mx8034's Profile

收工回到大圍, 突然下起傾盆大雨, 自已又想吃個下午茶, 躲於火車站避雨也不是辦法, 唯一選擇是到車站內的大快活用餐吧。下午三時多, 可能外面正下雨關係, 店內客人不多, 我先去購票, 還記得對上一次吃下午茶餐的不愉快經驗, 今次選了一個比較大路的茶餐。迷你餐肉雞蛋公仔麵 及凍綠茶 ($16) 另加配 奶醬脆豬 ($6) 迷你餐蛋麵感覺並不迷你, 餐肉還有兩塊呢, 吃下剛剛好, 奶醬脆豬即叫即制, 熱辣香脆, 非常美味。唯一對此店有意見的是, 店內通往車站內的通道, 由於設有洗手間, 令通道經常彌漫一陣難聞的氣味, 有時候, 坐於店內亦會聞得到, 此情況已出現多時, 希望該店加強清潔, 將惡味辟除。 …Read More

早上到太興燒味餐廳食早餐。今次試了這裡的的人氣早餐, 香滑炒雞蛋配鬆脆多士及火腿米粉, 連冰鎮原味奶茶 ($27)。等了一陣, 食品分別送來, 先來是冰鎮奶茶, 接著是炒蛋跟多士, 最後是米粉, 炒蛋是熱熱辣辣的, 多士才剛剛烘起, 再搽上牛油, 簡直一流啊!! 還有火腿米粉, 吃完剛剛好。這裡服務員工作勤快, 有禮, 地方尚算乾淨企理, 用餐的環境亦相比同區茶餐廳來得舒適, 早餐價格又跟外面的相若, 下次也要來啊!! …Read More

收工後回到大圍積富街找吃的, 奇怪於一條積富街竟然有三間以「大利」命名的茶餐廳, 是否有關係, 我就不大清楚。下午兩時多入到店內, 一坐下, 服務員阿姐已表示是日快餐已售罄, 可以選擇點下午茶餐, 不過我對下午茶餐無興趣, 看看餐牌, 點了一份咖哩牛腩飯 ($31) 及凍檸茶 (飯配飲品優惠價$6)。飯跟咖哩牛腩分開送上, 大量的咖哩汁, 一看已食指大動, 單單用來撈飯已夠飽。而且牛腩尚算腍, 仲有薯仔粒, 算是足料之作。飽餐過後, 又要快快回家, 睡個午覺。 …Read More

星期日晚上, 跟家人到大圍積存街的合發海鮮飯店開餐。傍晚六時多, 店外已人頭湧湧, 慶幸店內仍有坐位, 不用到外面忍受熱氣。甫坐下, 看看餐牌, 點了以下小菜。生炒排骨 $45夠大碟, 夠火喉之作, 酸酸味味, 開胃... 八珍豆腐煲 $48用料大足, 有豆腐, 豬潤, 豬腸, 魷魚, 蝦, 粉腸等... 美味 XO 醬爆鮮魷 $50牆上貼的菜單, 也點了一試, XO 醬夠惹味紅燒頂級乳鴨 $40 本來沒打算點的, 不過見隔離枱點了, 看乳鴨賣相不相, 也點了一隻試試。乳鴨是大鴿, 肉厚皮脆, 剛炸起, 熱熱辣辣上枱。還有連白飯都是大大碗, 絕不欺場。大排檔風味十足, 雖然沒有舒適的裝修, 沒有周到的服務, 但有一流的出品, 這足夠矣。 …Read More

深夜時份返到大圍, 正想搵嘢食, 見到鴻福堂仍然開門營業, 入去睇睇有乜啱心水。先叫腐竹白果蛋花糖水, 再要一份兩個既茶葉蛋及一份燒賣, 全部外賣返屋企。唔係有幫襯, 店員都唔會同我講佢地有「消夜餐」, 糖水加茶葉蛋或燒賣, 只要 $22, 跟平日便宜 $2。腐竹白果糖水夠滋潤, 味道唔錯, 茶葉蛋平時好少食, 加上又肚餓, 三兩啖已經吃完, 由於係外賣回家, 已經凍左, 不過相信熱食時會幾好味既, 燒賣係交來既行貨, 一般般啦。…Read More

