labrat's Profile

煙燻雞柳雖然唔太覺煙燻嘅味道，但係真係好香脆。份量都幾多，不下於十件八件，我估計有150-200g茄湯好濃厚，有少少香草，食完無口乾，真材實料無味精。跟餐湯底有青蔥炸蒜，但係湯根本濃到佢地嘅味唔太出。今次諗住刀削麵會掛湯啲，所以要左刀削麵。麵比較淋身，唔會特別推介。下次可能試下啲更有特色粉麵同炒蛋🤩雖然比其他粉面可能貴左好多，但係料同平時啲魚蛋雜丸唔可以相提並論，個湯底又咁足料成本真係唔低，佢嘅價錢都幾抵食！同行友人order左田園餐，有豆腐炒雜菌秋葵同萵筍，好少有咁豐富嘅素食選擇！…Read More

話說濃姐就黎光榮結業喇😢我都未試過秘制牛腩腸 前後幾日都食過我啲至愛一於試下新野啦🆕秘制牛腩腸係最後的時光嘅新產品黎完全唔知應該expect啲咩😌世都估唔到居然係有一舊舊牛腩平均半條兩件一條四件一盒四條咪有成十六件性價比真係爆燈了🤯可惜係每舊牛腩都太大舊喇😌一夾起 腸粉就散唔知係咪好事呢😅另外因為用左瘦牛腩 所以無平時好淋嘅口感我身為怕肥嘅女仔當然鍾意啦🙊但係唔知其他人食牛腩係咪追求尼樣嘢呢🙃🥩🥩🥩🥩🥩🥩🥩🥩🥩🥩🥩🥩🥩🥩🥩🥩🥩🥩總評分食物質素🌕🌕🌖🌑🌑CP值🌕🌕🌕🌗🌑WOW指數🤩🤩🤩🤩🤩encore 👏🏻👏🏻有其他野仲想食 例如五香肉丁蝦仁同叉燒所以有唔會encore牛腩腸IG @masshyupoteto…Read More

有齊菜、肉同碳水有一餐😋除左我自己鍾意腸粉之外，尼排成日幫襯濃姐嘅原因係因為成日要照顧老人家🧓🏻老人家要食啲淋身啲、容易消化啲嘅嘢，腸粉正正係一個選擇💪🏻加埋啲重口味啲嘅餡同啲非常香嘅豉油，老人家真係好受落㗎🤩都係諗住說服啲老人家食飯，今次個腸粉得左😝同以往一樣，條條腸粉都有豬肉、生菜，份量都唔少，完全可以代餐！豬肉唔係正係得肥豬肉，少少彈牙，配埋啲爽口嘅生菜碎，口感都幾豐富😚唯一嘅不足可能係豬肉個味道比較淡，要係咁沾豉油😅🥬🐷🥬🐷🥬🐷🥬🐷🥬🐷🥬🐷🥬🐷🥬🐷總評分食物質素🌕🌕🌕🌖🌑CP值🌕🌕🌕🌕🌖（28蚊嘅小食好似好貴，但係當正餐嘅話真係好抵）WOW指數🤩🤩🤩🤩🤩encore👏🏻👏🏻👏🏻👏🏻👏🏻（已回購多次）…Read More

見網上好多人share，妹妹又想食韓國野，所以星期六連埋媽咪三個人去左食媽咪嘅生日飯，但係失望而回其實真心難食嘅韓國野又真係無食過，最多係油膩啲或者細份啲啫，好少會刺激到我要寫食評，但係尼間真係俾我blacklist🥲首先叫左一份蜂蜜牛油無骨炸雞、一個傳統飯卷、一個蛋包飯、一個柑橘乳酪炸雞份量最多嘅係薯條，其次係蜂蜜牛油，大家鍾意蜂蜜牛油薯條嘅話可以試下。炸雞就有雪味，鐘意炸雞嘅話去超市買啲現成嘅氣炸鍋仲好。飯卷就⋯⋯依家都唔可以話貨不對版嘅，原來唔係紫菜包飯就唔係紫菜包飯。佢係近乎一個七仔買到嘅日式紫菜卷囉。可能我見識少但係認真無食過無牛蒡但係有青瓜嘅韓式紫菜包飯😅飯都唔覺有落芝麻油、壽司醋，就係中式絲苗白飯甘樣😅蛋包飯就好難出事嘅，都係蛋同飯啫。但係牛肋骨唔知點解好難入口！好彩上黎都見到其他人都係咁講，唔洗搵牙醫住😂柑橘乳酪就無柑橘香，得柑橘味嘅苦🤢🤮到底發生了什麼事😵‍💫好彩本身預左食少啲追加甜品，起碼無曬咁多野食成件事最對版嘅係個景，啲蚊仔飛來飛去好合乎terrace in seaside室外用餐嘅感覺 🦟都係呢個價位，可能去韓國街食飯仲開心🥲…Read More

