tungngng's Profile

睇個名就知食冰，但連個字個寫法都有啲唔同，咁就知道佢嘅冰應該有啲特別😏呢度嘅冰主要有兩種第一種crused ice, 係將啲材料落去一齊炒，所以個冰個味道係會豐富啲。第二種係就咁刨冰，但係會加椰汁。今次我哋試咗佢個招牌粒芒果炒冰同埋期間限定翡翠青提炒冰，兩款生果都有好清新嘅感覺，同埋最估唔到係都會有麻糬😮出邊比較少見麻糬會配冰，所以食出嚟又係另外一種感覺👏🏻仲有嗌咗一個麻糬芋泥小丸子，將所有好飽肚嘢加埋一齊😂😂比想像中比較結少少，如果唔想咁飽肚嘅可以試吓依款既飲品。傳統嘅杏仁露都好飲，好有杏仁味，啱晒養生嘅人士。見佢飲品方面其實都有特別嘅，好似楊枝甘露麻糬飲品，路過買杯嘢飲都幾好。…Read More

一直都好想試依間漢堡，每次經過見到都排隊，所以未食到堂食。今次就係公司叫外賣試下佢。叫左菠蘿雞肉漢堡套餐，而同事就叫左牛堡。我地揀左薯條，炸燒賣同普通燒賣做小食。兩款漢堡都好juicy，食得岀無論牛肉同雞肉都係手打個啲肉質，唔係普通雞扒薯條係粗身個種，好食，外賣黎到都無淋左，而燒賣都算份量好足，都一大杯。不過炸燒賣就略嫌乾左少少。整體來講好食，性格比都算高。…Read More

位於炮台山食扒嘅餐廳比佢門口透明玻璃展示嘅各款牛吸引，好多種唔同類型擺喺窗櫥，款款牛顏色鮮嫩。Set lunch包前菜、主菜仲要任食香蒜薯條，我哋叫個蕃茄湯同埋青檸蝦沙律，好食好飲，個蝦好fresh👍主菜揀咗烤雞同封門柳，今次最驚喜嘅係個烤雞出奇地估唔到喺食扒嘅地方可以做到咁好食，好腍好嫩，一啲都唔韌，同出邊食嗰啲雞有分別💯另外嗌咗封門柳medium Rare都好食有牛味，而且佢有半開房廚房可以睇到廚師即叫即煎，見其他人塊牛扒個賣相都唔錯。最後再嗌咗一個朱古力蛋糕作結，整體呢間嘅價錢雖然係貴過隔離，但係性價比亦都相對地高咗👍…Read More

係公司外賣就叫左幾次，今次堂食就第一次。佢都好多選擇，我揀左煎比目魚配牛油蒜香蟹柳。而朋友就揀咗牛肩胛烏冬配炸雞。煎比目魚煎得好香魚肉都好嫩滑。蟹柳好香牛油味👍🏻80幾蚊有前菜同湯都算係咁！而我都幾鍾意佢嘅湯係三文魚湯，入邊好足料，仲有蘿蔔…Read More

從來冇諗過榴槤同燒肉會擺埋一齊既放題睇個名就知道依間係一間燒肉餐廳，但佢竟然做埋榴槤，所以好新奇肉類嘅選擇都多，牛舌好味，荔枝牛肩胛特別，中間真係有一粒荔枝，燒完之後牛肉同荔枝又出奇地夾，有清新嘅感覺。洋蔥牛肉都好食。唔食牛嘅朋友都有幾款豬同埋雞嘅選擇，蜜汁雞翼，呢啲必食，所以都唔怕冇嘢食。海鮮方面，帆立貝都大大粒，同埋幾欣賞佢啲虎蝦又大隻又彈牙。主角嚟啦就係榴槤，我當初以為依個放題淨係提供榴槤周邊嘅食物，點知佢一上枱係真係原粒榴槤，仲要唔止一粒，一碟起碼有三粒，榴槤嘅質素都幾好，有榴槤味甚至有啲榴連核細粒，變相好容易回本店員都有提供生菜，提供多一個選擇好似韓式燒肉，生菜包，變相又另外一種食法最後當然甜品雪糕任食有Häagen-Dazs同埋飲品任飲，唔錯嘅選擇👍👍…Read More

屋企人都幾常黎依度食早餐，佢早餐價錢都合理，味道都係正常茶餐廳質數，還好的！至於員工服務衞生方面就有待改善，其中一位送餐女員工，佢雖然有戴手套，但每次送餐上黎都見到佢手指公頭插左入啲粉麵湯內。。。雖然話係街坊茶餐廳，唔係話要求太多，純粹呢方面嘅衛生可以加強一下員工訓練改善一下。因為覺得食物味道正常之下，而因為咁樣做唔到生意就好可惜。…Read More

