appledaily's Profile

在Food Panda 見[聖誕西班牙伊比利亞豬柳套餐 (4人)]幾吸引，特登預早24hrs前上apps預訂，24/12，17:45pm自取，諗住開心過聖誕。點知今日接近16:00打黎，話今日先接到order，做不到。即刻火起，我話跟捉佢地24小時前(14:20, 23 Dec)預訂和繳款。並當日已收到確認電郵及銀行sms.點會今日先訂。之後又話自己剛剛才睇到，咁即是你地餐廳失職。又叫人早24hrs前落order,但昨天至今天lunch都唔知有客訂，仲要唔夠2hrs先話做唔到。買餸都趕唔切啦。嗰位所謂的女經理，仲要一大輪解釋，一時話前一天睇唔到order,剛才才看到。(咁冇人落單？)一時又話廚師走咗做唔到。仲叫我自己同food panda refund.咁大間機構，你呢間分店失職，係咪可以問其他分店幫手？嗰位女經理又話唔清楚，簡直不知所謂。我的平安夜俾呢間野搞到一鍋粥。至於food panda找極都找不到hotline,幾經辛苦在apps才找到客務中心的【線上客服】，但又問係咪餐廳叫refund,又話聯絡唔到，兩邊不斷缷駁扯貓尾，仲未refund$592.8…Read More

今日lunch有事到上環，咁啱路過見到有間“陳意齋”,印象中記得呢間店好似係幾出名咁，於是走咗入去八卦一番。店舖不大，一眼見晒，入到店舖，見到好多特色嘅傳統涼果，小食，陳列得好整齊， 其間都有唔少人幫襯買個蝦子腐皮同埋素腐皮 。至於價錢方面其實都好經濟，唔會太貴，好彩大部份食物都有分細包裝同大包裝，方便我呢啲鍾意每樣試小小嘅人。咁我到此一遊，都唔會兩手空空而走，買咗1包媽咪至like 的舊陳皮和雞蛋餅仔。…Read More

一到lunch,同事們就趁機出外透氣之餘亦是找好西的時候, 呢期至到愛中信大廈的"Brick Lane",  其實已試過幾次, 得出以下幾項和大家分享:環境:有indoor 和 outdoor 之分, Lady 的我當然係揀indoor 啦~另外, Monday 比較易有位, Friday 比較多人,最好預早book 定 免得白行一趙和久等, 冷氣方面很不平均, 中間較熱, 近門口反而得大冷氣, 有改善空間; 食物:其實每樣食物除眼睛吸睛外, 質素都不錯, 特別一提就係, 金鐘區是好少Pizza 吃, 而這到的餐牌就有2款俾大家揀, 不過我哋黎咗第三次才能吃到,點解?因為第一次,Menu寫2:30pm 後才有供應, 初時有時失望, 但愛吃的我當然不會死心, 問外面的waiter, 佢話可以叫,我哋外面等的時候仲幫我地落單先, 但當我哋進餐時,發現有隻小昆蟲在ham上面行緊, 唔知係咪嗰排成日落雨關係呢,所以即時換走,沒有試.第二次,是一個女waitress serve 我地, 但佢就話2:30後才有, lunch hour 沒有供應,  "O咀" .第三次, 再接再厲, 終於lunch hour 成功叫到. Pizza 送到黎, 大家望下有冇異樣先, 安全,食得!服務:每個set lunch 都跟一個saland, 湯 和1杯drink, 我地有時都不會每人叫一set, 怕吃唔晒! 所以,有時會5人叫4人餐再加其他food.但有2次店員都會送多杯drink 俾我地, 雖然不是很貴, 但很窩心.值得一提, 他們收碟很快,見你的dish 吃完, 便迅速收起, 不用放滿成張桌. 服務幾好!價錢:個人覺得一個lunch over $100 確有點貴, 但以金鐘這地區, 環境, 質素 分析下, 偶然一兩次都不過份呀!…Read More

