Foodie_Ooli's Profile

呢間喺日本東京米芝蓮開過嚟香港嘅壽喜燒餐廳，專登提早預訂去食，餐廳感覺真係好高級，廚師好專業。晚餐有幾款套餐，我哋今日預訂咗「竹」套餐，本身套餐有前菜 小菜 壽司 壽喜燒 主食 同生果。餐廳嘅食材好新鮮，前菜嘅調味唔會話好濃 食得出佢嘅鮮味。壽司有3款 每款已經有A5和牛，仲要配上極矜貴嘅鵝肝，海膽同埋魚子醬 每一口都係濃郁嘅牛尾同埋鮮味 真係好好食。之後嚟到壽喜燒嘅部份，呢個套餐係跟西冷部位 師傅話牛肉係由日本真空冰鮮運過嚟香港 肉味真係好香濃，而且煮到啱啱好🥩 太好食。去到主食 其實都飽飽地，我就要咗日本飯配和牛清湯，和牛清湯又係香到不得了 配埋個飯又唔會油膩🍚最後食埋水果 完美結束。…Read More

餐廳位置方便, 裝修佈置充滿日式風格, 同朋友傾計吹水氣氛都好好😌🙂🙂餐廳串燒選擇包羅萬有, 海鮮亦非常出色. 燒蟶子皇味道一流, 入口較嫩, 唔會太硬, 生熟剛剛好, 師傳手勢一流. 蒜蓉燒扇貝多汁好食, 扇具相當新鮮甜美👍🏻👍🏻👍🏻推薦海鮮鵝肝多士, 鵝肝肥大肉厚, 多士脆卜卜, 配埋餐廳自制醬料, 香濃好食.金菇肥牛卷, 配上餐廳海苔醬, 都幾有心思 味道非常特別。燒羊肩肉軟嫩多汁, 唔會太羊騷味, 火喉剛剛好…Read More

今日朋友帶我去咗一間喺尖沙咀嘅港式火鍋食飯，間餐廳裝修環境都唔錯 新裝修👍🏻火鍋湯底都幾特別 我哋叫咗個龍蝦鮑魚海鮮蕃茄鍋 好足料個湯底 用蕃茄煮好 有哂味 喺我哋面前即刻倒落去 俾足儀式感😆 海鮮好正🙌🏻呢度嘅手打丸好好食 好彈牙 好新鮮，師傅應該真係落足力去打👍🏻佢地既自家製響鈴都好好食，勁推介有海苔嗰款 仲索晒湯🤤🤤手工餃都推薦，皮薄餡靚。小食就叫咗避風塘粟米，好惹味香口。呢度嘅服務都唔錯，店員都會走過嚟問吓你食物點樣 有冇咩意見，海鮮食得會提醒我哋 又會幫手調教吓火 唔錯！…Read More

今日公司食飯 喺觀塘一間私房菜包咗房 食咗一餐好驚喜 老闆同事都好滿意嘅私房菜😝 呢度我嘅餸菜都好特別，一嚟到嘅前菜有青瓜手撕雞同埋滷水大腸牛肚，真係色香味俱全，滷水汁嗰隻五香味好重，唔錯。廣東人的確有好多方法整雞，佢呢度連埋金華火腿一齊整 多咗陣鹹香味，將隻雞提升咗一個層次啊😆海鮮方面，佢有薑蔥炒蟹好有鑊氣，先炸後炒嘅方法，肉質好實淨！炸魚無骨之餘仲好酥好香脆！另外佢個花膠雞燉湯真係不得不提，好香濃 飲完之後嘴唇仲有少少膠質痴住🤪🤪食完呢餐大家都一致好評，而且佢仲免開瓶費提供埋酒杯冰桶，啱晒我哋一班酒鬼同事，餐廳仲可以根據我哋嘅口味去調整菜單 服務都幾貼心，下次屋企人生日或者朋友食飯都可以考慮😆…Read More

