ho_ching_ching's Profile

媽咪提早入座因為全場只有2張餐桌上面用流水和卵石作裝飾，靚得嚟好特別。食物價錢豐儉由人，$788 2人套餐裡面竟然還包括紅酒白酒做welcome drink。服務非常有禮貌，不快不慢恰如其分。每次都等我哋食完先上下一道菜。我哋慢慢享受，一餐咁就食左接近三個鐘，吃得超級滿意。…Read More

揾食推介 ෆ 𝑭𝒍𝒂𝒎𝒆𝒔 ෆ 終於可以休息, 同朋友六點零係黃埔整完頭髮，正是晚飯時候，想坐得舒服d又食得好d，揀左附近呢間「Flames」😎 一出地鐵站對面街轉角位就見到隻船附近好多新潮西餐廳，Flames 是其中一間我喜歡的，店員很多都是外籍人士和後生仔，充滿活力，所以晚上通常都滿座，人氣高企。 餐廳以OPEN KITCHEN設計，一邊為熱葷出餐區，另一邊為水吧及甜品。職員遞上餐牌, 餐牌有分套餐(2人餐及4人餐), 單點食物, 甚至兒童餐都有。薄餅、意粉、扒、沙律、小食都有餐牌一眼睇晒，簡約設計，唔驚會有選擇困難症職員態度親切, 係我地選擇飲品時會殷勤介紹, 面有笑容又主動為我們添水, 重叫我哋慢慢看餐牌. 首先我們點了飲品, 叫咗兩杯 Beer, Kirin, 好清涼.SEAFOOD炸魚薯條配他他醬 $148主菜選了一個炸魚薯條，魚炸得剛剛好，魚肉多汁，脆口度適中，他他醬味濃烈，令人想一食再食！薯條好好食， 愛不釋手，香脆炸薯條非常脆口，令人一條接一條吃不停， 超香味，蘸茄汁岩岩好唔會太鹹，份量好大好滿足。燒大蝦三文魚籽龍蝦汁扁意粉外貌已是好靚，大蝦煎香至金黃，咬口爽脆，扁意粉十分掛汁，龍蝦汁帶蕃茄味及蝦既甜味，意粉配上三文魚籽食好FRESH .黑松露薯條粗薯條，絕對是我最愛😍 新鮮炸出更令我停唔到口😋食物大家一致都好滿意備註：🔺以英文下單為主🔺服務態度良好, 食品選擇多又抵食. 🔺得閒來碰杯吃晚餐既悠閒又經濟. 乘地鐵去也方便🔺環境清靜氣氛一流…Read More

最近幫襯了在葵芳廣場附近的「泰星匯」，都想分享一下。我同朋友都好鐘意試下D小店, 因為小店好多時都會比到驚喜我地, 今日搵左地膽朋友，佢推介位於信芳街近葵涌運動場的泰國菜餐廳。係地鐵站行去新都會, 再行去葵廣, 再由一條天橋落去就到, 其實都幾方便7時半入座裡面已經坐了8成人客。平日晚市亦接近全院滿座，記得要早點到。餐廳入面有十張檯左右，食客不少，而且仲有好多人叫外賣，生意不錯。餐廳🍴環境不大， 主要用上木系顏色加泰國元素掛畫等裝飾營造泰國🇹🇭地道氣氛，椅子 較殘舊，有點歷史痕跡。雖然這裏的地方不算是十分大，但是設計簡約得來又帶點泰式風情，用餐時，餐廳的電視播放著泰國歌曲短片，給我一種身在泰國的感覺。所以我們都十分喜歡。餐廳泰菜選擇頗多，小食、沙律、主菜、咖哩、粉麵飯類、各種各樣都有，全是正正經經的傳統的泰式食品，沒有整色整水的假泰菜，更有多種泰國特色飲品。我和朋友研究了餐牌，決定試一些平常不太會點的菜。串燒$64有雞、豬、牛可供選擇。我們點了兩豬兩雞。啖啖肉好好味，沾埋個沙嗲醬好好味，又香又濃味，唔錯。食下呢d香口小食，十分開胃。雞肉肉質香滑幼嫩，牛肉肉質鮮嫩，口感不會韌，帶淡淡焦香！🌟炸蝦餅 （細）炸蝦餅非常足料，口感彈牙，外皮炸得黃金香脆，非常滋味，配搭滋味泰式辣醬及沙爹醬，十分滋味❗️總結, D間小店真係有驚喜,  樣樣都幾好味,  而且性價比高,  下次會再品嚐！食物即叫即製，抵食，平民價，正。絕對是葵芳一帶高質精緻滋味泰國菜之選❗…Read More

