hey.foodly's Profile

之前行過見到佢坐滿哂人 跟住又望下佢menu 都覺得幾啱食 所以琴日就去左試下啦我試左佢個海南雞飯 覺得都幾高cp值份量好大份隻雞好滑身 咬落去好嫩口同埋真係一條骨都冇的啲醬料都好特別又開胃唯一覺得不完美既就係佢冇油飯 所以唔夠香.豬頸肉煎蛋飯有隻蛋加埋落去送飯再加埋佢哋啲秘製醬汁係真係會可以食哂d白飯豬頸肉平時好少食因為多數都覺得好漏但佢哋做得啱啱好 香得黎又唔會太油膩仲要有啲啲脆口…Read More

環境好舒服 想同朋友搵個地方吹下 食下野咁就一定要黎了坐既位置又夠闊落食物質素都非常之好今次叫左香烤肉眼牛扒配薯仔我地叫5成熟 佢地真係啱啱煮到五成熟 入口好軟嫩 肉味都好有牛味 薯仔都烹調得好好味.雞肉芝士漢堡配薯條想講佢配雞肉成個味道都好match又唔會好漏咬落去好覺得好Juicy 而且漢堡都做到好鬆軟嘅效果平時多數都係食牛肉漢堡今次食雞肉覺得好驚喜.…Read More

柴灣飯堂 數一數二會食既餐廳 個人鍾意食啲彈口既麵 所以選左幼麵但今次崩沙腩硬左少少 如果冧返少少會好食啲但味道係好味既 食完又唔會好口乾而且份糧都好大多 不論係崩沙腩同麵都好足料員工招呼都好好👍…Read More

唔係朋友介紹都唔知道有呢間隱世小店因為佢喺橫街入邊架店舖比較細 所以返枱位置有時都要等下上次去係勁多人 但老闆娘態度依然都係好好會耐心招呼 同埋出餐都係keep到率.覺得佢皇牌金川湯 係一定要推薦酸酸辣辣好開胃 食完之後仲好想飲晒啲湯🤣我係叫咗蠔仔 雞腎同埋冬菇三樣都好好食好新鮮 而且係勁足料全部都係大大份而朋友就叫咗湯飯 一樣都係搭金川湯感覺上會比米線更飽肚佢叫咗豬膶同埋貴妃雞仲有蠔仔豬潤整得好好食一啲都唔覺得有血腥味貴妃雞好滑 烹調時間控制得好好…Read More

老闆娘好好招呼 餐廳環境好乾淨 雖然係偏懷舊而且入去個感覺就係人情味好重無論嗌啲咩餐都會有湯水送俾你啲飯大碟又抵食 而且每日都會有特價嘅餐單上次試咗椒鹽豬扒飯好驚喜佢個飯底係炒飯底好少茶餐廳做到的多數都係白飯底啲豬扒有好多塊而且好重椒鹽味而且又唔會好硬好難咬唯一缺點就係叫佢少飯都仲係好多飯次次都多到食唔哂 但又好好味🙈 $58黎講cp值做得好高…Read More

下午茶樂天皇潮有6折 同埋環境坐得好舒服同朋友傾計一流呀基本上大部分經典菜式都有6折我地叫左特色小籠包想食比較特別既都可以試下有八種口味 原味、人參 、蒜香、鵝肝、黑松露、川味、芝士、蟹粉個人比較鍾意蟹粉、原味 同埋黑松露小籠包夠熱同皮夠薄.醋醬海哲頭味道令人覺得好開胃 又爽口.風味手醬汁鴨舌 味道叶得好夠味 但覺得係偏向台式口味多啲但都好好食 又唔會辣到噴火.李白醉雞雞肉好滑身 唔會雪到硬哂又冇雪味整得好入味 酒味又重.…Read More

