applechuchu's Profile

今晚一個人的晚餐，放工經過附近搵到呢間食評同CP值幾高既小店，諗住支持下。。。晚上大概7pm入座，無人等位，直入被編排到最入的兩人座位置，被告知有機會要搭枱，唔知後面係咪廁所位，勁焗又一陣噏味，坐低左1分鐘，諗住叫嘢食之際，見到前面有兩人走，於是我走上前準備坐低，點知侍應即刻用呼喝態度大聲話出面有人等緊位架！！驚動到附近食客即時望住=.=即時走人無下次!…Read More

大概年幾兩年前去過一間位於中環既摩登中式點心和小菜餐廳，印象唔錯，原來尖沙咀都有分店，等我再試多次先😆.<火焰菠蘿> 😍呢個上菜有驚喜，成個菠蘿燒住上，咁梗係相機食先啦😄一打開香噴噴色澤豐富，菠蘿鮮甜可口，一d都唔酸，牛肉香軟多汁，清新醒胃，果然係必食之選😋.<點來聚聚>個名幾得意，原來呢款菜包括五款特色點心，有墨魚汁餃，芋蓉流沙，柚子蝦餃，酒釀棗糕和賽螃蟹餃😃賣相不錯，不過味道都係預料之內，唔算特出。.<金菇翠苗>呢個金菇炸得幾香脆，翠苗幼嫩香甜，一啖脆脆金菇一啖軟軟翠苗係食得幾滋味😄.<陳皮燉梨>秋意濃濃天氣乾燥，最後嘆返個燉梨，雖然唔係好食到有陳皮味，但甜甜地夠晒潤喉啦😚.整體上幾好，記得第一次試過松露香菇，白玉玉鴿，猛虎咬豬又真係幾好味。呢間餐廳每樣細細碟，人少少又想試多幾款唔同既菜式就最岩啦，環境幾舒服，下次三五之己聚首一堂可以試下呢度啦👍…Read More

今個週末執屋執到攰，趁機同班fd食好西補充返d能量先😆今次呢間來自日本九州新登陸既日式西餐Cafe😍L.D.K. 原來解作 Living, Dining & Kitchen 既意思，體現家既感覺，聽落好似幾適合我個性喎，等我黎試下先😃.<大蝦水菜羅勒忌廉汁意粉> 😍.一打開個menu見到呢款意粉就心心眼啦，原來呢款仲係招牌菜之一。日本文化最重視包裝，一上菜已經被精緻既碗碟吸引住，色彩繽紛，未食已經加分👍羅勒既幽香點綴著忌廉汁意粉，入口creamy，意粉彈牙配埋爽甜既大蝦的確唔錯😋.<博多明太子烏賊忌廉汁意粉> 😍.至於呢款意粉，明太子既味道特出，配合忌廉汁，有意外既驚喜，食完一啖又會忍唔住食多一啖咁啦😆.<汁燒牛肉丼> 😋.的確比一般牛肉飯出衆，牛肉鮮嫩唔會太肥，白飯採用新潟米，香軟彈牙，食到日本既味道💕.整體上好味有驚喜，80%食材由日本引進，如果想食日本西餐，都係唔錯既選擇…Read More

一坐低打開Menu當然係海南雞飯最吸引😍終於唔使經歷一場選擇困難症既折磨就可以下定決心Order了😃Menu寫海南雞飯(油/白飯)我Order既時候叫左油飯，同事Order既時候就無特別specify要油飯，點知最後係每人各一碟油白飯mixed😂👍兩樣都可以試晒太好了，飯有獨特的甘香，幾特別。至於雞都幾夠滑，配搭埋個醬係幾好味😋至於飲品都幾多選擇，特別d有洛神花茶都唔使另外加錢，天氣乾燥所以我就揀左潤喉既熱檸蜜，有好香既蜜糖味，混入鮮榨檸檬汁，酸得黎帶甜，甜得黎帶香，好補充到Vitamin C既感覺😄見到旁邊第二枱既凍飲似乎都製作得幾用心，賣相幾吸引，下次要再試先得，今次要讚一句有誠意，值得一試👍💕…Read More