Beansphere's Profile

呢間居酒屋係觀塘apm，非常之方便係日式居酒屋嘅裝修，仲有好多一格格嘅卡位，私隱度好好一黎就叫支清酒飲住先，平平地又好飲，飲住傾計👍我哋四個人叫咗個特選四人前料理首先嚟咗個豚肉沙律，份量非常多又開胃👍跟住就上咗個四品刺身啲刺身超級新鮮勁甜甜，個人覺得好食過壽司郎個d🤣海膽卷料好足，一啖食一舊好滿足跟住就到今日嘅vip牛舌串嘩個牛舌串勁厚，一咬落去爆曬汁🫨鯛魚野菜石鍋湯煲到奶白色勁鮮甜最後就係一個鐵板蟹肉炒飯作結。炒得好惹味。大家都捧住個肚咁走，超滿足…Read More

朋友係跑馬地收工，就係附近搵下有咩食。喺openrice見到呢間川菜新開就去試下。入到去店員好細心咁講解佢哋呢度有啲咩好食，應該係自己生意，服務超級好，讚讚👍👍酸菜魚份量超級大，估計兩個人嗌咗呢個酸菜魚，再叫一個主食應該會飽到傻咗。入面好多配菜，勁鍾意佢勁多豆芽同埋竹筍嗰啲。魚完全無骨同埋都幾滑，好味🤤紅燒肉佢用嘅肉非常之靚，係肥瘦相間嘅肉👍林得利又唔會太油膩，送飯一流湯餃子食得出係自己包嘅，皮薄，個料又大大👍👍呢間係一間幾有心思既小店，經過都會返黎再食😊…Read More

想玩boardgame 約咗班朋友仔。搵到呢班cafe評分幾高就book咗位。好彩有book位，入到去full哂🤣原來星期一至四重有折，唔記得咗75定85折，好抵！！！Boardgame 種類都多，基本野好似卡坦島都一定齊哂架啦👍唔知玩咩都可以叫老細推介同教埋你玩👍👍重點！！係d野食真係老細每一樣整出黎！之前去d boardgame cafe就咁叮熱d野就算，難食到爆炸。呢間cafe係最好食既boardgame cafe 沒有之一❤️唯一唔好係個入口真心難搵，係個巷仔度🤣…Read More

呢間居酒屋歷史悠久，係我讀中學個時已經係度。又好食又有回憶。八爪魚沙律酸酸甜甜，好惹味，超開胃👍刺身5點盛刺身新鮮，鮮甜，厚厚切，正🤤海鮮天婦羅有蝦，有蓮藕，有魚仔個d，種類多，炸得脆脆😽招牌一遊奄列呢個蛋真係做得好好，又滑又好食❤️串燒好多野選擇，唔係d預制菜，有心思又好食😉番茄海鮮湯上黎個時超級熱，要小心辣口，但好鮮甜，飲啖熱湯個人好舒服。鰻魚石頭燒飯鰻魚已經切成咗一粒粒超方便，有心思，又香又好食👍叫埋幾杯燒酒一齊飲，咁就係一個美好既夜晚🌈…Read More

終於嚟到觀塘好出名食疏乎厘嘅Cafe打卡一坐低就見到隔籬枱嘅吉士焦糖梳乎厘班戟就知道一定要叫，梳乎厘柔軟，配上香甜嘅焦糖，頂層焦糖係脆卜卜真係令人回味無窮。原味梳乎厘加楓糖漿，香味四溢，口感輕盈，就冇吉士焦糖咁滯。主菜都叫左燒西班牙伊比利亞殼飼黑毛豬，肉質鮮嫩，外脆內嫩，配上時令菜嘅清新，加埋蜜糖叉燒汁，味道層次好豐富。明太子醬軟殼蟹意大利粉更係驚喜，軟殼蟹嘅酥脆同醬汁嘅濃郁，口感好豐富。意大利煙燻火腿卡邦尼意大利粉就係經典，煙燻火腿嘅鹹香加上奶油醬，真係誘人。對於四個人嚟講係比較有啲Heavy，建議叫多個沙律叫少個意粉。飲品方面，都幾有特色，海鹽Kiri芝士奶蓋白桃烏龍茶同槙之白宇治抹茶，兩杯都好特別，奶蓋滑滑嘅，茶香味十足，飲落好解渴。鹹檸柚子沙冰，清新嘅沙冰同香濃嘅薯條形成鮮明對比，令整個用餐體驗更加圓滿。…Read More

