chantszyingcty's Profile

<Beef Tartare牛他他，$138>今次呢個牛他他嘅牛肉比較大粒有口感。<Pan Seared Foie Gras Toast香煎鵝肝多士配甜酸青瓜柚子莎莎，$156>肥美而不油膩嘅鵝肝，入口即溶，配埋塊脆卜卜嘅多士好好味。<Tortilla fr Patatas西班牙薯仔蛋餅，$98>呢個蛋餅好有驚喜！首先個賣相已經好靚，其次係味道都好好。蛋餅嘅皮煎到脆脆地，好香濃嘅蛋味，加上入邊有啲洋蔥薯仔餡料，超級好食，輕鬆就清晒。<Clams with White Wine and Garlic蒜蓉白酒汁煮蜆，$148>肥美嘅蜆，完全無沙，好鮮甜。個蒜蓉白酒汁唔會太鹹，將蜆甜味再提升到另一個層次。<Grilled Australia Lamb Rack炭燒澳洲羊架（甜椒蛋黃醬），$298>呢個羊架一啲都唔羶，燒得都幾腍，很不錯。<Basque Cheese Cake巴斯克蛋糕，$98>完全無諗到呢到個巴斯克咁好食！勁香濃嘅芝士，中間超級流心。<Tiramisu，$158>真係飲Tiramisu，酒精唔會over到遮左Tiramisu嘅味，但又唔係無酒精，十分好。整體而言，好推介大家去食！無論餐廳嘅裝修同食物都幾有心思同幾精緻，性價比都唔錯。因為今次友人蝦敏感所以食唔到八爪魚，下次再去食過！…Read More

今日同屋企人去左MANO食飯。呢到環境都唔錯，可以同朋友食下生日飯。一見到二人餐都幾吸引，前菜、主菜同甜品都幾岩食。於是我哋決定嗌一個二人餐再散點一個意粉。<Mano Set for 2，$888><巴馬火腿藜麥牛油果沙律，Set for 2><Parma Ham Quinoa Avocado Salad ，Set for 2>Parma ham嘅味道好香，唔係淨係得個鹹字。<是日餐湯 - 甘筍湯，Set for 2><Carrot Soup - Soup of the day，Set for 2>呢個湯有驚喜，本身驚好重草青味，點知唔係！淨係得香甜嘅甘筍味。<16oz 意式烤安格斯肉扒配澳洲西蘭花苗，Set for 2 +$98／$468><16oz Grilled Tuscan Angus Rib Eye Steak，Set for 2 +$98／$468>我哋點左medium，佢哋煮到都算medium，食落一啲都唔韌唔鞋。而且肉眼扒好有肉眼，幾多食。<香草烤原條鱸魚，Set for 2 +$68／$348><Oven Baked Whole Seabass，Set for 2 +$68／$348>條魚好驚喜！完全無諗到係咁大條！除左大條之外都整得好好食，肉質好滑，完全無overcook！個sauce少少酸好開胃，大家都食唔停口。<香煎北海道帶子三文魚籽龍蝦汁扁意大利麵，$238><Seared Scallop Taghatelle，$238>帶子好大粒，都幾鮮甜。意大利麵都有啲口感，配埋龍蝦汁好好食。我鐘意呢個龍蝦汁嘅濃度，岩岩好，唔會太濃太淡。<Tiramisu ，Set for 2／$78>Tiramisu好好食！濕度控制得好好，咖啡同酒嘅味道又係岩岩好，個cream好滑！我差啲想嗌多個自己食。<Dessert of the day ，Set for 2>另一個甜品係chessecake，原本驚好膩，但比起平時嘅cheesecake佢一啲都唔膩。軟硬程度都好適中。餅底係脆嘅，好食！<Cheesecake Martini，$88>上面係cheesecake cream，下面係類似lemon martini。飲落一啲都唔膩，好似食緊lemon cheesecake咁。整體而言，推介大家嚟食！食物質素高，員工服務都幾好，環境又唔錯。…Read More

