RosaTsang6219的个人专页

𝐁𝐨𝐨𝐤𝐦𝐚𝐫𝐤咗呢間𝐂𝐚𝐟𝐞好耐，一直都好想去𝐂𝐡𝐢𝐥𝐥下，但地點唔近市區比較遍遠，見最近天氣咁舒服終於忍唔住嚟朝聖一下🙌🏻當日我哋去到錦上路站出面再搭巴士去，一落車行前小小就到✨餐廳有多個用餐位置，座位分為室內及半露天室外位置。室內牆身以黑色格調為主，高貴型格嘅裝修配以透明嘅枱櫈相當特別‼️而室外亦分為前園、側園及後園，當日好好運氣被安排到後園嘅位置😍可以望住一片綠油油嘅大草園，一邊享用食物，感覺好寫意，心情都特別放鬆🌿🔝𝐒𝐦𝐨𝐤𝐞𝐝 𝐒𝐚𝐥𝐦𝐨𝐧 𝐰𝐢𝐭𝐡 𝐂𝐫𝐞𝐚𝐦 𝐂𝐡𝐞𝐞𝐬𝐞 𝐂𝐫𝐞𝐩𝐞𝐬 $𝟏𝟒𝟖擺盤賣相好靚，面層嘅煙三文魚唔會好鹹，而下面嘅可麗餅包住新鮮嘅椰菜絲，再配上奶油芝士醬味道都唔錯。🔝𝐆𝐚𝐫𝐥𝐢𝐜 𝐂𝐫𝐚𝐛 𝐌𝐞𝐚𝐭 & 𝐒𝐜𝐚𝐥𝐥𝐨𝐩𝐬 𝐒𝐩𝐚𝐠𝐡𝐞𝐭𝐭𝐢 $𝟏𝟔𝟖香噴噴嘅蒜香配上蟹肉帶子，蟹肉份量唔算小，意粉熟度適中，味道不錯。🔝𝐁𝐚𝐜𝐨𝐧 𝐂𝐡𝐞𝐞𝐬𝐞 𝐏𝐨𝐭𝐚𝐭𝐨 𝐖𝐞𝐝𝐠𝐞𝐬 $𝟗𝟖新鮮即炸熱辣辣嘅薯角，面層鋪滿煙肉，底層好多芝士熔，超級邪惡但又好好食。🔝𝐏𝐞𝐚𝐜𝐡 𝐓𝐞𝐚 𝐓𝐰𝐢𝐧𝐢𝐧𝐠𝐬 $𝟕𝟖好靚嘅玻璃器皿，唔講會以為飲緊威士忌🥃🔝𝐇𝐨𝐭 𝐋𝐚𝐭𝐭𝐞 $𝟓𝟓🔝兩張露營櫈好𝐂𝐡𝐢𝐥𝐥，仲有個白色鳥籠梳化打卡位🕊🔝用餐後可以到入口隔離間傢俬陳列室影相打卡📸️🔝有不同擺設🇬🇧🔝舒適嘅用餐位置…查看更多

