or#tm67502000的個人專頁

餐廳入面啲佈置好靚，食物都好好食，今次係同朋友慶祝生日，我remark左請餐廳幫手寫生日快樂，估唔到廚房好有心思地幫我地畫左隻Winnie the Pooh!!!朋友勁鐘意，俾到好大既surprise佢！…查看更多

叫左個特價冬瓜盅，冬瓜盅上既時候發現個冬瓜色勁深色（佢係已經深到有啲啡啡地），即時叫樓面幫手換啦，應該係經理職級既人走左過嚟，話之前俾客投訴冬瓜盅太生，所以廚房煲耐左本身都算啦，但後尾發現隔離果枱個冬瓜盅都唔係啡色，仲係白色既，都估到應該唔係真話啦，而且個冬瓜盅肉好柴⋯咁好啦，同執野個樓面講聲，話下次唔好再俾哩啲冬瓜盅啦，樓面話：「哦，係呀，加左醬油」我即時成頭問號⋯一嚟人地枱個冬瓜盅就白色既，二嚟邊個煮冬瓜盅會落醬油呢⋯雖然哩次唔會至於令到我唔再食，但多少有啲失望⋯…查看更多

本身我地5個人去食，落單既時候個樓面話送點心，然後遞左張點心紙俾我地，咁我地就係張點心紙上面揀左個，樓面即刻收左幫我地落左（成張點心紙我地淨係剔左一個點心，而且成程姐姐望住我地寫）食食下佢突然上左個小食（雞翼）俾我地，我地就話我地無剔過，佢地樓面既同事收返碟雞翼之後，佢地既女經理就過左嚟，遞左岩岩提到果張點心紙俾我地睇背面（小食果格係點心紙背面），但我地根本無剔都無留意到原來後面俾人剔左雞翼果格，然後女經理就話「5個人係送小食」，我地已經覺得奇怪，同女經理講「我地食唔到，唔要，同埋你地同事話係送點心」，但女經理同我地講「如果唔要個雞翼，個點心都係會照計錢」所以我地都諗住算啦，照要個雞翼啦咁去到我地就嚟要走果陣，個雞翼都未到，我地其中一個朋友就睇下佢地張傳單啦，發現3-5個人根本係送點心，而唔係佢地女經理所講送小食，咁我地就叫佢地樓面問啦，樓面個姐姐同我地講「經理已經幫你地改左」我地就理所當然咁覺得佢地cancel左個雞翼，幫我地減左一個點心既錢，就走左去俾錢啦俾錢既時候收銀果個同我地講「你地要free小食既話要加返一位茶錢，因為6個人先會free小食」咁我地即時對單，就同佢講話我地無食到個小食，你地同事話已經幫我地cancel，佢地既男經理哩個時候走左過嚟，望住我地同佢地一位樓面同事講「咪佢地個雞翼囉！到左啦」，然後收銀就叫我地同男經理講返咩事啦，結果我地解釋解釋下，個男經理就態度勁差咁講「得啦得啦！幫你地cancel返啦」我地就嬲嬲地，話佢態度差，然後男經理就話「得啦！唔想講呀」重點係我地對舊單既時候，發現雞翼佢地落左兩次，仲要有次雞翼好明顯係佢地後嚟入單既，好難唔令人懷疑佢地根本有心要我地硬食，先呃我地5個人係送小食，最尾我地嘈先肯改單，仲要最尾新單同舊單差左接近100蚊，如果我地唔嘈，係唔係就要我地硬食曬啲野？仲要佢地職員既態度係好似我地做錯咁，哩餐真係貼錢買難受⋯…查看更多