i人獨食日記's Profile

官也街附近，行到攰去食葡國菜做晚餐，入面有2層，葡國花磚裝飾，溫馨氛圍有點像外國小酒館，適合食飯喝點小酒談天說地的餐廳🍺🥗章魚沙拉滿滿的章魚粒，份量很足，海鮮味充滿口腔，章魚彈牙唔韌，用上橄欖油、醋等調味，味道清新開胃，加入洋蔥粒同和香菜增添菜式香氣，作為開胃菜很適合了酸爽的口感。🐔葡式烤雞經典葡式烤雞多帶點辣，餐廳貼心將醬汁分開，可以依自己口味調整辣度，烤雞醃得咸香但唔會太重口味，外皮香脆，雞肉依然保持肉汁嫩滑配撘啤酒享用太爽了🍻…Read More

朋友話帶我去唐吉柯德，心諗香港都有啦，行到門口先知係葡國菜同西班牙菜都有得食既餐廳，幾特別喎😯原來朋友已經食過，覺得幾特別就帶我黎，對比傳統葡國餐廳，哩到裝修似西班牙文feel多啲，尤其個拱門，直頭係西班牙旅遊節目見到既餐廳咁，環境空間感大，大班人食飯都適合✨🥔馬介休球經典菜式，外層金黃酥脆，內裡柔軟，鹹鱈魚的魚香沒有被醃製後蓋過，反而增添咸鮮風味，很香口🦀黑胡椒炒蟹蟹肉新鮮鮮甜，拆蟹肉後蟹肉份量都足夠，沾上惹味香辣的黑胡椒，係送飯首選🎃南瓜濃湯足料濃郁的南瓜湯，帶點點南瓜蓉的感覺保持口感，天然甜味同忌廉的互相配合得好好🌊西班牙海鮮飯西班牙餐廳不能錯過海鮮飯吧，米飯保留了飯粒口感，吸收了海鮮的精華，海鮮亦夠新鮮，肉夠大粒，整體口感豐富而均衡，調味適中…Read More

一睇門口就知係食葡國菜，一search原來係新開，酒紅色裝修加埋畫作裝飾，椅子有種貴族坐既感覺，氣氛有種去左歐洲餐廳感覺😂🌊經典西式海鮮燉飯份量叫足料，海鮮煮得唔錯唔會過熟，魷魚同蝦幾彈牙，海鮮味濃郁，米飯有咬口🐮頂級肉眼扒配香烤大蒜及手工地瓜脆條有牛香，唔會好韌易咬，地瓜脆條幾中我口味，脆中帶甜可以同牛扒互換口味🐖葡式烤乳豬去到澳門就想食乳豬😂上枱就聞到香味，卜卜脆幾正，乳豬肉唔會太咸🐙章魚沙拉大大粒章魚，加埋蔬菜爽脆口感幾清新開胃…Read More

鐘意係氹仔舊城區街拍，每條小巷同餐廳都好有特色，今次被哩間藍白外觀的餐廳吸引，裡面裝修有葡國磚好有feel，環境乾淨舒服，行得耐補充下體力唔錯🐚白酒炒蜆肉份量幾多，上枱仲好熱，微酒香，吸晒汁幾鮮甜🦞龍蝦濃湯經典既味道，似用左好多龍蝦去烹調，濃而不膩🍚葡式海鮮飯隨便影都好吸引🤩鋪滿晒海鮮既海鮮飯，飯索晒海鮮既汁之餘軟硬適中，海鮮味爆發叫左2杯清爽檸檬飲品，夏天幾岩飲，幾解渴🍋同朋友過一個chill澳門遊可以考慮…Read More

食過好多次，標榜無味精同有得飲台飲係路德圍人氣店，小店位置唔多，不過啲人都快黎快去唔使點等位，小店隔局，不過都乾淨，特別係餐具，講下我推介食咩小食：台式炸豆腐，皮薄豆腐滑，個甜醬汁加左豆辦醬(我估)幾惹味椒鹽雞中翼：有小小似土匪雞翼，小辣但無咁濃味脆炸墨魚卷：之前食過炸得幾好同彈牙小食類普遍炸得幾好車仔麵餸：甜酸齋，香茅豬扒，瑞士雞翼，豬紅，蘿蔔我都比較推介，鐘意佢部分係自己，個汁都係自己調教，而家咁多預製菜，仲肯花心機去整食物實在難得…Read More

地方好大但weekend lunch都係得幾枱客人，不過幾舒服，但網絡就收得唔係幾好😂Lunch:黑醋牛肉炒意大利粉應該即炒，睇片見到出晒煙，個汁味道唔錯，微酸唔會好似茄汁咁搶，要提個牛肉粒，口感好軟腍，原出唔expect會有哩個質素，又唔似係soda粉整到咁，意粉軟硬適中餐湯同凍飲都係預想中既味道，正常無咩特別，星期六日公眾假期會收加一…Read More

荃新天地對面，泰國人開開咗好耐，食過下午茶幾抵食，入面有泰國裝飾既街坊店🥭芒果糯米飯：推薦！優惠價$38份量都多，2個人食都夠，糯米同紫米都煮得好食，配埋椰漿岩岩好，芒果唔會太甜🐔串燒（叫左雞同牛）：一個人食唔到咁多，叫左2串，個串燒醬微辣幾好食，配雞幾夾，串燒肉都幾厚同唔韌，幾好咬🦈紅燒泰式魚翅：優惠價$88，分開左芽菜香菜同豬皮幾貼心，不過翅湯入面都有小小芫茜，主要有翅同冬菇，上枱熱辣辣，偏濃味🍜遊船河：河粉偏幼，有豬肉片，豬肉丸，豬皮，湯底濃郁，正正常常價錢相宜，一班朋友食飯叫多D飲酒傾計都唔肉赤…Read More

