rainbow008's Profile

尋日同朋友响上環食完飯講開中環有間froyo新開仲營業到12點於是決定上去會一會佢由山腳行到上山腰都行左差不多15分鐘鋪頭新開又加上星期一人流唔算多我叫左個黃金寶$58 (芒果, mochi, 杏仁脆片, 蜜糖）朋友就自選2個toppings+1隻sauce $48店家俾料都俾得幾大方不過最好笑係啲店員亂做單朋友要荔枝玫瑰醬, 店員就俾蜜糖下一位客人要brownie, 店員就俾blueberry其實佢地有無打單既呢？又有無跟單做？定純粹靠記憶？多幾個客唔知兩位店員點記呢？有時唔係漏左再extra俾番人人地就收貨都要睇個客啱唔啱食同埋啲配料夾唔夾架嘛…Read More

睇到有人寫話唔貴/CP值高/最好食既牛肉麵/舒適？？？我真係成頭問號⋯⋯Lunchtime 去叫左一碗半筋半肉麵，加杯仙草奶茶$106比起我平日响中環食鐵牛已經貴一截到店員print番張單俾我，先見到仲要收加一▶️自助點餐▶️茶/水欠奉▶️請到櫃檯埋單請問收多$11就係俾店員捧出個麵出嚟？咁我建議你搞埋▶️自助取餐樓下有人寫係food court, 都形容得幾好因為我覺得係坐緊（室內）路邊攤食物方面：🧋標榜「百年鐵觀音奶茶」茶味淡到一個點🍜牛肉三片正常水準，牛筋唔夠入味，麵同湯都合格，最好食係嗰兩舊紅蘿蔔後話：隔離檯同胞，三大三小走左單都無人留意過咗成十分鐘先聽到店員A問店員B檯客找左數未呢件事證明左呢間餐廳幾有服務連咁多個人走左都無人知餐廳當然有定價自由，但值唔值呢個價又係另一回事Btw, 因為我望到正廚房，仲見到有人叫飯餐碟扒係叮完先拎出嚟，咁應該係一早炸好晒再翻熱以過百蚊一個lunch set 嚟講，我就接受唔到喇…Read More

第一次去唔知叫咩好問店員有咩推介佢會先了解你想飲果茶定奶茶唔會hea你求其噏問佢可唔可以少冰少甜佢建議呢杯微甜都夠甜唔錯唔錯，桃味茶味都有仲有椰果咬下大熱天時都幾消暑同埋想講隻杯點解靚到咁絕對可以留起重用…Read More

今次完全係俾d正評呃晒我expect係一個high quality brunch屋企人話連大喜屋都比唔上首先一坐低話要杯茶都要$10/位你收緊$548/位連茶都唔包真係極小家佢既玩法係menu所有嘢都嚟一round基本上佢嚟完一round你已經飽飽濟濟無戰鬥力再re-order😑前菜 - 正常，但「鱈長蟹腳沙律」唔知點解會係一碌蟹柳蔥卷，勁難食🙄刺身 - 師傅刀工一流，刺身全薄切，魚類刺身係正常日本餐廳1/2 到1/3咁大片倒啦，北海道帶子都片開左一半。最回本應該只有牡丹蝦😑卷物 - 無邊隻特別好味，感覺係用一堆飯質飽人🤮炸物 - 芝麻雞翼炸到油淋淋，見倒都唔想食。炸蝦完全無味，唔點沙律醬連咸味都欠奉😑串燒 - 推介黑豚肉腸，食落同金妹牌迷你芝士腸無異食左成餐，想搵碟菜/沙律/串燒冬菇之類消下濟都無🙄Ending既甜品都幾hea, 一定唔係日本哈蜜瓜+西瓜+火龍果+綠茶麻糬+mini芝麻大福+咖啡味卷蛋，質素係大x屋放响甜品櫃任食嗰種質素總結係唔值+失望+唔會再幫襯…Read More

星期四訂蛋糕星期五要拎（寫埋字），原來都唔係間間做倒。唔想幫襯美心集團，問左幾間得Nina Patisserie話做倒。一磅蛋糕要$338絕對唔係平，自己衰last minute先訂都要照訂啦😛打開盒第一感覺係：蛋糕好靚，但手字好核突🥲完全破壞晒整體美感，建議搵個寫字靚d既師傅寫，一係學聖安娜印出黎會好d囉。但我見雪櫃有其他預先寫定既Happy Birthday牌d字又ok靚🤷🏻‍♀️講番個榛子朱古力車厘子慕絲蛋糕，我覺得朱古力濃度有60-70%，唔會好甜，好好食，第一次連圍住蛋糕既朱古力片都隊晒😂蛋糕外圍同面層都係朱古力mousse, 正常好食。下層係朱古力蛋糕，夾雜左榛子果仁令口感更豐富，蛋糕中間有層薄薄既cream搽左薄薄既車厘子醬，唔會藥水味，酸酸地平衡番mousse既甜，非常之夾👍🏻平時好少寫食評，見無乜人寫就俾大都參考下外型：9/10味道：9/10朱古力牌：2/10服務：8/10…Read More

