Christy.MC.Ho's Profile

食物非常一般，態度極差。3個人去食過快飯（晚餐），餐廳已經好靜，得一兩張枱，三個職員，兩男一女同埋個廚房，喺度又玩又嘈，又粗口爛舌，嘈喧巴閉，完全冇理有食客喺度，真係吾知喺間係咩餐廳？ 啲嘢已經吾係好食，我叫左個蔥油雞扒撈丁，啲丁硬硬地，啲碗碟筷子又好似吾多乾淨，有點油淋淋咁。啲位又吾好坐，好迫，枱底又係連埋櫃桶，完美頂住對腳，令人吾陏得個種。仲要成間餐廳咁嘅氣氛，真係吾知想點，吾明點解仲未執笠😵‍💫 …Read More

經過見到呢間粉麵店應該係新開張，所以走入去試吓，估唔到咁好食，可惜唔記得影相。三個人，一個嗌咗白胡椒豬肚湯兩個餸嘅河粉+　底（+$5)，一個嗌咗豬骨清湯，豬大腸，黑豚肉餃子河粉。第三個人嗌咗豬骨清湯，羊肉片，墨丸河粉。 豬大腸黑豚肉餃子羊肉片樣樣都好食，墨丸就好似淡咗少少。一個豆漿兩個五花茶，埋單190幾蚊。湯好好飲，河粉好滑，啲餸樣樣都好食，價錢唔貴，幾十蚊一個人，加底一定好飽，唔加底就OK啦。可能新開，所以好乾淨企理。經過一定要再試👍🏻…Read More

友住附近，帶我試呢間位於佐敦嘅cafe，剛剛轉左個之前喺6星酒家嘅廚師（佢又係老世）。睇Menu嗰陣，廚師走出嚟介紹Menu，仲講解食材，話俾我哋知今日邊隻食材最新鮮好味。朋友揀咗個意大利煙肉芝士多士，一杯手沖咖啡。我就揀咗個蟹肉三文魚子香蒜牛油意粉，一杯latte。廚師話多士係蕃茄包，我話未試過，佢轉頭請我食塊，好好食👍🏻。個多士先$45 ，我揀咗個最貴嘅意粉，先至$115。每樣食材，都好講究，呢個價錢真係好抵👍🏻。老闆對煮嘢食好有堅持，食材用料好講究，希望做好口碑，盡量set到價錢最平，態度又好。總之好食又抵食，值得試吓👍🏻…Read More

屋企附近開咗呢間新餐廳Simply. 今日急不及待約埋啲街坊去試吓。我哋－行8人，叫咗三個二人餐，另外兩位朋友就散叫。二人餐都好抵食有餐湯，有小食，有主菜，有甜品，再加飲品。每個項目都有幾多選擇。好驚喜，真係估唔到樣樣都幾好食，畢竟而家去餐廳食嘢中伏機會率都好高。主菜，我食咗羊架 + 龍蝦汁大蝦意粉。兩樣都好好味，羊架我叫全熟，煮得啱啱好，好Juicy，一啲都唔係鞋。甜品蛋糕尤其出色，店員話佢哋有自己嘅甜品師傅。聽講話朱古力心太軟好好味，不過今次未有機會試，下次再試。值得推介。…Read More

已經唔係第一次幫襯太古廣場嘅The Continental. 之前多數係食brunch，價錢合理，係一間氣氛唔拘謹嘅西餐廳。保持一貫水準，環境好，服務好，食材質素好Presentation亦好今晚四個人，簡簡單單食4個course 嘅dinner set，由入門口到入坐，到每一道食物上菜，都有令人賓至如歸嘅感覺戶外係pet friendly 的，天氣涼啲會埋帶寵物再來🐶絕對會再幫襯，值得推介…Read More