️🍖叉燒腸加蔥花 $26 📌足料瘦叉 非叉燒醬炒肥豬肉碎📌腸粉堅硬有彈性📌此腸粉不同彼腸粉我以前喺呢頭返學，經過濃姐就心諗，都係腸粉點解會貴咁多？後來自己做兼職搵錢，食過一次，就一試難忘🥰媽咪教落，食腸粉其實係為食醬😂但係食過濃姐就知道咁樣諗只係因為重來都無試過一條好腸粉😌濃姐嘅腸粉係皺皮腸粉，每層都好薄、晶瑩剔透，如果有餡就會隱約見到🤤同時米香都好出色，無論配咩料都會食得出🤩另外口感都好出色，每次食都係咁，保持到水準，係煙靭有彈性嘅，好似pad thai咁樣😚今次配左叉燒餡，大家都見都係一舊舊叉燒咁樣比，絕對唔係酒樓個啲叉燒醬肉碎🤪一大賣點係佢哋嘅腸粉豉油。佢唔係普通現成嗰啲豉油，而係自己調過嘅。做開熟客仔都幾肯定，因為真係每次都唔同！有時啲炸蒜多啲，有時少啲，有時有啲洋蔥仔添🤣佢哋依家有告緊急又搵緊人頂手，唔知第日邊到可以食到高質嘅腸粉呢🥺*有好多素食腸粉可供選擇🤩🍖🍖🍖🍖🍖🍖🍖🍖🍖🍖🍖🍖🍖🍖🍖🍖總評分食物質素🌕🌕🌕🌕🌕CP值🌕🌕🌕🌕🌕（26蚊嘅小食好似好貴，但係通常都有300g，接近八條腸粉，可以當正餐）WOW指數🤩🤩🤩🤩🤩encore👏🏻👏🏻👏🏻👏🏻👏🏻（已回購多次）…Read More

🌮芝士蛋鹹牛肉手抓餅（自己手抓餅自己話事）$32📌拉絲芝士ALERT😍📌人生中最脆嘅手抓餅🌮🌮🌮🌮🌮🌮🌮🌮🌮🌮🌮🌮🌮🌮🌮🌮見到社交平台上見到尼間立食架～理論上圓仔記係以芋圓起家，我就應該試下佢個芋圓先，但係因為我唔好甜，都係試返啲鹹食好🤓拎到上手第一件事就係發現佢嘅折法好特別👀 我以往食過嘅手抓餅都係將兩邊蔥油餅摺埋一齊就入袋，但係圓仔記嘅手抓餅係左邊右邊向中間各摺一下，所以個效果好似卷餅咁🤩入口第一啖，係未食到料嘅，但係已經可以欣賞到個蔥油餅熱辣辣，外皮煎得好香好脆。🤤跟住繼續食，就會食到入面嘅餡啦，蛋就好標準一隻🍳 唔會好似啲吐司咁爆餡，但係都係意料之內嘅👍🏻 鹹牛肉嘅份量都幾出色，唔似有啲地方咁淨係俾幾粒你，係落左一pat好似肉醬咁樣😝最出乎意外嘅其實係芝士，因為佢哋竟然係用緊拉絲芝士🫕 點解咁驚喜？因為通常手抓餅都係用緊美式加工芝士，加工過程令到佢比較平、營養流失同埋熱量比較高，拉絲芝士屬於比較天然嘅芝士，健康低卡啲架😉 而且份量都唔少，足以做到咬口感同埋拉絲效果～芝士呢part勁like啊喂🥹🥹再往下附近賣手抓餅嘅，就發現其他鋪頭都賣到40蚊份，31蚊可以揀到3個配料配埋汁同辣粉真係好底玩🥰為一嘅缺點係食完之後成隻手都係油⋯⋯但係都叫做預左架啦，始終都係小食黎家嘛😂🌮🌮🌮🌮🌮🌮🌮🌮🌮🌮🌮🌮🌮🌮🌮🌮總評分食物質素🌕🌕🌕🌕🌗CP值🌕🌕🌕🌕🌖WOW指數🤩🤩🤩🤩🤩（拉絲拉斯拉絲芝士🥰）encore👏🏻👏🏻👏🏻👏🏻👏🏻（下次應該會試下泡菜！泡菜拉絲芝士😙）🌮🌮🌮🌮🌮🌮🌮🌮🌮🌮🌮🌮🌮🌮🌮🌮…Read More

