helen224's Profile

本身可以休閒食lunch變左要趕頭趕命仲要激氣😑Lunch set落咗單25分鐘都冇嘢食催佢，我哋就坐得近出餐位嘅，同咗店員A講，佢態度都幾好。不過睇住店員A同店員B (疑似經理 /senior少少既後生仔）講，店員B話「叫佢等吓啦 催咩姐」再過多10分鐘，都超過半個鐘啦，完全唔合理燒肉係生嘅又唔使你煮，咁我哋再催佢，個經理先望到我哋，望住佢即刻同廚房講要出餐，唔使幾分鐘即刻出到啦⋯⋯ 不過啲肉一係就結晒冰，硬掘掘。牛舌就又薄又靭⋯⋯真係無下次可能真係唔催得…Read More

I-O-N自助餐今次主打港式、東南亞大排檔風味，由香港仔魚市場攞貨，搜羅優質海鮮，可以食到避風塘瀨尿蝦🦐豉椒炒蜆、椒鹽鮮魷🦑避風塘鮑魚等多款經典大排檔滋味😍款款都好惹味，鮑魚好彈牙😋清蒸龍躉好受歡迎🐟魚肉嫩滑😋自助餐既冷盤都好出色，大部分食客都主攻5款凍海鮮。蟹腳肉質唔散可原條取出，水潤鮮甜🦀海蝦新鮮又大隻，肉質結實彈牙🦐麵包蟹嘅蟹肉同蟹膏都鮮味。值得一讚係成晚refill速度好🙌🏻👍🏻熱食整體質素都幾好，東南亞美食既選擇豐富，有海南雞飯、招牌肉骨茶、新加玻咖哩雞、馬來西亞串燒等等。個人特別鍾意羊架，熟度剛好粉紅，肥瘦適中，入口tender有肉味。粉麵檔亦都有喇沙、越南牛肉湯河等，真係樣樣都想食😚另外沙律吧都有驚喜🥗有新鮮水耕菜，仲有配合主題嘅泰式香芒蟹肉木瓜沙律、泰式牛肉沙律、新加坡羅惹沙律，試咗少少味道都唔錯，食啲沙律中和下大排檔嘅油膩感😛甜品方面有勁多款港式、東南亞甜品‼️ 可以食到而家好少有嘅蓮蓉西米焗布甸，完全係細個去茶樓食甜品嘅感覺☺️木桶豆腐花都好有誠意，黃豆味非常濃郁。東南亞風味嘅代表有榴槤糖不甩、馬拉茶撻、斑蘭糕💚咖咉脆窩夫🧇仲有任食haagan daz雪糕🍧餐廳位於如心酒店2樓，環境寬敞，座位舒適，其中仲有包廂位，私隱度高。以酒店自助餐黎講唔貴，性價比高，值得encore😌十分推介大家同屋企人、朋友黎食餐好🍽️📍#I-O-N (#黃竹坑美食)#黃竹坑 黃竹坑道55號 #南灣如心酒店 P3樓…Read More

如果要講到女士們最愛嘅顏色，一定係迷人既湖水藍Tiffany blue🩵今次嚟到北京道1號既Tiffany blue box cafe！餐廳由深淺不一的藍色玻璃組成，簡約高雅💖餐廳除咗出名食Afternoon Tea，Set Dinner 都唔錯架☺️TIFFANY Dinner 配香檳一杯$738包括前菜、湯、主菜、甜品及飲品，由外到內都是滿滿的Tiffany blue🩵🔸STARTER 前菜TIFFANY 的魚子醬盒子🩵Tiffany餐點最Signature 嘅嘢😍擺盤十分精緻，用滿滿嘅貝殼去襯托高貴嘅魚子醬💕食魚子醬當然要配埋貝母匙！用咗漬油甘魚配搭魚子醬，更加有層次感👍🔸SOUP 湯白露荀法式清雞湯 ，傳統嘅法式清雞湯配西班牙黑毛豬火腿，清甜又帶出淡淡鹹香🥣🔸香煎鵝肝羊肚菌意大利燉飯鵝肝煎到好香脆，油脂香口細膩😋意大利燉飯調味恰到好處，用咗菇菌作為基底，同鵝肝配合得好好💕🔸MAIN 主菜法國春雞伴松露慕斯🐥松露醬夾咗喺春雞皮同肉之間，所以每一啖都會食到雞皮、松露同雞肉，三樣不同嘅口感同風味🫶優煮牛頰肉🐮牛頰肉口感好出色😍入口即化，而且味道都好好！薯蓉份量唔算多，食落好香好creamy💕🔸DESSERT 甜品蒙布朗，粟子味好濃郁，層次分明🍰🔸DRINK 飲品BELGIUM CHOCOLATE 🍫NO.727 THE TIFFANY BLEND🫖朱古力一上枱已經少女心爆發💕值得加錢叫☺️打卡一流📸📍#TheTiffanyBlueBoxCafe (#尖沙咀美食)#尖沙咀 北京道1號大堂207-208號舖➡️𝗙𝗼𝗹𝗹𝗼𝘄左我未啊😚跟住我去飲飲食食😎吃是真愛❤️ @eatistruelove.hk 🌟🔖 #吃是真愛_尖沙咀…Read More

