sisisssisi's Profile

同屋企人行完山搵間野食下咁好求其去呢間魚缸係吉嘅水都冇滴而隔離兩檔魚缸係有海鮮比大家睇睇個餐牌先👇🏼我地叫咗「三人共聚」，可以選5款海鮮我地揀咗：白灼海生蝦芝士焗龍蝦（伊面底）椒鹽瀨尿蝦蒜茸粉絲蒸元貝（每位一隻）香蒜椒鹽游水墨魚———————————-白灼海生蝦叫完之後店員話叫緊d蝦，所以呢款係最後先上嘅餸咁黎到之後食落，蝦冇鮮味，肉質又唔彈啦食落感覺唔係平時自買新鮮，識彈跳蝦嘅感覺，咁死蝦黎講佢都唔過份嘅我見店舖係有同船家合作嘅，個日佢魚缸又冇開，估計應該係要係船家到買先有靚野芝士焗龍蝦（伊面底）都係死龍蝦啦，隻龍蝦都唔臭嘅，冇咩味但係芝士有少少臭，同埋係溶唔到嘅衰過樓下食個50蚊一碟芝士乜乜出番去d酒樓食都好食過佢伊麵沾住d汁都冇咩味咁椒鹽瀨尿蝦咁食材本身都係冇咩味啦中間食落有一半都有膏嘅我覺得份量唔係咁抵蒜茸粉絲蒸元貝（每位一隻）成餐飯最好食個樣野係呢到！就係粉絲！！我第一啖食落去，粉絲口感剛好！夾起唔會散，入口順滑蒜味同醬油嘅味道配合得天衣無縫大家要食嘅話一定要試下粉絲至元貝，都係同其他海鮮一樣香蒜椒鹽游水墨魚炸得唔夠香，點埋個汁都係唔係好識欣賞墨魚口感軟淋呢個純粹個人口味問題跟餐嘅菜最後每人仲有兩舊橙，不過冇影仲有佢一開始有碟花生放咗係枱都有影個餐$540，最後埋單$550本身都想算，海鮮唔鮮，不過都算係咁，係自己唔夠清醒個伊麵我真係覺得嬲嬲地，芝士唔溶，個伊麵掛汁又冇咩味個人接受唔到咁樣嘅伊麵如果想真係確保到海鮮嘅新鮮度，魚缸有野嘅時候去食先係最好坐之前要睇清楚先，想食到鮮甜海鮮嘅真係好失望…Read More

夜晚帶屋企人去食Walk-in 去個場有6-7枱人其實佢全部野食都好好食，不過個價錢一般人係覺得貴嘅。呢個燴飯好濃味，龍蝦汁個飯係意大利飯嘅口感，個份量係少嘅。可能會有人覺得唔抵啦，但係我就覺得好抵，因為真係好食個炸雞炸得好香脆，炸嘅時間拿捏得好好，又係好夠味呢個跟糖漿，唔落係冇特別，唔吸引。但一落真係好食好多多，成個感覺唔同晒。呢到d廚真係好勁，平時出去有d跟埋嘅野唔落好過落，或者係根本冇必要落。呢個唔係，呢個係比得係就真係有意義。野飲緊係好飲呢到加埋食咗好似$376左右，唔肯定，不過400蚊有找。佢d野食味道真係一流，落足調味，好勁。好難得小店可以將個味道整到咁平均，一行3人，3個人都覺得好好食。絕對唔係因為一家人嘅口味一樣。對於一般打工仔黎講都真係貴嘅，有野慶祝我建議可以去試下嘅。…Read More

星期日食午市，佢係平價日式放題，比出黎嘅質素好對得住個價錢。我地一行4位，日式放題，加錢升級。升級生蠔，係唔好食嘅不過咁平升級真係唔好諗咁美好，想食靚靚生蠔嘅，出去間好嘅食啦～佢呢個唔可能就咁整檸檬就食呢個我本身唔鍾意海膽個口感味道，呢個可以。有叫手卷嘅，食到最底得舊飯，可以拎呢d海膽刺身啦，d蝦冇味:(馬刀貝好好食好香，好脆，好邪惡，好好食！中年老豆老母都係咁覺得炸蝦餅好食，其他都麻麻升級啤酒，大大杯，任飲。佢其他任飲飲品來貨牌子，係大陸野，康師傅啊個d呢個我見到好難揀得落，有冇得搞搞...入多少少泰國野，其他東南亞產地，平平地都好過....啦佢仲有泰式野都好好食，我地有食鳳爪，好夠味。我覺得佢d熟食真係唔差，包住食熟食嘅心態去會好d，唔好幻想咁多呢個價錢嘅生野會靚到去邊，佢只會比番應有嘅質素出黎。差少少漏咗甜品...甜品櫃嘅款得好少，雪榚櫃d雪榚屋企人食覺得麻麻地...我食榴連雪條，幾好食。服務係ok的，男經理好明顯就係主持人…Read More