🫐🧀湯種藍莓乳酪貝果 $18呢款bagel都唔可以叫做乜嘢特色花款或配搭喇，藍莓同乳酪嘅組合早已係芝士蛋糕出現過啦，但係今次呢個bagel都幾出色架！一如既往，享樂烘培嘅bagel重來都唔會缺餡，今次呢個都有好多藍莓係個麵團，包住條芝士條。藍莓酸酸地，應該唔係用藍莓醬或者果乾，而用左新鮮藍莓。芝士唔會太膩，同個藍莓嘅酸好balance。口感方面，就好睇點樣處理食物喇。我細佬無翻熱，就話好難咬，但係我半個bagel用微波爐翻熱30秒，出黎嘅效果係好煙韌，另外個一半試下用氣炸鍋160度翻熱4分鐘就做到外脆內軟。🥯🥯🥯🥯🥯🥯🥯🥯🥯🥯🥯🥯🥯🥯🥯🍵🍡湯種特濃抹茶麻糬貝果 $20 享樂嘅茶系bagel可以話係茶控必試。我一向覺得自己唔太鍾意食茶味嘅野食，尤其是烘培產品，因為因為除左伯爵茶之外，大部分都係得個色，無咩味道可言。但係呢個bagel扭轉做我對綠茶嘅認知！呢個bagel唔止於墨綠嘅外皮，裏面嘅抹茶餡更係帶抹茶香同埋有回甘。最緊要係佢唔會太甜！一啖啖食嘅時候，真係好似食緊草咁樣。另外，嘅麻糬唔係平時撈黃豆粉個隻，而係拉絲痴痴地個隻，唔會令到成件事太難咬。口感方面balance得好好👍🏻👍🏻🥯🥯🥯🥯🥯🥯🥯🥯🥯🥯🥯🥯🥯🥯🥯🍵抹茶司康 $16@1 $28@2鬆餅個外型好特別，一定有特別幫佢造型。正方形加中間一邊爆開左，幾得意。味道方面都係濃濃茶香，唔太甜。比較出色嘅係個口感。佢保留到啲水分，要落去比較濕潤，唔會好似出面餅舖咁一咬就散同碎，亦都唔會口乾。overall都出色嘅，但係性價比同埋驚艷程度就同抹茶bagel相形見絀。…Read More

今日係銅鑼灣行完宜家傢俬之後，覺得有啲肚餓同埋超想食炸魚薯條，又唔想太大份太貴所以就去搵間港式茶記。因為兩年前黎過，試過個煙肉白汁意粉，所以知道文華有一定水準，所以決定返去。坐低見到餐牌嘅時候，都有猶豫過，係咪應該試下個豬扒蔥油飯呢？但係最終都係秉持著自己嘅初心，要左份吉列魚柳配薯角。點知一上台，嘩，咁癲嘅？二十幾條薯角配塊大過我塊面嘅魚柳？喂咁足料叫我一個女仔點食啊？今次知衰喇，下次一定會帶埋大班朋友過黎試埋啲炸豬排啊西多士啊肉絲炒麵…Read More