港豬oh的个人专页

因為朋友生日, 所以我就搵一間靚D既餐廳同佢慶祝下,另一個朋友介紹係蘭桂坊既L'AMOUR高質又環境好, 所以我就BOOK左位一入到見到有個巨型紅玫塊襯托住白鋼琴, 成個感覺覺得好有氣氛, 而入面既環境好靚, 昏暗的燈光帶來濃厚的優雅感位同位之間好有距離, 岩晒我地可以慢慢首先上菜係麵包, 好有誠意咁附上黑松露牛油同埋辣魚醬, 令到麵包昇華左, 我地又開胃左法式海鮮龍蝦汁燴薏米飯-$238呢碗法式海鮮龍蝦汁燴薏米飯絕對是一道不可多得的滋味佳餚!鮮甜肥美的龍蝦配上濃郁靈活的龍蝦汁,層次豐富極了;而薏米飯質地柔軟香Q,完美吸納了湯汁,更添風味。整體口感順滑,入口即化,令人意猶未盡,份量十足,實在是令人難忘的美味佳餚牛肝菌香草手工闊條麵-$238新鮮肥美的牛肝菌必定能帶來濃郁的香菌風味,搭配上清新的香草調味,再加上手工製作的扎實而細緻的闊條麵,整個組合層次豐富,定能滿足挑剔的味蕾,讓人大呼過癮,流連忘返澳州m9牛小排-$398澳洲頂級M9牛小排,肉質鮮嫩多汁入口即融,肥瘦比例恰當,綻放濃郁甜美滋味,我地叫七成熟就真係七成熟, D個冇得輸呀另外我地叫左兩杯酒, 朋友叫左杯1664啤酒, 佢話夏天飲好透心涼, 而我飲果杯叫CHICHI, 有VODKA, PINEAPPLE同COCONUT CREAM, 入口已經有濃濃既COCONUT CREAM味道, 所以好易入口, 之後既VODKA味先出黎, D個味道好CHILL總結, D個環境, D個食物, D個服務, 食左$1200真係性價比高,朋友都好欣賞我今晚既安排…查看更多

有個朋友佢係有泰國人血統的, 佢對係香港係泰國菜係好有揀擇的突然聽到佢讚一間泰菜好味, 咁我梗係要試下啦, 所以就跟左佢去荔枝角D間叫金亞淶既餐廳搵食D間餐廳係億利工業大廈, 地鐵站一出就係, 而且仲係一樓, 位置幾方便, 入到去環境都四四正正咁, 枱同枱之間都有距離幾岩傾計金不換炒魷魚-$78一上到枱已經香氣四溢, 金不換既味道獨特, 微辣得黎幾開胃, 魷魚鮮嫩彈牙, 口感豐富。燒豬頸肉-$78有兩大排豬頸肉, 份量好大碟, 好抵食, 而且豬頸肉燒得好香口, 又唔會太肥, 口感好好, 再夾埋個秘製既汁, 成個菜式係再昇華左黃咖哩海鮮-$85黃咖哩唔算好辣, 但真心又惹味又好味, 係會令人食完再想食的! 而海鮮既份量都算唔少, 分別有青口, 魷魚, 魚肉等等蒜蓉包-$15當面對D個咁好味道的黃咖哩時, 我地係唔可以唔叫蒜蓉包的! 蒜蓉包夠晒鬆軟, 牛油味同蒜蓉味既比例岩岩好, 就算係淨食蒜蓉包已經夠晒正抖, 而沾埋黃咖哩就真係冇得輸泰式蝦餅-$78炸得夠晒香口, 食落又唔會覺得好油膩, 而且入面既蝦肉好新鮮, 仲要果舊都係咁大舊椰皇三重奏-$42D個係招牌甜品黎, 分別由椰絲, 椰汁糕同埋椰皇啫喱組成的, 確保每一啖都係濃濃既椰子味青檸梳打-$20 & 泰式青檸蜂蜜-$20叫特飲都係有優惠價$20, 真心好抵總結, 連我個挑剔朋友都讚D間餐廳, 唔錯得食物冇得輸啦, D間下次係會想再黎, 試下其他食物…查看更多

