Uren的個人專頁

已經好耐冇寫過Food Blog，不過好想記念吓同男朋友🐻一齊去試嘅依間餐廳！其實係睇到好多人嘅推介，見到啲相都好正🤤，我哋係星期日7點左右去到，都排咗一陣隊先有位。我哋叫咗3碟試試，仲叫咗杯泰奶share😝！-🍴爆蒜炒蟹肉滑蛋飯🦀($88)基本上係每枱都有叫到嘅飯，一開始亦都係依碟飯吸引到我先，因為啲蟹肉好多好大粒！蒜茸炒得好香，有少少似避風塘嘅感覺，仲會有啲泰式酸辣醬可以配，唔怪之得咁多人推薦！-🍴泰式炸蠔餅🦪($118)啲蠔都幾大粒，炸完出嚟都仲好多水份，隔離啲脆脆好有蛋香味，唔會好油！-🍴粉絲蝦煲🦐($168)店員係我哋面前開蓋，粉絲有剪到適合嘅長度，唔會好難夾，都有唔少蝦！用咗肥豬肉炒香啲蒜頭，加上泰式香料，成個煲都好香，而蝦肉好重金不換嘅味道！-🍴泰式奶茶🥤($38)雖然叫咗大杯，但係都唔算好大杯，個味道好正宗，甜甜地，飲吓飲吓就飲曬🤣。…查看更多

同朋友收工之後，去咗商場行吓街睇吓嘢🛍️，行到咁上下，見到依間餐廳幾吸引，個裝修都好靚，有種Relax嘅感覺🌱。店員都好nice，原本坐係近門口嘅枱，後尾另一張枱有位，都會安排我同朋友轉枱。食物質素都好唔錯👍🏻，價錢又唔算貴，都幾推薦依間餐廳！我哋叫咗個Happy Share 二人餐($428)🤭。-🍴小食拼盤 (薯條、水牛城脆炸雞棒2件、沙律)薯條🍟食到係新鮮即炸，因為真係熱到辣口！水牛城雞棒🍗已經拆起咗舊肉，非常方便食用，加上水牛城汁，好開胃！-🍴特濃香烤芝士忌廉雜菌雞肉意粉🍝(微微微辣)芝士忌廉汁好濃，捲起意粉會見到芝士絲🧀，意粉口感啱啱好，雞肉同雜菌都有炒過，所以有少少焦香味😚，叫咗小辣都完全唔辣，怕辣嘅人可以叫走辣，不過會相對膩啲。-🍴海鮮盛宴 Seafood Umami (明太子、沙律醬、蟹籽、大蝦🍤、蜆肉、魷魚仔🦑、馬蘇拉里芝士、紫菜絲)Pizza🍕好大個，嚟嘅時候都有少少嚇親，批底都係薄身，批邊有啲似餅乾🤣，中間海鮮好足料，每一啖都有好多芝士同明太子沙律醬，好好味！不過食嘅第一啖，有少少日式風味🇯🇵，可能因為有沙律醬同紫菜，去到最後真係飽到食唔曬。-🍴是日蛋糕🍰 (特濃朱古力蛋糕)蛋糕朱古力味🍫好濃，唔會好甜，蛋糕面頭同邊邊都好似佈咗一層生朱古力咁，好正！-🍴凍檸檬蜂蜜🍯-🍴青提子茉莉花茶梳打🥤…查看更多

今日晏晝同同事一齊去食沾麵，平時都見到依間餐廳好多人食😚，今次就嚟試吓！總共有三款唔同味嘅沾麵，我揀咗黑芝麻味，因為實在太肚餓，亦都加多咗一set配料🤣。麵嘅大細、凍熱都有得自己揀。-🍴魚介豚骨焙煎黑芝麻沾麵($85)🍜見到餐廳嘅牆上面，都有沾麵食法嘅推介🤣。原本係沾麵汁入面都有啲荀同肉粒🐖，黑芝麻經過焙煎之後都好香，而且配埋口感啱啱好嘅麵條，味道都幾有驚喜🤩！-🍴我全都要套餐🤪($40)包咗叉燒、腩肉叉燒、半熟蛋荀同紫菜，因為想咩都試吓，就叫咗個全包套餐，咩都可以食到！…查看更多

