mmmmmyyyyy's Profile

紅磡冰室，午餐時光總是熱鬧非凡。我同屋企人點了午餐豉汁蒸排骨飯和蒜蓉燒汁雞扒飯，兩道菜的份量都相當可觀，令人驚喜。豉汁蒸排骨的肉質嫩滑，醬汁濃郁，搭配白飯簡直是絕配；而蒜蓉燒汁雞扒飯則是香氣撲鼻，雞扒外焦內嫩，令人一試成主顧。然而，這次用餐的體驗卻因為一場小插曲而增添了趣味。用餐時，老人家不小心將一碗伴菜倒瀉了，頓時尷尬不已。幸運的是，伙記們相當爽快，立刻為我補送了一碗伴菜，讓我感受到他們的熱情和體貼。不過，廚房的員工似乎對這個補償措施不太滿意。大聲喝駡他們覺得不應該因為客人的失誤而補送額外的伴菜，這種無禮輕率的反應讓我忍不住對餐廳觀感大打折扣。或許這反映了他們對工作的認真，但作為顧客，我卻感受到了這種令人遺憾的矛盾和不禮貌！再次光顧的機會因而大大減少呢！…Read More

潮薈館是一個適合全家週末聚餐的好地方。我們這次點了幾道特色菜，讓我來分享一下這次的用餐體驗。首先，鹵水鵝件的味道非常入味，肉質鮮嫩，搭配特製的醬汁，讓人一口接一口，十分過癮。接下來的蠔仔粥，米粒滑順，蠔仔新鮮，湯底清香，簡直是冬日的最佳暖胃選擇。九肚魚洛是這次用餐的一大亮點，外脆內嫩，配上特製的醬汁，讓魚肉的鮮甜更為突出。而蠔餅則是另類的驚喜，香脆可口，吃起來有滿滿的鮮蠔味，蠔仔非常多，每一口令人滋味無窮。椒鹽鮮魷則是我們的必點，魷魚炸得金黃酥脆，撒上椒鹽後，香口新鮮。普寧豆腐的口感滑嫩，搭配上特製韭菜醬汁，讓人忍不住多吃幾塊。最後，梅膏排骨的味道也相當不錯，排骨軟嫩入味，梅膏的酸甜開胃令整道菜更加出色。整體而言，潮薈館的菜品不僅味道好，價錢也相當合理，是一家人聚餐的理想選擇，強烈推薦給喜愛潮汕美食的朋友！…Read More

如果你鍾意食蠔，好應該嚟呢度試吓喇，我就十分喜愛生蠔，每年都食好幾十隻😁，個人認為蠔最緊要係新鮮，其次就係產地。每年9-4月都係食蠔嘅季節，咁啱睇到網上介紹呢間餐廳嘅老闆會親自去產區試食同揀貨，而且會每日新鮮返貨，估計品質應該有保證。今日中午去開銅鑼灣就一於順便試吓。餐廳裝潢高雅，餐枱間隔有距離感唔會同隔離枱好迫，我哋坐近窗口位置更添空間感，環境係十分舒適👍。見原來有每日精選指定生蠔$10/隻😮😮😮今日精選係愛爾蘭蠔，叫咗半打試吓先😋。蠔嚟到有少少失望，因為比較細隻，不過$10有即開生蠔仲想點😂😂，但味道真係幾好，清甜唔會好鹹，肉質爽脆，帶微微青瓜味道，跟本唔雖要落任何檸檬、cocktail 醬汁，朋友本身唔好生蠔都可以連吞兩隻😂仲讚好鮮甜添👍主菜叫咗lunch set，原來湯飯同沙律係自助吧，食幾多攞幾多！石燒牛舌心同牛板腱，原來200g都幾大件，上枱大約4-5成熟，自己控制生熟情度，加少少鹽同黑椒已經好好食，牛舌心就好嫩一啲都唔會韌，有油香，但食到尾就覺得有啲膩；牛板腱，有肉香肉質又軟熟，非常之good！最後仲加咗客焦糖燉蛋伴雪糕，擺盤精美，燉蛋係意料中嘅味道，但個雪糕有驚喜，係rum酒味，同燉蛋好夾，兩樣一齊放入口味道提升，以為食緊第二樣甜品，驚喜驚喜！😋…Read More