終於有時間到新斗記開飯。我們早上十一時半到達, 但門外已有人客在等位, 等了一陣, 知客通知可以入內, 一進店內, 才發現食客不多, 但為何要等位呢?? 原來此店不設搭枱, 故大廳內只見一枱得三數名客人, 個人覺得好浪費空間, 不能善用資源。觀乎大圍區內的酒樓, 如粵軒, 明星 甚至以前的江南美廚, 一樣有搭枱的安排, 這樣可以多做生意, 不好嗎??知客安排我們坐於房間內, 內裡有五張四人枱, 兩張二人枱, 沒多久, 已全部坐滿。看看餐牌, 我們先點了一份午市套餐 A 餐, 有金牌燒鵝1/4 隻, 薑汁炒芥蘭 及 上湯米粉一窩 ($118)。食物很快送來, 金牌燒鵝上枱時仍暖的, 味道不錯, 加上炒芥蘭及米粉, 二人食已很飽。接著我再點了兩款點心, 古法馬拉糕 (小點) 及 香滑牛肉腸粉 (大點)。點心熱辣送上, 馬拉糕香噴噴, 還很鬆軟呢。至於腸粉, 就有點敗筆, 牛肉腸粉本身沒有問題, 問題出於豉油這裡, 侍應誤將喼汁當作豉油淋於腸粉上, 令腸粉變酸, 失望。最後結帳連茶位及加一服務費, 合共 $178。 …Read More

絕少行過積存街一帶, 只知這條街晚市十分熱鬧, 平日則較清靜, 今日要到訪是大圍區唯一一間冰室 - 幸運冰室。聽人說現時的幸運冰室曾裝修過, 所以入到去會覺得似茶餐廳多於舊式冰室。不過地方不是太大, 座位排得較密, 如果是午市來, 可能會無位。我隨便找一張卡座坐下, 看看餐牌, 點了一份常餐: 牛油多士, 火腿奄列, 五香肉丁麵及凍檸檬茶 ($26)。食物好快就送到來, 牛油多士, 剛烘起, 加上溶了的牛油, 十分美味。火腿奄列及五香肉丁麵都是一般貨色, 沒有太多驚喜。此店於早上五時便開門營業, 要吃個特早早餐, 可以考慮這裡。 …Read More

大圍積富街食肆林立, 單係茶餐廳已有五間, 今次要試既係 68 茶餐廳。過左午市時間入內, 店內客人唔多, 侍應推介快餐飯類, 不過我無興趣, 睇左餐牌, 我點了「自選午餐」- 牛油方包, 火腿腸仔炒蛋, 午餐肉公仔麵及凍檸茶 ($30)。 食物質素一般, 算係合格既, 起碼夠快上枱, 唔駛等好耐, 而且夠哂熱辣辣。服務都過得去, 入到去都即係有招呼及安排坐位同落單。飽餐過後, 下次又要試試大圍區內其他茶餐廳啊。 …Read More

今早跟太太到顯徑商場的嘉豪酒家飲早茶。早茶時段, 大廳有不少食客, 大部份都是附近的街坊, 我們入到房間, 才好不客易找到吉枱, 相信是剛離開, 也好, 起碼不用搭枱。侍應亦好快收拾枱面, 開茶。看看點心紙, 剔選了一些點心。 皮蛋瘦肉粥 (優點)這個粥不錯, 不是重味精的, 跟家裡煲的差不多。 小籠包 (優點)一團豬肉餡料, 而且小籠包皮很厚!! 芋絲炸春卷 (小點)同樣是一團豬肉, 很膩, 炸得不香!!潮州煎粉果 (小點)不知為何粉果內配料好咸, 難食!! 香煎蘿蔔糕 (小點)上枱時是凍的, 相信不是即時煎出來, 三塊大小厚度不一的蘿蔔糕,求其的出品 魚肉釀茄瓜 (小點)OK 薑汁雞包仔 (中點)OK原隻鮮蝦腸 (特點)腸粉皮很厚, 吃不到蝦味!! 點心上枱速度算快, 由於高估了自己的食量, 加上點心質素實在一般, 令用餐的心情都打了折扣, 最後枱上的點心還是吃不下, 為免浪費, 唯有打包回家吧。最後結帳八款點心連茶位 (@$6) 合共 $95.5。…Read More

收工回到大圍已是下午五時, 肚子又餓, 正想找些吃的, 四圍走走, 來到積福街的盡頭, 林園甜品粉麵小食店, 此店從未幫襯過, 抱著一試的心態, 來一個下午茶吧。入到店內, 店子不大, 簡單的裝修, 一貫街坊小食店的格局, 看看餐牌, 有多款小食及粉麵, 我只點一碗腐竹雞蛋糖水 ($8), 及兩件蘿蔔糕 ($6)。糖水好快送來, 凍食, 腐竹好滑, 呷一口, 透心涼。蘿蔔糕即叫即煎, 而且還是自家製作呢, 大大塊, 點些辣醬一起食, 十分美味。$14 一個下午茶, 抵食, 以後也要多多幫襯。 …Read More

