lhlrita's Profile

今日同個朋友去尖沙咀行街，行完街朋友推介－間日式餐廳，話食物質素好好，而且價錢合理，性價比好高，咁緊係一於試吓佢。入到餐廳，店面唔算好大，好彩我地今日早食晚飯，所以都有位。雜錦刺身船嘩嘩嘩～呢個雜錦刺身，非常豐富，有拖羅、帶子、鮑魚、生蝦、金萡海膽刺身⋯⋯－見到舊拖羅既紋同色澤，就知道非常之新鲜，入口即融，正汁煮鮑魚好鮮味既汁煮鮑魚，好鮮甜辣酒煮蠔呢個辣酒煮蠔－d都唔腥，辣度啱啱好，而且個湯底好好味，隻蠔大大隻，超級juicy 牛油果蟹籽沙律牛油果加上沙律，非常match 既配搭和牛串燒和牛好juicy，肉味好香濃，燒得好香煙肉帶子串煙肉配帶子，呢個組合好大滿足，口感特別豚肉露筍豚肉露筍－向都好好食呢間餐廳位置方便，食物質素好，價錢又合理，性價比好高👍🏻…Read More

尖沙咀有好多好西食，不過泊車麻煩。呢排中間道泊車好扺$20，仲要泊－個鐘，送－個鐘，咁緊係去泊，再去附近食飯。棉登徑有間日本餐廳，海鮮非常新鮮，而且服務－流，真係要推介俾大家。每張枱都放定一個爐，職員會幫手燒埋，服務好貼心。特上壽司盛合有成10 款壽司，其中蟹膏蟹肉非常鮮甜，生蝦亦都好甜，帶子壽司大大件，呢個盛合真係ichiban 活北寄貝刺身呢個北寄貝刺身新鮮到呢⋯⋯非常之鮮甜，又彈牙爽口，－流鮑魚殼燒隻鮑魚有一個拳頭咁大，而且好生猛，仲有人幫手燒，燒到啱啱好，彈牙鮮甜，好好味呀蟹味噌甲羅燒鮮甜嘅蟹膏配上味噌，味道好夾，即燒即食，包住熱辣辣冰菠蘿梳打菠蘿味香濃，真材實料，正總體來說，餐廳食物質素非常高質，而且價錢唔算好貴，性價比高！…Read More

尖沙咀食肆林立，多國菜式任君選擇，今日同朋友走咗呢間中式餐館，有著不－樣的感受。串茄核桃沙律蕃茄仔好新鮮，再加上清新沙律菜，好適合做前菜矛台醉鲍魚淡淡酒香，加上凍鲍魚，味道不俗胡椒豬肚湯呢碗湯夠哂辣，好濃既胡椒味，加上豬肚味，濃味之選日本椒仔炒牛肉日本椒配牛肉，加上濃濃豉油味，正川椒雞鍾意食辣既人絕對唔可以錯過呢個川椒雞，啱哂鍾意四川口味嘅人，又香又辣蠔仔鵝肝炒飯濃濃既蠔仔味加上濃濃既鵝肝味，味道配搭非常之特別，我比較喜歡重口味，啱哂我燕麥紫薯外脆內軟，味道不錯…Read More

荃灣係一個好方便嘅地方，荃灣千色店陣間去荃灣嘅中心點，行街睇戲食飯都可以做到，今日同個朋友行完街去咗牛摩打邊爐。店面好大，好闊落，樓底非常高，啱晒一大班朋友黎。區分幾個唔同價錢任食任飲，我哋揀咗prime 套餐。任食部份有好多唔同選擇，所有蔬菜蔬果丸類，錢財甜品，雪糕飲品等等，全部都可以任食麻辣鴨血湯底/ 博多美人骨膠啫喱雞白湯湯底一人一鍋，自己鍾意食咩味都可以，麻辣鴨血湯底唔算太辣，但麻辣味香。骨膠啫喱非常好食，雞湯好香濃，屬於高質素之選。牛肉非常之好食，屬於高質素牛，肉味濃。豚肉都非常之出色，豚肉味好濃，又唔會好鞋，非常好食。除咗食物好味之外，服務質素一流，職員都好有耐性講嘢，而且上菜速度快，好勤力。總體性價比非常之高，好抵食，值得推介。…Read More

大圍－向有好多餐廳，其中一間老字號，出名食燒鵝、乳鴿、雞粥，今日同朋友－行兩人，去試吓呢間出名餐廳—新強記。－入餐廳，樓面都幾大，服務周到，門都會幫你開嗰隻，－入去，開番壺壽美歎番啖茶先。餐牌有好多選擇，如果多人的話，可以揀套餐，不過我今次得兩個人，所以都係散叫。乳鴿其中一樣大圍名物就係乳鴿，上菜時仲係熱辣辣，好香脆，名物果然係名物果皮蒸鮑魚鮑魚火喉控制得好好，蒸到啱啱好，彈牙又鮮甜，加上果皮既香味，更能提升鮑魚既鮮味，正蒜蓉粉絲蒸蟶子蟶子火喉控制得好好，蒸到啱啱好，蟶子大大隻，而且彈牙又鮮味南瓜西米露/ 紅豆沙（送）食飽每人仲送－碗糖水，仲有兩款糖水俾你揀，認真sweet heart 糖水足料又唔係好甜，好好味大滿足…Read More