平時經常路過呢間拌麵店，但一直未試過，今日同同事講起食蟹，大家都覺好麻煩😂😂，如果有拆咗肉就好😂😂！跟住就諗起呢間有蟹皇拌麵，就即刻去試試先😋。前菜叫咗香槽醉雞，酒味香且帶甜，雞肉嫩滑，皮薄唔肥膩可以一嘗😂，份量二人食剛剛好👍講返主角招牌蟹皇拌麵，麵質煙韌有彈性，而蟹皇師傅非常之重手，有一大碗，而且蟹皇同蟹肉都非常多，味道鮮濃，拌麵一齊食味道好啱數，個汁分量之多到最後可以當湯飲😂😂。另外見有近兩年大熱嘅酸菜魚，又叫來比較一下，套餐可揀飯或biang biang麵，我哋揀咗麵。麵有少少似刀削麵+台式粗麵？好爽滑！湯同麵係另外上，食幾多夾幾多落湯，唔怕浸腍。酸菜魚湯，有少辣酸味適中，多配菜，重要係有加芫茜！總覺得酸辣麻辣一定要加芫茜先啱味道☺️，魚片都幾多，無骨嫩滑無腥味。跟餐仲有飲品送，CP值都幾高。另香芋鮮奶都幾好飲，order時要少甜少冰又真係做到，鮮芋頭係打成茸，無加色素，味道天然唔太甜，同鮮奶攪拌均勻後，有啲似奶昔，good👍…Read More

中秋節食月餅、朋友聚會BBQ食咗好多大餐，個人都食到滯滯哋，返工食lunch都諗唔到食咩好，同事話清清哋去食餃子喎😂😂😂！我好鍾意食餃子當然無問題啦。灣仔區梗係要去餃掂啦！我哋清清哋叫咗兩碗湯餃，一碟煎餃再加個黃金皮蛋😂😂。我最鍾意佢哋個粉葛湯，唔會太濃蓋過餃子味道，但又好清甜，聽講仲有袪濕健脾功效，我每次都會一滴不漏飲晒㗎👍。元貝豬肉餃係我至愛，餡料非常飽滿，每一啖都有元貝，海鮮味令豬肉嘅鮮味更突出層次更豐富，係我每次嚟都必點項目😂。松茸餃另一必點，餡料加上松茸香味非常濃郁，松茸可稱植物性的保品，含豐富蛋白質同胺基酸，多吃有益😂👍，另外還跟一碟松茸醬，跟餃子一起食更添美味，我覺得個醬用來撈麵應該都好perfect👍…Read More

疫情關係都好耐無約朋友外出食飯喇，趁而家緩和少少，之前Bookmark 咗嘅餐廳都要逐間去訂枱🤣！朋友同我第一時間就諗到去呢間人氣Cafe。兩點幾去到啱啱有位，遲一步都要等呀😂。餐廳防疫措施做到足，在門口已經幫客人全身消毒😂，大家都食放心💛店內裝潢偏向工業風，原木枱面襯金屬支架，型格得來又帶點悠閑，店內一側更有U形梳化，真係非常適合同朋友一齊嚟Chill 下。食物方面我同朋友都點了risotto ，朋友的spicy tuna risotto ，吞拿加上蜆飯充滿海鮮味，芝士同鮮菌為味道和口感增添層次，good👍我點嘅明太子risotto ，可以算係我食過嘅risotto 之中最最最好味嘅😋，飯非常creamy加上明太子嘅微辣食落一啲都唔膩，而飯入面還有青瓜絲同埋紅葱、意青瓜，令成個飯都即時清新晒，紫菜絲加上明太子嘅日式風味同意大利飯係完美嘅crossover ，非常直得一試！飯後朋友就點咗杯rich chocolate ，卡通畫花有啲攪笑，但佢就話味道真係非常之香濃，不比名店差，佢話淨係為咗杯朱古力都會再嚟😂😂😂而我就點咗招牌立體拉花cappuccino ，由於係咖啡師逐杯精心設計，而且幾乎每枱客人都會點，可能要等一下，但唔緊要，杯咖啡一上枱，即時心心眼😍好得意呀～～～～～有6隻雞仔😂😂😂😂😂😂非常可愛呀！咖啡師真係好有心機我見係杯杯都唔同公仔拉花㗎！除咗好啱打咭，味道都非常好，奶泡打得好綿滑，啡味好Balance，十分啱我口味😍👍…Read More

今日到金鐘做嘢，兩點幾先去食lunch，朋友介紹蘭度街的良心小店-蝦麵館，咁梗係要試吓啦！兩點幾過咗食飯時間，就唔駛排隊，朋友話食飯時間會排長龍呢。店內裝潢富東南亞特色，木椅木桌，瀰漫着悠閒氣氛，店員亦很nice。店内已使用自助點餐系統，非常方便，落單後好快就有得食👍蝦肉肉骨加魷魚翼摻摻，紅紅的濃湯唔駛驚只係微辣😂，蝦味好濃好鮮味，湯上的紅油應該係蝦油，蝦肉開邊大概有5-6隻，肉骨有兩大件，係新加坡口味嘅肉骨茶淆製，比較重胡椒味，非常入味而且肉一啲都唔嚡，有少少軟骨，非常好食，下次會試吓肉骨茶！魷魚翼係全隻魷魚最最爽脆嘅部份，一次可以食咁多塊，實在非常滿足🤣…Read More