海之戀商場3樓平時都好少人，哩間西餐Cafe位置極唔顯眼，轉彎再入先見到，未到7點已經有客已經有人飲緊酒好chill🤣仲有露天位置吹下風幾好，真係幾隱世Dinner Set:🦞忌廉龍蝦蝦肉湯: 有驚喜幾濃郁，飲到鮮味，忌廉令湯變得滑啲，有加分🍝香煎帶子海鮮龍蝦汁扁意粉：有蝦，青口，帶子，帶子幾好食，煎到類似半熟，口感柔軟，龍蝦汁夠多，扁意粉掛到汁，份量足夠🍰WM自家精選蛋糕：藍莓芝士蛋糕，唔太甜，口感柔滑唔漏，如果經過附近想坐下食件cake係幾好🍹凍百香果茶：就係台式飲品果種Overall OK，地方幾大，想同朋友傾下偈唔想太趕哩度應該岩…Read More

分左2間舖，一間食小菜，細D果間食粉麵，2個後生泰國男女主理，晚飯時間都係街坊look客人😆特色遊船河好濃郁的湯頭，有泰國多層次的味道，後勁帶點甜，唔會好重味精味豬潤有小小過熟豬皮同肉片同丸正正常常夜晚食飲品要加$20真係太貴無叫到，食個粉都OK…Read More

得閒就會黎食，小店充滿日本🇯🇵氣氛，音樂有活力，日式牆身同掛左影相好打卡既燈籠🏮，地面果層係吧枱位，望住開放式廚房，仲有上層位置自選天婦羅定食✨叫左 冷蕎麥麵，廣島蠔，黑虎蝦，紫菜蝦膠，冬菇多數會叫冷蕎麥麵🍜，麵質彈牙，配埋冰涼微咸既湯同熱辣辣幾正🔥天婦羅炸物整炸幾香口，炸衣唔會太厚，好似冬菇睇得出薄薄地，菇夠厚肉有小小juicy唔錯🍄‍🟫廣島蠔，黑虎蝦質素唔錯，新鮮無雪藏味，蝦真係好彈牙，建議必點🌟紫菜蝦膠雙重口感，脆得黎夠彈牙🪿煎鵝肝配蘋果邪惡得黎又清新，清甜蘋果中和左鵝肝油脂感，鵝肝夠香口，幾夾快D開分店就好，唔使次次晚市都要排隊🤣…Read More

之前見過人介紹，走港式懷舊茶記風格，見到真係幾迫，除左小量面向街同卡位，其餘中間位置都係一排長枱，好似電影入面監獄飯堂咁，真係好迫呀尖L手撕雞全餐 (250g雞肉淨食) $48係出面食蛋白質食物其實幾貴，上枱真係幾大份好似幾足料，有一格放醬唔怕過咸，有麻辣/蔥油汁，蔥油汁都幾咸雞肉唔油，食落好似幾健康，大舊D既雞就有D韌，不過 overall都ok，都係為左蛋白質同埋$48就唔要求咁多跟餐免費熱飲，揀左柚子蜜，都幾多柚子蜜連一片檸檬，都幾甜…Read More

諗住食生日飯所以預約定，事先問定叫甜品有無得裝飾or生日牌之類，餐廳話有，係預約都寫明左係慶祝生日叫左2人set，加埋飲品2個人都9百幾蚊，完全唔值個炸豆腐咸到完全食唔到刺身個樣已經唔靚，仲要薄，帶子個厚度好似一粒一開二咁太卷個牛肉勁乾，啲飯都係串燒都係好乾鰻魚炒飯上台係暖唔係熱，係似漏單擺左係到一段時間咁，仲有個飯完全唔似炒飯，係濕潤的，似risotto多啲重點係已經加錢叫鯛魚燒，上枱完全無裝飾，鯛魚燒個皮又凍又厚真係唔OK，定係suppose我要黎到現場再講？ 咁我填慶祝生日做乜？如果想黎慶祝生日要諗清楚…Read More

行過終於買左，麵包店環境好大幾闊落，入去係啲一口蛋糕，好精緻但要$72蚊粒 （真係一口size）, 定價好似幾進取行入啲有麵包同蛋撻，價錢2-3x蚊，普通花花蛋撻$16蚊，而家高級餅店黎講算”正常”價蛋撻好味，個人認為比隔幾條街果間更酥脆，蛋係葡撻果種蛋漿，唔係太甜有蛋香，會再買，舖頭仲有得買咖啡，價錢都係尖沙咀價蛋撻麵包可以買得過…Read More

荃灣開左好耐既串燒店，夜晚都好多人食，環境幾乾淨，坐2人枱都唔算迫叫左酸辣粉，叫左小辣，個湯味稀到好似水咁，得d色，雞肉都好似白恰，完全無味，腐竹就當然都係無調味，完全唔值得食雞皮正正常常，唔會好脆，不過小油牛舌係暖的唔熱，味道一般無乜要求為填飽肚就ok…Read More

去戲曲中心睇show點知落雨，就揀mos burger食，哩到全自動點餐，無人做收銀，仲有飯可以食，不過連地下都好似無人掃，有紙巾係地下都無人清理試左期間限定白色摩師漢堡，白色醬係用4種芝士溝埋，都幾有芝士味，食落無咁乾但薯條應該擺左段時間，已經凍左同唔脆，係另一間分店係熱同脆好食啲叫左芒果紅茶，明明無叫走冰都走左冰，好在唔係好甜…Read More