和honey去了海濱匯走走。打算找間餐廳食吓嘢hea 一下。上網發現這家Mano好像不錯。主打pizza同西餐，望落價錢唔算太貴，於是決定試下餐廳座位不多，但位置空間感足夠，餐廳既整體裝潢時尚悠閒，舒適寧靜，正好可以舒舒服服地傾計，十分有特色。室內播放着英文歌曲，環境令人輕鬆自在。開放式廚房，但絕不會感到油煙，整體感覺不錯。而餐牌係簡潔風，菜式價錢一目了然。選擇眾多，有前菜、Pizza、Pasta、主菜、等，亦有Set dinner可以選擇，但今晚想輕食一點就選了單點。❣ SEAFOOD PIZZA $168好大陣仗，份量比想像中多，2個人都未必食得晒。餡料豐富，有蝦、魷魚、煙三文魚、香草和芝士。手工薄餅餅底富麵粉香，餅皮帶韌性，真係幾好食😋 值得推介！Mussels Linguine $148賣相已經非常吸引！Linguine意粉做到Al dente，口感豐富，意粉有淡淡麥香，用上飽滿的藍青口，忌廉香草汁煮透入味，每一啖都滋味豐美。餐廳位置較辟，但食物質素唔錯👍🏼，海濱匯只要食夠$200就可以免費泊車3小時當日差唔多滿座，埋單每人都係330左右，環境又好，又唔使迫， 絕對推薦去。下次有機會一定會再黎…Read More

疫情以來好久沒有出街食飯😍Honey選了黃埔地區，看完電影後，就在附近的餐廳「Flames」食晚飯。 我們大約6:30入座，被安排在卡位，坐得相當舒適。入座時還有好幾張空枱，但不一會兒，整間餐廳已經坐滿。這裡環境開揚，對著開放式廚房，感覺更衞生😇餐廳裝修走型格路線設計， 環境好chill，燈光昏暗有情調！乾淨且坐得舒適。店內的菜式非常多元化，意粉、肉類、沙律、，全部都有供應，適合一家大細來品嚐哦~ 我不太肚餓就決定散叫了！🥣$48 南瓜忌廉湯粒粒幼滑有口感，甜甜地又香滑。👍🍞$48 蒜蓉香烤多士完全無諗到有咁多片😱 烘得好脆好香！仲灑左大量芝士粉，好食！配忌廉湯就最一流，香脆可口越食越好味😋！紅酒繪羊膝配忌廉薯蓉燒蔬菜，羊膝方面，好香好Juicy，肉汁鮮嫩，加上有紅酒嘅香味，令到啲肉味更加香濃，忌廉薯蓉亦都好滑好creamy,燒蔬菜亦都好好味，蔬菜燒得啱啱好，令到整個菜式非常出色！食後感：上菜速度不會過快，沒有催促感，冷氣適中，光線柔和，座位亦舒服😌成餐飯勁滿足，無野彈，好開心這家西餐廳，個人覺得非常值得一試，餐廳在服務、食物和環境方面都不俗，下次會再光顧。如果想食，可以預早book定枱，或者用黃埔卡都有折。另外仲有觀塘，鰂魚涌店。…Read More

