ssp.food god的个人专页

系附近上堂放lunch, 打電話book 定枱。去到見室內set 定咗枱13 人仲加埋轉盤，方便大家傾計，而今日天氣熱有冷氣茶仔又可以望到戶外風景，呢個系好chill 亨受。各人散點set lunch分單，姐姐們完全冇問題問足哂餐飲配搭，午餐$48-55凍飲都係加$3，仲要有D鑊氣，未食前朋友睇食評冇信心，但已經成2 年前！食完個個讚抵食！正常茶仔服務屬正常，未必好熱情笑騎騎招呼，但計埋價錢又冇限時放鬆舒服食一餐，多啲支持小店生存，否則全部又係連鎖店兼限時食飯又收加一啦！仲要自己掃機入單。…查看更多

九龍城區食飯30 幾年，附近糖水鋪都有幫襯過，今日第一次見識凍腐竹雪耳清心丸$48系直接加冰粒，味道越食越稀又淡，冰粒仲有水喉味，系創新煮法？！未聽過有實力糖水鋪會用冰粒直接加入傳統糖水就係雪凍！凍品仲要加咗$2。完全失去過往真材料及味道，做生意賺錢應該但要取之有道，為應付絡繹不絕人客而粗製作品，會否辜負老字號名聲？食物好食之留情而長期支持，否則留錢不留情。…查看更多

好友相聚吾想諗食什麼點餸是不錯選擇。但火煱有4步曲，對第一次來的客會有選擇困難，要每人4 選一前菜，人多的話會好混亂，因為要食酸菜魚或鷄㷛，要2 人以上才可以叫，單人可叫芝士蠔或半份龍蝦。第二輪選湯底，有8 款上以，鴛鴦都唔駛加錢第三輪按人數海鮮及靚牛肉一次性送上，再叫需要補錢!!! 其他蔬菜和丸有蝦無限量掃WR code 非酒精飲品免運任飲。整體每人$400 以下，無限時打邊爐，牛肉有三款算上乘品質，海鮮正常有蝦、鮑魚、聖子（有小小沙）、帶子、鱔片、和大蟹柳各一，輕鬆舒適環境算不錯選擇。…查看更多

幫襯原因：第一次來時見名字以為高價潮州食肆，望完門口餐牌及價錢，值得試吓！系旺角食飯周圍不是限時就坐得擠迫。這裏食得舒適價錢合理。食過番尋味後一星期又嚟 ，服務親切老闆娘詳細解釋各套餐，令人食得窩心。讚賞地方見微知著，從餐具配套木筷子🥢較一般長，令客人不會太貼近火爐燙到；有2 個不銹鋼小筲箕掛方便掛窩上淥食物；即棄厚身濕紙巾，以前上酒樓晚飯一坐低遞上熱毛巾抹手，代表歡迎客人光顧 。現在大部分食肆配額放一件小小濕紙巾已經難得，還肯用厚身濕紙巾，照顧到客人食海鮮🦞清潔需要。海鮮套餐新鮮生猛，刺身盤亦吾錯。只要叫套餐定食，散叫配菜又有優惠價，份量適中。今次專登試其他鍋-老闆娘推介黃酒鷄鍋，酒味濃郁鷄又滑，禁不住喝哂黃酒湯底，再食海鮮慢慢食，無限時吾需要趕，環境及食物質素遠勝放題任食。出街打邊爐除了爐頭，食材新鮮及價錢最重要，仲要環境寬敞係旺角慢食。😝…查看更多

環境： 日式裝修新淨光猛，坐位吾多有兩張大卡位及2 張4 人枱，經OpenRice 好早訂首輪坐卡位。食物和牛壽喜燒套餐 、燒粟米🌽、三文魚刺生、燒蠔。太子舊區附近都係傳統麻甩食肆，這個日式餐廳有清新氣象，做得認真。 侍應哥哥斯文有禮，好細❤️服務。…查看更多

搵個地方慢食傾計及藉口試下高級地方😀同朋友慶祝生日🎂入門口除了海景吸引外，映入眼簾係雪白熨平枱布及擺設整齊一份份餐具，伴著高腳水杯，周圍包圍著平靜舒服氣氛。😇直至入坐後，被自私行為高聲說話大談投資女強人款的lady 破壞了😩加上踏入lunch 時間坐滿像快餐店般坐得密密麻麻，稍為冇私隱談話了😥其實大部分食客都斯文細聲傾計。整體食物質素好好，午餐平日星期一至四仲可以買一送一，服務殷勤有禮，下次再揀平日子亨用…查看更多

環境新派裝修環境寬敞兼樓底高，4 人卡位2 張細方枱拍埋都有充夠位放三餸及茶杯碗碟都鬆動。食物叫咗2 人套餐，其中有2 個餸賣哂由小排骨改花雕雞、小黃魚改炒鱔糊，份量好足及味道好好👍🏻貨真價實。酸辣湯 2⃣️大碗，足3 / 4 人分享小碗，足料味道濃郁脆煎灌湯小籠包 小心危險‼️燙口！一咬汁液向橫射濺到透明隔版，好彩旁邊冇人，不過仍難逃被人濺到🥲百頁結紅燒肉 ，入味五層紅燒肉夠淋香口，啱喜歡古味 另外點灌湯蟹皇小籠包像小飯碗大size，先用飲管吸湯，再大啖吃餡料，🈵️足哂喜歡吃小籠包的人。總結： 🈵️意食物、🈵️意服務態度及回應，職員彈性處理套餐，令客人亨用優惠價嚐到美食，回頭率及介紹100%…查看更多