經典日式拉麵嘅門面，好有去左日本橫街嘅風味。嚴格嚟講得一款拉麵，但可以添加唔同嘅配料。可以隨個人喜好挑選辣麻程度。入到去有可以選擇吧台桌或普通桌位，而且入面好多睡魔嘅裝飾，好似真係去咗日本食拉麵咁。<味玉辣麻味噌拉麵，$105>普通嘅拉麵都配有一條玉米筍、芽茶同蔥花。濃郁嘅豬骨湯加左少少麻少少辣，勁惹味。味道都算適中，唔算太鹹。叉燒勁好味，好似東坡肉咁！雖然有少少肥，但一啲都唔膩。拉麵偏粗身，食落好煙韌好有口感。拉麵必加味玉！係溏心蛋，好好味！<玉米筍辣麻味噌拉麵加味玉，$120>超級大碗拉麵！滿滿的玉米筍，友人表示十分高興。<煎餃，$45>餃子皮煎到脆卜卜，入面仲好juicy，配埋辣嘅餃子汁好好食！…Read More

今次就去左尖沙咀嘅居酒屋，呢到好多野食選擇，刺身壽司串燒熱食乜都有。<鵝肝多士，$88>呢個鵝肝多士唔錯，多士脆卜卜，鵝肝入口即融！<西京味噌牛舌，$78>朋友點嘅牛舌，唔太喜好味噌嘅我覺得有啲咸，同埋如果牛舌切厚多少少仲有口感！但整體都不錯。<金馬倫芝士卷，$68>原本唔知呢個咩嚟，我哋就決定點嚟試下。原來係芝士多士，唔算好膩，但係芝士發燒友表示我想再多啲芝士。<黑糖壽喜燒鍋，安格斯牛小排，$238>估唔到有壽喜燒食，仲整左棉花糖，好靚。略嫌甜左少少。<廣島燒餅，$88>呢個廣島燒餅無炒麵底，好似章魚燒咁，有好多菜同八爪魚粒。整體而言，我覺得如果大家想食日本野都可以揀呢間，有好多選擇。食物質素都唔錯！仲有Suntory生啤買一送一吖！…Read More

今次同朋友去左食立燒，原本以為真係要企係到食，不過係有位坐架。<前菜，$8>位位都有嘅前菜。<極尚和牛定食，$168>一共有三款牛，A4肉眼2pcs、A4西冷2pcs同牛舌2pcs。另外仲有埋牛肚，想食燒肉又唔想諗唔想揀，揀呢個SET就岩哂喇。啲牛嘅質量唔錯，都幾腍而且有牛嘅香味。不過略嫌個飯太濕，口感無咁好。<阿久根和牛涮鍋，$148>胸腹肉3pcs（前胸腹肉1pc、後胸腹肉2pcs）、三角肋肉2pcs同A4肉眼1pc我好喜歡呢個和牛涮鍋，有菜有雞蛋有薯粉仲有烏冬，配埋甜豉油湯底無得輸。啲牛烚左好好食，好腍好滑，完全唔韌。<墨魚咀8pcs，$20>價錢好平，相對細粒少少，但係都幾好食。同埋應該未調味，所以要自己加鹽或者燒汁，唔係就會無味。<鰻魚 2pcs，$29>有少少腥，但都算肥美同無骨，性價比唔錯！整體而言，我都好推介大家嚟食，性價比都幾高。…Read More

今日去左食一間幾唔錯嘅餐廳。半開放設計，想chill嘅可以坐門口位，我哋個位咁岩有張吊椅，可以打下卡。<Pepperoni Pizza 辣肉腸薄餅，$178>我哋點左pepperoni，個pizza係薄批，係脆卜卜嘅好正。上面仲有滿滿嘅芝士，好好味，而且唔重油膩感。辣肉腸好食過平時嗰啲，比較厚身，有口感啲，同埋無咁油。但係好似辣少少，如果怕辣嘅人就要諗諗。推介比鐘意食辣嘅你。<Linguine Aglio e Olio with Tiger Prawn香蒜虎蝦橄欖油意粉，$188>另外點左個意粉。我覺得都好好食，雖然意粉油左少少，但係橄欖油，所以都唔會太滯太膩，可以接受。虎蝦爽口又彈牙，好好食。呢個意粉都有加到辣椒，辣辣地好惹味。<Caramel Latte，$52>今晚唔想飲酒就點左個caramel latte，咖啡味偏淡，焦糖味太重有啲膩。<Corona，$65>整體而言，我都好推介大家去，價錢唔貴，野食又好味，完全值得再去。…Read More