餐廳位於尖沙咀太子集團中心頂樓，用餐位置分為兩層，因為第一次去落雨天台無開放，當日被安排坐下層，環境舒服燈光暗暗都幾有格調。第二次嚟終於可以坐到上層嘅天台位置🤩上層係充滿峇里風情又好𝐂𝐡𝐢𝐥𝐥嘅天台酒吧，可以一路望住維港美景一路嘆𝐂𝐨𝐜𝐤𝐭𝐚𝐢𝐥，唯一唔好嘅就係音樂好大聲🤭食物方面主打東南亞𝐅𝐮𝐬𝐢𝐨𝐧菜，食物質素一般，而𝐂𝐨𝐜𝐤𝐭𝐚𝐢𝐥方面水準就高過食物好多，亦有多款選擇，而且每杯都好飲又可以打卡🍹🔝𝐓𝐮𝐧𝐚 𝐂𝐮𝐩𝐬 $𝟖𝟖🔝𝐃𝐞𝐞𝐩 𝐒𝐞𝐚 𝐓𝐚𝐜𝐨𝐬 $𝟏𝟏𝟖🔝𝐒𝐢𝐧𝐠𝐥𝐞 𝐁𝐨𝐧𝐞 𝐂𝐡𝐢𝐜𝐤𝐞𝐧 𝐖𝐢𝐧𝐠𝐬 $𝟖𝟖🔝𝐓𝐲𝐩𝐡𝐨𝐨𝐧 𝐒𝐡𝐞𝐥𝐭𝐞𝐫 𝐒𝐭𝐲𝐥𝐞 𝐂𝐫𝐚𝐛 𝐏𝐚𝐬𝐭𝐚 $𝟏𝟖𝟖🔝𝐂𝐡𝐚𝐫𝐠𝐫𝐢𝐥𝐥𝐞𝐝 𝐁𝐞𝐞𝐟 𝐒𝐭𝐫𝐢𝐩𝐬 𝐰/ 𝐑𝐨𝐚𝐬𝐭𝐞𝐝 𝐕𝐞𝐠𝐞𝐭𝐚𝐛𝐥𝐞𝐬 $𝟑𝟎𝟖🔝𝐖𝐡𝐢𝐭𝐞 𝐂𝐡𝐨𝐜𝐨𝐥𝐚𝐭𝐞 𝐏𝐢𝐬𝐭𝐚𝐜𝐡𝐢𝐨 𝐌𝐨𝐮𝐬𝐬𝐞 𝐂𝐚𝐤𝐞 $𝟕𝟖🔝𝐌𝐨𝐜𝐤𝐭𝐚𝐢𝐥 - 𝐇𝐮𝐞 $𝟕𝟖𝐂𝐨𝐜𝐤𝐭𝐚𝐢𝐥(左) - 𝐃𝐨𝐮𝐛𝐥𝐞 𝐄𝐬𝐩𝐫𝐞𝐬𝐬𝐨 𝐌𝐚𝐫𝐭𝐢𝐧𝐢 $𝟏𝟐𝟖𝐂𝐨𝐜𝐤𝐭𝐚𝐢𝐥(中) - 𝐈𝐟 𝐍𝐨𝐭 𝐍𝐨𝐰, 𝐖𝐡𝐞𝐧? $𝟏𝟐𝟖𝐂𝐨𝐜𝐤𝐭𝐚𝐢𝐥(左) - 𝐄𝐯𝐞𝐫𝐲 𝐃𝐚𝐲 𝐅𝐞𝐞𝐥𝐬 𝐋𝐢𝐤𝐞 𝐀 𝐌𝐨𝐧𝐝𝐚𝐲 $𝟏𝟐𝟖𝐂𝐨𝐜𝐤𝐭𝐚𝐢𝐥(右) - 𝐈 𝐍𝐞𝐞𝐝 𝐓𝐨 𝐊𝐞𝐞𝐩 𝐅𝐢𝐭 $𝟏𝟐𝟖𝐂𝐨𝐜𝐤𝐭𝐚𝐢𝐥(左) - 𝐈 𝐉𝐮𝐬𝐭 𝐖𝐚𝐧𝐭 𝐓𝐨 𝐆𝐨 𝐇𝐨𝐦𝐞 $𝟏𝟐𝟖𝐂𝐨𝐜𝐤𝐭𝐚𝐢𝐥(右) - 𝐊𝐨𝐛𝐨𝐨𝐦 $𝟏𝟑𝟖 …查看更多

今次嚟朗庭酒店嘅𝐏𝐚𝐥𝐦 𝐂𝐨𝐮𝐫𝐭食佢哋嘅下午茶🫖 環境舒適地方寛敞，大堂嘅裝修帶點英式設計，好靚好典雅，打卡一流🌹而我哋亦好幸運被安排坐梳化位，好鍾意佢張雲石枱，再配埋三層架，好靚‼另外好值得嚟慶祝生日，因為可以𝐫𝐞𝐪𝐮𝐞𝐬𝐭生日字牌。食物方面質素正常，自家焗製嘅鬆餅好食，好重牛油味，亦唔會太乾，搽埋玫瑰花醬食好正。其中一件鹹點都好好食，上層係鵝肝嘅𝐦𝐨𝐬𝐬𝐞𝐬再配咗少少香橙果醬好𝐦𝐚𝐭𝐜𝐡 😋整體嚟講鹹點好食過甜點。「𝐆𝐢𝐫𝐥 𝐨𝐟 𝐧𝐨𝐰 𝐥𝐨𝐯𝐞𝐥𝐲」$𝟔𝟗𝟖 𝐟𝐨𝐫 𝐭𝐰𝐨 包括有𝟒 件鹹點 𝟒 件甜點英式鬆餅𝟏件 提子鬆餅𝟏件茶或咖啡𝟏杯🔝廷廊自家焗製的英式鬆餅及提子鬆餅，配以玫瑰花醬及車厘子醬。🔝甜點▪️繽紛醉人玫瑰忌廉慕絲配班蘭意式奶涷▫️輕盈氣息威廉啤梨及輕盈茉莉忌廉配奶油餅乾▪️醉人紅莓零陵香豆配紅莓醬▫️法式情懷法式杏仁小蛋糕配橘子蜜餞🔝鹹點▪️鮮蟹羅勒茶三文治蟹肉沙律配羅勒蕃茄包▫️ 香綠西班牙水牛芝士配黃瓜串▪️橘色鵝肝自家製鵝肝配香橙果醬▫️巴馬火腿配法國布利麵包蕃茄啫喱配布利芝士…查看更多