大多數人認識香港的韓國街必會想到尖沙咀的金巴利街，小妹發現亞士厘道都隱藏住不少韓式小店，今次特別和男朋友放工後一同嚟朝聖~環境：一來到，已被綠色的餐廳招牌及隔著櫥窗正在製作壽司的師傳吸引著。餐廰地方不大，但很整齊及光猛，大約可內納20人左右，我們6:15左右到達，都尚有4-6個吉位到(記住：這裡是店員指定客人坐那裡的)，同埋過咗6:30門外已開始排長籠了!食物：韓式壽司卷 ($32)這是我特登到訪想食的款式之一，韓式紫菜卷和日式的紫菜卷分別是紫菜較油和大多有泡菜在內，而我點豬肉配料，加埋黃蘿蔔乾、紅蘿蔔絲、菜、....其實是非常有營養，最啱我的是飯的份量不多，師傳亦排得很有心機!甜雞肉鐵板燒 ($48)鐵板送來熱辣辣，香氣撲鼻，吃一口雞肉，口感很嫩，很好吃，值得一讚是醬汁很美甜，連洋葱也吃埋送飯一流。所有飲品跟食品只加$9，男友點了凍梅賓茶，他話有d似話梅粉味，很開胃，配埋雞肉飯超正!(見他很滿足我都很開心)我點凍抺茶牛奶，綠茶不會遮蓋牛奶的味道，入口可接受，不錯。其他：侍應大約見客人吃完便過嚟收拾盤子，我想是餐廳有禮貌提醒客人用餐時間差不多的一種方式。由於地方不大和見外面都有人等，我們都不宜坐太久。總結：以這個價錢品嚐2人韓式晚餐，實在非常抵，食品質素又滿意，會誠意推介…Read More

交完功課，成八點幾，突然想食竹筒飯，上網見到介紹此間"老點"的食評不錯，又在旺角附近及價錢又不貴，故與朋友特別前來試吃。很好彩，我們到達時不同等位便入座，店舖內裡不是太大，大約可約30人左右，但算乾淨。看看餐牌，很多特式點心，由於每樣份量不多及價錢不貴，所以可以試多幾款食品。我們看了很久終於揀了以下幾款：白汁芝士磨菇雞批 ($22) 賣相吸引，可一口吃下，熱騰騰，超正!咸香黑魚子燒賣 ($15)夠特別,可一試和風魚子海皇餃 ($16)一般，較咸。冬筍普通鮮蝦餃 ($15)講真此普通蝦餃都有成2隻大蝦在內，個人覺得一d都唔普通，比和風魚子海皇餃更吸引。新鮮肉排竹筒飯 ($22)主角出場，由於即叫即煮，需要時間制作，但我們邊吃其他食品時都忘記要等了竹筒飯很滿意，肉排份量不少，$22哪裡可找到~清酒雲吞雞 ($22)酒味濃郁，真材實料，平時只會飲少少湯，今次飲清d酒湯，超酷~其實仲有每日例湯，甜點都很及吸引，不過小妹仲有d感冒，所以唔敢亂吃，下次會再來Encore~吸引之處是每份點心都悉心盛載，最啱貪吃的朋友，每樣細細份但又可食到多款食物。…Read More

依間做外賣真係大少囉! 點解?繼(上篇)外賣不果 ，咁咪打電話問吓呢間外賣服務，都係叫3個餐啫，佢話外賣最低消費$30，咁以為實得啦。便問吓幾耐送到。對話如下：店主：你送去邊架?我：公主道。店主：無問題，要包埋來回的士費。我：哦。咁無嘢啦。BYE1) 食物消費：每個餐都至少$30。咁3個，我當$90。2) 的士：我當你唔駛跳標，咁的士費$403) 我未試過叫外賣要俾來回的士錢囉。我搭得的士出嚟食，就唔駛叫外賣啦。4) 茶餐廳嚟咋，以為酒店咩!都係一餐晏仔，諗住係咁易吃D啫，才發現依間D外賣服務咁不知所謂!最後，我們都係選擇番「廣東燒味」。…Read More

今天大約11點幾打去叫外賣，諗住叫2個雲吞撈麵、1個墨丸炸醬麵。只係送到公主道某機構，點知店舖老闆娘話負責送外賣的同事放假，所以，今天的替假唔識路。OK, FINE 算。咁咪叫第2間。點知相隔大約10-15分鐘，佢打番嚟話可以送，咁當然開心啦。咁咪照落Order。收線不久，又打嚟話無雲吞、無炸醬，嗰刻真吹脹，咁點呀!1) 外賣：未能提供完善外賣服務，咁負責員工只得1個?佢放咗假好大影響喎。2) 既然你知道今天的員工是不識送外賣，咁第一句就可以話今天無外賣服務啦。這個可以接受。3) 一開始已講咗要叫咩食物，你應知道有無存貨，點解最基本的食材都未能提供。4) 你唔係Check 咗自己做唔做到，才打俾客人的嗎?打嚟打去，真係不知所謂!…Read More