朋友仔住喺對面樓，佢話成日經過呢間地中海菜出面都排曬隊。咁佢就想自己都試下，帶埋我去食。去到真係要排隊🤣🤣🤣好彩出面有部電視睇下，原來之前個老板有上過電視節目。同埋佢出面都有d位，見到有d人可以帶寵物黎食都幾好👍👍👍首先我哋叫咗個鐵板煎著名中東鹹香芝士。作為starter非常香口開胃👍之後再叫咗個TRIO DIPS PLATTER, 呢個超有得色，個彼得包可以打開，好似一個袋仔咁裝住d醬食👍👍👍最大驚喜係個羊架。佢煎到岩岩好脆邊，但d肉又juicy, 加埋d羊脂肪。即時上腦🤤🤤🤤[IMG:2][IMG:4][IMG:2]…Read More

約咗朋友仔慶祝生日，偷偷地之前帶咗個生日蛋糕喺餐廳度，餐廳員工好好咁幫我拎咗個蛋糕喺雪櫃先。之後就去接個朋友上嚟餐廳。點咗個花雕雞煲半隻。個煲一黎到已經好香，雞係另外生上。店員好好會幫你煮好哂。食得就會通知你👍份量好足！d雞啖啖肉，食完半隻雞已經飽飽地🤣之後叫咗d配菜食，魷魚好抵食。份量超級大，食到最尾都食唔曬。食到咁上下，通知咗店員上蛋糕。佢哋好好咁點埋蠟燭出嚟，再準備好餐具👍鍾意食雞煲或者烤魚嘅嚟慶祝生日都唔錯㗎🎊…Read More

行完大館，喺附近搵嘢食，朋友仔推介咗一間印度菜話上次食過幾正。喺正大館對面嘅大廈就上咗去試。上到去個招牌好醒目，入面裝修都好靚靚。啱哂坐底傾計。叫咗個好似薯片咁既頭盤，有三個醬汁。好開胃👍👍之後叫咗個醬汁蝦球，比較接近中菜。唔洗剝蝦殼，岩哂我呢d懶人，正🤣👍羊肉肉棒好有驚喜，一入口係好多香草既味，最後個羊肉味先衝出黎，非常多層次🤤最後就一個咖哩雞配薄餅作結，香濃咖哩，大大舊雞。用手食，正正👍👍👍…Read More

近排返工唔開心，想搵個地方同朋友仔傾下計。就揀咗朋友推薦嘅呢間餐廳。叫咗一個二人餐，好似有三個前菜，兩個main, 仲有個甜品加兩杯嘢飲。見到隔離枱啲嘢飲好誇張🤣🤣🤣我哋都加錢轉咗signature drinks. 一開頭嚟咗杯back to school。播住啲哈利波特嘅音樂，用支魔法棒一念咒語，就勁大火咁變咗杯cocktail 出黎❤️🥳🥳🥳另外叫咗一杯唔記得咗叫咩名係menu中間既cocktail. 嚟到要用鍊金術合成嗰杯嘢飲🤣🤣🤣有五個步驟要加唔同嘅物質入去攪勻，加加埋埋應該有整咗五分鐘先可以飲嗰杯嘢🤣🤣🤣真正嘅有得食有得玩🤣🤣🤣👍❤️ 同朋友有啲手作仔做下都幾開心😽嘢食就都好好食，不過風頭就畀杯嘢飲搶曬喇🤣黎呢度食嘢一定要嗌signature drinks😎❤️同埋有歌手現場唱歌👍…Read More

之前有朋友帶過嚟食過，對呢個即炸紫菜芝士響鈴念念不忘。所以今次有朋友帶我喺沙田附近整車，我就二話不說推介佢過嚟試下呢間雞煲。唔使講嚟到呢度一定要叫返個招牌雞煲先。嗰個辣醬未到啱啱好唔會太鹹，個煲一上到黎，個店員仲會加一啲酒去爆香啲雞👍👍👍雞肉嫩滑啱啱好。我有小小心得分享😎建議較到最細火或者熄咗個火，食曬啲雞先。以免啲雞煮都好嚡😎食完雞就可以叫店員加湯。一定要叫店員唔好加咁多。個水量剛剛好可以覆過曬啲配料就可以。保障返個湯係好濃嘅味道😎…Read More