𝑀𝑎𝑑𝑒 𝑚𝑦 𝑑𝑎𝑦♡ 𝘓𝘢𝘵𝘵𝘦𝘩𝘢𝘵𝘪𝘴𝘵 🎩 西營盤一人咖啡店，最特別係咖啡師會係咖啡上畫圖案，Latte 系列的都可以畫到架！如果想指定圖案可唔可以加$20或者加甜品免費畫☺️我就揀左我最鐘意既阿美😆睇住咖啡師整既過程都好治癒🥰唔該晒🥹畫得好靚啊🥹真係唔捨得飲😆巴斯克蛋糕有原味或者焙茶味，我揀咗原味，不過稍嫌中間濕左啲。📍#帽子珈琲 (#西環美食 #西營盤美食)#西環 #西營盤 德輔道西294號寶立閣地舖…Read More

好耐冇去過長洲啦，都bookmark咗唔少小店要去試，其中長洲鐵漢嘅脆脆平安包就最吸引我😂長洲鐵漢主打港式串燒，可以試吓啲特別款式嘅串燒🍢🍡小店嘅佈置都有落過心機，主角鐵漢行漫畫風，都幾打卡able 📸首先必點嘅一定係脆脆平安包，有流沙奶黃或者係芝麻餡💛🖤將普通嘅平安包炸過，有少少似食炸饅頭，一咬開中間嘅奶黃唔算好澎湃，但係個味道好好！第二款必試係蜜燒鹹蛋黃臘腸餅，都係第一次見，與其話係臘腸餅，我覺得更加似豬肉乾嘅味道，甜甜地好有口感😋串燒方面要咗鐵漢少女心👧🏻即係豚肉包住士多啤梨🍓又幾得意，鹹鹹甜甜咁。另一款黎姿，即係荔枝豚肉🐷咬開好Juicy，荔枝嘅甜味平衡咗豚肉嘅油膩感，好好食😚特色小食要咗白酒煮海蜆，味道調校得好好，重牛油蒜蓉味🧄🧈亦都有少少辣椒🌶️所以整體好惹味，如果啲蜆大隻啲就更好啦🤪最後要咗個冰鎮黃金咖喱魷魚，魷魚爽口，帶點微辣，都唔錯🦑飲品方面有好多本地出嘅啤酒，就算冇酒精嘅選擇都有幾款，試咗山楂蜂蜜梳打，飲落清爽酸甜，好有特色，好推薦💯🔸黎姿🔸冰鎮黃金咖哩魷魚🔸蜜燒鹹蛋黃臘腸餅🔸鐵漢少女心🔸脆脆平安包（流沙奶黃）🔸山楂蜂蜜梳打📍#長洲鐵漢 (#長洲美食)長洲新興街65號地舖…Read More