𝐒𝐞𝐚𝐧 𝐂𝐚𝐟𝐞落地玻璃設計，喺餐廳出面已經望到入面好靚，餐廳以粉色系為主調，以花為主題，滿滿嘅少女心而且環境舒適，裝修好靚好適合嚟打卡🌹食物方面擺盤精緻，味道都唔錯，而價錢亦都唔貴，一個𝐋𝐮𝐧𝐜𝐡跟埋湯，另外仲可以加錢轉飲品同甜品，好抵食‼️🔝青醬雞粒意大利飯 $𝟖𝟐🔝忌廉蘑菇湯 (跟餐)🔝抺茶芝士蛋糕 +$𝟏𝟖🔝鮮奶咖啡 +$𝟐𝟖🔝好打卡𝐚𝐛𝐥𝐞🌹…查看更多

餐廳分開咗兩邊用餐區，一邊係鐵板燒而另一邊就係廚師發板，店內地方都幾大，除咗廳面之外，原來仲有獨立房，適合多人聚餐鐵板燒用餐位置好特別，座位後面有個巨型銀幕，客人可以係IPad 寫上字句，然後就會喺銀幕裡面嘅天燈顯示出嚟今次我哋揀咗食𝐎𝐦𝐚𝐤𝐚𝐬𝐞，晚餐有兩個價錢選擇，最後叫咗平啲嗰個𝐒𝐞𝐭，食物方面質素唔錯，菜式豐富。另外師傅好健談，除咗介紹食物之外，仲會同我哋傾吓計講吓笑𝐃𝐢𝐧𝐧𝐞𝐫 𝐎𝐦𝐚𝐤𝐚𝐬𝐞 螢 $𝟏𝟓𝟖𝟎🔝黑梅貝花螺平平無奇嘅花螺，但煮得超入味，口感軟腍有嚼勁，好好食🐚🔝炸豆腐味道偏淡，無咩特別。🔝蒸蛋面層鋪滿三文魚籽同魚子，內裡仲有滿滿嘅蟹肉同帶子絲🦀用料非常豐富。🔝羽太 · 池魚左邊嘅羽太肉質紮實味道鮮甜，而右邊嘅池魚味道非常濃郁。🔝白象拔蚌 · 帶子 · 石垣貝白象拔蚌口感爽脆好鮮味，帶子鮮甜😋🔝秋刀魚 · 銀雪魚BB · 赤鯥又到秋刀魚嘅季節喇，魚味相當濃郁，正‼️而銀雪魚同赤鯥經過火炙後魚脂豐盈，入口充滿油脂甘香。🔝鮟鱇魚肝 · 鱈魚白子鮟鱇魚肝入口即溶味道濃郁，而白子就唔夠肥美，可能食嗰時仲係十月頭，未到最肥美嘅時候。🔝炸蠔呢隻炸蠔好肥美，咬落去內裡係半生熟，炸糠下面有小小沙律醬，要分幾啖先食得晒🤭🔝澳洲鮑魚鮑魚都算入味，味道不錯。▪️左口魚配左口魚邊·壽司左口魚邊經過火炙釋放更多嘅魚油🤩▪️拖羅·壽司油脂感滿滿，食一件係唔夠㗎。▪️牡丹蝦配蝦膏·壽司鮮甜嘅牡丹蝦加滿滿嘅蝦膏，超滿足。▪️鯖魚·壽司經過火炙嘅鯖魚，都幾好食。▪️海膽·壽司海膽鮮甜好Creamy，入口即溶。🔝燒秋刀魚秋刀魚當造嘅季節，好新鮮嘅原條秋刀魚，但可惜係我唔識lur骨，食得有啲辛苦。🔝魚湯烏冬奶白色嘅魚湯🐟魚味濃郁鮮甜配搭烏冬一流。▪️豆腐雪糕最後甜品係豆腐雪糕🍦…查看更多