同朋友行裕民坊， 見呢間舖頭裝修得幾靚，大家又想食泰國菜， 就揀咗呢間#東羅泰館 室外有兩張大藤椅 好易認餐廳環境氣氛輕鬆，裝潢十分用心，以東南亞熱帶風，配以綠植和金屬風，環境舒適。曼谷東羅集合了不同文青餐館和特色小店，而這餐廳的戶外座位鄰近平台花園，也發著異國風情🍀室內佈置簡潔光亮。座位都坐得幾舒服，乾淨又闊落睇咗一陣間餐牌之後，就揀咗幾樣嘢食同嘢飲，先嘗小食逗逗自己開懷進餐：泰式咖哩配薄餅 呢個好好食 ，香脆薄餅配小辣咖哩，脆脆地 煙煙韌韌使胃口大開！芒果紅菜頭米紙卷38元，米紙卷包著紅菜頭絲、甘筍絲、青菜和香草等，伴碟為芒果粒、蕃茄粒和青菜等，醬汁是綠色的，賣相美麗，酸酸甜甜，清新開胃。東羅手打蝦棒，啖啖蝦肉鮮味的蝦棒，配特色甜酸醬汁脆香不油膩，非常可口！泰館大蝦冬陰功湯，帶微辣的冬陰功湯，口感香濃綿密，大蝦肉鮮爽脆，蝦頭甘香美味。足夠兩人分享 夠酸夠辛辣東羅泰滷豬手🥢🍖同平時食開嘅唔同味. 佢有鹹酸菜, 份量好多豬手非常入味, 充滿骨膠原 香軟美味另外飲品都非常出色呢間餐廳裝修靚，坐得舒服，食物質素亦都好，性價比高，跟朋友談着他以往的趣事，很舒適休閒的一晚。如果嚟觀塘食泰國菜係首選， 鍾意fusion菜可以試吓…Read More

平時食得太油膩 ，偶爾都想食得清淡d。約朋友近近地去黃大仙試吓呢間日常素食，果然無改錯名，主打傳統素食，不花巧，果然日常食都無問題～晚餐$136, 時間90分鐘我自己間唔中都有食素食，市面上一般嘅中式素食店都係散叫模式，款式種類亦唔多，但係依一間素食店，不單止種類多，食物質素亦非常高，價錢亦合理，大大推薦比各個年齡層嘅人去嘗試，尤其是年輕人，我相信會好容易接受得到。戈陣六點幾去到都冇乜人出乎我意料之外，係好多菜式，成場咁多嘢食，一入座已經急不及待即刻行左個圈😆有冷盤、熱葷、湯品、炸物、五穀類、甜點、飲品等等，淨係睇到已經流曬口水啦！前菜冷盤：沙律菜、、生果幾種的菜，可自行配上粟米粒、紅腰豆、三色椒、薯仔沙律等Sushi都好好食😋應該係蒟蒻整成，配埋wasabi豉油真係幾可亂真😆💓嘢飲都keep住冰凍，隔離櫃仲有唔凍嘅嘢飲🧃鮮橙汁、烏梅汁，汽水南瓜西米露、蛋散、紅豆糕、桂花糕、蒸糕等全都清甜足料好味幾欣賞嘅係佢有好多熱嘅湯類呢條魚幾甜都好好食值得一讚員工姨姨們好有人情味，亦都好照顧食客～比較小眾但係又好值得保留嘅一間餐廳。每一樣都做得好出色，因為事實上，煮素食嘅技巧甚至比肉食更加高，所以今次極力推薦大家去試一試間唔中呢個價錢食下素都唔錯…Read More

想遠離煩囂感受一下渡假風，黃金海岸確實係一個不錯嘅地方。呢日就黎悠閑咁食個lunch，好寫意呀！我哋揀左位於黃金海岸商場的紅葉茶屋，裏面座位好寬敞，裝潢非常日式，樓底夠高所以坐得好舒服。主餐的部分有日本住家飯的感覺，賣相ok, 但係覺得不是很驚艷，食物質素普普通通,吉列豬扒新鮮炸起唔乾唔油啱啱好定食價錢算合理，可以免費加飯可以食到好飽，最重要係服務員態度良好，加分👍佢哋嘅甜品都好吸引，尤其係個芭菲，賣相真係好靚用附近價位嚟比，算係抵食嘅，況且附近本身唔多日本嘢食…Read More