上網見到壽司郎新出咗一啲單品，好吸引！第二日即刻去咗朝聖😝！好在晏晝去嘅時候早少少，唔洗排隊，直接入座，過多陣已經開始要拎飛🤓。-🍴蜂蜜牛油味卡達拉娜🧈($22)出品仲會有個迷你卡樂B薯片包裝，好鬼得意👻！卡達拉娜面頭會有一層焦糖，食落嘅口感同其他卡達拉娜都係差不多，口味完完全全就係還原咗同薯片一樣，好神奇🤪，甜甜嘅蜂蜜牛油味，整體偏甜！-🍴北海道粟米忌廉可樂餅🌽($17)眾所周知，壽司郎嘅炸物都係即叫即時炸出，可樂餅都唔例外🤣。切開可樂餅，中間嘅粟米忌廉填滿晒，而且就會見到粟米粒，味道係粟米忌廉湯嘅味道，估唔到都幾好食🤭！…查看更多

已經好耐冇食串燒😙，今次見到依間新開嘅餐廳幾唔錯，價錢上又唔會話好貴，收工之後就同朋友嚟試吓🤣！因為我哋都幾早到，所以唔使等位，食完嘅時候見到都幾多人要等位，如果大家想食，可能要預早少少🤓。-整體啲串燒都好高質👍🏻，叫完都好快上枱。最出色一定係炸饅頭、陀地燒生蠔🦪同陀地燒茄子🍆。炸饅頭會有一小碟煉奶，饅頭唔會食落好油，炸到外面金黃色之餘，入面仲保留住原本饅頭嘅香甜味🫶！燒生蠔嘅蠔唔會燒到縮曬水，啲肉仲好水潤，配埋上面嘅蒜蓉醬汁，令人食到舔舔脷😋！燒茄子都好大條，上面佈滿蒜蓉醬汁，一啲都唔孤寒，燒得啱啱好！-🍴招牌牛肉串🐂($18)🍴新疆羊肉串🐑($18)🍴鮮雞腎串🐓($10)🍴椒鹽雞軟骨🐓($9)🍴厚切牛舌串🐂($28)🍴燒五花腩串🐖($12)🍴孜然燒雞翼🐓(2隻)($14)🍴陀地燒茄子🍆($30)🍴陀地燒生蠔🦪($12)🍴黃金饅頭🥖(4件)($20)🍴百香果水果茶🥤($28)🍴菠蘿青檸梳打🥤($28)…查看更多

係IG見到有其他人分享依間餐廳😙，好似都幾唔錯，今次就同同事去咗食午餐，睇吓好唔好食！-🍴雞扒, 牛油果醬, 酸忌廉&芝士漢堡🍔 配薯條🍟($128)漢堡包都幾大個🤤，雞扒都有個包咁大個，保證每一啖都有雞肉。牛油果醬🥑同酸忌廉依個組合唔會令人失望，配埋個雞肉一齊食，冇得輸🤭！除咗雞扒，仲有生菜同蕃茄🍅，令到成個包唔會咁膩！薯條係偏向粗身，見到有連薯仔皮🥔，炸得好香脆，仲有一小碟茄汁可以點嚟食！-🍴Flat White☕️ (+$10)咖啡嗅落好香，見到心心拉花🤍，個人都好開心。除咗飲到咖啡嘅香，仲有牛奶🥛帶出順滑嘅口感！-🍴是日餐湯(跟餐)午巿套餐可以揀是日餐湯或者沙律，今次餐湯係南瓜湯，感覺一般🙊，下次可以試吓沙律。…查看更多

收工之後約咗朋友，諗住食飯嘅時候吹吓水💦，加上又有少少想食韓國嘢🇰🇷，於是揀咗依間餐廳。餐廳裝修風格都係韓風，最特別係餐廳一邊嘅座位裝修到好似二人自修室🤣，上邊仲有啲模型同微型屋，好得意🫶！嚟緊佢哋依間分店會搬，大家要小心留意呀🙊！-🍴醬油蒜香炸雞🍗(半份)配香腸年糕串($140)炸雞等咗一陣就嚟到，新鮮熱辣，見到都流曬口水🤤！半份雞大約有6️⃣件，每件都頗大件，醬汁鹹鹹甜甜，都幾好食！香腸年糕串有炸過，年糕外脆內煙韌❤️，配埋香腸，完全難以抗拒🥰！-🍴海鮮煎餅🫓($148)海鮮煎餅基本上全部都係配料🤪，有唔少蔥、紅椒、洋蔥🧅、魷魚🦑、蝦，仲有啲蜆仔，煎到金黃色，非常香脆👍🏻！點上佢哋嘅醬汁，唔會話好鹹，仲令到煎餅冇咁單一！不過對於兩個嚟講，真係有啲大份😬，建議多啲人一齊分，仲可以食多啲唔同食物。-🍴Oreo奶昔🥤($78)都好大杯，不過價錢上有少少貴💸。…查看更多