今日去個朋友屋企玩，晚餐就去朋友屋企附近食，所以就去咗荃灣西上蓋既商場海之戀食飯。朋友推介－間幾好食既西餐廳，位於海之戀商場3 樓～ 餐廳都幾大，座位都好舒適，可以坐耐啲傾下偈。柚子蜜糖燒雞（半隻）配時令蔬菜及薯蓉燒雞燒得好香，外皮好脆，雞肉好嫩又多汁，燒得啱啱好，配菜都好有誠意，薯蓉又香又滑沙律/蕃茄湯/ 炸蠔/ 飲品跟餐+$38 已經有沙律、蕃茄湯、2 隻炸蠔同飲品，超級抵食士多啤梨🍓雪葩濃濃既士多啤梨味，好香士多啤梨既味道，而且又唔係好甜，好正海蝦蒜片檸檬海鹽醬扁意粉海蝦又大隻又多，入口彈牙，陣陣既檸檬海鹽香味，好開胃生啤每叫－個餐可以+$1 加多一杯生啤，啱晒黎happy hour …Read More

大埔白石角愈來愈多新屋苑，居民愈來愈多，所以科學園開咗好多餐廳，有時放工唔想煮飯，去楠天kitchen 買外賣非常方便快捷，而且味道唔錯。風沙炸子雞（半隻）淨係個賣相已經值回票價，拎到返屋企仲熱辣辣，－食落口，真係不得了，個皮仲係好脆，隻雞非常之滑，味道啱啱好，估唔到外賣都有呢個味道青咖喱雞青咖喱個椰香味濃，又唔算好辣，薯仔好好味，雞又好滑，加上青咖喱汁，－流每道菜都跟－大盒白飯～～ 超正小菜好味，而且有－大盒飯，又好食，又抵食，有時放工唔想煮飯，真係啱哂！…Read More

沙嘴厚福街一向都好多嘢食，有好多唔同嘅餐廳，地點又非常之方便，今日同朋友想食燒烤串燒，去到厚福街H8大廈，有一間大樹燒烤，食完覺得唔錯，同大家推介一下今日係平日，入到餐廳，唔需要等位，正。每張枱都有個爐，串燒會放上個爐暖住，到你食嘅時候都仲係熱辣辣，完全保持到食物嘅質素。燒雞翼2 串雞翼皮好脆，又保持到肉汁喺裏面，而且好入味粟米10 條呢個粟米好仔細，每一粒粟米都係吉住咗，而且佢切到咁仔細，每粒粟米都好入味燒元貝燒到剛剛好，唔會好乾，而且蒜味濃，正燒茄子茄子切開一半燒，燒到好林，筷子－夾就－絲絲起到，加埋蔥蒜，好惹味燒虎椒咁啱呢兩隻虎椒唔係好辣，入口啱啱好總抬而言，尖沙咀厚福街有呢間串燒，真係幾好，啱晒－大班人放工後聚聚，假日同friend 食都唔錯…Read More

今日去咗尖沙咀食鉄板燒，位置喺the one 19樓，不過質素同價錢成反比的鐡板燒。首先，服務態度奇差，接待處既職員安排又差又冇禮貌，估唔到會咁前菜係沙律，碗底有好多水，自家屋企整沙律都會整乾，估唔到去到餐廳都會食到咁既質素既沙律第一度菜已經覺得伏伏伏伏，之後既菜式都不值一提，佢係用日式鉄板燒整西式菜式，四個字，不倫不類，西唔西，日唔日，做fusion 做得好差。唯一值得讚既係個景觀，因為處於19樓，景觀係靚既，不過有人包場，所以連唯一讚既景觀都被封左一半。…Read More

今日去大圍試吓食呢間石板燒，一試就伏左點左一份200g 既澳洲肉眼，仲要係推介。點知肉又鞋，1/3 都係跟，完全食唔到。其實食過好多間石板燒，從未試過有一間有咁多跟，而且又好鞋。另一份係封門柳一食，嘩⋯⋯咩事⋯⋯好鞋未試過食一份咁鞋既封門柳，入得去食石板燒，對佢既牛肉都會有少少期望，估唔到專做燒肉既食肆，舊肉既質素咁樣，同期望有好大落差，好失望，其他食物水平正常，有飯有湯有沙律，好可惜主角⋯⋯唉⋯⋯冇下次…Read More