老公生日啦☺️咁重要既日子，今日拎咗半日假，陪佢出去銅鑼灣買禮物，行到2:00幾肚仔餓，而老公由細到大都好鍾意飲茶，咁就去譽宴飲杯茶，食個包位於銅鑼灣利舞臺廣場的「譽宴．星海薈」，專為婚宴場地為主，環境十分華麗，有專屬客梯到達樓層，一到達大門口，便會看見花花拱門及長長的旋轉樓梯，十分高貴，大廳空間感十足。這裏的裝修華麗非凡，大廳好靚好grand，枱同枱之間亦有足夠距離，夠晒私隱，亦唔會好嘈，坐得好舒服。幾鐘意去婚宴廳食飯係因為環境好，食物質素仲唔會差恰好撞正下午茶時段，各款點心都平d，可以點多幾籠點心. 呢度嘅點心係即叫即蒸🉐️，又熱辣辣，所以要預返等10至15分鐘！但係真係特別好食，因為新鮮製造！香麻叉燒酥$34外表酥脆可口，叉燒分量十足，絕對是一個不錯的小食。小籠包$52招牌必點之一，大大隻的小籠包，放入小巧的蒸籠，很別致，一口一個超滿足。一入口，包內的湯汁已經濺出來，裡面的湯汁好甜，有水準😍叫咗扭麻花, 加入椰絲， 脆口又好味，老公食咗好多舊❤️雪山叉燒餐包表皮是甜味的，咬下去裡面就有少少咸味。叉燒裡面都算大塊，再加上裡面有瘦肉有肥肉所以吃起來會有少少肉汁。叉燒可以， 餐包不夠彈性， 有些黐牙黑蒜螺頭燉雞湯(一人) ＄68原粒黑蒜加入螺頭和雞一齊燉，味道必然鮮甜；亦帶有濃郁的黑蒜味。之前經常看到這裏的食評，呢間中菜地點位置優越，位於地鐵站5分鐘左右的距離，相當方便。而且價格中等。總結黎講呢餐飯好抵食 坐得又舒服 超讚…Read More

今日行程緊密，行街行到攰攰地想食少少野同埋坐下餐廳在澳門逸園中心上, 不會過份喧囂. 餐廳裝飾偏暗, 很有情調, 令人放鬆. 抽氣系統非常厲害, 開放式的串燒廚房亦無油煙味.入到去揀咗坐吧枱，可以見到師傅即叫即燒。———————————————————前菜入座就先會有椰菜、青瓜同紅蘿蔔既前菜，俾食客清一清個口。新鮮的蔬菜作為一餐的開始和不同的串燒之間的緩衝, 實在細心.每人都會有一碟調味料，包括鹽、檸檬以及特調味噌醬。不過本身串燒已經有調味個人覺得原汁原味已經好好食 荔枝豬肉卷 （$38）五花腩肉片用少量鹽調味咬開之後 肉汁既鹹香同荔枝既香甜融為一體，清新嘅荔枝肉還能中和油膩感。配搭幾新鮮。好fresh ! 香口😌海膽海鮮炒飯大大片的海膽鮮味無比，分量十足，惹人垂涎。粒粒分明的飯炒得香口，啖啖滋味，而且乾濕適中。鹽燒雞翼 ($32)師傅切開一半後，令到骨位容易入口好多，外皮香脆，雞肉鮮嫩。浦燒鰻魚（$48）肉質細嫩 醬汁香濃日本小甜薯甜甜的小薯，正呀😍明太子雞翼（$32）漲卜卜好肥美 入面既明太子塞到滿一滿皮脆肉嫩帶些微辣味，大大啖，非常滋味。叫咗串燒粟米，上面搽咗牛油，好香好甜，仲好 juicy好多粟米汁。最後一定要食年糕，好吃。———————————————🔺餐廳就在Sogo隔離，方便尋找👍🏻價錢唔算平 但一分錢一分貨食串燒最怕全部同一隻調味 或者係死鹹死濃同埋佢全部串燒都唔會有多餘既油雖然食左唔係好多款串燒但食得出每一種既調味都有花過心思 恰到好處這裏是很有風味的日式居酒屋，staff 也很殷勤，有機會會再來。…Read More