餐廳位於千禧新世界酒店1樓，今次呢個晚餐係Staycation Package包埋嘅，可以選擇中餐、西餐、日本餐，最後我哋揀咗日本餐嘅嵯峨野。餐廳以木系簡約風設計， 環境地方舒服，食物方面呢就可能因為Package包埋所以味道比較一般，如果比我再揀多次一定唔會揀食呢間。🔝季節前菜三款🔝刺生刺生新鮮，有吞拿魚、油甘魚、甜蝦。🔝煮物 - 雞肉長葱鍋雞肉滑溜，味道比較清淡。🔝燒物 - 日式炒牛肉味道正常，就好似日本牛丼飯。🔝酸醋物 - 火炙帶子酸食味道酸酸甜甜，都幾開胃。🔝大蝦天婦羅飯一食落口天婦羅已經唔熱，仲要已經林晒，難食😫🔝紅麵豉湯🔝甜品 - 雪糕…查看更多

今次嚟港晶軒同家人食中秋節晚飯，預訂咗一席六位用餐，包括有五款菜式、炒飯、湯及精選甜品，價錢為$𝟐𝟗𝟖𝟖。另外我哋亦叫咗幾款前菜同小食，不過就無影相。酒樓安排咗一間房比我哋，環境舒適坐得都幾舒服。食物方面質素比較一般，服務質素就好好，芝士焗龍蝦同櫻花蝦海皇炒飯非常好食。而蟶子食落好奇怪，有啲芡係上面，食到有生粉未溶，應該係想蟶子肉質滑啲打芡但處理得唔好，蟶子下邊嘅粉絲好硬同埋上枱已經凍晒，其他食物都係一般。🔝蜜燒紅毛豬肋骨 🔝濃芝士焗澳洲龍蝦烏冬底🔝蒜茸粉絲蒸蟶子皇🔝皇家魚湯龍躉件🔝皇湯浸娃娃菜🔝櫻花蝦海皇炒飯🔝豐料海皇冬瓜底🔝鬆化蛋散+合桃酥+桂花糕🔝菜單…查看更多

今次為友人慶生，選擇咗位於太古坊嘅𝐓𝐡𝐞 𝐒𝐢𝐱𝐭𝐞𝐞𝐧𝐭𝐡，場內有四間唔同嘅餐廳，有意大利餐廳、露天酒吧、兩間日本餐廳，而我哋就𝐁𝐨𝐨𝐤咗意大利餐嘅𝐋𝐚 𝐅𝐚𝐯𝐨𝐫𝐢𝐭𝐚 🌹餐廳裝修復古華麗，以𝟔𝟎年代意大利歌劇院為靈感，滿佈意大利嘅七彩布藝品，加上夜晚燈光暗暗，顯得格外有情調。因為慶祝朋友生日，呈上甜品時會有幾位𝐬𝐭𝐚𝐟𝐟圍住一齊唱意大利嘅生日歌，氣氛超級好，然後仲會拍即影即有送比我哋，好值得嚟慶祝生日或紀念日🥰🔝𝐒𝐨𝐮𝐫𝐝𝐨𝐮𝐠𝐡 𝐁𝐫𝐞𝐚𝐝餐前送上的酸種麵包。🔝𝐕𝐢𝐭𝐞𝐥𝐥𝐨 𝐓𝐨𝐧𝐧𝐚𝐭𝐨 $𝟏𝟕𝟖經過慢煮嘅牛肉片，再配搭吞拿魚蛋黃醬同酸豆，份量好大肉質粉嫩。🔝𝐁𝐞𝐞𝐟 𝐓𝐚𝐫𝐭𝐚𝐫𝐞 $𝟏𝟖𝟖牛肉他他面層鋪滿黑松露片，上枱嘅時候𝐬𝐭𝐚𝐟𝐟會倒入用芝士同黑松露煮成嘅醬汁落去，然後再撈埋中間嘅蛋黃食用，黑松露香氣滿滿，口感滑溜，味道𝐜𝐫𝐞𝐚𝐦𝐲好好食，必點之選🌟🔝𝐑𝐢𝐬𝐨𝐭𝐭𝐨 𝐚𝐥 𝐅𝐮𝐧𝐠𝐡𝐢 $𝟏𝟗𝟖好濃郁嘅牛肝菌味，調味偏鹹，味道麻麻。🔝𝐂𝐡𝐞𝐞𝐬𝐞 𝐖𝐡𝐞𝐞𝐥 𝐚𝐥 𝐓𝐚𝐫𝐭𝐮𝐟𝐨 $𝟑𝟑𝟖首先𝐬𝐭𝐚𝐟𝐟會推住餐車過嚟，再將巨輪芝士內嘅𝐭𝐮𝐛𝐞𝐭𝐭𝐢 𝐩𝐚𝐬𝐭𝐚同芝士隨住熱力同材料混合，上枱時再刨上新鮮黑松露片同芝士。🔝意粉口感煙韌有咬口，每一粒都掛滿黑松露芝士醬，招牌菜必點之選🌟🔝𝐓𝐢𝐫𝐚𝐦𝐢𝐬𝐮 $𝟏𝟐𝟖呢個𝐓𝐢𝐫𝐚𝐦𝐢𝐬𝐮份量好大，口感幼滑，味道不錯。🔝𝐑𝐞𝐝 𝐅𝐞𝐚𝐭𝐡𝐞𝐫𝐬 $𝟏𝟏𝟎好得意嘅𝐜𝐨𝐜𝐤𝐭𝐚𝐢𝐥杯🦩味道酸酸甜甜幾清新。🔝𝐂𝐫𝐲𝐬𝐭𝐚𝐥 𝐎𝐚𝐭 𝐌𝐢𝐥𝐤 𝐏𝐮𝐧𝐜𝐡 $𝟏𝟑𝟎聞落去有淡淡燕麥味，飲落味道好似忌廉溝鮮奶幾好飲，而且酒精度不高，適合唔鍾意飲太濃烈嘅人飲用。🔝好有格調嘅用餐位置。🔝餐廳設有吧枱位置🍷…查看更多