大埔出左名好多餐廳美食，今日去咗一間食泰國菜，味道很不錯，所以同大家分享一下。餐廳充滿泰國風味，裝修舒適，而且服務很好，感覺很好。餐牌有好多食物供選擇，多到眼花撩亂，樣樣都好正咁，我哋揀咗以下幾款試吓：名爐泰式蜆名爐魚食得多，今次食明爐蜆，熱住黎食好正，一d都唔腥，蜆肉大大隻，加上泰式香料，鮮味提升左好多。沙嗲金菇肥牛粉絲煲唔好以為呢個煲好普通，估唔到咁好食！ 因為配料令到整個煲好香，加持左個煲，肥牛又入味，又好味串燒菠蘿燒菠蘿一向係我最愛，又甜又多汁，燒左既菠蘿特別香甜串燒雞肉雞肉燒得又香又滑，加埋秘製沙嗲汁，可以話係冇得輸餐廳整體質素好好，所以非常滿意。…Read More

呢間餐廳喺荃灣路德圍，位置非常方便，由地鐵站行去，只需要約5分鐘左右，所以人流好旺。餐廳面積都算大，每個座位之間都有隔板，衛生亦都唔錯。打開餐牌，有好多選擇，而最出名嘅係瑞士汁雞髀，同埋叉燒蛋飯，咁一於試吓。叉燒蛋飯份量非常之多，炒蛋好滑，識落亦都好香蛋味，用咗半肥瘦叉燒，再加上秘製嘅醬汁，成個飯好好味瑞士汁雞脾瑞士汁雞髀係呢間餐廳嘅真店之寶，果然冇錯，瑞士汁好香，個雞髀好滑，亦都好入味。蕃茄縲絲粉番茄螺絲粉，好重蕃茄味，蕃茄控一定要點奶醬多奶醬多賣相好靚，好有心思，多士整得好乾脆，花生醬又好香，唔錯呢一間茶餐廳係非一般嘅茶餐廳，食物質素比起一般茶餐廳高好多，睇得出係用心思做，值得支持。…Read More

荃灣楊屋道附近有一間泰國餐廳，由荃灣西鐵站行過去，大約十分鐘左右，都非常方便。餐廳都好闊落，每張枱之間都有好多空間，而且有好隔板，防疫措施都做得好足。而且好多卡位，大家都坐得好舒服。餐廳既裝修充滿泰國風情，入到餐廳，好似置身於泰國一樣，疫情其間冇得去旅行，去下呢間餐廳食飯當去咗一次旅行😆泰式燒雞平時都好鍾意食燒雞，呢間餐廳既燒雞外脆內滑，份量都好足，加上泰式醬汁，味道一流馬拉盞鮮魷炒通菜馬拉盞炒通菜就食得多，呢個加持埋鮮魷，令整個菜加左鮮味椰汁西米糕食泰國嘢點少得泰式甜品，而椰汁西米糕簡直係泰式甜品既佼佼者，椰汁味濃，而且唔會好甜，正餐廳食物份量好足，而且每道菜都好味，值得再幫襯。…Read More

餐廳位於太和，由火車站行過去都係大約十分鐘左右，都算方便，餐廳唔算好大間，不過座位都設置隔板，所以都好安全。晚餐時間，已經有好多人等緊，睇到餐廳都幾受歡迎。餐廳餐牌好多選擇，好多款式可以俾大家揀。千挑萬選下，揀左以下呢幾款：海南雞飯海南雞飯可以揀油飯或者白飯，咁我健康d，揀左白飯，一樣咁滋味。海南雞份量好足，而且又嫩又滑，加上秘製醬汁，一流咖哩軟殼蟹火山包淨係聽個名都感覺到個氣勢，咖哩好香，呢隻係唔辣咖哩，軟殼蟹炸得好酥脆，加埋咖哩汁，好味沙嗲雞肉串燒個雞肉串燒味道都好好味，雞肉又滑又多汁，燒得好香馬拉盞通菜通菜好嫩，加埋馬拉盞炒，辣辣地，惹味又好味整體食物質素好好，價錢又唔貴，性價比高！…Read More

好多人都話馬鞍山係美食沙漠之地，不過沙漠都有綠洲既，今日就去左馬鞍山廣場裡面既一間泰國餐廳，果然，搵到馬鞍山既美食綠洲～一行幾人，等左大約十五分鐘左右就入得。泰式名爐鱸魚名爐魚係泰國菜既名物，用名火熱住條魚食，食到尾都熱辣辣，唔會腥。鱸魚新鮮彈牙，肉質鮮甜，加上泰式醬料，超好味！香蒜焗扇貝焗扇貝大大隻，蒜蓉又多又香，扇貝焗到啱啱好，香軟彈牙，一流甘蓆炸蝦香脆熱辣辣既炸蝦，帶有少少甘蓆既甜味，加上泰式醬料，酸酸甜甜，正飛天通菜通菜又嫩又爽，炒得好香，好好味整體餐廳食物質素高，味道一流，而且食材新鮮，服務又非常好，值得去食！…Read More