Jo525's Profile

過嚟幾次都食唔到，次次條龍都鬼死咁長今日決心4.45就到～ 已經有4枱坐低左終於成功食到。真係好食😋店舖哥哥非常友善，抵讚，亦抵佢生意好！我試刀削麵，男朋友食拉麵～ 再加生蠔、鮑魚個人覺得刀削麵好食，鮑魚大大隻👍…Read More

去過鰂魚涌果間，啲service 好好多～ 呢間好似有啲趕客feel，帶住口罩講嘢客人聽唔清楚你講咩都好正常。環境、食物味道我覺得同其他分店差唔多，不過有選擇唔會再去呢間。…Read More

如果對烏冬有要求，質地係煙靭，係好既。被安排坐bar枱，原來係先比錢落單才安排入坐。不過咁樣我就有機會見到‘廚師們’點樣準備每碗烏東，我反而覺得好求其，第一位‘廚師’將所謂既鰹魚湯底和烏冬放入碗，第二位好似中三年紀既‘廚師’是是旦旦咁放d味噌（我估）落果碗，再加埋應該唔係日本既蔥🥲 = $46。星期六冇套餐，加過洋蔥牛肉=$44，係‘吉野家’味道。三文魚子烏冬=$78，份量夠飽，貪心叫多過燒鯖魚，正常中規中矩。見到隔離食天婦羅，都想試下，但要帶返口罩，去隔離鋪俾錢先，呢個operation真係唔鼓勵客人中間想加餸食多啲！…Read More

之前輝哥介紹，一直想試但都唔記得～ 今晚突然記起即去～ 一入到飯店，老板吳先生已經好熱情有禮貌，見地下已經差不多坐滿，即刻叫伙記準備閣樓比我地。茶用功夫茶，夜晚飲茶會瞓唔到既就留意番喇。晚餐：蕃茄鹹菜肉碎湯；半隻雞；潮州炒麵線。以為一定要打包，點知食晒，當然係好飽既狀態下離開。姜蓉偏鹹，反映比伙記，非常有禮貌誠懇話一定會同廚師反映，廚師可能有自己既堅持，但客人既意見一定要知道。這個回應已經滿分！唯一要改善，地下好滑，行路要好小心😅…Read More

之前經過見到裝修，開業後午飯時間日日都排長龍，今晚經過居然唔使等位，海南雞飯不是新口味，夾著星加坡名氣到香港，試一試吧。一份正常，一份加$10轉雞髀，我覺得正常個份大份D~ 雞胸其實都滑。油飯都ok，好乾身！反而要試鹹蛋雞翼，我個人覺得好味。可以一試。寫這個評價最主要係其中一位員工，服務真的一流👍🏻，待客之道典範。他說他不是店內員工，只是店舖開業幫手⋯我想應該是office staff🤔…Read More

超級市場成日見到一包包，都有興趣嘗試。今日居然坐低食～一直對麻辣唔特別喜愛，不過此店推介就一試～ 出奇地好味。雖然一直覺得，濃烈味道不會太差，但這個面底，比想像中入味。白土烏龍茶也出奇地好飲。…Read More

6.30pm，見到評價咁好，又向大圍唔知食咩，唔洗等位，本住試下心態⋯ 碗麵等左起碼有20mins，問佢係咪漏單，回答一句‘煮緊’，我夠知煮緊喇，唔通斬緊雞咩！明明隔離枱同我叫既一樣，但已經食緊，我朋友碗仲差唔多食完我碗先到～ 講句唔好意思都得掛～湯似乎係冇味精既⋯ 陽春麵都好食既～ 不過講真，$100碗麵，$30碟油菜（得幾條），以快餐黎講，真心有d貴。7.15pm離開，門口已經排隊⋯ 其實香港人都幾捨得食，不過我就試過算了。…Read More

明白香港地租金貴，所以都預左會貴d... 食物都ok既，算是高級的食材。但服務就真係要反省下⋯ 是晚叫左兩個石鍋飯，一個前菜沙律。首先沙津到左，食完大部份，朋友的蟹肉海膽石鍋飯到了，差不多已經食完，正準備追第二個飯就到。我小小埋怨咁跟經理說，朋友的都已食完我的才到，他居然只說一句：會跟廚房溝通，就轉身走開。其實我想最基本也應說聲‘唔好意思’～ （你內部點溝通關我咩事⋯）埋單$5xx。今時今日咁既服務態度，咪唔值囉! …Read More

鴨絲腸粉真係唔錯，有鴨香味。但係收錢果個‘男仔頭’女士，d態度真係想X⋯ 其實都去到幾次，每次見到佢對熟客就nice，但係對其他食客就好冇禮貌。唯有祝佢有好多熟客幫襯囉！我就決定搵過第二間！…Read More

可以再去的餐廳... 食物又大碟又抵食, 而且waiters大部份同以前舊的唔同, d服務態度明顯好咗好多...裝修之後比以前地方大好多, 感覺冇咁迫, 坐幾耐都得, d waiters都唔會面有難色。上次一班女仔坐咗成晚, 幾舒服幾開心, 茶餐廳價錢又可以有咁嘅環境, GOOD...…Read More