咖啡店係以樸素文青風裝修，店舖小小但令人感覺好放鬆，而店內嘅擺設都好隨心，令人有一種慢活嘅感覺🌾食物方面主要以輕食同咖啡為主☕️🔝𝐋𝐚𝐭𝐭𝐞 $𝟒𝟎🔝$𝟒𝟎𝐌𝐚𝐫𝐬𝐡𝐦𝐚𝐥𝐥𝐨𝐰 𝐂𝐫𝐨𝐢𝐬𝐬𝐚𝐧𝐭 𝐖𝐚𝐟𝐟𝐥𝐞𝐬 $𝟓𝟎 + 𝐉𝐚𝐩𝐚𝐧𝐞𝐬𝐞 𝐯𝐚𝐧𝐢𝐥𝐥𝐚 𝐢𝐜𝐞 𝐜𝐫𝐞𝐚𝐦 $𝟐𝟎見到窩夫上面嘅貓咪雪糕，我個心就已經溶化咗，實在太可愛😻即叫即做熱辣辣嘅牛角包窩夫外層酥脆內裡軟熟，面頭有幾粒棉花糖同小小糖漿，切開裡面竟然有煙韌嘅麻薯，好食‼️🔝真係好可愛😽…查看更多

今次嚟君悅扒房食佢哋嘅𝐋𝐮𝐧𝐜𝐡 𝐒𝐞𝐭，價錢方便相當優惠，前菜同主菜有多款選擇，總括嚟講食物同服務質素都好。餐廳嘅樓底好高，環境舒適地方寬躺闊落，裝修走歐陸式風格帶有古典氣息，而且燈光比較暗，環境都幾有格調，另外仲設有吧枱位置可以摸吓杯底🍷𝐋𝐮𝐧𝐜𝐡 𝐒𝐞𝐭 $𝟓𝟒𝟎 𝐏𝐞𝐫 𝐏𝐞𝐫𝐬𝐨𝐧🔝𝐆𝐚𝐫𝐥𝐢𝐜 𝐁𝐫𝐞𝐚𝐝 點完餐𝐬𝐭𝐚𝐟𝐟就會送上熱辣辣嘅蒜蓉包，麵包外脆內軟，牛油同蒜蓉味道濃郁，非常香口。🔝𝐒𝐭𝐞𝐚𝐤 𝐓𝐚𝐫𝐭𝐚𝐫𝐞呢個牛肉他他酸度十足，𝐒𝐨𝐮𝐫𝐝𝐨𝐮𝐠𝐡有小小過硬，最後我選擇咗配蒜蓉麵包食😛🔝𝐁𝐥𝐮𝐞 𝐌𝐮𝐬𝐬𝐞𝐥𝐬 青口配搭濃濃嘅蕃茄紅酒汁，仲有微微嘅辣調味，再滴小小檸檬汁令味道更清新。🔝𝐍𝐞𝐰 𝐄𝐧𝐠𝐥𝐚𝐧𝐝 𝐂𝐥𝐚𝐦 𝐂𝐡𝐨𝐰𝐝𝐞𝐫 +$𝟒𝟎周打蜆湯味道香濃好𝐂𝐫𝐞𝐚𝐦𝐲，食到好多蜆肉煙肉薯仔蘿蔔等等，材料足每一啖都好豐富，必點之選🌟🔝𝟔𝟎𝐨𝐳 𝐆𝐫𝐚𝐬𝐬 𝐅𝐞𝐝 𝐓𝐞𝐧𝐝𝐞𝐫𝐥𝐨𝐢𝐧 我哋兩個人都點咗𝐓𝐞𝐧𝐝𝐞𝐫𝐥𝐨𝐢𝐧，叫咗𝐦𝐞𝐝𝐢𝐮𝐦 𝐫𝐚𝐫𝐞。而牛嘅味道同肉質普通，無太大驚喜。🔝𝐌𝐞𝐝𝐢𝐮𝐦 𝐑𝐚𝐫𝐞🥩🔝另外有𝟔款唔同嘅芥末醬選擇，揀咗黑松露芥末醬同埋𝐦𝐢𝐱咗𝐛𝐫𝐚𝐧𝐝𝐲嘅芥末籽醬。🔝配菜我哋揀咗𝐓𝐫𝐮𝐟𝐟𝐥𝐞 𝐦𝐚𝐜 𝐚𝐧𝐝 𝐜𝐡𝐞𝐞𝐬𝐞同𝐅𝐫𝐞𝐧𝐜𝐡 𝐟𝐫𝐢𝐞𝐬，薯條面層鋪滿好多芝士碎，食落好鹹香。🔝黑松露芝士焗通粉超級好食，面頭有一層焗到脆卜卜嘅麵包糠，內裡就係沾滿芝士松露醬嘅通粉，雖然已經好飽但真係好食到停唔到口。