高質樓上cafe，地方唔大，一邊有大玻璃窗加上bar枱，在寧靜的小店望住䌓忙嘅銅鑼灣街景呷一口咖啡，實在寫意😊。今日嚟食午餐點咗：慢煮安格斯封門柳扁意粉伴温泉蛋，5🎖🎖🎖🎖推介，肉味濃，肉質介乎西冷同肉眼之間，即係啱啱好😂，有油香，份量相當多，以質素計價錢可以話係非常抵食，杯Dirty亦好好飲。朋友的烤大啡菇鯷魚扁意粉，鯷魚咸鮮配上爽口意粉同烤得香軟嘅大啡菇屬清新之選，另外加錢點了甜品：藍苺批，成件批滿滿嘅藍苺，唔算好甜，夾咖啡都唔錯，但批底略嫌唔夠脆。另外建議lunch 時間要訂位💛…Read More

疫情關係好耐冇約過朋友見面食飯，最近開始緩和就即刻約朋友食下放題傾下計先。朋友介紹喺佢屋企附近嘅緣聚，我哋約咗食中午放題，原來都有兩款揀，我哋揀咗豪華放題$168。而點餐係用平板電腦點，唔洗再用一張張紙剔，環保又準確！至於食物種類都幾多，飲品自助還有啤酒同清酒、梅酒任飲。刺身類新鮮肥美，由其是甜蝦大隻又鮮甜。壽司我就最鍾意火炙牛肉同左口魚壽司，牛肉經火輕輕燒過，肉味香濃，而左口魚燒過後更添油香，非常美味！而壽司飯整得細細件，無咁易飽等你可以試多幾款，非常貼心。煮物濃汁煮牛脷，非常高質，肉質煮得剛好軟硬適中，洋蔥汁微甜又惹味，我哋都encore 咗兩次😋。另外清酒煮蜆亦非常之美味，蜆肉大隻新鮮又無沙，我哋每人最少都食了兩碗呢😂😂。炸物亦都唔錯，炸蠔炸蝦唔會油淋淋，炸三文魚骨香脆唔會乾爭爭，送啤酒一流👍而甜品梗係食我至愛韓國蜜瓜味雪條，再啪多杯Dreyers芒果雪糕就真係大滿足😋😋。而最值得一讚係員工收碟速度快，唔會堆到一枱都係咁，又待客有禮。去開屯門就真係值得一試👍…Read More

我諗大多數女生都會有一顆少女心架啦🤣我當然都唔例外！呢間cafe既裝潢真係非常夢幻，除左有南瓜車、旋轉木馬外，仲有好多花同公仔🧸既佈置，令你置身於童話世界一樣🥰咁有夢幻感既餐廳，當然最好既陪伴對象梗係一班閨蜜啦！我地點左個👑石燒美國頂級穀飼牛肩胛肉眼扒（$78 200g)，加30仲可以升級為套餐（餐湯+沙律+甜品+飲品）價錢都唔會貴👍🏼呢到既下午茶都好平，$38-$58都有，仲有埋是日特飲配埋！我地仲叫左份👑美式BBQ豬排骨同埋兩款Pizza(👑千島海鮮滋味薄餅、👑夏威夷滋味薄餅）開心share💗食物無論係味道同賣相方面我都好滿意！食飽飽之後緊係同閨蜜👭去影返幾張打咭照啦！…Read More

今日心情很好 所以決定去上環 選擇一間好的越南料理 獎勵自己 我詢問了很多朋友 很多都說呢間越蘆 食物質素很高 所以就決定來依間餐廳好好慶祝將自己喜歡的食物都點了一遍首先我要推介一下這一道香茅鹽焗燒魚 魚肉嫩滑多汁 海鹽的味道包圍了魚 做得很好味 再來講講呢一個鮮蝦韭菜紙米卷 韭菜加上蝦爽口嘅口感 相當驚喜 最後一道是香茅豬扒湯河 香茅豬扒分開上 相當細心 豬扒香口鬆脆 豬味都好足 湯河個湯底都好正 配菜提昇湯嘅味道 又香又好味 推薦大家來呢間越蘆食下高質越南菜…Read More

就揸車去左呢間食。 門面唔錯既 舊式嘅曼谷車站做主題。乾淨企理，幾環境幾舒服。 我地都係叫開我地平時食泰國菜會食既野，有好多，特別講幾樣菠蘿海鮮炒飯，馬拉盞炒通菜，新鮮生蝦刺身，同埋冬陰功，因為呢幾樣係我平時最中意食同一定會叫開，一定容易有比較既餸。我地由生到熟食既 ：生蝦，好新鮮好鮮甜，加埋鬲嚟既醬汁，辣得好過癮。到菠蘿海鮮炒飯，一啲都無少過料，米飯粒粒都好入味，食炒飯途中食下個馬拉盞炒通菜好夠鑊氣，好香口唔會炒到淋曬，兩個配搭好好，再來一啖一啖既東陰公湯，真係正到不得弓。有小小辣既，但接受到。呢間整體上唔錯既，可以再食！…Read More