知道呢間係pet friendly 餐廳，今日星期三特登去試吓，諗住如果OK嘅話下次就約埋朋友帶寵物一齊去。環境整體上係OK嘅，地方闊落，乾乾淨淨，侍應服務亦都OK。可惜我哋叫嘅幾樣食物賣相都算OK嘅，但係大部份都唔好食😵‍💫。三個人，叫咗四樣嘢，total $430 都可以食唔晒🫣，我見啲人話人氣，但去完之後真係好失望。食完嗰四樣嘢，真係唔敢嗌甜品🫣鹹蛋黃炸雞翼啲味好奇怪，鹹蛋黃冇鹹蛋黃味，反而有少少甜甜地。Parma ham pizza 圖片上係有火箭菜，上到嚟係冇嘅，味道都想可以。軟殼蟹意粉同carbonara 都算幾唔好食，首先意粉有啲硬，醬汁調配嘅味好奇怪。我哋一行三人都覺得整體上味道都算幾差。我見評語話甜品好出色，不過食完呢幾個餸之後真係唔敢再叫甜品，所以冇comment。呢間餐廳逢星期三有live music ，我自己以為係比較西式啲嘅live Band，能帶動氣氛的。殊不知係旺角街頭唱歌個啲，唱得非常一般，完全冇氣氛可言，而且好嘈，成晚嘈到傾唔到偈。雖然我覺得live Band好努力獻唱，但很抱歉我完全覺得應該取消呢一個live band安排。冇live band 相信佢哋星期三嘅生意會好啲總括來說，如果我係住喺黃埔帶住寵物，都可以嚟坐吓嘅，始終可以帶寵物嘅餐廳唔多。如果要搭車嚟嘅話真係冇咁嘅必要。我個人亦都唔會嚟第二次。…Read More

從來冇食過一間咁難食嘅泰國餐，完全中伏🤮！蒜蓉牛油雞翼，林謝謝，唔夠熱🤮！冬陰功湯，咸到腎衰竭🤮！兩串炭燒雞腎，根本就用水烚 +甜味，完全冇炭燒味不特止，連煎焗嘅感覺都冇，入口好腥🤮！炒芥蘭一般，唔難食，但係唔好食😒！連杯菠蘿梳打都可以出事，完全冇甜味😒！唯一正常少少，係大蝦柚子沙律比，因為根本就唔使煮😏！而且間餐廳根本就唔full，但一夠鐘粗聲粗氣咁走嚟趕客🤬諗住佢地點位置方便，太菜應該唔會衰得去邊，點知完全中伏🤮又吾係平！絕對冇下次！…Read More

從未食過一間咁難食嘅泰國餐，完全中伏🤮。蒜蓉牛油雞翼，林謝謝，吾夠熱🤮。冬陰功湯，咸到腎衰竭🤮。兩串炭燒雞腎，根本係用水烚熟，加甜味🤮。完全冇炭燒味不特止，連煎焗都冇，入口仲要有腥味🤮。炒芥蘭一般，唔難食，但係唔好食。連杯菠蘿梳打都可以出事，冇味，完全唔甜🤮！（好彩冇叫少甜）唯一正常少少，就係大蝦柚子沙律，因為根本唔使煮。環境冇乜點，正正常常。不過餐廳明明根本就吾Full ，－夠鐘就趕客。諗住方便約喺旺角食飯，絕對冇下次🤮！…Read More

今次第二次幫，第一次我訂枱時要求坐戶外，整體是OK的。今次訂枱時我係揀左no preference.到達嘅時候女侍應帶位就到戶外，但因為今日天氣好熱，張枱嘅位置又好晒，我問女侍應可唔可以坐室內。女侍應第一個反應話：‘唔好意思呀，室內冇枱’ 咁我哋冇辦法啦…. 坐低咗之後，我哋後面又有兩個食客被安排坐我哋隔籬枱，但嗰兩位又係覺得陽光好晒，要求坐室內，另一位女士應帶返嗰個兩位食客出入室內，幫佢地安排咗。跟住我馬上搵另一位男侍應問：我哋可唔可以坐室內，另一位男士應又馬上立刻回答我：唔好意思呀，入邊冇晒枱。我問佢點解頭先又係話室內冇枱，但係我後面嗰兩位又可以掉入室內😡你哋點可以求其就應我冇枱，根本係敷衍我！男侍應feel到我唔高興，馬上話：好的好的我幫你睇。好快安排我哋坐返入室內，而且仲有兩張枱揀添。我都唔係要求－定要坐窗口位之類，但係咁樣嘅服務俾人感覺真係唔舒服。如果真係冇枱冇辦法啦，但係完全冇心幫我睇睇，直接敷衍我。就算一心敷衍，都俾少少戲吖。1月中黎食嘅時候，餐前有餐包同牛油，今次完全冇晒。我問侍應小姐，，佢話要另外 order …,咁冇辦法啦。點左兩個主菜，一個薯條。兩個主菜都只係－般，大蝦燒到好硬。$800幾蚊，其實如果餐廳唔係安排到坐喺湖邊玻璃，有風景睇下，其實根本冇需要呢間餐廳。因為就算唔喺餐廳食嘢，都一樣可以行湖邊　同欣賞附近嘅花農場。呢個價錢，呢個服務，呢個食物質素，只係非常一般。…Read More