一場黎到長洲終於可以試下陳通記，佢哋招牌係沙爹牛肉米通，湯底真係好濃沙爹香味👍🏻偏重花生味🥜食食到粒粒花生碎，個人就覺得啲碎太多，食食下差啲濁親🥲🙈另外叫左個炸雞翼米通，雞翼都炸得香口，不過另上會好啲，如果唔係食食下好快又浸淋左🤣不過價錢真係好貼地，仲有30幾蚊碗！雞翼通係蠢左，其實應該要加錢轉沙嗲湯底，不過唔緊要啦，喺朋友嗰度拎咗啲超濃郁嘅過嚟😂📍#陳通記 (#長洲美食)#長洲 大興堤路2號長洲市政大廈地下熟食中心13號舖…Read More

銅鑼灣新開意大利菜 𝗖𝗮𝗿𝗯𝘀 一上到來餐廳最鍾意的一定係窗邊位，拱形的扇窗加上陽光照射入黎，好舒服🥰Menu主打Pizza、Pasta，試左兩款主菜都好有水準。重點，我敢保證呢到食到好出色既手工薄餅🍕🧀🤤🔸Pizza Margherita🍕Pizza Margherita係佢哋招牌之一，店員話係廚師每日新鮮手造的薄餅，餅底薄而鬆脆🥹上面鋪滿了新鮮的番茄醬🍅Mozzarella cheese🧀每一啖都有濃郁的番茄味，拎上手時仲有拉芝，真係好好食🤤🔸Ham & Pillow Eggplant & Red Pepper Compote呢款西班牙火腿脆餅夠晒特別，脆餅的造型像枕頭一樣獨特。食之前除左相機打卡，仲要卜碎佢，連埋枕頭內的紅椒醬、西班牙火腿一齊食，給人一種豐富的層次感！🔸Salad Nicoise Aged Mackerel馬友尼哥斯沙律真心推薦！用上了新鮮的熟成馬友，魚經過兩天的熟成，抽乾左魚皮的水份，魚皮係脆到不得了，而且肉質鮮嫩！配搭新鮮的蔬菜、溏心蛋，落左啲醋汁，食落好開胃～🔸Iberico Pluma, Sweet Corn, Green Peas西班牙豬肋眼栗米青豆，選用了伊比利亞豬的優質部位，火喉掌握得幾好，肉質嫩滑多汁，帶有豬肉的獨特香氣。🔸Opera Cake 經典的法式甜點之一，由多層蛋糕、巧克力和咖啡奶油組成，層次分明，又唔會好甜，作為今餐的結尾真係好滿足。最後店員仲送上一杯Cold Brew Jasmine Tea，加入了檸檬皮，味道清新。📍#Carbs (#銅鑼灣美食)#銅鑼灣 駱克道459-461號The L. Square 14樓…Read More

銅鑼灣分店超方便😍一入去見羅馬式噴水池，加上水晶燈、黑白格仔地板，真係好似去左轉歐遊😜難得平日放假，今次就揀左Royal Tea Set 🥂賣相十分吸睛👁️最底層以鹹點為主，用料好有驚喜😍有龍蝦、有蟹肉，仲有帶子🦞最難忘一定係香煎北海道刺身帶子，帶子幾厚肉，煎香左好香口，配埋下面既炸物，層次感豐富👏中間個層主要係小食，但都係勁重本‼️鴨肝幕斯配無花果配搭得好好，無花果中和鴨肝濃烈既味道，亦無咁膩🫧巴馬火腿蜜瓜好大件！火腿既鹹香配埋爽甜既蜜瓜，食落好滿足🥰最後到頂層既甜品🍰每款甜品都好精緻，每款都好吸引😍最有驚喜係柑橘瑪德蓮貝殼蛋糕🐚食落好鬆軟，口感一流，淡淡既柑橘味岩岩好👏📍 #ROYALINN (#銅鑼灣美食) (#尖沙咀美食)#銅鑼灣 告士打道311號皇室堡3樓313-314號舖#尖沙咀 彌敦道100號The ONE 1樓L121號舖…Read More