🔝𝐒𝐢𝐠𝐧𝐚𝐭𝐮𝐫𝐞 𝐂𝐡𝐞𝐞𝐬𝐞𝐜𝐚𝐤𝐞本生芝士蛋糕面層會淋上杏桃醬，但我唔係咁鍾意，所以同𝐬𝐭𝐚𝐟𝐟講分開上。芝士蛋糕表面平平無奇，但食落有驚喜，超濃郁嘅芝士味好𝐜𝐫𝐞𝐚𝐦𝐲。🔝𝐒𝐭𝐫𝐚𝐰𝐛𝐞𝐫𝐫𝐲 𝐒𝐮𝐧𝐝𝐚𝐞 士多啤梨新地味道正常，不過嚟到嘅時候已經有小小溶。🔝吧枱位置🍸…查看更多

龍景軒位於四季酒店嘅四樓，由𝟐𝟎𝟎𝟗年直到𝟐𝟎𝟐𝟐年一直獲得米芝蓮三星評級，全球首家連續十四年榮獲米芝蓮三星嘅粵菜廳。我哋已經預早一個月訂枱，但都只係訂到兩點嘅時段，所以如果想坐海景嘅位置需要預早更多時間去𝐁𝐨𝐨𝐤。餐廳環境舒服闊落，可以一覽維港海景，服務方面唔洗多講都知好好，入座時安排咗我哋坐卡位，而今次我哋只有兩個人，所以𝐒𝐭𝐚𝐟𝐟同我哋講點心可以按人頭逐件點，咁樣就可以試多幾款喇😋🔝前菜 - 茄子鮮冬菇前菜同最後甜品都係送嘅，前菜味道酸酸甜甜都幾開胃。🔝香芋帶子雞粒酥 $𝟑𝟑@𝟏外層酥脆一啲油膩感都無，咬開中間有軟綿嘅芋蓉。🔝蝦籽星斑餃 $𝟕𝟖@𝟏呢件點心比較失望，雖然有好大嚿嘅星斑係裡面，但味道好一般，食落無咩味道，而且口感實淨。🔝香茜馬蹄龍蝦餃 $𝟒𝟗@𝟏龍蝦餃十分足料，龍蝦肉質紮實，食落有小小馬蹄碎，口感豐富。🔝原隻鮑魚雞粒酥 $𝟖𝟐@𝟏上枱新鮮熱辣辣，原隻鮑魚炆得好入味，面層仲鋪滿一層鮑汁，切開內裡有滿滿嘅雞粒再配合入口即化嘅酥皮撻，必點之選🌟🔝崧子叉燒菠蘿包 $𝟑𝟑@𝟏菠蘿包皮好鬆脆，咬開滿滿叉燒餡料，再配合粒粒嘅崧子仁令口感更豐富，必點之選🌟🔝蝦多士 $𝟐𝟖𝟎@𝟏蝦膠餡料做得好出色，炸至金黃酥脆，但可惜底層塊多士勁油，扣分之處係吸油方面做得不足。🔝炸釀黑松露蟹蓋 $𝟒𝟐𝟎@𝟏本來打算叫炸釀鮮蟹蓋，但職員建議我哋試吓炸釀黑松露蟹蓋，我覺得無咩特別，建議叫返原味嘅蟹蓋好了。🔝蟹蓋外層炸至金黃酥脆，內裡蟹肉散發濃濃嘅黑松露味🔝甜品 - 紅豆酥同桂花糕🔝每台都會提供豆瓣醬、素XO醬、辣椒豉油。…查看更多