朋友知我鍾意食鰻魚，今日約咗我去銅鑼灣試下這間新開的鰻魚店。位於謝斐道的小店，掛滿日式風格的圖畫，加上木製枱椅，充滿暖暖的和風。餐牌款式不多，美女店員對客人都介紹得很詳細，也非常勤奮，實屬難得👍原條蒲燒鰻魚丼：加了$30轉套餐，多了温泉蛋、鰻魚肝白貝湯、玄米茶同鹹菜。鰻魚肝湯鮮甜，魚肝唔會腥而主角鰻魚好厚身，肉質彈牙，外皮燒得香脆，醬汁唔會太甜，加上鰻魚的油香送飯一流👍👍，飯食到3分1左右店員會奉上昆布湯，可以將飯加入做茶漬茶，加上Wasabi同紫菜芝麻又係另一風味😋二重鰻魚丼：即係蒲燒鰻魚+穴子，穴子即係海鰻，比起我哋常食到嘅河鰻較細條，肉質比較細嫩，醬汁一般唔會似蒲燒的那麼濃，更能嗜到鰻魚的鮮香。總括來說食物有水準，價錢合理，當未能即時到日本時，可到這間止一止鰻魚癮…Read More

朋友最近去日本旅行，見佢Post過一間食麻辣的拉麵店非常特別，名叫鬼金棒，原來近年日本好流行食麻辣，又真係估佢唔到。上網一search 原來鬼金棒都已經登陸香港，銅鑼灣都有一間，又可以lunch去試下喇😋聽講中午會大排長龍，所以我哋下午近3點才到，就唔駛排隊。店內裝潢以日式魔鬼為主題非常有特色，而一邊吧枱以玻璃間隔厨房，師傅火光熊熊的烹調都清晰可見，非常有趣。拉麵全部以麻辣為主，但亦可以點唔辣的味增湯，方便唔食辣嘅朋友。而我就點了芫茜麻辣味增拉麵+味玉，早陣子日本都好多芫茜食肆😂😂而家一次試晒兩種流行元素，就啱晒䌓忙嘅香港人喇。味噌湯底用豬、雞骨熬製，味道濃厚鮮味，我揀咗中麻小辣，如果平時食開辣嘅，不妨可以試下大麻大辣😂😂😂麵粗身比較有彈性，掛湯能力不錯，而那兩塊巨大叉燒我覺得係是日重點，厚切5層肉煮得非常入味，肉質軟滑，肥膏入口即化，一啲都唔肥膩。由於叉燒太美味，之後再追加一碗肉飯，無濃湯襯托下，豬肉香味更特出，加埋少許葱花，多了一份清香，更覺清爽👍👍…Read More

約咗朋友在上水食晚飯傾下計，去到彩園廣場，唔食快餐，凍冰冰又唔想食日本嘢，台灣菜仲有羊腩煲？即刻入去攞位啦！揾咗張圓枱4個人坐，夠晒寬可以叫好多好多嘢食😂先叫一個羊腩煲暖一暖先，同大牌檔一樣有個gas爐熱住，送一碟唐生菜，跟煲附送每人一碟腐乳，唔駛爭好貼心😂😂😂。羊腩煲滾起，一開煲蓋已經好香，好足料，冬菇，鮮支竹，同埋比較少見嘅蓮藕，而羊腩都有好多件，味道非常出色，同自家亞媽口味有得揮😂😂，食得七七八八就可以灼生菜，香濃嘅汁加上爽脆菜葉，話咁快清碟，之後我哋要再encore 一碟生菜😂😂台南咖哩醬炒蜆，豉椒就食得多，估唔到同咖哩都夾，味道唔錯，還可以食到蜆嘅鮮味醉小三，係醉雞、醉鴨舌，醉豬手，我覺得豬手做得最好，酒香、皮脆，一啲都唔肥膩👍飲品方面台式珍珠奶茶一向ok，今次飲咗宇治抹茶紅豆鮮奶，係真抹茶味，唔係其他台飲店嗰種紫菜味綠茶呀，係香濃茶味！鮮奶令口感更香滑，紅豆好腍，整體唔會太甜👍👍最後緊係食埋甜品，香蕉芝麻雪糕鬆餅：即製鬆餅外脆内軟，配香蕉和朱古力雪糕係最好嘅，不過芝麻雪糕食落都唔差😂😂😂，$58食到咁大份鬆餅，真係底食又好食，正👍👍…Read More