作為港島人覺得呢間係一定係要bookmark的因為真係次次去親經過都會食 西貢都有分店 個人認為兩間都差唔多水準個重點係佢係一杯健康又清新既雪糕黎自選配料有好多種水果選擇我就選就藍莓同士多啤梨水果好新鮮 士多啤梨又唔酸又夠甜 藍莓又夠大粒芒果都好甜 佢個招牌焦糖脆脆我超鍾意醬料我自己覺得唔駛加 因為有水果配搭都已經夠哂味 但朋友話覺得加啲honey會好食啲 因為yogurt 味好重雪糕配乳酪呢個配搭都好好食而且都好夠滑 好似食緊牛奶雪糕咁…Read More

#heyfoodly_新蒲崗#heyfoodly_潮州打冷陳儀興飯店相信應該冇乜人未聽過 主打食老字號潮州打冷 夜晚八點幾都坐到滿座 但店員哥哥依然貼心為我哋介紹菜式既食法.凍食黃油馬友肉質好實正 好鮮甜 大大條啖啖肉 就算唔點醬都好好食一啲都唔腥本身唔太鍾意食魚嘅都覺得好食.潮式滷水拼盤滷水肥鵝腸拼鵝粉肝滷水夠入味 鵝腸都口感爽脆彈牙同埋底層嘅滷豆腐都好入味但又唔會太鹹.潮州春菜食潮州菜一定會食下 因為平時好少會食質感會有少少偏淋但連埋湯汁入口都幾好味同埋個湯底都唔會好油.潮州魚湯浸大蜆魚湯除咗奶白色之外 味道仲鮮甜香濃仲要再配埋啖啖肉嘅大蜆 真係好鮮.潮州蒜香骨勁香口既一個餸菜一咬落去就可以同骨分開仲會食到有蒜炸同南乳嘅味道而且仲要係啖啖肉好好食地址:陳儀興飯店 (崇齡街) (新蒲崗)新蒲崗崇齡街40號地舖…Read More

ᵕ̈ ᵕ̈ ᵕ̈ #heyfoodly_旺角#heyfoodly_日式社交平台成日見到呢間既廣告，bookmark左好耐果日終於去左試。果日好好彩星期日都唔算多人唔洗點等位。用餐時間90分鐘。入門口後店員會俾份menu自己搵位慢慢睇野飲，至於蛋糕就要自己出櫃面睇。因為果日天氣係超級熱，叫左杯｛Espresso Tonic 💰$60｝有兩隻豆可以揀，我對咖啡豆無咩研究就揀左隻fruity d既，另一隻就係會咖啡味重d。比出面飲既會偏酸小小，咖啡後調都會偏酸，但香味好出，夏天飲我就覺得一流啦～｛冠茶💰$45｝同場見佢都有幾款日式茶揀，所以揀左隻試下。店員話total可以沖3次，其實一次就等於一杯啦，茶味第一次就最出，先甜後回甘，第二次就比較清新，第三次就最淡。但飲完要托盤連壺同杯一齊拎番去俾佢地加水呢樣我就覺得Kick左小小。｛日本蜜柑白芝麻牛奶慕絲蛋糕 💰$68｝蛋糕方面就有小小失望啦～佢成個蛋糕體比較硬同乾，如果唔係睇番見佢寫白芝麻我唔係好食得出，d cream淨係食到小小似花生油既味，可能佢都知食耐左會覺得漏，所以加左蜜柑中和。但我食到一半就唔係好食得落了。｛Trimisu 💰$65｝佢唔係傳統酒味同咖啡味好重既tirumisu，所以岩哂Ｄ驚太濃既朋友仔。d cream 比較挺身，但佢唔係好甜，食到小小朱古力粉既香味添。手指餅個口感我幾鍾意，唔似出面果Ｄ食落成啖咖啡酒湧出黎，佢岩岩好濕潤有小小咬口，但個人口味比較重就希望可以有番多Ｄ酒香同咖啡味。同場有另一半係一Ｄ來自日本既精選小物，大多都係杯碗碟，價錢唔算太貴。如果係附近行街行攰左都幾建議可以上去飲杯咖啡坐下休息，都幾chill。😌❍ ❍ ❍ ❍ ❍ ❍ ❍ ❍ ❍ ❍ ❍ ❍ ❍ ❍ ❍✨Bestow (旺角)旺角登打士街43H號登打士廣場5樓#heyfoodly_hk#美食#香港美食#hkig#foodie#hkfood#hkfoodie#hkrestaurant#旺角#油麻地#日式#甜品#蛋糕#好去處#cafe…Read More