之前介紹過好多大圍嘅餐廳，有次經過「老去茶事」被佢寧靜嘅環境所吸引，就bookmark咗一定要嚟食😂 呢間餐廳專門飲茶🍵 飲品menu好詳細咁介紹唔同手沖茶嘅產地同風味，仲寫咗唔同茶嘅屬性，屬於涼性嘅有綠茶同白茶，屬於溫性嘅有紅茶同黑茶，而中性嘅有青茶，可以按自己身體狀況去揀返啱屬性嘅茶🥰🔸鳳凰單叢烏龍茶（柚花香）呢款中性嘅青茶，產地係潮州鳳凰山，帶有水仙花同柚子皮嘅風味☕️🍵 店員捧茶嘅時候提到呢款茶因為發酵時間相對短啲，所以比一般嘅烏龍淺色，我幾鍾意呢款茶，好易入口，餘韻悠長😌 杯墊係台灣嘅陶瓷師人手製作，每一塊都係獨一無二，杯墊底仲刻咗一哋字句，大家飲完茶可以睇睇🤣🔸每日茶事我諗呢款茶每日選用嘅茶葉都唔同，我哋嗰日飲嘅茶葉來自福建，帶有奶香味🍼 每日茶事可以續杯👍🏻🔸正山小種紅茶·檸檬·紅糖愛玉飲茶最適合食甜品，可以解膩🤣 今次揀咗比較light嘅愛玉凍，湯底用咗正山小種紅茶，自己倒入紅糖，又靚又好味👍🏻📍#老去茶事 (#大圍美食)#大圍 積信街77-81號積善樓地下B號舖…Read More

在家居酒屋而家搞緊聖誕Maguro金槍魚祭🎄🎊 我哋今次試咗新推出嘅本鮪藍旗吞拿魚全吞拿魚宴🐟 由湯品、前菜、刺身到熱盤，可以一次過享受晒吞拿魚唔同嘅部位，非常滿足💯 我哋仲額外追加咗個特別部位——腦天🐟 佢係吞拿魚頭頂嘅肉，一條魚只得兩片，係好矜貴嘅部位🤭吞拿魚宴於12月份內仲會推出限時「買1️⃣送1️⃣」 優惠🤩🤩🤩🔸吞拿魚頭季節海鮮湯🔸香葱吞拿魚他他🔸汁煮帆立貝🔸綜合吞拿魚刺身拼盤（五點）🔸汁煮吞拿魚骹🔸半熟赤身天婦羅🔸吞拿魚骨中落配壽司醋飯、紫菜🔸炙燒腦天肉今餐最滿足係刺身拼盤，五點刺身包括蛇腹、面頰肉、中拖、背拖、赤身🐟 全部都好厚切同新鮮，當中我哋覺得最好食嘅係面頰肉，油香肉香俱全，帶少少筋膜嘅脆感，口感幾特別😋 蛇腹都好好味，油香比較重😍 呢餐最特別莫過於吞拿魚骨中落，我都係第一次咁樣食吞拿魚😂 成盤魚肉好震撼，好啱打卡😂 痴住魚骨嘅肉特別嫩滑，紫菜上面舖少少壽司醋飯，再加上自己刮出嘅魚肉，再加啲葱花同wasabi，好玩又好食😋📍#在家居酒屋 (#大圍美食)大圍下徑口村154號地舖…Read More

𝐉𝐮𝐧𝐨位置超方便，裝修以金色綠色為主，整體感覺好舒服好有feel!!☺️第一次嚟到梗係要試吓佢嘅Tasting Menu啦‼️性價比好！高！$490有齊多款前菜、主菜、甜品🍧ALL STARTERS TO SHARE🔸Iberico Ham 48 Months🔸Whipped Feta Feta🔸Caviar d’Aubergine🔸Codfish Fritters “Beignet de morue”🔸Padron Peppers前菜都有五款款，每一款都好有驚喜😍 自家製麵包香草味啱啱好，口感好鬆軟再配埋火腿嘅鹹香味，正😙有一款係素食🍆，既保留茄子嘅口感，又加入咗唔同嘅香草同蜂蜜，好fresh🤣西餐必備嘅芝士，配搭番石榴籽同蜂蜜，完全唔會膩✌️MAIN🔸Juno Truffle Tagliolini🔸Lobster Acquerello Risotto主菜方面揀咗兩款，第一款麵條比較幼，一上菜已經俾滿滿嘅黑松露吸引住😍 黑松露味好濃郁，仲有淡淡嘅橄欖油香，配搭得好好！第二款係龍蝦燴飯，燴飯嘅醬汁非常濃郁，勁香龍蝦味🦞DESSERT🔸Tiramisu🔸Tarte Tatin最後嘅兩個甜品橫上完美嘅句號🤣 Tiramisu 啲cream好滑，層次好豐富💕另一款甜品上面係滿滿嘅蘋果蓉，下面嗰層酥皮好香口，仲有雪糕，勁滿足🔥😍😍Tasting MenuHK$490 PER PERSON…Read More