今日同朋友想食小龍包，就諗起樂天皇朝喇。<蘿蔔絲酥餅，$45>蘿蔔絲酥餅雖然無金黃色嘅外表，仲以為會唔係太好食。點知食落係絕對驚喜！岩岩炸好，熱辣辣，酥餅好鬆脆，餡料充滿juicy嘅蘿蔔絲。<蟹粉小籠包6pcs，$138>原本諗住嗌八色小籠包，但一嚟驚太多食唔晒，二嚟無得大家都試同一款味道，所以我哋最後就決定蟹粉小籠包。個皮好薄，入邊充滿晒湯，好好味。蟹粉味道都重，不過我個人偏好原味。<重慶紅油鮮蝦抄手，$78>呢個紅油抄手唔算太辣，但又幾惹味。仲要有得揀鮮蝦雲吞，好味。<糖醋魚片，$98>無骨嘅魚片好好食，仲有酸酸甜甜咁，好開胃。<皇朝擔擔拉麵，$65>擔擔麵都幾好食，味道好夠，不過拉麵略嫌腍左少少。整體而言，我都好推介大家食樂天皇朝，食物質素不錯，價錢唔太貴，性價比都幾高。…Read More

上次係灣仔食完海鮮袋，一直都仲好掛住。今日發現原來唔過海，係尖沙咀都有得食。呢到同灣仔嘅餐牌唔同，無二人餐，我哋就散叫。<Seafood Combo - Manila Clam 馬尼拉蜆，Prawn 海蝦，Seawhelk 海螺w Mr. Crab Cajun Sauce，$418>必點嘅海鮮袋，今次㨂左馬尼拉蜆，海蝦同海螺，個汁都係㨂左小辣。馬尼拉蜆比想像中大粒，完全無沙又好甜。海蝦同上次一樣都係好鮮甜，不過今次比上次細隻少少。海螺好大隻好多肉。今次都係點左小辣<Louisiana Crab Cake 路易斯安那爆谷蟹餅，$118>上次食咗個蟹餅波波覺得好好食，今次見到係成個蟹餅所以決定再嗌。呢個蟹餅真係好滿足，超級無敵多蟹肉，每一啖都好似淨係食緊蟹肉咁。同埋原個蟹餅好似無咁油，比起上次仲好食。<Crab Meat Linguine Carbonara 蟹肉卡邦尼扁意粉，$158>Carbonara一向都係我的最愛，今次都係揀返佢。好大碟，好creamy同蟹肉比想像中多。都唔錯不過嚟呢到緊係要食海鮮袋。整體而言，我都推介大家嚟食海鮮袋，好惹味，真係會食過返尋味。…Read More

今日想食海鮮袋，就去左灣仔食Mr. Crab。我哋唔想太多選擇，所以簡簡單單點個二人餐。<Set for 2，$768><Seafood Combo - Squid 原隻去頭魷魚，Prawn 海蝦，Mussel 藍青口 w Mr. Crab Cajun Sauce>海鮮袋好好食，個汁勁惹味。我哋點左小辣，真係少少辣，唔太食到辣嘅人都應該無問題。海蝦比預期中好食好多，爽口又彈牙。藍青口都好鮮味，又無草。仲有大大件魷魚<Louisiana Crab Cake Poppers 5pcs 路易斯安那爆谷蟹餅 5pcs>小食我哋就揀左蟹餅，外面好脆，入面超多蟹肉。<Shrimp and Mushroom Black Truffle Fettuccine 黑松露海蝦忌廉汁寬條麵>呢個寬條麵有啲腍，但係忌廉汁都唔錯。菇同海蝦嘅份量都唔少。<Devil Chocolate>Chocolate Milk, Chocolate Stick, Marshmallow…Read More