ᵕ̈ ᵕ̈ ᵕ̈ #heyfoodly_東涌#heyfoodly_日式快快脆脆寫左呢間先🤣呢間係日本好出名食海鮮丼既名店，聽聞如果係日本想食要排成2個鐘隊😮食既時候都係咁聽到在場既人講「終於唔洗係日本排餐死啦」。個menu其實好簡單，得4款丼飯同幾款野飲，另外有刺身/魚湯可以俾錢追加。4款丼飯個base都係一樣，唔同係最平既「梅」係無蟹肉，另外3款係有蟹肉。仲有2款係有埋海膽，而最貴果個就係全部增量。我就分別叫左一款有蟹無海膽既「竹」同埋增量既「特上」，另外仲追加左份刺身。追加刺身💰$48其實全部丼飯都包左一份4片既刺身。我見佢有得order刺身，我仲諗緊會唔會有其他刺身添，點知係我諗多左🤣😂當日食係油甘魚既刺身，唔算好厚但一d都唔腥同肉質係彈牙新鮮既。佢建議可以先食2片，留番2片到時加落湯到一齊食。竹 💰$198，特上💰$298呢兩個既分別係貴d果個有海膽同刺身份量多左，所以我就一齊寫啦。佢每一枱都個牌寫建議食法，呢個聽聞係日本無既，所以香港都幾貼心。不過佢上枱既時候店員都會再輕輕講一次，佢地建議先鋪平d魚生，然後將Wasabi加入特製蛋黃醬再淋番上面，食淨1/3時可以叫佢地幫手加湯。我本身就唔太好海膽既，但呢個海膽算幾好食，total有5塊都算大片同埋完整。就咁食就食到個鮮甜，但撈埋個飯一齊食既話，可能有埋其他海鮮我就覺得有d腥啦。另外個飯既海鮮係有紅鱈蟹，鮭魚子，赤蝦，鯡魚子，象拔蚌，螺肉，魷魚，金槍魚同埋金槍魚蓉。但好老實講，除左面頭好多既金槍魚蓉同兩款魚子外，其實唔係好食得出有咩😂係間唔中食到口感有d煙韌既海鮮，同埋有青瓜+小小紫蘇葉令成個飯fresh d。不過以我咁驚腥既人都ok咁證明佢d材料都新鮮既。至於加湯方面，佢既份量係有standard ，如果想叫佢再加d就要俾錢追加盛惠$38😂叫完店員佢會加埋小小三芹葉，茗荷同埋青檸皮。我自己幾鐘意加左湯，成個鮮甜味更出，但海膽咁樣食就有d苦。可能因為本身入邊啲嘢係凍啦，加咗湯之後其實都唔算好熱，暖暖地咁樣食完都幾舒服。但如果可以我想試下原汁原味既湯係點既，所以我寧願佢另外上湯俾我會開心d。😂我平日6:45到前面就有2-3個人排隊，10分鐘左右就入得。但7:30食完出黎都有20個人左右排隊，所以如果想試都要俾d耐性。 ❍ ❍ ❍ ❍ ❍ ❍ ❍ ❍ ❍ ❍ ❍ ❍ ❍ ❍ ❍✨日本橋海鮮丼 つじ半 TSUJIHAN (東涌)東涌達東路20號東薈城名店倉B1樓B13號舖#heyfoodly_hk#美食#香港美食#hkig#foodie#hkfood#hkfoodie#hkrestaurant#東涌美食##東涌#日式#丼飯#過江龍#刺身#茶漬飯#日本排隊名店#海鮮丼#日本橋海鮮丼#Tsujihan…Read More