好特別，一睇個名就覺得好特別，去完依間餐廳食嘢，仲可以即刻過隔離睇戲添。好神奇，原來佢本子裏係一間鸚鵡Cafe/餐廳，喺門口已經好多隻唔同品種嘅鸚鵡喺度歡迎緊你，裝修仲好俾心機，有鸚鵡精品corner，亦都有一幅好靚嘅有介紹唔同品種鸚鵡嘅牆，仲要有一個可以俾小朋友煮飯仔嘅兒童corner，設計裝修都好有心思。好講返食物，我哋星期六去都有set lunch嗌咗一個肉眼扒薯菜，再加一個健康餐三文魚沙律，肉眼扒嗰個性價比好高，百幾蚊已經可以鐵板再加肉眼整得好腍好好食而依間餐廳亦都有營養師設計嘅健康餐，仲會寫埋卡路里幾多，咁就唔怕食肥啦。順帶一提，特飲我哋嗌咗一杯柚子雜果梳打同埋青檸茉莉茶，都好大杯同整得幾靚㗎。Menu都睇得出整得好有心思，服務態度都唔差㗎，睇得出呢度由大裝修至室內設計都好有誠意，值得一試。…Read More

食過好多次，依然keep到水準！今次仲發現佢哋嘅餃子好似比以前更加大隻飽滿，皮薄餡多，真心抵讚。🌽粟米豬肉餃 爆多粟米又多汁，同豬肉餡比例啱啱好，食落鮮甜又唔會膩。每一隻都脹卜卜，咬開真係好滿足。🥬韭菜豬肉餃 韭菜香味濃郁，調味適中唔會過鹹。鍾意食韭菜嘅一定會愛上，餡料塞到滿一滿，誠意十足。可惜今日想食嘅雲耳椰菜豬肉賣晒，不過轉叫呢兩款都完全冇失望。湯底清甜唔油膩，加少少辣菜脯更加惹味。每次食完都係心滿意足離開，絕對係街坊小店嘅高質之選。如果經過附近，一定會再encore！…Read More

同朋友黎食個燒肉lunch，餐廳入面寛敞坐得舒服。🥩黑毛和牛定食和牛油脂分布幾靚，燒完入口軟嫩，肉味濃得來唔會過膩。配埋白飯同麵豉湯，平衡得幾好。如果份量可以多返少少就更完美。🍲海鮮豆腐泡菜鍋定食湯底酸辣度適中，海鮮有蝦、魷魚同帶子，都尚算新鮮。豆腐吸晒湯汁好入味，泡菜爽口，幾開胃。🍚石鍋和牛伴飯定食上桌時石鍋熱辣辣，和牛片撈埋蛋汁同甜醬油好夾。味道唔錯，但相比前兩款稍為普通少少。整體來說：環境乾淨，上菜速度夠快。適合一兩個人想簡單食燒肉或韓式料理嘅時候試下。…Read More

同朋友約左食飯，但當天有啲牙痛，剛見到有間阿根廷餐廳除左肉扒，都有啲”軟餐”選擇，所以決定去試下。唔講唔得嘅係餐前包，坐低無耐，餐廳就送上，麵包烤得外皮脆口，裡面軟熟，點啲黑醋同橄欖油已經好好味。· 烤雞肉腸 (Chorizo) 條腸烤到香噴噴，一切開有肉汁流出嚟，好惹味。原本仲擔心烤腸會太咸，但味道原來啱啱好，就算冇side dishes 配搭都好好味，一啖接一啖，食到有啲唔夠喉添！· 烤南瓜 有驚喜。南瓜本身好甜，燒烤之後迫出咗佢嘅糖分，外面有少少焦香，裡面就好軟糯。簡單用鹽調味，健康又好食· 薯蓉 口感做得非常幼滑，黑松露同牛油味都好出，伴住主菜一齊食好夾。· 香煎比目魚 估唔到扒房整魚都有一手。塊魚煎得啱啱好，魚皮係金黃香脆嘅，而魚肉就保持到好嫩滑，一啲都唔老，配埋蕃茄醬味道清清新新。食到飽都係要叫甜品試下· 季節鮮莓配鮮奶油 (Seasonal berries)啲鮮莓都好新鮮，酸酸地好開胃。配埋好有羊奶味既鮮奶油，唔會好甜好漏，同生果好夾，食完感覺冇咁滯。· 自家製焦糖牛奶布丁 (Flan Casero) 個布丁口感實淨得來又滑溜，蛋味好香濃。配埋焦糖牛奶醬，味道好濃厚，個人覺得甜左少少。整體來講： 服務幾好，環境幾chill，適合朋友聚餐。仲要不時有埋結他彈奏服務。只係員工就少啲。值得一讚係雖然今次冇試到牛扒，但餐廳嘅食物選擇很多，而且味道相當不錯，我同朋友都很滿意！下次目標，就係要食埋佢哋嘅阿根廷牛扒！…Read More