黃昏時分，相約好友覓食於尖沙咀，好耐冇得旅行唯有去下勁有日本feel既居酒屋🥰當去左日本。剛好在K-11附近碰見了這間居酒屋，一於試試。呢間店裝修都幾有復古日本居酒屋feel , 座位不多, 要預先book位, 限時一個半鐘, 有點chur, 不能詳談, 但這是香港文化入到去見到成間餐廳都係仿木屋裝潢，彷如置身日本，有深夜食堂嘅感覺。而且屋內擺放左好多80~90年代嘅日本玩具，勾起我嘅童年回憶 🤣 對於我地呢D中年人，又別有一番滋味當年多麼青春美好，多麼令人懷念當日我哋6:30就去到，餐廳已經唔少客人，就算係星期2都full booking, 建議大家最好訂咗位先來落單係用qr code，野食都好快上到，係服務態度有啲慢Menu幾企理乾淨，唔會痴手！menu除左有魚生，仲有壽喜燒、串燒、丼飯等日式料理！價錢親民而且食物種類都幾多！🔻芝士免治雞肉棒 $58好食，因為佢嘅味道好濃郁，滿滿一條嘅雞肉棒裡面有爽牙可口嘅雞脆骨，每一口都好有口感。黑松露帶子柚子汁沙律 $128個汁酸may may加埋黑松露配沙律好開胃, 但帶子厚度有點薄五點盛合 HKD 298 係MENU見到呢個，覺得價錢唔貴，OK啦但見到實物，感覺係超值呀~ 上枱俾我第一個感覺，嘩，全部厚切，賺大了~ 朵帶子花，非常有心思呀~ 造型羸哂~比MENU嗰朵靚好多 D帶子仲帶有光澤架~ 五點盛合其實係餐廳按當日的來貨而做有咩靚就放咩啦，有點兒師傳發板的感覺。 🏠環境: 好熱鬧 枱同枱之間真係太近 基本上一定聽到隔離枱傾乜 唔係一個同fd吹水嘅好地方懷舊復古風味🍡猶如置身日本🇯🇵〰️〰️〰️〰️〰️👅值得BOOKMARK的一間地道日本菜，整體色香味都唔錯，份量亦好足夠，下次ENCORE會叫「原條成田醬炭火燒鰻魚飯」及「滿滿幸福海膽丼」試下。招牌巨型鰻魚同睇落已經好Juicy嘅海膽都非常吸引。值得推介大家去食☺️…Read More

好耐冇食過雞煲，今日放工就同朋友黎旺角食個打埋邊爐吹下水。揀咗呢間有口碑嘅邊爐店嚟個任食晚餐, 有好多野可以任食，飲品都係任飲，自己出去拎就OK。裝修乾淨簡潔，坐位算夠闊落每位$198起任叫+配料 😎鐘意吃辣🌶 先試咗bb辣✨秘製麻辣雞煲個辣幾正，唔會死辣，又夠麻！上咗枱等幾分鐘就食得，啲雞肉非常入味，仲煮得啱啱好，肉質嫩滑又有肉汁👍喚起食慾第一步！雞件入味唔嚡好香口！(可以無限refill添).❤️三重芝士雞煲個人更愛呢款❤️ 上左之後，會有叔叔幫手撈曬所有雞件同芝士，叔叔會拎個TIMER計時，夠鐘就可以起筷。真的好浓芝士味，拉起哂絲夠晒邪惡！！而且差唔多每一件都係雞髀肉 正👍🏻  味道一流🤤🤤所有雞都好新鮮而且唔會太大舊，而且一定要贊既係冇碎骨，食起黎真係方便好多。雞肉嫩滑，鷄皮就少少燶邊香口。我中意佢有少少燶咁食，比較香口惹味。之後就轉打邊爐，配料我地叫左唔同新鮮蔬菜，呢度真係好適合少人黎食，所有野可以1件件/粒咁叫，少食多滋味又唔會浪費，抵讚！配料有成六十幾種可以寫紙仔選擇！眼闊肚窄嘅我哋唯有精選嚟叫啦🤭首輪一定係食✨安格斯牛 先啦！雪花均勻肥瘦恰到好處！建議焯6-12秒就食得！軟腍適中！必需追加再追加！呢個價錢食到咁重油脂，又分佈均勻既牛真係好抵✨牛肉味夠重，唔洗點醬都好夠味🤩另外丸類都係✨牛筋丸✨海膽丸✨芝心丸 等🥚蔬菜類我最鍾意皇帝菜🥬讚之後叫嘅✨海蝦 都好新鮮呀！熟後肉質彈牙無鬆散！最後必推嘅係✨白鱔片 ！呢度唔會好似有啲店咁切到薄至透光咁！係有少少厚度嘅😀所以烚後咬落又鮮味又口感紮實！讚！餐廳嘅鹹蛋黃魚皮做得好出色,  咸香味好重、好香。當小食咁齋食送汽水啤酒真係無敵🤩🤩仲有汽水啤酒任拎嚟飲！正總括而言😊人均二百左右可以任食兩個鐘！服務幾好！食物夠新鮮！仲有基本嘅汽水啤酒任拎嚟飲！係CP值高嘅一個選擇👍👍…Read More

