嘅肉骨茶啦。當我問佢攞啲醬料嘅時候，佢係有啲詫異咁望住我。出奇地個肉骨茶比我預料中好，其實喺香港食肉骨茶都試過幾次但係次次都失望收場。但係呢度嘅肉骨茶啲湯都有藥膳嘅味道，雖然唔算超濃但係亦都唔油。仲食到幾粒杞子，我覺得呢個手指公係真實嘅。排骨啲肉煮得好琳，肥瘦得宜，同埋啲骨都煮到軟瀨瀨咁係可以咬到嘅。啲豆卜都好食。雖然餐廳座位好迫，我自己一個人嚟都要或者我見其他人兩個人嚟都要同人地搭枱，但係真係冇嗰塊隔板，好似有啲唔衛生。見到人哋叫嘅海南雞湯河粉同埋其他飲品都好吸引，可能我下次都會做回頭客，試埋其他食品，今次食肉骨茶點咗甜豉油同埋海南雞辣醬之後更加有所提升，提一提飯量份量好多，可以嗌小飯～…Read More

雖然屋企住喺附近，但係之前冇為意有呢間小店，只係知道門口位長期都有人龍～之後有一個網紅話佢成日專登揸車嚟工廠區買粢飯食，我先去慕名一試。試過幾次之後先寫呢篇食評，見到其他食評人有啲鍾意有啲唔鍾意。中我今日都係食粢飯同豆漿。小店嘅粢飯有甜味或者鹹味嘅選擇，豆漿亦都有凍熱或者鹹味甜味嘅選擇。之前見過人哋買粢飯會選擇全部加料。我之前食過嘅粢飯喺同一間店都係幾好食嘅。但係今日就唔一樣，啲粢飯好似比較鬆散，材料都比較少。我諗個師傅可能每日都係唔一樣嘅，因此令到食客嘅感覺都有差異。不過整體而言，我鍾意呢間店嘅粢飯比較乾身有咬口，同埋一定係新鮮整嘅。因為佢嘅流量實在太高啦。反而出邊有啲舖頭係整定嘅栥飯，令到啲米可能溶溶地咁唔好食。呢個下午茶好滿意呀，直到夜晚都一直唔使再食嘢，夠飽肚啦。…Read More

因為打兩針疫苗有得免費唱K，所以就去咗Neway嗰度。未食晚飯有啲肚餓，一口氣帶咗好多個佐酒小食，包括有椒鹽豆腐，雞軟骨等等。生蝦~ 普遍, 志在有生野食~  好食嘅有椒鹽豆腐啦，雞軟骨，芝士西蘭花 有一個就係燒魷魚係真係苦嘅食咗1塊之後，我就同左經理講，佢都即刻幫我哋換咗其他食物。我諗嗰個苦味喺我個口腔度都維持左10幾分鐘。飲品方面，因為我有經驗唱K嘅地方啲生啤都係一般般，我朋友唔信且嗌左一杯生啤，發現證實咗我講唱K地方嘅生啤係啤酒溝水嘅理論係正確嘅。最後我哋都係飲咗半打blue girl，我就飲咗一杯去Neway must叫嘅參蜜。…Read More