星期四特登由中環落去買茶首先問女店員有無OpenRice pay佢話只可以order唔可以齋payOk, 咁叫左杯烏龍 & 十月殤花叫no.一睇，點解杯底係奇異籽男店員：「係呀，我地無桃膠」勁嬲買既時候又唔講，又無貼告示通知人你估人人都食奇異籽架！？我一心想飲桃膠茶營養師話奇異籽count脂肪，桃膠係count澱粉質真心唔想食奇異籽囉我雖然默默拎左杯茶，但真係好失望，有被騙既感覺去茶餐廳無餐肉都會問你要餐肉定火腿啦你可唔可以俾人揀走配料呀要啫喱得唔得呀已經唔係第一次，上次買杯白雪薰飛（微甜）番到公司一飲，齋烏龍茶味Whatsapp問番，店員話係淡d問我攪勻未攪到反轉都無白桃同薰衣草味囉早知慳番$6⋯⋯以後過海去尖沙咀都唔會再幫襯灣仔店！…Read More

我睇番人地post 8月個menu一杯flat white係$40, 未夠一個月已悄悄加到$42。咖啡不是特別好飲，奶味好騷，太霸道蓋過晒咖啡既味道。蛋糕平均都$5x一件，我响Hysan誠品食過個士多啤梨撻都係普通貨色，而家索價$78真係有少少嚇親🙈 注意番係「日式士多啤梨撻」唔係「日本士多啤梨」撻喎⋯⋯開响中環就以為可以賣中環價⋯⋯齋講咖啡中環都有大把選擇，Blue Bottle、%、Artisan都好好飲，除咗環境適合打卡呃like，真正咖啡精應該唔會選擇呢間cafe。…Read More

Weekday放假想搵間cafe hea下，去咗大坑Second Sxx 遇著個勁無禮嘅店員，搞到一肚氣，於是就上app是但book咗間cafe。店面細細坐滿晒，當時得一個男店員，我叫咗杯latte & 炸雞waffle，等咗陣latte先到，大係大杯，但無哩咖啡味，過左半小時餓到打鼓，杯咖啡都飲完先同我講話無晒牛油果醬，重新整要等好耐（我真係唔明整個醬要幾耐），遊說我叫第二樣，咁我又想食waffle又想食雞咁點好？咪叫雞翼，再叫多份Oreo waffle囉（肥到極致之組合）⋯⋯等咗幾分鐘，另一個女店員先上waffle，外型就夠晒呃like喇，但食落好似成口沙咁，一粒粒糖根本唔溶，有D仲大粒到可以lun番出嚟，真係要俾個你！咁簡單既waffle都可以整到咁，咖啡又唔好飲，咁嘅 cafe就算有折我都唔會再幫襯唯一OK係碟雞翼，唔點sauce都夠晒味。…Read More

以前鍾意去旺記食豬潤通，樓下冰室開咗之後就徹底變咗心lu~佢個蕃茄湯底真係正，食完又唔會口渴，相信真係無落味精。相比起勝香園、華嫂、旺記個蕃茄湯，真心覺得呢個係最好，其他都偏稀或偏酸。平時weekend 3、4點去一定叫瑞士雞脾+蕃茄通。今次去食早餐估唔到都勁旺場，全場爆滿。蕃茄湯底Keep住一貫水準，無令我失望，不過$43食個早餐算係偏貴。通粉好似唔駛錢咁，多到食唔晒⋯⋯下次走埋厚多士唔好浪費😛…Read More

睇飲食雜誌而黎，深感中伏茄湯唔熱，牛肉唔熟Pink到忍唔住問侍應哥哥：你d野唔多熟喎哥哥話：我地呢度係7成熟原來茶記都興serve medium well? 恕我孤陋寡聞😒哥哥西西地面話換過一兜茄通俾我我話唔要，要腿通，點知你會唔會又唔熟佢話唔得……ok fine……但最後上檯係一兜正常熱既腿通同場加影其他食客食剩既圖片，證明唔係得我一個覺得呢間野以後都唔駛再黎😑 #唔熱唔熟咩藍帶廚師 #碟頭飯係輕食份量 #大家留意番 #人龍好快會消失 #年輕店員不及茶記阿姐 #又唔醒又無禮貌食到一肚氣 #背對背親密座位 #食餐飯要起幾次身唔該晒…Read More