“觀塘隱世私房菜👨🏻‍🍳Wing Got Kitchen”………………………………………………觀塘真係食好西既一個好地方, 各種美食都有. 這間私房菜在觀塘工廈十分之有名，而且經常都滿座，所以我已經提前左兩個星期預約話就話係隱世, 但其實係觀塘站出左行多一分鐘就到, 好方便由於我哋係食私房菜，所以一早已經訂好咗菜式，唔需要去到餐廳再諗食乜嘢，對於選擇有困難的人士，絶對是一件好事。開了一壺龍井茶後，侍應便將一份預先安排的餐單給我們過目，菜式非常豐富，價錢亦相當合理。雲耳&酸齋坐左冇耐就出左d兩個前菜,  黑木耳吃得多，白木耳少吃，但同樣爽脆。而酸齋同平時食既唔同, 酸度少d, 我覺得平易近人好多, 兩款我地都覺得好開胃雙色墨魚仔，本地水耕沙律菜拌芝麻醬，茶燻流心蛋拌墨魚子醬配厚切茄子當食完前菜就黎小食,  仲要擺法好日式! 先食水耕沙律, 係比平時食開既清甜, 爽脆多汁, 加少少醬已經好好味, 而蕃茄醬仔係用蜜糖去餵, 好驚喜! 雙色墨魚仔就一咸一辣, 幾好味。而個流心蛋真係食到茶香, 但又唔會搶左個蛋味道, 師父控制得幾好! 而茄子我覺得係大驚喜, 平時我其實好一般茄子d樣野, 但今次師父炸左後, 茄子果種令我麻麻既質感冇晒, 而且黑魚子醬好好味!😜蝦球水芙蓉 一大隻蝦置於蛋上, 蝦球除了是味覺上的享受，擺盤也十分之花心思，令人食慾大增.水芙蓉係由蛋白同甘筍汁做出黎, 幾滑, 而且鮮甜爽口既蝦球係上面, 成件事好靚😛原盅燉哈密瓜螺頭黑毛豚肉湯/原盅燉川貝陳皮海底椰鱷魚肉湯每人一盅，夠晒衛生，材料豐富，夏天飲哈密瓜螺頭湯，滋陰又養顏，另一款川貝陳皮海底椰鱷魚湯，湯底十分鮮味，補身一流！😁 黑松露醬炒鮮露筍百合上枱已經嘩左一聲, 因為個南瓜寶盒真係好靚, 而且仲有保暖既功能, 食到最後果舊都係熱既, 感覺好好, 而入面既料炒得好有鑊氣, 而且露筍係冇渣同埋冇苦味就知靚野, 加埋個黑松露醬吊起成個味, 好正陳年滷水bb乳鴿乳鴿幾嫩滑, 肉質好好, 而且陳年滷水好入味!蒜香海班片紅白米飯最後d個主食其實個重點係個飯, 蒜香海班片味, 同埋荷葉味滲入去, 個飯令人食不停! 當然, 個海班片都令我地好滿意, 好重骨膠原湯丸個皮我覺得幾薄, 黑芝麻料幾多, 但又唔會做到穿晒,  一咬下時芝麻蓉好爆🙈😳，好味👍🏼總結我覺得由前菜, 到主菜都係咁令人有驚喜,  食材高質、新鮮，喜歡這裏的每一道菜都用心製作，色香味俱全😋，所以都幾推薦大家去！✨老爺奶奶👵🏻今餐都滿意，好難得🙈👍🏼下次再來😋…Read More