很久無去樂富，發現真的改變咗很多，早前相約友人聚聚，巡視咗商場一圈後，揀咗此間。可能當天是平日關係，人流不多，大約十二點半到達，環境都算OK，只是侍應不足夠，帶位及寫單都是得一個人。好在當天不是太多人，但落單時就要等她經過才得囉~我們叫咗2個Lunch Set,( 一個是三文魚壽司飯+沙律+豆腐+汽水，另一個是牛肉烏冬+沙律+豆腐+汽水)三文魚壽司飯：三文魚不太新鮮，只可算是合格牛肉烏冬鍋：牛肉很好味但不多，得2-3片，烏冬算彈牙 (顧住傾談，忘了拍照)沙律：中規中矩，沒甚麼特別豆腐：本身豆腐已經好幼，加埋D汁好好味另外加叫咗以下幾樣：帶子壽司：帶子很大，很鮮甜三文魚壽司：三文魚不太新鮮，好彩只叫了2碟炸軟殼蟹：好味，不太油，但略嫌細隻咗，配合旁邊的青瓜及生菜很夾 (少見)腐皮炸蝦卷：這個也是好好味，裡面的炸蝦很正!芝麻雪糕芭菲：唔記得嗰名LU，但呢個值得試的，因為一吃便愛上了它，上層忌廉很幼滑，接著是我最愛的芝麻雪糕很入味，朱古力蛋糕就一般啦，配合埋底層的脆脆真係一絕!埋單二百幾蚊，以一個午餐嚟講都算貴，但又食又傾咁坐到2點幾，都算咁上下。…Read More

又係返夜關係，同事口痕痕想吃糖水兼吹吹水。原本想試「糖百府」的，但門口好多人又熱辣辣。好彩「石磨坊」就在斜對面，橫掂未試過咪入去囉。裡面都坐滿人，好彩剛有人吃完，所以不用等位看看menu超正，好多選擇，真係花多眼亂兼十五十六，最後，我們分別叫咗以下2樣：:chopstick :奶黃蛋白燉鮮奶 (同事)賣相一般，同事話呢個好出名喎，好幼滑所以她喜歡芝麻冰花雪(me)由於怕熱的我，當然揀冰凍凍的冰花雪啦~原本落單叫咗朱古力味，諗諗吓又想轉芝麻味，,最初侍應話已經做緊改不了(但其實都係唔夠1分鐘)，咁唯有算啦~過咗不久佢番嚟話可以轉到。超開心!一嚟之後，賣相超吸引，唯一敗筆之處是有幾片蕉如果可以換咗其他生果就好lu。一片片入口即溶超正，好有之麻味，唔知我食得慢定佢唔夠凍,稍為溶得快，但都好好味。是晚超滿足。…Read More

突然想食甜品，碰巧有朋友陪，便上網SEARCH附近有咩食，發現何文田附近開咗間甜品舖。平時白天都唔覺眼，於是就揀這間。十時放工，便相約朋友在那裡等。大概晚上十一點到達該舖，裡面差不多坐滿人，只餘2張2人枱。以這個地區在這個時間仍坐滿算不錯(呢區的甜品舖其實不多，同埋應該好早收，好少做到晚上十二點)。舖面很光很乾淨。佈置很簡潔。天花板的燈很特別，客人坐得很舒服及放鬆。該店的MENU亦設計得很Colorful，每個甜品名都很特別，而牆上的玻璃鏡亦貼滿甜品相片；可見有花心思的；近廚房位置仍有一個小板寫著今天推介的甜品，真的花多眼亂，我揀了很久終於叫咗個出名的心太軟配芝麻雪糕。心太軟應該是即製，等了幾個字，終於嚟到，賣相ok，蛋糕熱辣辣，界開裡面的朱古力澎澎聲流出嚟，一試之下，超正。，只是雪糕的芝麻味不是太重，有d可惜。朋友叫咗個甜品，裡面有芒果肉，大菜糕配水晶 (唔記得叫咩名)，不過佢話麻麻地，所以都無食晒。:)算很滿足，會再嚟試其他款式。…Read More