最近大熱嘅一間人氣打卡餐廳「漫花燈火」以彩色萬花筒作為主題，餐廳每一個角落都好靚，打卡一流😍去到門口Reception會幫你開門，然後就會叫你打開黑色布廉，一入去就會見到彩色嘅地板反射係銀色三角鏡面嘅走廊，就好似進入咗色彩繽紛嘅萬花筒世界一樣，好夢幻🧚🏻‍♂️餐廳好靚環境亦相當舒適，擁有多個打卡位，天花佈滿一片紫色嘅藤花，襯托七彩繽紛嘅牆壁，仲有彩虹糖果色牆身梳化打卡位，另外亦有兩個間隔嘅獨立座位，每一個角落都好靚💗食物方面擺盤好精緻，賣相十分吸睛，味道同食物質素正常，但選擇就比較小。價錢方面唔算平，但都好值得去打吓卡因為慶祝生日，所以Request咗係甜品碟寫上祝福，另外餐廳仲會提供一個生日頭飾俾你戴🥰🔝黃金蟹肉黑橄欖醬意大利粉 $188🔝黑魚籽麵包蟹意大利飯 $228🔝黑松露芝士焗墨西哥辣椒薯條 $108🔝潘朵拉的盒子 $168🔝日本北海道十勝紅豆牛奶沙冰 $78🔝菠蘿荔枝沙冰 $68🔝有間隔嘅獨立座位🔝彩虹糖果色梳化位🍬🔝七彩香水珠瓶🍬…查看更多

位於逸東酒店B1樓層嘅普慶餐廳，成日都見到好多人推薦，所以今次就嚟試吓佢嘅晚市Buffet，平日嘅價錢係$598 +10%餐廳地方大，環境裝修都比較有特色，食物方面種類繁多，仲有多款唔同國家嘅食物選擇。而食物質素方面我就覺得比較一般，種類咁多都對得住個價錢。 多款自助區：包括有沙律區、海鮮區、刺身壽司區、燒烤區、天婦羅區、粥粉麵區、燒味區、熱葷區、甜品區等。🔝海鮮有龍蝦、麵包蟹、生蠔、蝦、小龍蝦、螺、青口。麵包蟹好多膏，食咗一隻已經好滿足😋🔝生蠔好細隻，同埋感覺唔太新鮮，仲食到有殼碎。🔝沙律吧有多款自選沙律，亦有多款已調味的廚師沙律。🔝有兩款Parma ham、Salami、煙三文魚同幾款芝士。🔝西式食物有烤肉眼扒、豬腩肉卷、牛肉千層麵、肉醬意粉、香草焗魚、白酒煮青口、幾款烤菜、燉牛肉等等。🔝中式食物有片皮鴨、黃金蝦、牛扒、海南雞飯、叉燒、燒腩仔、燒鵝、脆皮燒雞、蟲草花蒸雞、清蒸盲鰽、素菜餃、牛肉球等等，中式食物幾好食🌟🔝日式有刺身、壽司、串燒、天婦羅、漬物及小食。🔝泰式有泰式肉碎、金不換炒青口、烤烏頭、烤虎蝦、泰式豬頸肉等等。🔝仲有印度咖喱、烤餅、印度烤雞。🔝粥粉麵區，有三款唔同嘅湯底選擇。🔝甜品櫃有12款蛋糕類選擇，款式唔太吸引，味道都比較一般，而當中我覺得最好食就係果仁朱古力花生曲奇。🔝另外仲有即叫即做嘅Crepe，側邊仲有waffle、麵包布甸、椰汁紫米露添。另一邊仲有小朋友好鍾意嘅Candy Corner🍭有多款糖果同朱古力選擇。最後就係雪糕櫃啦，有9款唔同味道嘅Movenpick任君選擇。…查看更多