今日去左食呢個東京拉麵show五知冠軍嘅拉麵！呢到嘅選擇都算多，有沾麵有拉麵，而且仲有唔同嘅味道。<富山灣白鹽蝦拉麵，$85>白鹽蝦拉麵，味道唔算好濃，淡淡嘅蝦湯，都唔錯。<魚介黑醬油沾麵，$90>魚介黑醬油個拉麵，個湯底唔錯，有好香嘅魚味，不過以沾麵嘅湯底嚟講就略嫌太稀。<富山雞翼，$48>雞翼應該係先炸再搽醬油，有少少脆感但又唔係好熱氣。<肉肉滿滿餃子，$42>餃子唔錯，個皮嘅厚薄度岩岩好，有啲口感又唔會搶左個餡嘅感覺，唔會好膩。…Read More

今日同朋友經過見到呢間餐廳好似幾靚幾chill咁，我同朋友入去試吓，都估唔到有驚喜。<提拉米蘇梳乎厘，$128>梳乎厘好好食，有好香嘅蛋味，而且都算做到入口即溶嘅口感。不過tiramisu嘅味道唔算突出，前面嘅手指餅就好似食緊Tiramisu咁，但係有啲硬。<煙肉炒蛋牛角包，$72>牛角包有焗返熱，拎出嚟有啲煙，不過我哋食嗰整已經凍左，如果唔係應該脆嘅。煙肉同炒蛋都還好。<傳統卡邦尼意粉，$89>卡邦尼意粉整得唔錯，以為好少但食食吓都好多。有好香濃嘅芝士但係又唔算太膩，意粉個軟硬度適中。煙肉係好粗好大粒，不過我覺得有少少肥。<檸檬特飲 Fresh lemonade，$42>有少少橙味嘅檸檬特飲，都唔錯嘅。整體而言，梳乎厘真係好出色，我好推薦大家嚟食個梳乎厘。…Read More

今日同男朋友去拍拖，見到megabox有間裝修得好靚嘅西餐廳，價錢又唔貴，我哋就揀左佢。餐廳有個all day set menu，午市同晚市都有呢個set menu。價錢幾抵，選擇雖然唔算好多，但勝在想食沙律、意粉、意大利飯、牛、魚等等都有得揀。首先有兩個脹卜卜嘅麵包，呢個包唔會太乾太硬，唔錯。<香草薯仔忌廉湯>今日嘅湯係香草薯仔忌廉湯，而沙律係粟米蕃茄沙律。我哋都揀左湯。湯好重菜味，份量好多，不過略嫌唔夠creamy。<烤法國鴨胸配燒意大利青瓜及紅酒燒汁，$155>好似唔算太多地方有烤鴨胸，我哋見到幾特別就點左。首先不得不讚個擺盤好精緻，一啲都無hea你。其次係切好哂，share 食都好方便。最重要係佢個味道，烤嘅程度岩岩好，無過熟，鴨胸好香好腍好好食。<炭燒牛側腹扒配沙律及脆薯條跟黑胡椒汁，$186>另外點左個牛側腹扒，賣相依然好靚，仲要切好左好方便。牛肉好腍，有淡淡炭燒香味配以牛肉香味。<法式焦糖燉蛋，$25>我哋淨係加左一個甜品，原本想點千層但係好可惜今日無，最後我哋點左法式焦糖燉蛋。面層焦糖雖然唔夠薄，但係好好味，而燉蛋有啲過實，但整體不錯。<Earl Grey，$20><Jasmine，$20>整體而言，我都好推介如果大家去開mega box，不妨嚟食下。晚餐嘅性價比都幾高，環境氣氛又好，慶祝下生日都唔錯。…Read More