大圍開左個大型商場,梗係要去朝聖下啦,行到3樓見到有間行韓風路線既後生仔女做侍應既韓國餐廳”Galbi Gung”,舖面又好型格,就同朋友入去解解思鄉病.座位好寬落,卡位坐得好舒服,入面仲有吧枱,Chill爆! 前菜5小碟,都好高質,唔hea,特別鍾意食泡菜同醃青瓜,爽口,酸酸辣辣咁,好醒胃.食肉獸梗係必食韓燒,叫左牛既刁鑽部位,三筋配肩芯肉,薄切,但牛味好濃郁,好新鮮,同之前食過既溫體牛有得揮,油脂分佈好均勻,同時吃到肉味同油香,肉質好嫩滑之餘,帶咬口,口感好豐富,好好食!木槿花和牛壽喜燒,擺盤好吸睛,成朵花咁,打卡一流,和牛霜降好平均,口感順滑,充滿牛肉既天然肉味,牛油香係口度徘徊,正!店員好Nice咁話將蛋搞勻,點埋壽喜燒醬,更加惹味!燒特等牛肋骨係我至愛,厚切,但肉質好柔軟,牛味比之前2款更濃,牛肉味同油脂係口中大爆發,牛魔王一定必叫,超好食!韓牛生牛肉石鍋飯,上面打左只生雞蛋,店員好純熟咁不斷搞勻,每粒飯都癡滿蛋同牛肉,牛味同蛋味balance得好好,識食梗係食飯焦,入口脆卜卜又帶D焦香,好味!烤香焦配朱古力肉桂粉,原來係香蕉上面加沙糖,再拿去燒,燒完會有焦糖既效果, 蕉味更加突出,仲可以加肉桂粉同朱古力醬,好得意,好好玩,仲要好好食!烤棉花糖夾心餅乾,又係有得玩,有得食既甜品,燒到軟綿綿,有D融既棉花糖,夾住消化餅,做到外脆內軟既口感,自己整既特別好食^^食到好滿足,飲返杯酸酸甜甜既柚子檸檬梳打消消膩,食物真係好高質,坐得又舒服,大滿足^^…查看更多

同一個係荔枝角返工既朋友食飯, 我唔係好熟果頭, 佢同我講係億利工業中心其實有好多隱世食店, 佢今次就帶我試一間西餐D間餐廳叫做Inn-I'm not nothing, 個名玩味十足, 但某程度上都係鼓勵緊自己。入到去, 個環境都幾有FEEL同格調, 坐得都幾舒服下香辣蒜香鯛魚柳扁意粉-$138D個意粉配鯛魚令人驚艷！鯛魚柳煎得香脆，帶有微妙的辣味，與蒜香的意粉完美搭配。鯛魚柳的鮮嫩口感和意粉的彈牙口感相得益彰，有豐富的層次感和香氣海鮮墨汁意大利飯-$178墨汁醬汁濃郁香濃，配上新鮮嘅海鮮令味道更加豐富, 配個意大利飯去食認真一流。仲有蒜香嘅迷人香氣，鮮味十足。食落唔會太油膩，非常開胃。蜜瓜雪花冰-$108呢杯蜜瓜雪花冰真係太解渴！雪花冰質地細緻，口感清爽，加埋新鮮蜜瓜，甜度剛剛好，好消暑。仲有啲凍奶油同糖水，增添咗層次同香甜味道。好適合夏天食，令人心情愉快，一試難忘！總結, 環境, 食物同服務都唔錯, 下次會想再黎試其他食物。…查看更多

突然好想食小籠包, 約朋友問佢去邊間好佢就話梗係樂天皇朝啦, 比佢越講越想食所以就約左佢係青衣城食啦青衣城間樂天皇朝都幾大, 環境都幾闊落, 幾岩三五知己/一家大細食飯傾計前菜既花生係入晒味的, 唔係一般坊間花生可以, 前菜都見到餐廳既誠意原味小籠包-$72/6隻小籠包都幾晶瑩剔透, 個皮都算幾包, 但又包得D湯好穩陣, 可見師傅既功力, 入面既肉都幾鮮嫩, 仲有唔少湯汁, 所以記得要開左個窗, 飲左D湯, 先好放落好鮑魚炒飯-$128鮑魚炒飯係真係有鮑魚的, 貨真價實, 而且幾入味, 幾好味, 而個炒飯炒得好好, 幾有鑊氣, 而且粒粒飯都好入味, 唔怪得係廚師推薦鮮蝦抄手拌麵-$75個拌麵係有少少麻辣味的, 好開胃, 而個鮮蝦抄手都好足料, 蝦又夠爽口彈牙總結樂天皇朝果然唔錯, 小籠包係一絕, 下次會再黎試下其他款既小籠包的…查看更多