自從疫情開始之後冇去過大陸, 成日好想食返正宗川菜，朋友就介紹我食呢間有口福～生日晚上和朋友約在此吃飯. 自地鐵屯馬線開通宋王臺站後真係會嚟多啲九龍城. 今次仲係第一次搭地鐵去宋皇臺站, 沿著嗰條超級長隧道一出轉右行一陣就到. 入到去見到平日都全間餐廳爆曬，除咗酸菜魚仲有烤魚川菜嘅選擇，款式種類多，仲可以飲啤酒啤啤佢🍻入來已見老板安排我们座近廚房位置，所以能望入去，見到廚房也很乾凈。又可以見到不停忙著煮出一味味的好餸。看牆上的相片就已经好想試。呢間小店！一點都唔起眼！簡單嘅鋪面！無華麗裝修，但勝在貼地。第一次黎，餐廳地方好細，得幾張四人枱，有閣樓，好多雜物，隔離就有個凍櫃，估唔到啲嘢又真係好食，夠火喉，所以係值得幫襯嘅。各種川菜非常正宗！2個人，食物放滿整張枱都唔使500元，抵食. 下次會來試吓打邊爐🍲涼拌海蜇絲$48海蜇絲切得比較幼細， 調味比較清淡， 青瓜爽脆夠味! 食到我舔舔脷👍🏻豬耳麻辣汁好味伴菜是惹味青椒和芹菜，好食，老公叫我食多些🥢口水雞雞肉嫩滑 辣辣地 非常惹味。口水雞唔似出面只係紅油包住, 加埋大粒嘅花生一邊食軟滑嘅雞加埋個醬成個感覺好有口感雞嘅份量比一般嘅例牌來講叫做非常大件！食極都有！清炒蒿笋絲好爽脆, 食咁多辣野要叫返唔辣清清味蕾冰涼啤酒作飲料如果真係要講就係環境一般，門面裝修毫不起眼， 似茶餐廳，枱與枱相隔不是太遠。但勝在簡單小菜價錢平靚正。每款小菜也做得出色， 即叫即做夠鑊氣！好耐無係香港食過咁有鑊氣既小菜坐係廚房門口仲聽到入面傳黎既拋鑊聲價錢夠經濟， 再回頭幫襯冇難度～…Read More

天氣開始熱，就會好想食泰國菜，我哋都好鍾意食哩間張秀玲。呢間餐廳係荃灣好出名🎀餐廳位於荃灣香車街街市旁，位置有點偏，但附近交通還算方便，由港鐵荃灣站A3出口步行約12分鐘🎶這裡很多人排隊，進入餐廳環境像另一個空間，門外植物剛好和外面隔開。泰式燒豬頸肉 $80我很喜歡這個豬頸肉。很香口，有肉汁，而且很爽口。份量也十分充足，超香嘅燒烤味道😇 焦脆爽口，好好食 😋 香芒沙律🥗 $75味道偏酸，但芒果帶出清新效果，加上有腰果、紫洋蔥🧅，連香蔥都覺好好味。我一人獨食😆😆😆小食拼盤 $99有兩件炸蝦餅、兩條春卷、四粒雞棗。新鮮即炸，我拎到返屋企食以為會焗到有水氣變淋，但估唔到仲keep到脆卜卜。蝦餅炸粉厚薄適中，蝦肉爽口彈牙。素春卷香脆可口，點泰式酸辣醬好正。雞棗細細粒，用腐皮卷住，雞肉餡香軟。芒果百香果沙冰 $48🥭大大杯，而且飲得出以新鮮芒果同百香果打出黎，芒果味好甜！成杯沙冰好smooth 😋總括而言，是一家裝修不錯，食物味道挺好，價錢ok的泰國菜。推薦。…Read More