ᵕ̈ ᵕ̈ ᵕ̈ #heyfoodly_中環#heyfoodly_台式呢間係台灣既過江龍，平時返工見到網上外平台有得嗌都想試好耐。果日星期六黎講，唔算排好耐。大概15分鐘左右，留意番堂食每人最低消費$45。圓仔芒果嫩仙草盛盤💰$58芒果系列係香港限定。平時我唔鐘意好抗拒食仙草，但呢個顛覆咗我對仙草嘅想像。佢一啲都唔苦，一上枱已經好動L😂，會俾埋個芒果汁淋上去食，加埋粉圓一齊食除咗煙煙韌韌之外，又會有仙草凍既口感、非常豐富。個芒果粒勁甜，見到廚房啲人真係冇停過手切啲芒果😂同時佢仲會比5粒紅豆芋圓，紅豆好大粒好冧，芋圓就一般正常，加埋一齊食有d似好杰既紅豆沙加芋圓😂芋泥焙茶奶蓋雪花盛盤（小）💰$98一上黎咁大份真係嘩左聲。佢既芋泥係比較濕，唔會好杰好乾，但係芋頭既香味唔係好出。反而個焙茶味就好濃啦，鐘意食焙茶既人真係要叫！呢一個就跟煉奶，我鍾意食甜啲我就加晒，仲可以食到奶香。個冰底口感好特別，仔細啲食就發現原來佢加左仙草一齊刨，所以仲未食到有少少蒟蒻加冰嘅口感。食到差唔多最後發現個底原來都有仙草😂加埋都有5粒紅豆芋圓，食完超飽。❍ ❍ ❍ ❍ ❍ ❍ ❍ ❍ ❍ ❍ ❍ ❍ ❍ ❍ ❍✨八時神仙草 (中環)中環歌賦街19號地舖#heyfoodly_hk#美食#香港美食#hkig#foodie#hkfood#hkfoodie#hkrestaurant#中環美食#中環#台灣##台式##過江龍#甜品#刨冰##仙草#八時神仙草…Read More

呢間係以前新B仔附近，自從有次同FRD食過呢間之後都試過幾次，水準一直都KEEP 到。價錢同佢既質數相比我覺得幾抵食，佢平日還好，但星期五六日記得要BOOK 位，有時都幾爆。佢平時都會有SET DINNER，成日會轉，咁就係主菜+餐湯，另有會有優惠價加配一Ｄ小食。烤澳洲黑安格斯西冷配紅燒汁💰$208通常餐廳唔係咩名店都會OVER COOK，所以穩陣Ｄ我通常都會ORDER左3成熟俾Ｄ空間走盞下，出到黎都係岩岩好4-5成熟，又無血水。呢個價錢既肉我都收貨，肉質唔可以話嫩，但肉味夠濃。佢會有得揀薯菜/意粉，我揀左前者，薯條係粗扁果種無咩特別，但Ｄ伴菜好甜，少有食伴菜係覺得好食既。澳洲藍青口扁意粉伴海鱸魚柳💰$188個意粉一上黎就聞到好香，青口正常，應該係急凍青口，個魚柳我食落覺得有小小腥。😂但個意粉炒得好出色，用洋蔥煙肉蕃茄同埋香草爆香，意粉都軟硬都岩岩好。另外兩個主菜都配左是日餐湯，今次係椰菜花湯，本身對佢無咩好感，因為早幾日岩岩係第間餐廳飲左個唔好飲既椰菜花湯🫠。但真係無對比無傷害，呢間既湯濃稠度岩岩好，又好creamy，有小小驚喜。輕煎ROUGIE 法國頂級鵝肝多士伴焦糖蘋果 💰$88/1PC呢個就係今次黎既目的，以前食過grand hyatt既鵝肝覺得幾好食之後好少係出面食到整體都好食鵝肝，有D就係BALANCE做得唔好，有Ｄ就係多士好差，有Ｄ就係將鵝肝整到豬潤咁又鞋又腥🤢。但自從有一次食過呢間既鵝肝多士就返唔到轉頭！😗鵝肝既厚度有啦，煎到7成熟，唔會食到血水但見到淡淡粉色，咬落仲有油份。多士烘到少少脆又唔乾，加埋焦糖蘋果可以中和油膩感，先食到鵝肝既油香，再食到蘋果清新既酸甜，最後食到多士既香脆，一件$88，超值～～＊＊本身跟餐$78果個係無焦糖蘋果架，記得要散叫番先食到個層次！！是日生蠔 💰$58/PC，268/6PC平時都係，會有兩款是日生蠔，叫半打會平Ｄ，食過幾次都有叫蠔，新鮮既但都偏細隻，叫小小過下口癮OK既。另外佢仲有唔同酒類可以叫啦，COCKTAIL 都係平時果D無咩特別，反而如果女仔想飲小小酒精易入口可以試下佢地既自家釀造梅酒，偏甜酒精又唔太濃。❍ ❍ ❍ ❍ ❍ ❍ ❍ ❍ ❍ ❍ ❍ ❍ ❍ ❍ ❍✨凡直友里 (元朗)元朗又新街53-59號滿利大廈地舖…Read More