約左朋友食野, 疫情前我同佢一齊去過星馬, 好懷念果陣既味道, 依架佢有個小朋友啦, 冇得再同我咁去玩了, 但我地仲可以係香港食星馬的美味, 所以朋友就約左去奧海城既樂天經典食了講起星馬美食, 就好自然彈出: 喇沙, 炒面, 海南雞飯, 我地想全部食晒佢, 好彩樂天經典有分大碟同細碟, 我地就叫晒細碟可以試多幾樣海南雞飯-$88個油飯好香, 乾濕度岩岩好, 而個海南雞好滑, 幾有雞味, 沾唔同既醬既滋味都有唔同, 整體黎講好好味馬來海鮮面-$73個面炒得好有鑊氣, 而且少少辣, 令我地更加開胃, 而且料真心唔少, 有豬肉, 亦都有唔少海鮮, 包括原塊魚片, 而且夾起黎唔會散, 睇得出魚片之高質雞絲喇沙-$68喇沙個椰汁味好香濃, 更能襯托出喇沙既香味, 而麵係有D似米線既麵, 幾掛湯, 而且口感唔錯, 而雞絲係勁滑, 同平時米線鋪食到的有分別的, 唔錯蝦味魚子蝦球炒飯-$78食完想食果三樣覺得樂天經典幾好味, 睇菜單見到蝦味魚子蝦球炒飯實在太吸引了, 所以我地叫埋黎食, D個都炒得好好鑊氣, 飯粒粒粒分明, 而且加左魚子增加口感, 好好味, 而且仲有大大隻既蝦球, 感覺好抵食食完之後其實我地都已經勁飽, 但我地好想食糖水, 所以我地叫左個湯圓西米露 ($38), 唔算好甜, 幾好味, 而個湯圓係芝麻餡黎的, 幾流心, 係一個完美既句號!總結, 樂天經典真係幾好味, 可以勾起我地係星馬既美好回憶, 而且價錢唔貴, 下次一定再黎食過!…查看更多

朋友生日想食韓燒, 所以我地就揀左我地一向都好鐘意食既炑八, 因為質素就一定有保證, 而係係荃新天地2期都幾方便我地入到去D間炑八都有幾舒服既感覺, 可能係因為空間感大同埋抽氣系統做得好炑八每一期都有D特別既SET推薦,今次我地見到有一個主打蔥蒜既套餐, 友人深深被吸引左, 因為佢就係一個好鐘意蔥蒜既人, 所以我地就叫左D個SET炑八最好係有爐邊的芝士粟米同泡菜蛋><, 我每次食完都會再加幾次泡菜蛋, 好抵食!人蔘雞湯-跟SET加$45D個$45真係好抵加, 因為有成半隻雞係度, 而且食落都好嫩口, 特別係雞脾位, 沾少少醬汁食就一流, 唔係一般D料煲完湯就唔好食咁, 而個湯都有人蔘味, 少許蔘粒及糯米, 仲食到雞湯既鮮甜味 蔥蒜套餐-$895飲完湯之後, D肉類好快上枱, 有牛肋骨, 青醬生蠔+帶子, LA骨, 五花肉, 牛五花, 梅花肉, 雞肉同埋西冷, 而今日因為冇左八爪魚, 所以就用左天使紅蝦去取代左, 咁對我地仲好, 因為我地都好鐘意食蝦蔥蒜味的確可以提升肉既惹味程度, 如果好鐘意蔥蒜, 就可以放多D落去一齊燒, 而我一般般蔥蒜味的, 就可以放少D, 都幾自由；而肉既質素真係咁耐都係好味, 加上有少少甜, 真係令人好開胃。我最喜歡是五花肉, 燒完後很多油脂都已經流走, 半肥瘦的五花肉入口充滿油香。雞肉因為連住雞皮, 雞油拎個爐變得大火, 要小心控制。青醬生蠔+帶子有香濃的羅勒香料味道, 如果配上意粉就更完美, 可以變成海鮮羅勒意粉!!總結炑八真係唔會令人失望, 而且服務都仲係好好, 好主動咁問我地洗唔洗加蛋或者芝士咁, 食完今次之後已經好想快D食埋下一次了!…查看更多