我自己係一個勁鍾意食車仔麵嘅人 呢間車仔麵一喜 喺尖沙咀開左新嘅分店 地點更加方便。車仔麵嚟計呢間都算好多嘢食 同埋我比較鍾意佢有好多潮汕嘅特色小食 我每次都會喺呢個汕尾紫菜四寶配雞湯，佢嘅手工小米粿 同埋馬交豬肉丸都超級推介，香港真係冇幾多地方有得食😬 雞湯都好香濃。車仔麵嘅餸款式好多，佢嘅咖喱汁或者麻辣汁都好好食，韭菜餃係自己手工包嘅 好新鮮，面底嘅選擇都好多仲有比較少見嘅淮山麵。生炸單骨雞翼勁香口 脆卜卜架😬 咖喱魚蛋嘅咖喱香濃都有少少辣，唔食得辣嘅人士就要注意啦。另外舖頭為咗方便大家 都set咗好多套餐，唔使大家諗得咁辛苦 花多眼亂🤣🤣…Read More

竟然俾我搵到一間食日本菜，但係都好適合慶祝生日嘅餐廳😆 呢間喺荃灣 荃新天地嘅日本餐廳 環境都幾舒服 朋友生日又知佢好鍾意食日本嘢所以就揀咗佢啦！前菜叫咗個龍捲風沙律同埋三文魚刺身，沙律嘅醬汁都好好食 應該係餐廳自創既😆 三文魚夠凍又厚身 好正🙌🏻熱食叫咗個牛肉壽喜燒鍋，連埋gas爐原個火鍋上 有少少自己shabu shabu咁嘅感覺，牛肉肥瘦均勻 望落顏色都幾新鮮。鍋入邊仲有大量嘅蔬菜豆腐芋絲等等嘅配料。大蝦天婦羅好酥脆 嗰漿好薄身，重點係夠熱辣辣😋另外最令到朋友驚喜係餐廳喺壽司碟上邊寫上Happy birthday，又靚 打卡真係一流😆😆 又有邊個估到日本餐廳都可以咁同你慶祝🤭💯…Read More

約左朋友食飯想食甜品 即刻諗起呢間Tera寺，之前食過 已經覺得好好食🤣 佢有幾間分店 我哋今次去大圍店 係地鐵站上面好方便。明太子蟹肉意粉 條條意粉都包滿明太子忌廉 蟹肉都唔小，好濃郁 好好食。吉列大蝦滑蛋飯 有咖喱同埋肉汁可以揀，我地簡左肉汁😋 有3隻大蝦 熱辣辣 蝦肉都幾爽 唔會霉，肉汁唔夠再問店員都有拎比我地 好nice呀😙最後呢度必食一定係佢嘅甜品，我哋今次就揀咗Hazelnut焙茶pancake，pancake好鬆軟 好香 焙茶味唔係好甜 啱晒低糖人士😌 如果鐘意食疏乎厘班戟呢間真係超推介…Read More

今日去左間餐廳環境氣氛都唔錯，朋友傾偈 情侶拍拖慶祝紀念日都好適合。我地2個人order左2份主食share。意粉叫左香煎帶子青口三文魚子香草忌廉汁扁意粉，淨係聽到佢嘅餸都已經覺得好豐富😆 雖然話就話幾汁，不過佢係以龍蝦湯為底 所以都幾香海鮮味。佢嘅帶子好厚好鮮甜 青口肉，亦都好嫰 唔會話好靭，意粉嘅軟硬度亦都啱啱好，唔錯！肉類主食要左煙燻香脆乳豬配焦糖菠蘿，另外再配埋一小碟沙律。呢個煙燻乳豬餐廳好有儀式感佢會用一個木盒裝住入邊已經煙熏好嘅乳豬上台，店員一打開木盒嗰一下就會有好多煙飄出嚟 好香，色香味俱全仲可以打埋卡😆 之後佢就會攞返入廚房幫我哋切好先至上碟。乳豬嘅表皮真係好脆，而且一啲都唔肥好多肉，睇嚟佢哋嘅食材真係有挑選過。另外嗰個沙律就會有啲類似小米同埋蕃茄提子乾，味道唔係太濃 我覺得概可以當沙律又可以當一個迷你飯咁樣配住食。甜品我哋叫咗一個78%朱古力心太軟，心太軟上枱嘅時候熱辣辣 啱啱焗起，中間真係好流心火候啱啱好，朱古力又好香濃配埋雪糕 如果唔係因為太飽我哋差啲想叫多個嚟食🤪 呢個甜品真係有啲驚喜😆…Read More

