keeliechan's Profile

話說我午餐去呢間餐廳買外賣，叫左印尼炒飯同凍檸茶。等左15分鐘，遲過我買嘅人都已經拎曬外賣，咁我就問下，原來漏左單，個中年男職員態度極度惡劣，一句sorry都冇都算。最過分係我落單時已經講左走餐具想環保啲，到我拎到我份外賣見到有餐具，咁我自己拆返出黎比返佢地，點知個男職員話，不如你掉左佢！嘩，有冇搞錯，我唔知比咩反應，我係自己拆袋外賣比返佢，好聲好氣，佢竟然唔收我份餐具叫我掉左做，呢間餐廳又漏單又唔環保態度仲要極度惡劣，我發誓以後唔洗錢都唔會再幫襯！最後返到公司食盒外賣，啲蝦片係淋曬，個飯亦都唔熱嘅，呢間垃圾餐廳真係唔需要再幫襯！…Read More

喺網上見到有人介紹，咁啱喺觀塘返工，果然冇令我失望。首先係楊枝甘露，非常足料，而且唔會太甜，好味健康！另外煎釀三寶都好足料，size比平時小食店大，鯪魚球爽口，青椒茄子都好食。最欣賞係佢有唔同小食餐，好似豬扒包同熱狗，糖水都可以跟餐配小食。呢間小店係家庭式運作，媽媽喺我食完後會好窩心問我今日食物o唔ok,而年輕的老闆就好有禮貌，絕對係值得推薦的小店👍🏻…Read More

上星期睇到上網有人介紹所以試下，叫左個鮑魚飯，個鮑魚細隻到一個點，你地見到張相粒杞子同個鮑魚差不多大都令人呆左，而且好似未熟透，我老公話硬到咬唔到😥。唔抵食都算，我地另外叫左個雞脾飯，個職員上果時啲瑞士汁倒瀉落我條裙度，一句Sorry都冇仲黑我面，我話你整到我條裙污糟左點解可以唔洗講Sorry?佢最初扮聽唔到咁，後尾就同我講"咁你而家想點?"我覺得去呢間餐廳食飯仲要貼錢買難受，我地一定唔會再幫襯!…Read More

睇到FB好多人介紹呢間餐廳，好似係幾位年青人夾份經營，見呢段時間經營咁困難但佢地都愈做愈有口碑，於是即刻上openrice book位，食完完全冇令我失望啊😋首先係貓耳朵，汁好香濃，貝殼粉煮得剛剛好唔會好焾，非常有口感!第二樣係煎雞胸配粟米餅，要讚下係沙律菜啲汁都好好食好開胃，雞肉保留到肉汁。最後我地兩個人叫多一份甜品Oreo 蛋糕，都好好食，不食太甜，而且cream 都好滑!我地各自都叫左飲drinks, 水準亦不錯。總括而言，我地感受到店主認真製作食物的用心，店員好有禮貌，店內環境都舒服，一定會再次幫襯，加油!😊…Read More