近排終於開始可以去返旅行了, 好興奮呀,但係太多地方想去啦, 日本, 台灣, 泰國, 但就點排都暫時排唔到去新加坡我地都好掛住新加坡既美食架! 所以搵個星期五晚, 我同朋友就去K11食新加坡野先大約七點鐘去到, 已經排左唔少人, 好彩都好快就入到去, 入面既裝修都偏向東南亞風, 幾有氣氛海南雞飯-$133我唔知有冇食錯, 我食得出係新鮮雞既味道, 同埋真係好滑, 算係我最近食過既最好食既雞, 而且好公平, 雞既唔同部分都會比你, 包括雞批位；而個油雞真係好香, 香得黎又唔會過咸過油, 記憶中香港食過最好食既海南雞飯就係D度!肉骨茶-$122黎到就即刻飲啖湯先, 白胡椒味好香濃, 但又唔會過份刺激, 調得岩岩好! 跟住就再試下肉骨, 幾嫩口, 而且帶有白胡椒味好好味, 而個油炸鬼真係神來之筆, 用黎沾個咁好飲既湯, 再加上油炸鬼既香脆, 係必試既組合椰子雪糕-$48/兩球友人黎到話上次佢食椰子雪糕覺得好正, 所以我地一叫左一份食, 食落果然好正, 啖啖都有椰子肉, 又唔會過甜, 幾有特色總結, D間新加坡野我覺得係香港食過既頭幾位, 真心好食, 下次一定會再黎!…查看更多

有一排冇去越旺了, 好掛住佢既性價比, 有個朋友要返去睇仔, 但又想同我食個快DINNER, 所以就約左去越旺啦入到越旺, 發現有野改善左, 就係依架係可以用QR CODE落單, 方便同準確左好多!越式酸辣鳳爪-$48無骨鳳爪偏細隻,但勝左數量多, 我地密密食都仲有好多剩咁, 味道就比輍偏向較酸, 但酸得幾好味幾開胃, 口感爽口彈牙豉椒炒蟶子-$85D個之前未試過, 今次見到推薦所以叫左, 我地都覺得好有驚喜, 鑊氣度完全唔會輸比大排檔, 而且蟶子數量好多, 肉質又厚又彈牙, 仲要幾鮮甜, 加上個好惹味既豉椒汁, $85真心冇得輸生熟牛肉湯米-$55個湯幾好味, 因為落左好多香料, 更添越南風味, 而且牛肉好嫩滑, 幾好豬排湯河-$52, 另加蝦餅-$30豬排就似D屋企幾傳統既豬排, 味道都算唔錯, 而且仲好貼心咁幫我地切到細細塊咁, 方便我地食；而蝦餅都幾彈牙餐飲-跟粉麵半價$15因為叫左粉麵可以半價叫野飲, 都幾抵, 最抵就梗係叫特飲啦, 飲完爽晒總結, 越旺係唔會令我地失望的, 而今次個豉椒炒蟶子更令人有驚喜, 相信好快我地會再黎試其他菜式!…查看更多

朋友話我好鐘意食果間愛上米線轉左餐牌, 我個唔想出街既屋企人又想試下, 所以今晚就外賣返去食近尖東果頭, 位置方便換左餐牌人氣依然不變, 睇黎應該都係好好味, 令人值得期待功夫魚腐有機番茄湯米線-$53番茄湯個湯底幾濃厚, 酸度幾夠, 番茄味幾濃, 配合個米線幾好, 而個魚腐幾有魚味, 而且口感幾好家鄉酸爽豆角雞翼鵪鶉蛋湯米線-$49D個就係一向食開愛上米線既味道, D個一向都唔錯, 而配料就有兩隻雞翼同兩粒鵪鶉蛋, 都幾多餸, 幾抵食藤椒野菌雞粒拌飯-$56D個都幾辣的, 但都辣得幾過引, 而且野菌既香味幾正, 再加上雞粒啖啖肉好送飯, 唔錯黃金沙脆雞翼-$32一向都好鐘意愛上米線既雞翼, 而D個黃金沙脆雞翼既雞翼係將咁好味既雞翼再配上好邪惡既咸蛋黃, D個組合冇得輸總結, 就算轉左餐牌都係咁好味, 而且多左選擇, 下次想試下佢D好似車仔麵咁去點餸既米線先…查看更多