牛站已經開多左好多分店 不過味道質素都保持同 食過咁多次依然好正😊 我每一次嚟食都會揀佢嘅鴛鴦湯，其中一個湯必定選佢嘅麻辣湯湯底，好香 越滾越辣😌呢間嘅牛肉質素唔錯，牛肉嘅顏色都幾好，睇得出係新鮮唔會話黑蚊蚊又出晒水。另外出邊有好多食物自己選擇，丸類蔬菜都好豐富。有一款黃金流沙丸 同埋長蟹柳推介🤘🏻另外不得不喺呢度嘅麻辣小龍蝦🦞 無限任食 仲有乳鴿，要回本話都冇咁易。另外呢度自製冷泡茶都唔錯，雪糕甜品種類又有好多 打邊爐又夠冰凍 一流🥶🥶…Read More

呢間喺葵芳新都會開咗無耐嘅台式火鍋 應該係我喺香港食過嘅火鍋！佢入邊有大量嘅食材都係來自台灣，同埋超有台灣特色。小食方面嘅數量真係多到不得了 有台式烤腸仔 麵線 鹽酥雞 蚵仔煎 地瓜 仲有自己配搭嘅芋圓 好似去左台灣掃街咁😝講返佢嘅火鍋 我哋要咗鴛鴦湯 湯底都幾香濃 醬汁方面都幾推介佢個炸蔥油！配料方面有好多款淨係單單肉類都已經超過10款，個人勁推介 佢有一款蝦丸入邊有鹹蛋黃 好好食😋 佢嘅海鮮都唔錯，有蜆 墨魚仔 個size都唔細！如果想食台式火鍋，呢間真係首選！…Read More

呢間係中環 近SOHO區嘅韓國過江龍人氣炸芝士豬扒 我都係專登山長水遠嚟食佢嘅芝士豬扒，但係食落估唔到其他嘢都有驚喜！我哋兩個人每人叫咗一個餐，分別係芝士豬扒+炸蝦同埋特選吉列豬扒。特選吉列豬扒比較特別 每一份除左豬扒仲有豬面肉 質地會比較腍冇咁嚡口，而且有少少油脂 食落就比較香口。另外芝士豬扒拼炸蝦🍤 芝士豬扒中間嘅芝士好香 雖然冇話好拉絲 但係連埋豬扒一齊食都好夾，炸蝦超級有驚喜 好彈牙爽口，肉質一啲都唔梅 推介！雖然全部都係炸嘢，但係都唔會好油膩，炸粉漿做得唔錯👍🏻每一份都有無限refill嘅飯同埋韓式冷麵 另外仲有份超清新嘅柚子沙律 配炸嘢食100分…Read More

最近天氣都唔錯 同朋友專登入西貢行吓，見到呢間餐廳喺海旁邊裝修有幾靚環境望落都好舒服😌就入去試吓天氣熱，我揀咗個柚子鰹魚高湯蜆肉手打烏冬，柚子清爽 鰹魚湯清甜 加上蜆肉嘅甜味 真係好啱呢個天氣食！同店員傾咗幾句，佢話佢哋嘅烏冬全部都係自己手作 親手搓嘅，呢個湯完全冇加任何味精 就係好豐富嘅鰹魚同埋蜆肉味道 👅 唔怪得知雖然材料好似好簡單，但其實食物味道已經好豐富。佢哋嘅鰹魚仲係來自日本㗎😍😍飲品我就叫咗意大利金橙抹茶梳打，抹茶味超級濃 係來自日本既茶園，店主精心挑選過既。呢間餐廳環境真係幾靚，連啲餐具都好精緻 食物好食 又坐得舒服，唔錯！…Read More