今日食飯去咗朗豪坊，行過見到依間拉麵店，好似幾好，加上唔洗排隊直入，於是就去咗Try Try😗。坐底之後，店員就會提供QR Code，用佢嚟落單。-🍴二刀流拉麵🍜(香濃豚骨湯)($90)因為本人唔食蔥同荀，所以叫咗唔上🙊。二刀流包咗兩款唔同嘅肉，分別係豚角同叉燒，拉麵仲有半隻溏心蛋🥚。湯底都幾濃，餐牌上寫住選用咗大量豚骨、小魚乾🐟、貝柱同蔬菜而煮成，好足料🤓。溏心蛋亦都好好食😋，不過兩款肉類就麻麻地，首先叉燒雖然都幾厚身，不過正正因為厚身而令到有啲難咬，其次豚角望落幾靚，一層肥一層瘦，但係好鹹😐。-🍴相傳煎餃🥟($48)煎餃有5隻，味道正常，冇咩特別😂。…查看更多

今日一個人去食飯，適合一個人食飯嘅餐廳都唔會話好多，今次揀咗其中一間🤣，就係燒肉Like啦！餐廳入面有一邊Bar枱望牆嘅，另一邊就係正常2至6人嘅枱，店員會視乎客人數量而安排。-🍴牛小排 & 牛板腱🐮配日式牛肉漢堡套餐 100g 🇯🇵($149)日式牛肉漢堡係最近嘅推廣，需要放係爐上加熱2️⃣分鐘先可食用，佢亦會配有咖喱/芝士🧀/生蛋黃，而也米😍選擇咗芝士，芝士亦都要放喺爐上加熱2️⃣分鐘。牛肉漢堡使用咗100%嘅牛肉，烤到兩邊香口🤤，加埋拉絲芝士，好好食！套餐除咗肉之外，亦有沙律🥗、麵豉湯、白飯🍚。如果唔想食沙律，可以選擇泡菜。沙律🥗麻油味好香，好清新。白飯嘅份量亦都能夠選擇👍🏻，分別係100g、200g同300g。食幾多就揀幾多，唔要浪費食物！…查看更多

天文台預報會落雨☔️，加上個天陰陰地，最好都係留喺大商場食飯🫢。同同事一齊去咗食Cafe，之前未食過，希望好食啦🤣！-🍴煙三文魚明太子雜菌意粉🍝($103)意粉口感都幾硬，要咬多幾吓先可以吞到😗。煙三文魚有一大片同一小片，會捲成一朵玫瑰花🌹放喺意粉上面，明太子會有少少鹹，不過完美混合意粉，所以每啖都會食到明太子味嘅鹹香😙。意粉入邊亦都有唔少嘅雜菌粒同埋洋蔥，配料上面唔會太過單一。-🍴朱古力鮮奶咖啡 Mocha ☕️(+$15)個拉花好靚，係3個心心🤎🤎🤎！咖啡加咗奶泡，味道上唔會苦，仲會有一浸奶香味🥛！…查看更多

同🐻仔唔知食咩好，行行吓見到依間唔錯，上網睇個評論都好似幾好😚，於是我哋就入去試吓！餐廳燈光係黃燈，坐係個窗口隔離，望到少少海，都好有feel❤️！我哋叫咗個二人餐($488)，包咗前菜、主菜、甜品同飲品。-🍴前菜(雜菜湯🍲 & 意大利牛肉丸🐮)雜菜湯會飲到薯仔蓉🥔，唔係求其貨色，不過所謂嘅雜菜，其實只係三色豆🙊。亦都會附有一片蒜蓉包，都頗脆口，可以點湯食👍🏻！而意大利牛肉丸係用茄醬🍅做基底，食到係牛肉碎，調味都幾好食！-🍴主菜 (惹味烤雞軟薄餅卷🌯)烤雞同埋薄餅卷分開兩個碟呈上，烤雞會放在鐵板上，附有3️⃣種醬汁，分別係茄醬、乳酪、牛油果醬🥑。食法同片皮鴨有啲相似，薄餅卷捲住烤雞同埋三色椒，可以令到味道更加豐富，更加有層次😋！-🍴主菜(澳洲烤羊扒🍖) (+$58)烤羊扒🐑都幾大份，我哋揀咗五成熟，外表烤得頗香，餐廳都考慮到可能比較難切，亦會提供比較利嘅刀🔪比食客使用。隔離亦都有沙律🥗，可以減少油膩嘅感覺。-🍴甜品 (朱古力蛋糕🍫🍰)朱古力蛋糕偏乾身，朱古力味唔算重，隔離會有一球雲呢拿雪糕🍨，可以蛋糕加埋雪糕一齊食！-🍴飲品（凍檸檬茶🍋)…查看更多