終於宣佈左0+3了, 好想去日本食壽司, 但竟然係收工前都LOAD唔到入航空公司網站,越諗越嬲, 唯有去揀間好味既壽司返屋企慢慢食同事介紹左間香港世一外賣壽司店, 叫鮨瀛海係TST D出口行幾步就到, 位置都幾方便款式都幾多, 有種越揀越想食既感覺講到明係用日本米整, 令人食得放心返到屋企, 就急不及待咁拎出黎,淨係見到個外賣袋咁靚, 而且有冰種幫手保持壽司既溫度, 令人加倍放心最後叫左12件, 其實我最鐘意就係D海膽類, 分別係海膽花之戀, 海膽帆立貝同海膽尤魚, 海膽真係有日本既級數, 鮮甜無比, 完全零腥味, 係口中化口既鮮味真係好耐冇試過, 更能吊起三文魚, 帆立貝同尤魚既味道, D個真係冇得輸我都叫左D貝類試, 分別有馬刀貝, 白玉貝同埋北寄貝, 貝類我最主要試下係爽口彈牙底下滲出既貝類鮮甜, 呢D完全帶到比我；而油鮨類既我叫左左口魚邊同埋鮫鰈魚邊, 滲出既魚油香真係令我差D令條脷都吞埋落口最後想講下叫左既魚類, 分別有深海池魚, 炭燒鰹魚, 三文魚腩, 平目, 真係好有日本既質素同感覺, 我好鐘意!總結, 唔怪得同事話係香港世一壽司外賣, 真係好好味, 下次經過可以試下其他。…查看更多

朋友約食飯, 佢想約我食橋底辣蟹, 我就同佢講, 近排收到幾張紅色炸彈, 又到月尾, 冇咁多錢食蟹喎,佢就同我講橋底辣蟹除左蟹之外, 其他小炒類都好出色, 而且都幾經濟我就跟住佢去搵好野食橋底辣蟹都幾離CWB地鐵站都算近, 行五六分鐘就到入面裝修就係傳統既中式酒樓咁, 平日黎講都算有D人氣架啦椒鹽鮮魷球-$88D個鮮魷用身幾厚, 但係個炸粉就做得好脆, D個配搭係一流的, 而且唔會整得過咸, 味道都幾惹味, 我地都覺得幾高質。橋底小炒皇-$78食小炒皇就最食得夠唔夠鑊氣, D個就好夠啦。入面有齊蝦干, 炸銀魚仔, 魷魚和腰果, 口感同味道層次都豐富, D個菜幾食到廚師既功架。蒜子火腩大鱔煲-$138鱔係炸完就放入煲煮的, 而且外面層炸漿吸左D汁去食個彈牙既鱔肉, 一絕呀! 而且有唔少火腩同埋支竹去索味, D個味道幾好。味菜火鴨絲炆米-$68D個每人都食到3,4碗, 份量幾夠, 而且味菜火鴨既味索晒入米粉到, 就算飽都想食最後叫埋單先知原來係會送糖水的, 而且仲要係木瓜雪耳糖水, 夠晒清潤。總結, 原來橋底辣蟹唔食蟹都仲有好多好食既小菜, 而且都係大約$7X-$8X左右, 都算幾經濟, 係個食飯吹水既好地方。…查看更多