估唔到香港原來有間咁好食既和牛燒肉專門店！呢間位於D2 Place既和牛燒肉，我哋叫咗個花O特盛，入邊已經有六款和牛，豚肉、雞肉同埋海鮮拼盤，完全唔洗煩要食咩！另外我哋仲單點咗紫菜飯，食燒肉我就最鍾意食飯🍚可以中和返肉肉嘅油膩感🤣食物好快就上枱，全部擺盤都好靚，每款肉同海鮮得好新鮮。首先食左和牛先，和牛友三角油脂係最豐富，點小小燒肉汁真係一流 牛味極香濃 每一款牛都好好食！🥩豚肉既肉味都好好食 五花肉唔肥，肉質彈牙 唔會鞋。雞肉有雞胸肉，雞柳同埋雞頸位置，雞頸位置就比較爽彈 我最鐘意！雞柳亦都唔會好鞋。海鮮有大虎蝦，原隻魷魚🦑同埋厚切元貝，元貝好鮮甜，虎蝦蝦頭重有蝦膏 好香口🤤佢全部海鮮都好新鮮，我諗可能都係急凍貨，但係食落口一啲都唔會霉 全部都實淨彈牙！呢間嘅燒肉絕對係香港食過最滿意嘅燒肉餐廳，佢既餐牌雖然好簡單，款式唔算好多，但係佢真係每一款肉都好新鮮，好好食😋真係做到牛有牛味，雞有雞味，豬有豬味👍🏻 比我上個月去日本食個餐燒肉更加好食👍🏻👍🏻👍🏻…Read More

呢間喺太子酒吧街嗰頭嘅餐廳 餐廳用粉紅色調燈光又好柔和好有feel 用餐環境好正，佢ge dinner set好豐富 價錢亦唔貴🫶🏻頭盤有四款，我自己最鍾意就係煙三文魚牛油果沙律🥑🍅同埋蒜片蝦🧄🦐，牛油果醬帶少少檸檬酸 一啲都唔油膩，配埋煙三文魚好好食。蒜片蝦上枱嘅時候啲油重滾緊，啲蝦又大又彈牙😋 主菜有肉同埋意粉 每樣揀一款，今次我就要咗蟹肉伏特加香辣蕃茄忌廉粉，酒味唔會好濃 係有香味，蟹肉份量都唔少 每啖都食到🫶🏻 主菜就揀咗鴨腿伴薯餅，鴨腿啱啱好熟 唔會Overcook，肉質彈牙🦆甜品+$48西班牙油炸鬼心必食！佢杯埋雪糕同埋朱古力醬 油炸鬼熱辣辣 叫佢可以上甜品個時先即做👍🏻 跟餐兩杯飲品就要咗無酒精飲品，抹茶柚子味道唔錯推介！…Read More

專登趁假期去馬灣行吓順便食呢間隱世Cafe😚 離島嚟計馬灣人少少風景又靚，搭船搭車都入到黎 交通比想像中方便。 法式香煎鵝肝(配慢燉蘋果及陳年意大利黑醋汁)$158 👉🏻 我真係要比💯 蘋果嘅甜中和咗鵝肝嘅油膩，夾埋一齊食，本身已經係Perfect match 加上鵝肝夠厚，真係好Creamy😋慢燉澳洲羊腿(配香烤雜菜及薯蓉) $288 👉🏻 羊腿好大份 肉汁好香濃 燉到入哂味，配上薯蓉真係正🥔小魷魚墨魚汁意粉 $178 👉🏻 雖然會食到個口黑蚊蚊，但係個汁真係好好食 墨魚圈彈牙實淨👍🏻芒果果昔$55 👉🏻 飲得出係用咗新鮮芒果打汁，天氣熱熱地 夠哂冰凍 唔會太甜🥭🍹益力多果昔$55 👉🏻 乳酸味濃 應該用左好多益力多 消暑開胃一流🍓🍹呢間Cafe價錢唔算太貴，但係食物都好精緻好味 紀念日或者生日食飯都好岩，順便行吓 可以遠離市區 都唔錯😌…Read More