天鮨作為香港預約困難店之一，主打熟成嘅Omakase，今次有幸食到，真係要多謝友人讓位俾我，如果唔係唔知要等到幾時。今次由Kenji San主理，亦有幾位副手去協助，見到佢哋合作性好高，好合拍好有默契，每一樣菜式都會詳細介紹，而當晚嘅用餐體驗亦十分好天鮨唔單止食材新鮮，更是用心去做出滿分嘅食物出嚟，完全感受到佢哋對食物嘅熱情。ᴅɪɴɴᴇʀ ᴏᴍᴀᴋᴀsᴇ $2080 + 10%▪️3日熟成平政魚 配昆布漬 ▪️愛知縣象拔蚌 配肝醬豆腐▪️櫻煮神奈川八爪魚▪️3日熟成皮剝魚 配肝醬▪️汁煮澳洲鮑魚 配肝醬 ▪️鹽燒台灣馬友魚 配釀魚春▪️禾稈草煙薰鰹魚 ▪️靜岡縣高糖蕃茄+高知縣白粟米 ▪️伊世海老 配龍蝦膏▪️千葉縣4日熟成地金目鯛 ▪️宮崎縣3日熟成池魚配薑蔥▪️鳥取縣15日熟成赤身▪️魷魚赤海膽▪️備長炭炙熊本和牛23日熟成牛三角▪️穴子 配山椒粉 ▪️鳥取15日熟成拖羅▪️地海膽 ▪️太卷🔝3日熟成醋鯖魚 配白昆布🔝貝柱清湯🔝宮崎縣密瓜+番薯和菓子🔝師傅會詳細介紹食材🔝第二道菜嘅象拔蚌配肝醬豆腐，象拔蚌好爽口，而最好食嘅竟然係佢下面嚿豆腐，佢係用咗象拔蚌嘅肉同肝醬Blend成嘅豆腐，味道香濃口感嫩滑 ，Kenji話呢款菜式試咗好多次先成功㗎。🔝仲有佢哋嘅Signature魷魚海膽，係將兩片切到好軟糯嘅魷魚中間夾住好Creamy嘅赤海膽😋 真係好好食。🔝仲有就係結合咗台灣同香港元素嘅鹽燒馬友魚，用咗台灣嘅馬友魚燒至皮脆肉嫩，魚肉超香，另外師傅再將馬友魚嘅魚春釀咗係日本青椒裡面，而個湯系加咗話梅去煮，味道酸酸甜甜好特別。🔝入口位置係一個好靚嘅打卡位🤩…查看更多

君悅酒店裡面有兩間自助餐廳，一間係中式為主嘅Grand Cafe，另一間就係今次嚟食嘅Tiffin，食物方面以西式為主。餐廳地方闊落，枱與枱之間有距離座位舒適，伴隨現場鋼琴嘅演奏，相當有格調🌹而食物方面種類唔算好多，但食物嘅質素好好，鍾意食西餐嘅可以嚟試下。星期日嘅價錢係$788+10%，價錢唔平，但食物品質對得住呢個價。🔝坐低後Staff就同我哋講每人有一隻龍蝦，有三個唔同煮法選擇，分別有清蒸、香草或芝士焗龍蝦。我哋最後揀咗香草同芝士😋芝士焗龍蝦係最好食嘅🦞🔝海鮮有蝦、長腳蟹、螺、扇貝，仲有兩款唔同嘅法國生蠔，海鮮嘅選擇唔多，而生蠔🦪就好細隻。🔝冷盤有芝士、Cold Cut、沙律等等。🔝有威靈頓牛、煎鵝肝、法式漫煮雜錦鍋等等。🔝威靈頓牛唔錯，白蘆筍鮮甜無渣。🔝仲有厚切煎鵝肝，件件都好厚超正‼️🔝自家製鵝肝醬口感幼滑味道香濃，仲有炸魚同炸洋蔥圈。🔝龍蝦湯都好濃郁。🔝熱食方面有法式焗西蘭花、烤鱸魚、白汁煮青口、蘑菇忌廉雞肉、橙酒煮鴨、大蝦、法式焗田螺、紅酒燴牛肉等等，個燴牛肉好入味肉質超軟腍🤤🔝甜品方面選擇唔多，大約有八款，整體味道麻麻地，下午茶嘅甜品好食小小。🔝另外有即叫即做嘅Crepes同Waffle，仲有十款自家製嘅雪糕，之前食過佢嘅鹹蛋黃肉鬆雪糕好好食，但今次冇咗，而今次我就食咗青蘋果雪葩同72%朱古力雪糕🍧…查看更多