呢間舖頭個位置幾好，喺擺花街嗰個商業大廈嘅2樓。樓梯一轉上去第一間舖頭就係。旺中帶靜，非常適合傾計👍入到去職員（覺得應該係老細🤣）會推介唔同嘅清酒，同埋好詳細咁介紹清酒，同埋點解佢會入呢個貨👍我本身係零認識嘅，都好似上咗堂書咁🤣有分嗰啲精米步吖，制作方法吖，產地呀，原來對個酒嘅味道都好大影響。嗰度有串燒，同埋一啲小食。重點係有隻超大嘅熊啤啤，可以攬住嚟傾計🤣完全係隱世勁啱傾計既小店！！！…Read More

有朋友仔強烈推介呢間係中環嘅黎巴嫩餐廳。咁黎巴嫩菜又真係未試過就想去睇下。佢個位置係喺蘭桂坊行上去嗰條橫街嗰度，係一座舊舊地嘅大廈入面嘅二樓。一上到去二樓出門口就見到啲裝修非常之靚😱充滿完滿滿嘅黎巴嫩風格裝修。前菜叫咗個混合冷盤拼盤，畀咗三隻著再配一啲類似薄餅嘅麵包一齊食。我個人覺得cheese嗰隻最正。估唔到黎巴嫰係好多羊肉嘅菜式，我哋叫咗個慢烤羊腿同埋羊肉飯都好正。最最最估唔到嘅係食食下飯突然之間成個場暗咗。以為係有人慶祝生日啦~原來係有黎巴嫩嘅舞蹈表演睇👍👍👍氣氛非常之好，仲有食客出去一齊跳🤣我自己怕醜就冇出到去🐱嘢食ok又有表演睇又可以一齊玩，正👍🤪…Read More

一去到間餐廳簡直入係震撼咗我！！！望住條將軍澳橋既海景勁靚。個橋既顏色重要轉黎轉去非常之寫意。👍👍👍見到咁既靚景就一於決定坐出面啦🤣不過無幾耐就後悔🫣🫣🫣因為出面無冷氣既，下次夏天都係坐返入面🫣入面其實都望到個景既。隔離有d人帶埋d狗仔過黎一齊食都幾chill。野食黎講，正過出面個d包點師父架啦。我個人覺得比起添好運重好食小小。添好運做大咗之後就係失色咗好多。d點心普遍三十四十蚊都幾抵食。呢個景係值得再黎食既！👍…Read More

啱啱去完旅行，咁就約咗個朋友畀手信佢。㨂咗間中菜叫做香馥樓係銅鑼灣廣場二期6樓。 係銅鑼灣c出口一行上嚟就見到，勁方便👍上到去見到啲裝修勁新！低環境好舒服。叫咗個咕嚕鳳梨黑毛豬肉。想碟嗰陣時煙霧瀰漫，仙氣重重，打卡一流。啲豬肉係勁juice勁有咬口，個咕嚕皮脆，啲汁直頭係拉絲咁，好味😍芥末墨魚仔，個皮好脆，墨魚仔係一片片勁有咬口😜紫砂功夫燉湯就勁有特色。入面係啲菇類菌類，再有瘦肉同埋雞喺入面。飲落有淡淡嘅清香。暖暖胃勁舒服。最後叫咗隻鹽焗乳鴿，做緊優惠68蚊一隻勁優惠。個味教得啱啱好，食完一啖之後完全停唔到直接食曬😚😚…Read More

同朋友慶祝生日佢揀咗間靚靚餐廳。咁就同佢一齊去中環食飯。一上到去已經畀佢個門面震撼到😱有個類似石咁嘅嘢喺度轉轉下，打卡一流。入到去已經見到好多人喺出面開緊party。咁我哋就坐低揀咗啲嘢食。其中入面有個頭盤AKAGAI，個ark shell clam超級鮮甜。同朋友仔一致認為仲好食嗰啲刺身店🤤👍👍另外不得不提到佢個charcoal grilled eel! 個個鰻魚整好之後上咗枱，真係攞嚿熱到紅嘅炭，喺你面前再煎一煎條鰻魚。簡直係整到成個場都香噴噴🤣🤣最後嗰嚿A4和牛三文治極度邪惡。考一啖即刻上腦，個人好似震撼到wing一wing咁😍勁好味。環境好嘢食又好食之後有咩慶祝都會再上嚟❤️…Read More