晚市堂食終於放寬，決定支持下小店，就揀左呢間cafe。我哋點左兩個主菜加一個小食，原本想試埋個甜品都食唔落。<西班牙伊比利亞雜錦風乾火腿，$138>有4款唔同嘅風乾火腿，整到細細塊好方便食用，如果多幾個朋友share都唔洗分嚟分去。<北海道海膽帆立貝幼蛋麵，$198>個海膽超級鮮甜好好食，帆立貝都唔錯，爽口又鮮甜。只係略嫌個麵有啲冧同黐住，如果個汁嘅味再濃啲就更好。<霹靂霹靂烤法國春雞，$188>呢個春雞有驚喜，味道酸酸地，但係又好惹味。而家個雞好嫩滑，好好食。不過如果調味淡返少少就更好。<荔枝啤梨鮮打綠茶，$56>真鮮打綠茶，係飲到有水果嘅渣！荔枝同啤梨嘅味配合得好好，無搶左對方嘅味道。我無諗過cafe有咁好嘅鮮打綠茶！<Japanese Jonathan Apple Soda，$58>味道清新，不錯。整體而言，我好推介大家去食！除左支持小店外，食物質素都算唔錯。而且又可以打卡，岩哂同朋友慶祝生日。…Read More

今日去左灣仔食lunch，就食到一間好好食嘅串揚小店。午市套餐嘅選擇唔多，只有四款。串揚有三款而串燒就只有一款。我哋點左一個串揚一個串燒大家share。<串揚5款套餐，$128>美國安格斯牛肉眼，海蝦，日本洋蔥，紫蘇雞肉，半熟流心蛋美國安格斯牛肉眼就算炸左都仲係好腍，好香牛肉味，一啲都唔油膩。海蝦好好食，超彈牙，都有啲鮮甜嘅味道。日本洋蔥一啲都唔刺激，食到嘅就只有洋蔥嘅甜。紫蘇雞肉比較特別，不過有少少嚡，但係都幾好食。半熟流心蛋係真係流架！不過真係冇乜味，店員都有㗎可以落啲鹽，落左鹽就好食好多！而飯團就冇乜特別，入邊有啲漬物，有漬物嘅會偏咸。無漬物嘅位置我就點左個醬，我覺得都好好食！<串燒4款套餐，$118>汁燒雞翼，煙肉車里茄，美國安格斯牛肉眼，鹿兒島五花肉汁燒雞翼好香，燒到雞翼皮脆，雞翼肉仲係好嫩滑。煙肉車厘茄refreshing，我嫌得兩舊唔夠。美國安格斯牛肉眼都係好好食，但相對之下就會比串揚油膩啲，但係又好香好好食。鹿兒島五花肉個人認為有啲膩，友人覺得好正，肥美適中，而且燒得好香好惹味。整體而言我都好推介朋友去食，特別係set lunch價錢唔算好貴，而且環境都幾舒適。我希望下次可以happy hour或者食個輕晚餐chill下！…Read More

今日去左食串燒，支持黃店！<川式燒芫茜，$22>男朋友最愛之芫茜，係原條嘅芫茜。<札幌芝麻香燒雞翼（兩隻），$32>雞翼燒得好嫩滑，不過略嫌咸左少少。<鹽燒厚切牛舌，$68>個牛舌厚左少少，有啲韌，但係個味唔錯。<秘製醬汁香燒豬頸肉，$68>望落好似好肥，但係食落唔太肥，幾好味。<香辣燒原條茄子，$49>食燒野多數都會叫呢個燒茄子，今次點左個辣味，好惹味。<芝士煙肉焗大啡菇，$39>好少見到串燒店會有得食焗大啡菇，我本身好鐘意食芝士煙肉焗大啡菇，個菇<黃金蒜蓉燒日本廣島蠔（三隻），$88>雖然落左好多蒜蓉，但係仲食到隻蠔好新鮮好肥美。<椒鹽魷魚圈，$59>岩岩炸起仲熱辣辣嘅，好香脆。<（柒）支裝手工啤酒，$78>幾特別嘅手工啤。…Read More