呢間小店係主打自家製餃子，主打正宗山東口味，調味較北方，我自己幾鐘意呢種簡易調味。平日收工時間７點打後就開始多人，唔想排隊記得早小小去。墨魚荸薺煎餃 (5隻) 💰$38呢個都可以講係佢地舖頭幾signature既一款餃子。餃子皮係加左新鮮墨魚汁，幾有噱頭。荸薺即係馬蹄，加左入餃子個口感係幾好，但我以為會有馬蹄既清甜點知唔係好出就有小小可惜。😟墨魚都彈牙既，但調味有小小單一。整體而言係好食既，但就唔係好大驚喜。京蔥羊肉煎餃 (5隻) 💰$34 呢個相反我就好鐘意。我本身都係一個好驚羶既人，又唔鐘意食蔥驚個草青味，點知呢兩樣結合左我會OK !🤩平時我都無食開羊，除左羊肉串加左好多香料外，其他基本上係煮既我都唔得。以前有試過回教果種羊肉餃子羶到呀媽都唔認得，之後我都幾抗拒羊肉餃子，因為好難做得好～但呢間真係要讚下，佢羊肉一Ｄ都唔羶，又好多汁好JUICE，蔥無草青味，覺得佢係點晴出羊肉既肉香。如果唔係抗拒食羊，純粹驚羶而唔食既人，真係推薦可以試下！～鮮肉韮菜餃 配湯 (7隻) 💰$46煮餃佢有2款，10隻果個係無湯既，因為北方食餃子係真係就咁清水煮餃，乾食。我叫呢款就7隻，係湯入面，可以飲埋個湯。個湯唔係好濃味果種，飲到淡淡類似鯊魚豬骨湯既味，唔算鮮甜但都唔差。反而個餃我就麻麻地，薑汁味太重，唔係好食到韮菜既香味。京蔥羊肉餡餅 (件) 💰$30呢個其實係京蔥羊肉煎餃既放大版。餐牌已經一早講明需時20分鐘，所以如果想試最好就一開始叫埋，唔係就有排等。平時食完餃子等多陣就上呢個餡餅，好貼心一上就對半切開左。雖然切開左，但食既時候都要小心Ｄ，因為佢真係爆汁！Ｄ汁多到好似食小籠包咁。外皮煎到好香脆～🤤個餡應該係同羊肉餃子一樣既，睇大家鐘意食餃子版定餡餅版。我覺得最大分別係個滿足度同口感，如果想試小小可以食左餃子先～雞絲粉皮 💰$50對於鐘意食雞絲粉皮既人，每個人心中都有自己鐘意既醬，我自己鐘意上海菜系既，有花生醬果種咸咸甜甜。之前所講，因為佢係北方口味，個醬就係用麻醬做，比較稀，食到芝麻香味。個雞都撕得幾大條，可以話係雞柳。我鐘意食個皮多過雞。麻辣魚皮 💰$38呢個係menu到唔見，但我見到有張貼紙係牆到，好似幾正又唔貴就試下。個魚皮好爽口同脆身，一Ｄ都唔腥。麻辣味就似出面買既麻辣辣椒油果種，小小麻辣味但唔算好辣。但就嫌Ｄ魚皮有Ｄ碎，小小難夾。…Read More