昨晚，一家人與祖母大約7:00左右，到這裡享用晚餐。環境不算好大，容量大約2個40人的課室，枱與枱之間好逼，光線都算光猛及環境都算衞生。服務態度：侍應不時追問我們可以點菜未，心諗都要睇下架。由於姐姐剛放工趕緊嚟。落單時，已叫他們上慢D，點知第一碟的燒腩仔嚟咗無耐，第二、三、四碟已陸繼砰砰聲上枱。眨眼間，成枱已是食物。嚴重時其中有碟餸嚟到已無位放。他們便將其中幾碟轉為細碟。當組姐嚟到時，我們已吃得七七八八。大佬個上菜速度可唔可以慢快D呢‧好似廚師煮完之後要即刻上枱，咁不如唔需要拌碟啦，橫掂睇到未睇定，又轉細碟。不駛20-25分鐘所有小菜都應該嚟晒。NOT GOOD!食物方面：響螺湯~超正，好清甜，不過每人得一碗有D唔夠喉花膠鵝掌煲~都係超級正，花膠大大件應該都有4至5件，煮得好淋，好膠，超養顏 (如果有埋個蛋白杏仁茶附送就超滿足)脆皮燒雞~肉質好嫰好好味海鮮卷~裡面有原雙蝦加雜果沙律，外面炸得好新鮮唔會太乾龍躉兩味~不過不失，分別係西蘭花炒龍躉片及雲耳蒸龍躉，算煮得好好，不會太韌，份量都算多。以前食過嗰D都不會有太大好感。今次對龍躉的感覺改觀LU，肉質好新鮮。果然係河鮮專家。荷葉飯~沒有甚麼特別總括而言：整餐飯唔駛一個鍾搞掂。雖然食物的質素是不錯，可以俾個上菜速度影響咗。無得舒舒服服慢慢享受。…Read More

由於早前買了$48團購，買完才發現之前很多食評都彈到一文不值，又話食物要等好耐，朝早開巿無耐就已經賣晒。所以都不會對此期望太高。今個星期終於抽到時間，與家人上嚟試菜 。環境方面:大約12:30PM，我們進入餐應，環境格局都算合格及乾淨，待應安排我們在卡位坐下。環觀周圍客人不多，都只係佔咗五分一客人。上菜速度：第一次遞咗紙仔後，叫咗3杯野飲，都可以MISS咗兩杯。幸好經理路過都有問我們係咪有咩未到。算很細心。但之後的小菜就真的等了很久，每次差唔多至少等15分鐘。但侍應方面就需改善，人流唔多但每次舉手都可當視而不見。飲品方面綠茶可以不飲，完全無綠茶味，好似當天第二次想添飲時，侍應只是拎壺茶倒落個杯，十足平時係茶餐廳的茶咁，至於咸檸七，值得一試，超解渴~好味!食物方面由於團購關係，刺身一項就無得享用啦，而可選擇的項目之一，辣味篇無得試，因為我們唔吃辣的，唯有主政其他食物。每碟小菜的份量均很迷你版，可能方便客人可以試盡每道菜。蔗蝦：好味，第2次點菜仍有供應未至於荔茸盒：做得出色，不會太甜牛油炒雜菜：牛油味好濃，配合姑一齊吃超正，可惜D菜好似未煮熟，稍為遜息原隻葱燒蝦：大隻，燒得好入味沙拉京都骨：京葱爆牛肉：葱多過牛肉賽磅蟹：好咸、有蟹殼月瀧天小炒王：同花枝片嗰碟差不多鮮白合炒翠肉瓜：白合好琳越式香茅豬扖：好大件但水準一般青木瓜絲沙律：不好吃青胡椒炒豬頸肉：青胡椒味很出，豬頸肉琳咗D泰式炒貴刁：一般甜品方面：雀巢雪糕：味道選擇多木槺布甸杯：其不過不失，好味藍啤梨芝士餅：細細件，不過好快就無晒LU椰汁紫米露：很熱，不太甜總括而言：以HK$48+$10(以原價加一服務費)，有咁多野食，算不錯 。食物質素唔算太差，只係等候時間比較耐，可改善。甜品方面如多D會更好。…Read More

星期六下午，經友人介紹，嚟試試~下午1點半，到達已見門外坐滿人，我向待應示意3人。他便帶我到旁邊的房子坐，裡面都坐滿人。由於2位朋友未到，餐牌上，大部份以蕃茄為主打，所有飲品都是另計，沒有跟餐的。碰巧我又有點傷風，先叫一杯熱檸樂煲薑。等候期間發現，他們的上菜速度非常之迅速。雖然外面間中會有人等位，但幸好，我沒有遭老板岐視，我的飲品已到，一飲正，很大片的薑在內，熱熱的。過咗30分鐘，我的2位朋友終於都到。分別點了2碗「蕃茄撈蛋麵」及1碗「蕃茄炒蛋麵」。個人覺得，主打以蕃茄作賣點，沒花巧，一般家庭式的食物。以$24吃一個麵算OK的。…Read More