尋日through table map book左檯同媽媽慶生有email再re-confirm已經好surprise仲話如果係special occassion記得通知佢地咁我梗唔輸蝕叫佢幫手响甜品碟寫番句happy birthday逐樣講下啦：環境：裝潢係靚既，不過將客人安排晒坐同一個area真係好鬼嘈食物：坦白講，salad & cold cut buffet係正既，大可以唔order main course。西班牙海鮮飯一般般，lunch海鮮預左少架喇；而個鑊仔薯唔脆，油淋淋，上到檯只係暖，同green waffle個鑊仔薯粒簡直係差天共地！甜品中規中矩無咩驚喜，creme brulee唔夠滑。服務：100分本來想叫staff幫我地用手機影相，點知佢拎個即影即有幫我地影，仲連埋張卡，寫埋祝福語，媽媽十分開心。本身dessert我order cheese cake & affogato，礙於本身呢兩款甜品都不是碟上，所以佢on the house整多客creme brulee寫上happy birthday&點埋candle，好貼心！今日都仲收到sms多謝我幫襯，食左400零蚊有咁既service, 我一定會再幫襯！…Read More

同朋友想食日式燒肉，7點9去盛八已經話要等到9點唯有去呢間燒魂族試下唔駛等一入去已經好大陣油煙味成晚值得讚既係出單快要彈既就一大籮！ 食咁多次韓燒、日燒都無試過咁大油煙，抽風系統好有問題，食左個零鐘，我同朋友都覺得煙到有d澀眼，超辛苦 食完發現成副眼鏡都係油！咁即係我成面都彈倒油啦！ 個爐發出強烈紅光，根本睇唔倒d食物熟未，下下都要夾上黎逐塊肉望都幾煩 刺身唔新鮮 肉類質素好一般，同一般打邊爐既肉差唔多，似廉價韓燒既質素 我地個時段係最貴既，加埋一成$250一個人，咁貴都只係得一罐汽水送而唔係任飲，實在太孤寒 個爐燒到尾已經好燶，後段燒既蝦同鷄翼都變苦，我覺得呢個爐既設計好有問題完全唔值咁貴，$150都俾多佢！走既時候全身都係煙味，衫褲頭髮都係，連個袋都不能倖免！絕對絕對絕對絕對絕對絕對絕對絕對絕對絕對絕對絕對絕對絕對絕對絕對絕對絕對無下次！…Read More

18:15 攞籌差不多20:15 先入座我同2個朋友都餓到要去piago買上小食頂肚究竟點解要等咁耐呢？等我同大家解開呢個謎團！1. 員工不夠，下單都要叫幾次先有人應2. 出單極慢，真不明白，牛肉要逐碟切既咩？3. 呼應第1點，人客離開後都需要一段時間先有人執檯食物質素以佢既價錢睇算中上 (當然唔可以同貴幾倍既《伊呂波》比)牛有濃濃既牛油香，可惜上菜太慢，食得唔夠暢快 (要食下，停下，又催下waiter)上菜次序都有d問題我地一開始點了幾款牛、溫泉玉子飯、牛角沙律、王樣豆腐牛全吃完了，飯才來，所以要叫多一round牛 (值得一讚，那碗飯真的值得encore!!!)沙律 & 豆腐最後來，沙律沒什麼特別，豆腐可以不試 (因太遲黎，已經食唔落，加上唔係太好味，所以淨左大半)總結係......好味歸好味，等咁值唔值得見人見智，服務及人手有待改善。…Read More

因9點幾做完yoga先去食，所以2位女子只係小吃3樣野，簡單報告一下： 《灌湯小籠包》皮超超超簿！夾個包頂都差d爛，好彩最後幸保不失~~ 湯汁超超超多！送上檯時仲震騰騰架！湯汁好鮮甜，大愛！下次必定要encore！ 《台灣牛肉麵》不過不失，牛肉炆得軟腍入味 ，有2大舊牛展肉加一舊牛筋，算慷慨。 麵較腍，失色不少；而湯望落去深色，味道卻淡淡的，完全沒有牛肉香...... 《魚腐翡翠苗》魚腐非油炸，但味道比較重手，仍不失鮮味；翡翠苗生吃勁腥，煮熟了反而易入口，纖維極豐富，呢味餸非常健康！讚！下次會帶屋企人去食小籠包~ 一人一籠丫~~唔該！p.s 因有coupon，扣了$20…Read More

: 呢日食左咖哩羊架，羊架切開有四大件！超足料！ $68 唔算平，不過佢俾既份量同quality絕對值呢個價！ 個黃姜飯都做得唔錯，好有印度風味 呢度係半自助式湯/ 飲品，之後有店員送上主菜。上餐速度算快，值得一讚！: 午餐只可以揀配湯or 飲品，如果加多少少錢，又有湯又有coffee就完美了！上幾個星期都去左bistro bistro lunch，香草鷄扒意粉正！鷄扒有濃濃既香草味，而意粉亦選用扁意粉，且用香草炒過~我覺得bistro bistro好有誠意做好食物，無論味道同賣相都非常讚！…Read More