同朋友去咗油麻地”河內”食晚飯，兩個人叫咗三樣嘢，真心抵食又高質！🐮 河內牛腩片湯河湯底超清甜，唔會死鹹或油膩。牛腩片份量多得驚人，切得薄身又煮得軟淋，完全唔韌。河粉滑溜，索晒湯汁精華，簡單但好味！🔥 極品牛三寶湯檬牛三寶原來係生牛肉、牛展、牛丸，好貪心地一次過試齊三種餸。生牛肉片上枱時仲係粉嫩色，浸入熱湯幾秒就食得，嫩滑冇筋！牛展切片薄身又唔會韌，好好嚼。牛丸就正常發揮。湯底濃郁帶甜，檬粉吸湯力強，推薦必點！🥗 青木瓜沙律新鮮爽脆！酸酸甜甜嘅魚露汁好開胃，仲有幾隻蝦配上，加咗少少辣椒同花生碎，味道層次豐富，食完油膩嘢清一清個口剛剛好～不過之前食過啟德分店就覺得個間分店既飲品好飲啲！菊花茶同薑茶都係濃啲。整體食物份量十足，性價比高！環境乾淨服務又快，服務員都有禮，一定會再嚟encore試其他款式～…Read More

唔係同事講都唔知原來依間ganto 咁岀名，每次都大排長龍。就一於試下啦。佢好特別每月都有限定口味，就算其他味都好特別，唔係岀面雪糕店會食到既味！我地叫左豆腐花味，朱古力同Tiramisu味！全部都好好食，朱古力勁濃郁，食左返唔到轉頭食其他牌子啦。特別深刻係豆腐花味，真係好似食緊豆腐花咁，完全唔似食緊雪糕，佢面頭仲要加埋豆腐花既黃糖…Read More

梵高藝術餐廳一聽到佢個名就知道係同梵高有關係，但估唔到間餐廳係可以直程提供一個沉浸式嘅梵高體驗喺門口就已經見到好多梵高嘅畫，同埋佢裝修嘅位亦都好有外國小屋嘅風格，門口仲有隻鸚鵡歡迎你㖭我哋當日嗌咗兩個set，其中一個就係健康餐封門柳，佢都會計埋卡路里俾你好特別，要大讚佢個薯蓉好Creamy，好好食第二個set就係試咗豬肋骨好淋配個燒汁好好食，同埋份量都一流set嘅話佢奉送餐湯，但我哋加咗$18試佢嘅signature黑松露蘑菇湯好好飲呀啲食物質素幾好，再配埋呢個咁靚嘅環境好似真係去咗外國食飯，值得一試…Read More

同朋友係啟德發現左依間越南餐廳。餐廳環境明亮舒適，帶點現代感的越南風情裝潢。我地叫左個優惠二人餐試下鮮蝦紙米卷 米紙皮薄而煙韌，飽滿的餡料加埋清新的薄荷葉、青瓜絲和米粉。蘸上附帶的酸甜魚露，入口清新開胃濱海伴雞肉串燒 雞肉燒得幾香，嫩滑唔乾身，配埋佢既沙嗲醬幾好味。香茅豬扒撈檬 & 香茅雞翼撈檬 我們選擇了兩款不同的撈檬，可以一次過試齊兩種口味。香茅豬扒份量十足，醃得非常入味，煎得帶有焦香，肉質不會乾柴，充滿嚼勁。而香茅雞翼外皮香口，香茅味都好岀的。撈檬份量好足，撈埋酸酸甜甜嘅魚露汁，幾開胃。田園灼時蔬普通油菜，不過食左咁多肉，清清地平衡返都幾好。檸檬薑茶 & 甘草紅棗菊花茶 佢既飲品絕非敷衍了事。檸檬薑茶薑味好濃，夾埋檸檬酸味溫潤暖胃。而甘草紅棗菊花茶甘草的甘甜、紅棗的醇厚和菊花的清香完美融合，甜度自然，養生又解渴，吃完濃味的食物後喝一口，感覺特別舒服。總結餐廳上菜好快，份量好夠兩個人食，質素對得住個價錢。勁飽！而且地方闊落，座位亦寬敞，約埋三五知己一齊食餐飯，吹吹水，食飽喺附近商場行下，都唔錯吖！…Read More

即興約左個朋友食個lunch，咁啱佢黎附近做野之前食過佢既set lunch覺得好食，樣樣小小咁，又可以食到唔同種類既野！個人覺得佢午餐吸引過晚餐，所以就再黎食下！不過今次想freah啲就叫左佢既健康沙律餐試吓，而朋友就叫左黑松露蜆殼粉。個沙律汁幾好，唔會太酸，都好清新啱晒想輕盈一下既大家！入面仲有核桃，牛油果，奇異果，蕃茄，西梅乾等等嘅配料都幾夾。同埋依度都坐得幾舒適，好適合同朋友慢慢暢談。不過如果大家肚餓或者想試都係推薦set lunch之選…Read More