上星期放學，大約十點肚仔餓，同兩個同學仔諗住食少少野先番同屋企。平時放學都係向右轉在佐敦覓食的。今次其中一個同學仔就帶我們向左往尖沙咀行。大家諗住都係茶餐廳之類食碗麵之類，點知同學仔帶我們去到一橦外表好似重慶大廈入口的建築物，心想呢到邊有野食架?環境又咁.....裡面好多舖頭都收了，直行轉右之際，真的有間小食店。舖仔小小，心想都係主打車仔麵嗰D啦。外面已有2張枱坐滿人。我們示意三位，老闆娘帶我們入去坐下，原來裡面仲間左個房D，裡面仲坐滿人添!真係估係唔到。同學仔話呢度的「豬頸肉芝士撈公仔麵」好出名的。當我看完餐牌，嘩，樣樣都三十幾咁蚊咁貴?宵夜咋喎~不過，無得揀，唯有試吓啦，我們共叫咗2碗「豬頸肉芝士撈公仔麵」、1碗「芝心丸撈公仔麵」、1碟「芝麻蜜汁龍鬚」。首先，嚟到係「芝麻蜜汁龍鬚」，外表是黑蚊蚊，面上晒滿芝麻，賣相可接受。由於這食物是高膽固醇，我都諗住食2條到就收手。點知.....當我食第一條的時候，嘩.....................超好味呀!!D汁甜甜的、魷魚鬚又諗又好味。(我差唔多食咗半碟)跟住我哋的「豬頸肉芝士撈公仔麵」、「芝心丸撈公仔麵」嚟到，外表是麵上舖了芝士，應該係叮/焗過一陣，芝士就像焗食效果一樣，面頭完全溶化。賣想係沒有十分特別、很普通。同學俾左粒芝心丸我試食，咁............................超掂呀!!係估唔到咁正架~平時食開的芝士丸咬開，D芝士係一舊野冇咩驚喜。這粒芝士丸一咬落去，D芝士係仲識得漏的，值得一提係個皮仲有D脆添~好好味呀^0^好想食多粒呀~~~到我試番自己碗「豬頸肉芝士撈公仔麵」先，撈撈先，一食之下，嘩,......玩野咩~嗰效果竟然咁正GE。芝士撈公仔麵原來係咁得。豬頸肉又多又大件。超GOOD。食完都仲食添食，會再幫襯的。雖然價格不算便宜，但值得一試同埋食物質真的超好味，內裡環境又乾淨。同學仔無介紹錯呀:)## 顧住食但唔記拍照，食完至記得。…Read More

我們一行8人到達，外觀OK，入到裏面新舖果然整齊，佈置當好光猛，仲有2部大電視，另外仲有一間房。因為朋友有優惠券，凡5-10人則送2碟 "美國雪花肥牛"，不過，賣相及色澤極不美觀。果然，一分錢一分貨。首先，待應不斷SELL今天的唔知咩野魚好新鮮，可以一味兩食之外，其餘時間招呼都好好。不時幫我們加湯，有時又幫我吔放魚滑。湯底：湯底就無折啦，由$48-$128都由，我們只叫了2個湯，冬瓜瑤柱、沙嗲同皮蛋芫茜。其中一個湯底送嚟時，朋友發現有張單在沙嗲湯內。待應都好好話可以換過，但我吔諗諗吓換咗都係一樣啫，都係算罷啦。待應見狀，就送我們一渣庶汁。哈，都得喎!食物方面：真吸引，事緣他們新開張，很多都六折優惠，我們叫了花膠、帶子、魚麵，手打蝦滑、手打墨魚滑、手打四色丸(非常正，唔似其他食肆咁像個乒乓波)、生菜、唐生菜全都很翠綠。外觀都很靚。竹苼、生根、玉子豆腐、普通豆腐、牛肉粒、特級肥牛..................等等,總之，材料非常新鮮。不經不覺，,我們原來由7點坐到11點幾。原來仲有生果同甜品送，SO GOOD!不過，最搞笑的是生果盆的份量全部都按人頭配給，8件西瓜,8件蜜瓜,8件椰汁馬豆糕。食多件都無。結賑時，才發現我們叫了差不多25碟火鍋料，埋單總計$1309。算OK啦。(但唯一不足的是暫時只收現金，不收咭)…Read More