之前經過呢個綠色轉角位見到坐滿人，決定要再搵一個週末早少少到！小店座位唔多，我哋剛好坐咗喺靠窗邊的吧枱🌿☀️週末陽光照射入來有一種特別寫意好溫暖嘅感覺☺️這店最近推出咗全新pancake Menu，有鹹有甜一共有6款Pancake🥞我哋就揀咗鹹甜各一，分別係Oppa’s Chicken同Strawberry Bubblegum🍓🔸Oppa’s Chicken🍗呢個係韓式炸雞style既Pancake，有甜辣韓式炸雞，有3件炸雞，淋上的醬汁好足，食落都好濕潤好惹味！我哋特別鍾意佢面頭的酸忌廉醬，平衡咗炸雞嘅辣味😛🔸Strawberry Bubblegum🍓三層Pancake夾住麻糬！質感好軟糯🥰好好食！驚喜度滿分💯淋上好多士多啤梨果醬，酸酸甜甜好開胃🤤上面仲有一球雲呢拿雪糕😚旁邊又有脆片、士多啤梨、藍莓，整體配搭都好完美🙌🏻❤️小店有好幾款Signature Coffee都好吸引，我地都好想試，真係好掙扎!! 最後揀的兩杯都幾好，都啱口味。🔸Dirty Coconut🥥Dirty Coconut用上nutty啲既啡做base，加埋椰奶，質感順滑，椰味突出，又有層次感。🔸Yuzu Cold BrewYuzu Cold Brew 由韓國柚子蜜、鮮橙汁🍊自家製冷萃咖啡組合而成，面頭一層泡泡連同香橙乾片，飲落微酸，又帶有柚子蜜的甜味🍯完全可以平衡返食完Pancake甜甜鹹鹹的heavy感覺，成件事好refreshing🌿📍#TheThird (#元朗美食) @thethird.hk 元朗建德街69號大福大廈地下1-B號舖…Read More

一入到cafe就見到好高嘅樓底 空間感好夠 感覺好舒適☺️ 食物嘅擺盤都好有心思 用黎打卡一流📷今次叫左兩個主菜同甜品🍮龍蝦汁意粉，上枱就聞到好香濃嘅蝦味🦐 意粉好掛汁🤤 大蝦好新鮮食落彈牙👍🏻 五成熟嘅安格斯西冷，肉汁多唔會韌，加埋大蒜一齊食係另一番風味🤭 如果鐘意濃味啲可以點埋汁🥩 薯條有調味，食落有微微嘅辣 都幾惹味🌶️ 大推呢度嘅Tiramisu 賣相好靚😍 微微嘅酒味 ，食落甜而不膩，仲可以試下配埋香橙果乾食 口感更豐富😋 而杯飲品就好refreshing ，有椰子水做base加上桃味，好特別嘅配搭👍🏻🔸Prawn Linguine 🔸Angus Sirloin 🔸Hunt Signature Tiramisu 🔸Coco Sparkling with Peach…Read More