今次已經係第二次幫襯. 上次睇完都好好，所以今次的起心肝寫過食評。餐廳地點好方便，室內嘅裝修擺設顏色好舒服，裏面有好幾個打卡位，仲有一個粉紅色角落，啱哂女仔🥰。佢哋應該係定期會轉下裝修，保持新鮮感，因為上次幫襯時嘅裝修同今次唔同咗。最初以為得個樣打下卡，原來食物款式都算多，樣樣都幾好味，咖啡特飲都唔錯。甜品尤其出色，又靚又好食。見得到係好有心好有誠意嘅一間餐廳。而且能保持水準👍🏻店員親切有禮，又願意幫忙，整體質素同食物價錢絕對唔算貴👍🏻。…Read More

今日同我老公喺大角咀搵嘢食，本來想食拉麵，但係排長龍，見到斜對面開咗間新餐廳，係食Hawaiian Poke. 之前喺其他餐廳食過，覺得顏色靚又夠健康，不過一定唔夠飽。我哋見間呢間餐廳有位所以入去試吓，餐廳應該係新開，細細間都算唔舒服，本來都冇抱什麼特別期望，諗住都係嗰啲嘢。點知10分驚喜：材料十足，分量十足，但哂大碗，又靚又新鮮，又夠健康。今日兩個人食咗兩碗，一碗係全部都要,一碗係自選材料。另外只係嗌咗一杯菠蘿可樂。碗飯份量夠晒大，所以下次先試個奶昔。絕對值得一試👍🏻…Read More

話說天氣最凍果日得果7-8度走咗去呢間餐廳食午餐。入到去坐低咗一陣，發現好凍，因為佢哋係宗門大開，如果平時唔係咁凍嘅日子，應該都係開陽舒服嘅。但係嗰日實在太凍，我問侍應餐廳其實有冇暖風設備，侍應回答話冇嘅。我又坐低咗等緊朋友嚟，所以唔好意思走。結果食咗一個鐘頭飯，凍到頭都痛埋。我覺得係呢啲日子，如果你冇暖風嘅，不如真係唔好開舖🥶全間餐廳有幾枱客，我見個個都凍到騰騰震。叫咗三個午餐，價錢唔算平，不過環境尚算坐得舒服。擺盤都算精致，不過味道確實冇乜特別。其中一個炸豬扒湯烏冬，湯係冇味嘅，豬扒亦都唔炸得特別好食。另外一個紅蝦魚生飯，實在太少飯，兩三啖食晒。…Read More

今日第一次光顧呢間餐廳，但食物份量太細。百幾蚊一個冬陰功大蝦意粉，真係大啖少少兩下可以食晒，女士食都唔夠飽，而且仲得一隻蝦（亦吾算好大隻）。不過味道同外觀係OK嘅。另一碟Egg Benedict 亦係好的骰。總之整體感覺就係下午茶份量，唔肚餓嘅話當去坐吓食少少野就ok. 想夠飽就休想了。餐廳有室內室外，環境唔錯，招呼也很好，食物同飲品味道整體都不錯。lunch $170一位，抱住只當吃個環境chill下，心理就會比較平行。…Read More