收工之後同🐻仔去咗荳子Cafe到食晚餐，都要排隊等咗一陣先有位，不過店員態度都好好😌。係入餐廳嘅時候，都要搓佢哋自己嘅酒精搓手液，有5款香味比食客選擇。-🍴黑松露軟殼蟹意大利粉🍝($132)基本上每次嚟都會叫依個意粉，用咗唔少菌類同洋蔥絲🧅去做個底，加埋黑松露醬，真係好香🤤！意粉口感啱啱好，軟硬適中！軟殼蟹🦀雖然都偏細隻，不過有兩隻，炸得好香口！-🍴千島醬蟹棒蟹籽帆立貝薄餅🍕($118)薄餅睇得出係啱啱焗起，啲芝士🧀仲好拉絲，食落千島醬都少少甜甜哋，薄餅面頭都有唔少配料，係視覺加味覺雙重享受😋！-🍴黑松露蛋黃醬薯條🍟(+$30)黑松露味好香🤩！薯條數量都幾多，係偏向粗身嘅薯條，外皮同頭尾會炸到脆卜卜，不過中間仲有啲肉可以食吓！-🍴檸檬蜂蜜(凍)(跟餐)🍋…查看更多

平時見到依間餐廳都好多人去食，於是今次就去試吓啦🤤！餐廳門口有三隻豬燈籠🐷🏮，好容易辨認，超得意！-🍴雜錦海鮮炸物丼飯🍤🍚 ($92)炸物分別有軟殼蟹🦀、海蝦、廣島蠔🦪、三文魚、南瓜同冬菇，都好多款，炸物下面有椰菜絲👍🏻，食嘅時候減少咗油膩感，不過美中不足係啲飯有少少濕🥲。除咗丼飯之外，仲配有味噌湯、蕨餅同一小碟甜醬。最有驚喜係個炸海蝦🍤，口感好彈牙，一啲都唔hea🤩，加上炸衣唔會好厚，好好食！-🍴熱奶茶☕️(跟餐)…查看更多

今日晏晝同同事一齊去咗HeSheEat食餐😆，餐廳裝修主要係木系🪵同灰白tone，比人有一種chill嘅感覺🌱。-🍴香煎海鱸柳忌廉燴扁意粉🍝($98)平時食魚最怕夠骨😶，今次叫咗海鱸柳，都煎得幾香，雖然都係食到少少嘅幼骨，不過都有好大片魚肉🐟。意粉口感唔錯，仲會有啲蘑菇片係入面，加埋啲芝士🧀，都幾好味！-🍴薯條配黑松露蛋黃醬🍟 ($62)薯條係偏向粗身，食落香脆，同其他餐廳有少少唔一樣🤔，多咗一層薄薄嘅炸衣，令到薯條有少少輕盈嘅感覺！黑松露味都好香🤤！-🍴蘑菇湯 / 田園沙律🥗 (跟餐)-🍴凍檸檬茶🥤 (跟餐)…查看更多

同🐻仔行過SUKIYA，見到難得唔係好多人排隊，仲要出咗韓式拌飯系列🤤，就即刻衝咗去排隊。眾所週知，依間餐廳都要等一段時間先有得人座，而我哋只係排咗大約15分鐘，就有位lu，真係好好彩🤣！-🍴熱溶三式芝士牛肉韓式拌飯炸雞套餐🥘(M)($84)炸雞套餐包咗三件炸雞🍗同埋一杯飲品🥤。韓式拌飯有唔少配菜，包括涼拌芽菜及紅蘿蔔絲、通菜、泡菜、紫菜同埋溫泉蛋🥚。佢哋嘅韓式辣醬會分開一小碟提供👍🏻，食客可以按自己的口味喜好選擇份量，雖然見到好多辣椒籽，但係味道上唔會話好辣🌶️。飲品方面因為唔想飲有氣嘅飲品，最後揀咗冰紅茶。-🍴 牛肉韓式拌飯炸雞套餐🥘(L)($71)同以上套餐一樣，只係個飯叫咗大碗嘅，同埋冇叫到芝士🧀。也米😍認為有芝士會令到個拌飯更加有層次，作為芝士愛好者，一定要食😋！…查看更多