有段時間無去越旺食野, 點知去到見到好似冇左, 勁失望囉!即刻上OPENRICE去睇下係咩一回事,原來有另一間越旺開左, 即刻去睇下係發生緊咩事!D個越旺明顯比舊果間光猛, 而且位置都算方便呀, 一定好過舊鋪入面既空間感勁大, 坐得好舒服, 傾計一流!蒜蓉牛油雞翼-$58蒜蓉牛油勁香, 勁入味, 勁好味, 而且炸得外脆內嫩, 仲有好多肉汁, 一流既選擇馬拉盞炒通菜-$63勁大碟, 我地食極都仲有, 好抵食。而且馬拉盞勁香惹味, 每條好嫩既通菜都掛到D個汁, 好有滋味!生牛肉河-$52首先試個湯, 幾香牛湯味, 而且幾清甜, 唔會成口味精既感覺。而且D牛肉幾多, 襯起D河粉到, 就算依架熱到上35度都有胃口想一直食落去。馬來濃湯蝦麵-$71我地食到咁上下清甜既生牛河, 跟住就黎左個濃味既馬來濃湯蝦麵, 濃得黎好有蝦味, 絕對唔係味精味。入面好多料, 有蝦, 有魚片,豆卜等等, 好豐富, 而且仲可以揀摻摻, 之係米粉+油麵, 唔錯最後一邊食, 一邊飲青檸Soda同咸檸Soda, 爽晒!總結又好味, 又方便, 坐得舒服, 服務都OK, 下次再黎食過!…查看更多

近排開始約返朋友出黎食飯因為真係太耐冇見啦, 太多野想傾了一定要搵間可以比你坐得耐, 又坐得舒服既餐廳, 所以今次就揀左係油麻地既Plato Cafe雖然食左好多年, 但都仲KEEP到新淨光猛舒服, 好難得Burger 餐-$178我地SHARE黎食, 所以一黎到就切開佢, 切果下已經FEEL到個包好鬆軟, 而且塊漢堡扒D汁出晒黎, 淨係見到已經好想食, 食落果然同見到既係一致的, 塊肉仲幾有牛肉味, 好高質呀! 而且薯條應該係即炸出黎, 又炸又好味, 邊傾邊食真係好快就會食完比目魚扒SET-$208煎得好香口, 而且魚肉係比較結實的, 塊皮就夠晒香脆, 魚油一邊食一邊滲出黎, 勁香口勁好味, 而且仲有D薯角做伴碟, 整體感覺唔錯只有係$34的飲品就唔洗加錢, D杯姜檸就唔洗加, 友人話姜味都幾突出, 甜度就可按自己需要去加而我就叫D杯Oero Milk Shake, 跟餐要+$24, 但我覺得抵比, 因為真係好好飲, 飲落好順口, 而且Oero味都幾濃心太軟+雪糕-$38個心太軟朱古力味好香濃, 切開少少, 就有濃濃既朱古力湧出黎, 實在太誘人了, 而且加上雲尼拿雪糕, 一凍一熱, 令我地回味無窮總結, Plato Cafe食左咁多年, 都仲保持到咁高質, 而價錢好似一直以來都咁上下, 性價比高係我地心目中仲依舊保持到! …查看更多

係APM收工, 因為落大雨廢事係出面搵野食啦所以就係APM搵間性價比高的, 發現3樓塚田農場DSET都係百幾就有交易環境又唔錯, 所以入左去啦環境係日本風為主, 感覺乾淨舒服安格斯牛小排定食-$148定食係除左有好靚既安格斯牛外, 仲有漬物同麵豉湯。安格斯牛有十塊, 肥廋比例適中, 食落有少少牛脂味, 更能帶起成個牛肉既味道, 用黎送飯真係超一流, D個我覺得係必點的牛肉壽喜燒鍋燒烏冬御膳-$108而除左烏東外, 原來仲有個刺身飯, 點小食咁食都唔錯。D個既牛就偏廋少少, 所以淥既時間要再控制得好D, 如果唔係就好易過鞋口, 而腐皮同烏東甜甜地, 令人好開胃, 有越食越想食既感覺湯烏東-$18食完佢個烏東仲想食多個, 所以叫多個烏東, D個就冇壽喜燒果個咁甜, 但昆布味同烏東永遠都係最好既朋友, 好夾好好味總結我地都覺得必點係安格斯牛小排定食, 真係好好味, 值得一提係位真係好大, 就算餐廳坐滿人, 都覺得仲好有空間感, 好舒服。…查看更多