一大清早起身, 於上班前, 先去吃個早餐。早上六時多, 大圍好多食肆仍未營業, 別無他選之下, 唯有燉燉奶佬吧。進入店內, 客人不多, 看看餐牌, 早餐都是例牌款式, 我點了一份營養早餐, 有鮮油餐包, 炒蛋雞肉腸, 栗米火腿通粉及熱奶茶 ($22)。 沒多久, 食物已陸續送來。餐包是交來的貨色, 沒有意見, 雞肉腸煎得好香, 不過實在太熱氣, 寧願白烚好過。至於栗米火腿通粉, 味精湯底實在受不了。食完一整天都感覺十分口渴。其實幫襯燉奶佬已多時, 對此店的出品已沒有多大的驚喜, 雖然是即時製作, 新鮮熱辣, 但味道只是一般。服務尚可以, 因清早客不多, 加上早班的服務員剛剛上班, 人手充足。至於其他值得推薦的, 就暫時沒有啊。 …Read More

收工後返回大圍, 途經大圍小食時, 見到檔口啱啱炸起釀茄子, 睇落賣相唔錯, 即係行埋檔口買幾件試下。煎釀三寶賣緊六蚊四件, 我要左八件, 有三件釀茄子, 兩件炸雲吞, 兩件炸魚旦, 一件炸蕃薯。茄子啱啱先炸起, 太熱喇, 唔可以即係食, 要攤一陣先得, 炸雲吞就夠哂大件, 炸魚旦蕃薯味道唔錯。攤凍左一陣, 食番啖茄子, 雖然外皮依然好熱, 但好味道啊。其實除左煎釀三寶外, 小食檔仲有油渣麵同章魚小丸子, 留番下次再試過。…Read More

係大圍買完六合彩, 順便行去隔馬會兩間鋪既老表雲吞麵搵食。幫襯左老表都有好幾年, 唯一不足係選擇少, 只得雲吞, 鯪魚球, 墨角丸, 鮮牛肉等可供選擇, 以前仲有牛筋腩, 不過而家已經無再賣咯。 今日我叫左一碗雲吞河 ($13) 及凍豆漿 ($3)。雲吞係自家製作, 用料十足, 仲好大粒添!! 一碗有三粒, 淨食雲吞都飽, 而凍豆漿夠哂甜, 仲係賣 $3 一杯, 超抵呀!! 大部份坐位都係鋪內, 有冷氣, 不過地方較迫硤, 如果遇啱旺場, 就會好擠迫。不過服務方面算可以啦, 阿姐做嘢都好爽手, 咋咋淋又一餐咯.... …Read More

星期日下午於大圍覓食, 行到積德里, 一時興起, 想食白粥炸兩, 立即行快兩步, 走入蔡林粥品店。下午時間, 顧客不多, 店內街坊格局, 摺枱摺櫈, 我坐下, 服務員阿姐已走到我旁邊, 準備落單, 我點了一碗白粥 ($6), 一碟炸兩($7) 及一碟炒麵 ($7), 食品不足一分鐘就全部送到來。白粥很綿, 不是太熱, 好易入口。炸兩是小弟至愛, 這碟也不令我失望, 炸兩皮很薄, 油炸鬼雖然非即時制作, 但依然很脆, 美味。$20 吃得飽飽的午餐, 一點也不貴。而且街坊店永遠有一股人情味, 店員大都摸清熟客的口味, 這都是其他連鎖店找不到的情感。 …Read More

今早起身, 突然不想飲奶茶, 想改飲中國茶, 不過一個人去, 只好幫襯街鋪吧。走到積信街, 這裡有一間通霄營業的食店, 並提供夜茶早茶。一大清早, 幫襯的都是老人家及中年男士居多, 走入店內, 見有位, 一個轉身就攝入去坐, 發現這張枱一共分開六張單, 8 位不同的人一同飲茶, 相信此情此景大酒樓一定無可能出現吧。我要了一壺水仙, 點了雞包仔 (小點 $11) 及鮮蝦腸粉 (腸粉類 $16), 點心好快就送到來。雞包仔包面有點硬, 少許凍, 或許已製作了一段時間吧。而鮮蝦腸粉剛從廚房捧出來, 新鮮熱辣, 美味。結帳連茶位 ($2) 合共 $29。不算貴, 這餐很滿意, 期望未來會多些來幫襯。 …Read More