環境路邊有蓋單邊攤檔，另設有有冷氣閣樓 ，悉隨尊便。點餐紙增加新食物及廚師推介，原來剛轉了新老闆2 個月。食物質數提升不少，燒烤手勢夠火喉最怕串燒一系燒過火黑漆漆或燒得吾夠溫吞吞點名讚食物串燒魚片頭外脆夠彈牙，食物原材料高。燒蠔用錫紙杯盛載連同金菇墊底燒烤，保留原汁原味，仲有－口蠔水喝到😝總體燒烤手勢用心夠火候，原材料質數靚咗，食物燒得外脆內軟，加埋街坊價錢，招呼親切，燒烤手勢比得上日本串燒。多多支持小店生存。…查看更多

甫踏入門口眼見環境寬敞，新派中式裝修 ，卡位寬落4個人坐都鬆動，何況2 人坐更舒適。女知客Julia 肥叔叔，仲有紅衫老闆都服務殷勤有禮。同飯腳C 小姐點咗特色蘿蔔糕悶蟹剁椒班頭腩及口水鷄估吾到蘿蔔糕同蟹好夾味，🦀️肉鮮甜新鮮班頭腩都吾錯新鮮不過略嫌肥溜，可能食完蟹已經好飽。口水鷄醬汁混得好好，我哋留番來點其他餸，而鷄肉就麻麻地有待改善，醬汁可以變皇牌產品有驚喜甜品第一次食棗皇人參燉雪蓮子，打開蓋有條小人參及一大粒去核棗及滑嘟嘟蓮子 食落夠滋潤。整體食物有創意用心做，視覺、服務及味道都從客人角度設計。用OpenRice 星期一至四仲有8 折優惠好地方好食物值得支持！支持！…查看更多

對酸菜魚控人，每逢有新酸菜魚小館必想去試菜😋今次由牛頭角地鐵站行成10 分鐘又搵路兜兜轉轉10 分鐘🙈🙈堅持要搵到為止😬 鋪名友義氣顧名思意朋友多好幫手，我哋搵路打咗幾次電話，老板都好有禮貌耐心解釋，其實系九龍灣地鐵站可能好行D、鋪面系休憩公園遂道旁邊。小鋪光明潔整，給人乾淨舒適冇壓迫感🌸一甫坐下叫小辣多麻酸菜魚🐟再叫咕嚕肉🐷試下廚師是否夠穫氣🔥賣相非常掂👍🏻👍🏻👍🏻味道接近大陸原味85%😋😋😋😋咕嚕肉燒烤菠蘿原件1 件伴碟，肉件夠脆口多汁，伴酒吾錯回頭率100%…查看更多

太子區日間酒吧有午餐吾多，就都係有好簡單份量少，味道同茶餐廳差不多。中午返工前見新開酒吧都有午餐，環境寬敞開揚，座位大班椅size 吾會迫夾，午餐價錢$58-88 新張期間冇加一，點都捧場試吓支持飲食業。紅酒牛肉面頰有水準味道濃郁，入口溶化份量足夠2 大塊 ,餐飲黑咖啡☕️用厚杯專業水準。當中俾小小意見白飯有待改善，少女侍應即刻扣減飯錢$5，回應迅速令客人回頭率100%及受重視，老板請到好職員！食物+環境+服務每一環節都係互補不足，令客人成為常客因素。…查看更多

生日飯局，吾介意俾最低消費每位$500所謂坐window seating ，張檯setting 系窗邊側斜兩傍，個景得3/4及有點距離，如果大時大節額外收費會合理D。 張枱旁有一排到頂酒杯櫃，顧客背後及頭上有排玻璃杯無遮無掩擺放，侍應又常提取會否騷擾顧客及增加危險食物水準只可以說普通過普通，冇要求。印象深刻：水煮魚食到潺味少許魚鱗墊油麥菜😩脆鱔吾脆配菜多過脆鱔條其他吾系過咸就太油吾夠熱除了酸甜骨推介🤪平時點菜喜歡散叫試多啲菜式。問侍應有什麼名菜，只係推介食套餐，佢自己番來番去menu，講吾出有咩好食，有講咗特價菜，如果系旺角食飯，這些服務會接受。我地飲完一枝紅酒🍷，才推介有推廣紅酒特惠，一直由坐低服務到上菜食物水準已經食得吾暢快，到尾先推介酒水，最後我叫了2 罐可樂解渴高級食肆價錢高預咗，嚟得K11 musea環境好預咗，但食物及服務吾匹配，純飲酒傾計可以，所謂川菜嗜辣吾好有要求吧！最後我哋window seating 位置，有一班人影相及揸住酒杯🍸企到傾計成15 分鐘，好似以為係蘭桂芳酒吧，這樣冇經理去處理下，對我嚟講騷擾及吾公平。系我太認真 ！太奄尖另類！浪費朋友慶祝生日🎂心意…查看更多

喜歡原因： 深水埗汝州街越來越多茶記，老實講間間食物價錢差不多，味道千篇一律。食得多自然要求食材真材實料（ 長期飯堂）嘛！健康D又得、濃味D又得，對自己要好D，話明茶價錢💰💰，食得輕鬆，$40-$50蚊食到中環高檔茶記食物質素。識食食🉐️出，高手真係在民間😃強烈推介：豬潤嫩滑冇燥味😋😋👍🏻👍🏻👍🏻 芝士鷄亦, 功夫菜 外脆內爆芝士汁，啖啖肉，好食 過連鎖快餐小小提示：深水埗茶記要求食物真味道，好手勢。…查看更多