新推出鐵板燒御膳，主打兵庫縣A5神戶紅酒牛配搭矜貴海鮮，新Menu三個套餐分別配搭南非飽魚、法國藍龍蝦、加拿大蟹，品嚐海陸奢華的盛宴🦀🦞🥩✨兵庫縣A5神戶紅酒牛、加拿大蟹御膳(二人前)
✨前菜 - 蟹肉沙律、黑松露蟹膏茶碗蒸先來沙律，麻醬配絲絲蟹肉好開胃；茶碗蒸十分嫩滑又有海鮮的精華，加上黑松露的香氣，好好食😋🦀鐵板燒原隻加拿大蟹 🦀主角出場原隻加拿大蟹，都真係幾大隻，鐵板燒蟹係香港都算係少有，睇住師傅好似表演咁處理唔同的部分。鐵板燒要食到食材的原味，隻蟹夠新鮮，蟹腳的肉肥嫩飽滿，食落去係純粹的鮮甜🤤海水味都唔會好鹹，蟹膏同蟹肉就好似混合埋一齊咁，啖啖蟹肉食得好滋味🤩大部分蟹腳的殼都預先剪開左方便我地食👍🏻🥩鐵板燒兵庫縣A5神戶紅酒牛薄燒(4枚)或厚燒(120克)🥩重頭戲之一兵庫縣A5神戶紅酒牛，神戶牛一向都以高品質為名，紅酒牛更加係十分稀有。兵庫縣牧場出產的黑毛和牛，以當地葡萄酒酒糟發酵後混合飼料餵養，肉質特別軟嫩，味道甘香，屬極罕有的頂級品種！帥傅將牛煎香至五成熟，唔需要點任何調味料已經好好食，旁邊配以蒜片、蔬菜，十分美味🥰🥢海膽炒飯、鐵板燒炒野菜🥢其他食埋牛都已經包左一大半，但係仲有海膽炒飯，叫人點可以抗拒呢😆炒飯粒粒分明，好香蛋味，食落仲有海膽的鮮甜。炒野菜主要為椰菜、芽菜，感覺清新少少🥗🥣味噌湯及焦糖燉蛋🥄最後飲返碗味噌湯暖暖肚，甜品有焦糖燉蛋，好滿足🥰🫶🏻📍#櫻田日本餐廳 (#沙田美食)#沙田 白鶴汀街8號帝都酒店3樓…Read More

中環經典扒房𝐋𝐚𝐰𝐫𝐲’𝐬 𝐓𝐡𝐞 𝐏𝐫𝐢𝐦𝐞 𝐑𝐢𝐛 🤤來自美國加州的Lawry’s The Prime Rib，全球多國均有分店🌏香港為首間亞洲分店不知不覺已經有17年歷史🕰️餐廳座落中環嘉軒大廈頂樓，天花圓頂形的設計配落地玻璃和紅絲絨梳化，盡顯華麗高貴的氣派💃🏻最近新出廣受香港人歡迎的Weekend Semi-Buffet Brunch，週末一於嘆嘆佢☺️自助區提供精選凍頭盤、海鮮🦐沙律🥗湯，Cheese Corner仲有多款芝士，熱溶芝士都有🧀絕對不容錯過的是銀餐車廚師發辦，都係可以任拎架！每次都有唔同供應，今日就有脆皮德國豬手🐷配上德式酸菜、芥末醬，都幾滋味😋主菜方面重點推薦美國燒牛肉🥩由廚師推住銀色不鏽鋼餐車，在餐桌旁即席切割招牌燒牛肉，成為左Lawry’s的經典元素之一！燒牛肉預設Hong Kong Cut香港薄切，可升級6安士的California Cut加州薄切，單是賣相已經令人食指大動🤤色澤粉嫩，肉質相當細緻而且充滿濃郁的牛香和肉汁🥰燒牛肉仲會配上薯蓉、忌廉辣根醬、Yorkshire Pudding，用黎點肉汁食都好有風味。特別推薦落少少由創辦人研發的調味料Lawry’s Seasonal Salt，令肉味更加昇華🆙另一道主菜要左波士頓龍蝦班尼迪蛋🍳班尼迪蛋有完美的流心😍加上兩件波士頓龍蝦尾，食落啖啖肉，肉質新鮮夠爽彈🦞最後仲可以出去任拎多款蛋糕、水果、MÖVENPICK雪糕。今餐性價比真係好高，當日仲見到幾枱慶祝生日，侍應都會唱生日歌同幫大家影即影即有留念🎂Lawry’s的食物、環境、服務都令我好深刻🥰不論家人、情人、朋友聚餐都十分合適❤️ Lawry’sThePrimeRib #中環 皇后大道中9號嘉軒廣場3樓…Read More